يالمستهين بكون طعناتك صغار
‏بعض الجروح تظّل لو هي صغيره*
‏⠀⠀
‏ماعاد لي قدرة على سرد الاعذار ،
‏انا ، عطيت الكل فرصة أخيرة .
‏⠀⠀
‏على كثر ماني حزينه بالأشعار
‏أنا ، من اللي ما تبيّن كسيره.

محتاجه لـ ضحكه على وجه الأقدار
‏شاللي يبي يجلب رضاها وأصيره؟
‏⠀⠀⠀⠀
‏"يقتلني إن إيديني لحلمي قصار !
‏واللي حواليني يديهم قصيرة "
‏⠀⠀
‏"يارب أنا ماكانت أحلامي كبار
‏لكنها راحت .. مراح الكبيرة"

7 سبتمبر -
اليوم اكملت عام جديد من عمري
‏اللهم إجعله عام أفضل مما مضي
‏وإكتب لي الخير فيه 💗🙏🏻

الأخوات نجوم مطرزة في ثوب
‏السماء لا غيّب الله نجماتي .

صرت هادي وصار طبعي منطوي
‏من بعد ماكنت أكثرهم كلام
‏والهدوء اليوم .. مرويني روي
‏لاشعور ولا عتاب ولا ملام
‏مابقى لي غير ضعف بي قوي
‏عزتي ترفض .. علي الإنهزام

جابك الحب ! ولا طاري الشوق ؟ ياللي
‏طلّتك جفّت احداقي وهي ترتجيها

‏ازهر النور ، واثر النور ، من حول ظلي
‏ينبت من الدروب اللي خطاويك فيها

‏والله ان ذا جبينك وان ذي عيون خلي
‏وان ذي الطلّه اللي من زمان احتريها

يا شعور السكينه في صلاة المصلي
‏يا طمأنينة الأنفس وما تحتويها

‏يا اعذب من البراءه واطهر من التسلي
‏صدفة ٍ جابتك ،، ودي اقبّل يديها

‏كيف اخليك ؟ وانتي وهبة المعطي اللي
‏لا عطى ما يهمّه حمد من يقتنيها

‏لو لمحتي عيوني ؟ يوم ارحّب واهلّي
‏ ماقويتي على ليله ! تغيبين فيها

‏لا تغيبين ، لو عني تغيبين ! من لي ؟
‏من فقد ضحكتك معذور لو يشتهيها

‏لو تولّي السنين ! محْبّتك ما تولّي
‏لين مالله يرث الأرض واللي عليها
- سعود مهدي

‏بعدمَا يُضرب المرَء مِن أكثر أمَاكِنه طمَأنِينة
‏ و تصُبح كل الأمَاكِن مَحط شك وريبَة

اذا شوفتك لازم من الوقت تنسرق سرق
‏ترى ماأجمل من الشوفه اللي تجي سرقه.

‏"إنَّ الله إذا أراد أمرًا أزال العواقب وأتمَّه، اللهُمَّ تمام الأمور، اللهم البشائر والتياسير".

استيعابك أن " الدنيا فانية " يخليك تتغاضى عن أمور كثيرة جداً ولا تبدي فيها حتى أي ردة فعل ..

ياللي على الغبن متصبر ومتدله
‏وصاتنا عندنا فلا توصينا

‏مادام نعرف طريق الحق وندله
‏والناس لا جات تدعينا باسامينا

‏واقدامنا سالمه من دوسة الزله
‏والله شكر ساعينا واعتق نواصينا

‏الحمدلله على المله على المله
‏وجيهنا بيض والنيه تقدينا

‏لو مابقى غير ذا الفنجال والدله
‏ان كان عشنا ومتنا ماتقهوينا

‏مشروهك العينة لو تحمسه وتزله
‏ترى مانقبل سوى شرهة مخاوينا

‏اكبر مقامات حب الصاحب الخله
‏خوينا لاعرفنا مايخلينا

ظلاله ظلالنا ، وظلالنا ظله
‏واليا دعانا الخوي في لازمه جينا

‏في ذمتك فرض كانك طعتني صله
‏حنا قبل لايفوت الوقت صلينا

- علي الغياثين

بعد عقد القران همس لها قائلا :
‏لم يكن الوصول إليك سهلا أبدا ، فقد جئت بك بدعوة في منتصف الليل، وبصدقة بين يدي فقير ، جئت بك بغض البصر عن كل ما هو محرم ، وبدعوة ثابتة في كل سجدة ب " اللهم هي "

لي قلب من شيمته لامن نسته القلوب
صد ومعه كلمةٍ تجرح .. ولا قالها !

‏"أحب الرحمة وأحب من يتحلَّى بها، وأنا على يقينٍ تامٍّ بأن الله يَرعى قلب من يُراعي قلوب خلقِه."

‏وإن كبُرَتْ همومكَ لا تُبالِ
‏فلُطفُ اللهِ في الآفاقِ أكبرْ
‏ومن غيرُ الإلهِ يُريحُ قلباً
‏تخطّفَهُ الأسى حتى تكدّر
‏سيأتيكَ الذي ترجوهُ يوماً
‏فلا تعجَل عليهِ وإنْ تأخّرْ
‏ولا تجزعْ وقُل يا نفسُ صبراً
‏فرحمنُ السماءِ قضى وقدّر
‏سيلطفُ بالقلوبِ ويحتويها
‏ويجبرُ في الحنايا ما تكسّرْ

‏' رفيق الروح ' لا هوّد ظلامك ، يرهق التوّاب
‏وطواري ذنبه الأسبق غدت ترخيه ، وتتّله

‏وعر هذا الطريق واخره حلم انكسر به شاب
‏تباطاه المدى واوغل جروحه والمدى مله

‏رفيق الروح لا باروا بقلبي مجتمع ، واصحاب
‏اخبر انت الخليل الي يداري الهم عن خله !

‏اخبر انك ، تظن الشعر يفتح للسهارى باب ؟
‏' ابكتب ليين ما تاتي ' اذا ظنك على حله !

‏رفيق الروح ما ترجع ؟ تعال وصدرك المحراب
‏' ايممّ له ' عن اوجاع المفارق واعتكف ظله

‏غدى حلم اللقى بيني وبينك فص ملح وذاب
‏وانا الي كنت لجل الوصل مالك درب ما ادله

‏عرفت ان الفرح بعدك وهم وان الأمل كذّاب
‏وغدى سيفي قصيد ان غارت الاوهام آستله !

‏اشوفك حلم كل ماله يطول وانتظر وش جاب
‏متى ترجع تعبت اكتب واجيك اتسوّلك طلّه

‏مع ان هذا الحنين،وذكرياته ما تعتق ارقاب ؟
‏( تمر قْفار ارضي صورتك ) وتصييير مبتله
- محمد منيف

مساعد الرشيدي يقول :"لا تسمّع باهتين الذوق شِعرك" وهذي القاعدة تتوسع وتنطبق على أفكارك ونقاشاتك وإقتراحاتك وأحياناً على مشاعرك إعرف المُتلقي لها وخليك إنتقائي بكل شيء .

لا ضاقت الدنيا وضاقوا به الناس
‏عبدك ولا له غير رحمتكْ يارب

أذكرني فـي غالب أوقاتك ، وكلمني
‏مكاني فالذاكره ماهو على الهامش !

وش الوطن؟

‏يارب وانت بكل ما فيني عليم
‏سخّر لي أصحاب النفوس الصافيه

‏لو شحّت ظروفي فلا غيرك كريم
‏وان جارت ذنوبي عساها خافيه

‏عن كل ذنب استغفر الله العظيم
‏عن كل كسرة نفس أجر وعافيه .