إنَّها تكافح بطرق جبّارة
لتكون بهذا الاتزان والهُدوء والبهاء .

لو ما لها آجنحةٍ تساعد على الحوم
‏فيها من إلهام الطيور .. و ولَعها

‏في كل يوم أول ماتصحى من النوم
‏تقوم : وتقوم ( الفراشات ) معها 🩵.

*
صوت الضمير يقول مر وتثبت
‏وأن ما شرتك وجيه الأيام بعها !

‏كلما تعمقت في فهم الحياة، أدركت أن أكثر الأشياء قيمة لا تُرى بالعين، بل تُلمس بالروح..

«لا تضايقت وشعرت برغبتي فـ العزله
‏أنت حالي يا حبيبي .. خلّني في حالي»

‏"المكتئب لا تسولف له عن حلول
‏سولف عن أيّ شيء ، إلّا إكتئابه

‏لأن الحزن ألف شيء بشيء موصول
‏ما هو سؤالٍ .. تدوّر له إجابه"
‏

‏وراح الليل ماغيرك طواري يارهيف القد
‏تعال أجذب سناء نجم المقال ورد لأيامي

‏حسافة ينكسر ملح العباير و يتغشلى خد
‏عليه من البرد صفحة بياض وسيرة إلهامي

‏ما قلت لدربي اللي جابني لك يوم جيتك ود
‏تحبك كل خطوة مسرفة وتورد حيامي

‏حبيبي شف لنا بين السوالف سالفة وتعد
‏أنا معك السحابة غترتي و الديم هندامي

‏ومر البال واطراف ـ المحاني و استبد وبد
‏ما يشعل ثار بدوي فـ الثرى والليل مترامي

‏كتبتك والبحر موجه بصدري بين جزر ومد
‏دخيلك لا تواري ضحكتك وأموت بـ أقلامي

‏ودخيلك لا أتيمم فـ التجاهك و أتجاوز حد
‏وتطلع لا أنت خلفي فالطريق ولا أنت قدامي!
.

كنتِ بعصريّة الجُمعة تسلّيني
‏واليوم مدري متى عصريّة الجُمعة؟

لو خلقنا مشاعر وش تتوقع نكون؟
كان بكون فرحة وأنت ردة فعل


لو خلقنا سوالف وش تتوقع نكون؟
كان بكون أحبك وأنت باقي الجمل


لو خلقنا مشاهد وش تتوقع نكون؟
أنت مشهد مفارق وأنا مشهد وصل


لو خلقنا أماكن وش تتوقع نكون؟
كان بتكون قمة وأنا باقي الجبل


لو خلقنا رجاوي وش تتوقع نكون؟
كان ابكون تكفى وانت مالك أمل .

" بارع في محبة الأشياء .. كأنها خُلقت لي
وجريء في إفلات الأشياء كأنها لم تلمسني يومًا "

لله يا ملح اللــيـــال القديمـة
‏ما مر بك طاري وعدنا على بال

‏شدّ الرجا وأسباب حزني مقيمة
‏وظنون بالي بين نازل ورحّال

‏ليت السنين الي بدونك يتيمة
‏مثل السنين الي معك طيّبة فال

‏يقسى الشعور وينقص العمر قيمة
‏وتضيق الأرض الي من الجال للجال

‏وأنا على خبر اللــيـــال العقيمة
‏شـاعر يهِـيم فكـل وادي ولا زال

‏لا مرتّه ذكــراك قـدر وحشيمـة
‏ياقف وقوف المغترب فوق الأطلال.

"لا شيء يجعل المرء مزهرًا من الداخل أكثر من المحبة، أن يشعر أنه محبوب في المكان الذي فيه، فالعافية تأتي مع الحب أيضًا، ترى المرء يتنفس بشكل أفضل كلما وجد نفسه محبوبًا."

‏أنا كبدي بقاياها رماد و خاطري موسوم
‏بعد ذيك الدموع الشعر وش يكتب على شانه !

‏ياطول الليل كنّ الصبح كسبٍ في يدين القوم
‏نهار الشيخ توخذ حكمته من راس شيطانه

‏لو قيودي حديد اشوى و لكنّ القيود سلوم
‏و مجدٍ ما يطاول طول سقفه غير عمدانه

‏يشاف لحال لو من فوقه نجوم و تحته نجوم
‏فرق عنهم مثل فرق الشعر عن باقي اقرانه

‏خلقنا الله لا نسحب بشوت ولا نشيل ختوم
‏ليا منا سحبنا الحدب شلنا الراس ب امتانه

‏ماعاد البال يدله عن ملامة مكثرين اللوم
‏أنا أول من لقى حريته فقيود سجّانه

‏أعز الحب حبٍ فوقه اسراب العذاب تحوم
‏يردّ القلب مثل الحاكم ليا زال سلطانه

‏يا شوف عيوني أطلال المعاتب دارسات رسوم
‏عليك العين يذكر وسمها و الروح ضميانه

‏ نسيتك ! والله اني عقب ذيك الجمرتين التوم
‏سوات الي على فراش الوفاة و حوله اخوانه

‏يواسونه بقوله طيب و عسى بقاك يدوم
‏و تقول عيونهم ف وداعة الرحمن و امانه

‏يسومون المحبة و انت ساكت ما فرقت السوم
‏حبيبي لا بعدك خيانة ولا قبلك خيانة

‏تواسيني جروحي من يدك لو خنجرك مسموم
‏دخيلك يوم تجرح من جفا ولا من ميانه !

‏غدينا كنك اردى الناس و انا الطرقي المعدوم
‏لو انشدك ارخص الي في يدك ماقلت لي عانه

‏اخذت من الهوى ما ياخذ المعطى من المحروم
‏و عطيت من الهوى ما يعطي الشاعر من احزانه

‏عسى عينٍ تذوّقك المفارق ما تذوق النوم
‏و لا تهنى بشوف إلا تشوف الضيق و اعوانه

‏شرد ذهني و حارت حيلتي و لّا وراي علوم
‏لو اسولف بها شفت الملحّن يلعن آلحانه

‏ورى ناعس هدبك الي من الله كن فيه سهوم
‏ليا اقرى جفنه اعزّ السلام يكبّ حجَانه

‏تناعس له مصابيح السماء قبل النهار يقوم
‏متى ما اذّن و صلّى ليته يصلي من إيمانه

‏ليا اعتقت الحرير و حال دون العسجد المردوم
‏خطير يحوز ظلّك عن هله و يوقّف وزانه

‏احسب اني عليك اجرى من البارق على الديموم
‏يا حيّ الموت و لا الهقوة الي مالها خانة

‏هقيتك كلمةٍ يردع بها الظالم عن المظلوم
‏و أثرك الكلمة الي بين قلب الزور و لسانه

‏عسى ما بيني وبينك ما بين البارحة و اليوم
‏يا لو كنّك حدا قصايدي في هيئة إنسانه

‏نهار اني تمثنيت البحر قدام اعرف آعوم
‏ عشان الي نهار موادعه وادعت نسيانه

‏ماشفت الدانه إلا شفت والله موتي المحتوم
‏أنا ما دامني حيّ الحياة اغلى من الدانه

‏أنا بعدك ما كنّي غير طيرٍ يوم ملّ الحوم
‏على كثر الشجر وقّع على شباك زنزانة .

فداك الصبح و أحلام الصغار و ضحكة الأصحاب
‏و بيضان القلوب و لابس النيّات مقلوبة

‏فداك الشك لا صاروا لي اخوان السنين أغراب
‏و غابوا و كل قلبٍ يحرق اللحظات بـ اسلوبه

‏تعدّى الجرح في صدري معك مساحة استقطاب
‏تحاليت الجروح و كل حاجة منك مرغوبة .

"جابها حب القصيد وذايقتها الصعبه
‏فاتنٍ غير القصيد الجزل .. مايرضيها"

أبطيت و ابطى الليل ، مسروق منّي
‏ و اخطيت و اخطى الشعر في حقّ الاوراق

‏لولا الرجا بالمقبلة ، و التمنّي
‏ ما يبتسم - من عوج الايام - مشتاق

‏والا انت ما يخلف بك الوقت ظنّي
‏ لو يختلف ظنّ الليالي ، بـ الإشراق

‏لا سلهمت ذكراك ، بالبال كنّي :
‏ ضامي لمَح في جَرهَد البيد ، برّاق

أرجُو جبرَك، وأرتَقبُ فرجَك، لا أُعوّلُ
إلا عَلَيْكَ، ولا أَوْمِّلُ إلا فِيك، هَبْنِي الرِّضا، وألبِسنِي السَّكينة أعوذُ بعزَّتِكَ
مِن بَلِيَّةٍ تَزِلزلُ يقينِي بك،
أو حُزنٍ يُثنِيني عَن جنابِك أفرِغُ
اللهُمَّ على قَلبي السَّلوى مَابَقِيتُ.

«لا ريحة القهوة ولا صوت فيروز
‏–ينعش صباحي مثل ما تنعشينه»

‏ونسألك غزارةً في الحظِّ، وفيضًا من الحُبِّ، وامتدادًا للأيام الهانِئة والسَّعيدة.

عشقك سوالف مطر جاب الوسم طاريه
لا جابتك ليلة الفرقا على بالها

تبغى ندلك ندل تبغى نتيه نتيه
الناس ماشي غير رضاك يحلا لها 🩵