Сенсан севарим хоҳ инон, хоҳ инонма...

Вилоят байрам дастури бошланди

Азизлар, барчангизни мустақиллигимизнинг 33 йиллиги билан чин қалбдан табриклайман. Юртимиздан файзу барака аримасин, хонадонларимиз тинч, осмонимиз мусаффо бўлсин.

Шоир учун бу ҳам бир бахт экан. Ўзбекистон халқ артисти Оғабек Собиров "Янги Ўзбекистон" шеъримни байрамнинг финалида куйлади. Салютлар отилди. Ҳаяжонли, шукуҳли дамлар бўлди.

Шоир гарчи ортда турса ҳам,
Шоир гарчи четда қолса ҳам.
Шеърларидан баҳра оларлар,
Саҳналарда куйлаб юрарлар.
Қўзғотгандек дарёни шоир,
Уйғотади дунёни шоир.

https://t.me/Shoira_Shams_ijodi

Сенга берилмаган баъзи бир нарсалар сабабли алам тортишинг ва ғам чекишинг, буларнинг Аллоҳ тарафидан эканлигини билмаслигингдандир.

Атоуллоҳ Сакандарий.

Сентябрни соғинган, кўнглим,
Август билан хайрлаш энди.
Ваниҳоят тақвим юзида
Маъсум фасл номи кўринди.

Жунжиктирар тонглар салқини,
Боғлар сокин ўй сураётир.
Боласини учирма қилган
Қушлар каби тинч, бехавотир.

Тантаналар этади давом,
Оқшом яна бошланар созлар.
Гавжум майдон ичра баландлар
Кулгу, табрик, шўх-шан овозлар.

Одамлардан ҳаловат топиб
Кузатаман юрт байроғини.
Ёзнинг сўнгги шафақларида
Ёритар у дил маёғини.

Шоира Шамс
31.08.2024

💥🇺🇿 Мустақиллик байрами муборак бўлсин, азиз юртдошлар! 🥳

Юртимиз тинч, осмонимиз мусаффо, халқимиз дастурхони тўкин-сочин бўлсин!

Тинчлигимизга кўз тегмасин Илоҳим!

Инсоннинг баҳоси бу дунёда олгани билан эмас, ўзидан қолдиргани билан ўлчанади.

Ўткир Ҳошимов.

"Янги Ўзбекистон" шеъри.
Муаллиф Шоира Шамс

Ўзбекистон халқ артисти Оғабек Собиров ижросида

✍Шоира Шамс шеъри "Янги Ўзбекистон"

🌈🎤Ўзбекистон халқ артисти, Хоразм булбули Оғабек Собиров ижросида

"Озод қалб" қиссаси ҳақида фикрлар.

Суҳбатдошлар: Мирзо Кенжабек ва Эшқобил Шукур.

@m_kenjabek
┈┈• ❀ 🌷☘️🌷 ❀ •┈┈•

Ўзимнинг ижод каналим билан бирга Ёзувчилар уюшмаси вилоят бўлими каналини ҳам юритиб бораман. Бу канални қўлдан келганча фейсбукда ҳам юритаман.
Баъзан ижодкорларимизнинг кимнинг нечта шеърини беряпману, унинг шеърини бермаганим ҳақида, ёки мани каналга қўшмай қўйибди ғаразли нияти бор, деган очиқдан очиқ туҳмату бўҳтонлари етиб келади менга.
Ҳайрон қоламан, каналда қўйишим учун аввало шеърларини менга юбориши ёки кимгадир юбортириши керакмасмикан ўша ижодкор, ёки телеграмдан икки юздан ортиқ аъзоси бор бўлган каналга админнинг одам қўшолмаслиги, фақат ссилька билан қўшилиши мумкинлигини, кимгадир ё ўзимга айтса ссилькани ташлаб беришим мумкинлиги билмасмикан бу "зиёли" ижодкор. Афсуски, уларнинг ҳатти ҳаракатлари уларга нисбатан шу зиёли сўзини қўштирноққа олишга мажбур қиларкан. Эҳҳ..
Бировни айблашдан олдин бироз фаросат ва босиқлик билан жараённи ўрганиб кўринг.
Мен ҳам канал юритиш учун маълумот излаб ўтиришга соатлаб вақт тополмайман. Ундан кўра ёрдамлашиб борсангизчи

@Shoira_Shams

Олтин эрур менинг ғийбатим,
Тилдан қўйма сира, эй ғаним.
Тўлиб қолса, зора, бир каминг,
Сенга фойдам тегар шунда ҳам.

Ўтиб кетма дунёдан қуруқ,
Бор, ғийбатим бир умрга йиғ,
Айтганларинг менга ҳам қизиқ,
Кўнглим сенга инар шунда ҳам.

Кел ёнимга, нега чўчийсан?
Кўзимга боқ, қалбим ўқи сан.
Борим чайнаб, йўғим тўқисанг,
Бошимга бахт қўнар шунда ҳам.

Ортдадирсан, ортга боқмайман,
Гул кўнглимни ўтга отмайман.
Бир сен эмас, кўпга ёқмайман,
Йўлимдан йўл унар шунда ҳам.

Овворасан, шундай ўтарсан,
Бечорасан, шундай ўтарсан,
Зулматга юз буриб ётарсан,
Умрим нурга дўнар шунда ҳам.
Бошимга бахт қўнар шунда ҳам.

Шоира Шамс.

****

Умрингни кўп қисқа кўрса ҳам фалак,
Нур дея, гул дея вужудинг ҳалак.
Сени ўлдирсалар, танангда қон йўқ,
Қонингни ким ичди, жоним, капалак?..


Мирзо КЕНЖАБЕК


@m_kenjabek
┈┈• ❀ 🌷☘️🌷 ❀ •┈┈•