▫️سن منیم هر شئییمسن.
و بو هر شئیدن بیر کیچیک ذرّه اسکیلسه،
من بوم‌بوش قالارام.‌

#ناظیم_حیکمت
#شعر_اوجاغی
@SheirOcagi

▫️آخی او، دوغرودان دا بو دونیادا تک ایدی، اؤزوندن باشقا کیمین اونا اوره‌یی یاناجاقدی؟!

📚 تاتار چؤلو
#دینو_بوتزاتی
#شعر_اوجاغی
@SheirOcagi

▫️عشقده مرخصی آدیندا بیر شئی یوخدور،
نه یای تعطیلاتی،
نه استعلاجی، نه ایداری مرخصی...
یا قانینین سون دامجیسینا قدر ساواشاجاقسان،
یا دا همن ایندی اویونو بوراخاجاقسان!

#نزار_قبانی
#شعر_اوجاغی
@SheirOcagi

▫️اؤزون اؤزونه، گولوم،
چوخ اولسا دا دوست-تانیش،
هردن مندن ده دانیش،
یادیندا تزه‌لنیم!

سؤیله اوزومه، گولوم،
منم سنین قادان دا!
شیرین تیکه داداندا،
دادیندا تزه‌لنیم.

کاش کی اؤزوم ده، گولوم،
قلبه ایشیق‌تک دولان،
سئوگیمه آنا اولان،
قادیندا تزه‌لنیم!

#ابوالفتح_مدداوغلو
#شعر_اوجاغی
@SheirOcagi

▫️اینسان هئچ بیلمه‌سین، هئچ گؤرمه‌سین، بیر عؤمور بیر خیالا اینانیب هله ده دیَرلی اولدوغونو بیله‌رک یاشاسین، آما یاشاسین! اؤز گرَکسیزلیگینی بیلیب محو اولماسین!

📚 سندن قالان نویابر
#دلشاد_طالیب‌اووا
#شعر_اوجاغی
@SheirOcagi

▫️غورور سیزی محو ائده‌جک؛ او، هر زامان فلاکته و ایفلاسا سبب اولور.

📚 پاریس نوتردام کیلسه‌سی
#ویکتور_هوگو
#شعر_اوجاغی
@SheirOcagi

دیالوق

▫️نهال: سئوینیرسن؟
حامد: نییه؟
نهال: محکمه‌نی قازاندین.
حامد: کئشکه سنی قازانسایدیم.

🎬 نارنجی‌پوش ۱۳۹۰
#داریوش_مهرجویی
#شعر_اوجاغی
@SheirOcagi

▫️آچیلان سحر اوچون،
دوعا ائتدیم- ال آچیب.
بو آچیلان سحرده،
بیر اومیدیم دیل آچیب.

دویغولاریم ائله بیل،
یاز شئهینه بله‌نیب.
گونش شوعاعلاری‌تک،
اوست-باشیما اله‌نیب

کؤنلومده حیات عشقی،
بیر اومیددن اود آلیب.
بو اومید، آچیلاجاق-
سحرلره اود سالیب.

#ابوالفتح_مدداوغلو
#شعر_اوجاغی
@SheirOcagi

▫️من، سو کیمی دورو اولان دوشونجه‌لرین یاردیمی‌یلا بئینیمی تمیزله‌مه‌لی‌یم.

📚 اورک‌بولانما
#ژان_پل_سارتر
#شعر_اوجاغی
@SheirOcagi

▫️لاکین، آرادا هیجراندان باشقا هئچ بیر شئی قالمامیشدی. ایکی دؤیونن اودلو قلبین آراسیندا، هیجران کؤرپو اولموشدو.

📚 قیش گئجه‌سی
#سالام_قدیرزاده
#شعر_اوجاغی
@SheirOcagi

‍ ▫️یادا سالدیقدا سنی، دیده‌ی خونبار آغلار،
یار هجرین چکن، البتّه‌ که ناچار آغلار.

بلبلِ بی‌دل الیندن اوزولوب دامنِ گل،
گئجه‌لر صوبحه کیمی ناله چکیب زار آغلار.

شاد ایکن وصلین ایله کؤنلومه غم چکدی هجوم،
اولدو مین گونه یئنه درده گرفتار، آغلار.

تابِ تب، ظلمتِ شب، محنتِ غربت، غمِ یار،
ائیله‌مز تاب بو محنت‌لره بیمار، آغلار.

بس که شب تا به سحر آغلاماق عادت‌دی منه،
همدم اولموش منه یکسر در و دیوار آغلار.

من که هجر آتشینه یاندی ووجودوم، بالله،
منیم احوالیما دوزخ ده یانار، نار آغلار.

او قدر آغلادی «سیّد» غمِ هجران ایله، کیم-
اونون احوالینا بو چرخِ ستمکار آغلار.

#سیدعظیم_شیروانلی
🎙 یوسف انصاری
#شعر_اوجاغی
@SheirOcagi

▫️قوزوم

هوَسین چوخالیب، سسین گورلاشیب،
هورکنده هوپپانیب-دوشه‌ین قوزوم!
اوتوخموش¹ اوغلاق‌لا² داغا دیرماشیب،
بره‌نین برکینده تؤیشه‌ین قوزوم!

یاخشی گز، یاواش گز لالیق³ چمنی،
گؤروم گول گؤلونده اوزوب چیممه‌نی!
یوخودا امَرسن سودلو ممه‌نی،
یاتیب شیرین-شیرین گؤوشه‌ین قوزوم!

هله بولودلاری سئیرک‌دی گؤیون،
هله یاز آیی‌دی سنین گؤردویون.
حئییف کی، قوناق‌دی ارکؤیونلویون،
بو یومشاق یئللردن اوشویَن قوزوم!

#آغا_لاچینلی
¹- اوت یئمه‌یه باشلایان کؤرپه حئیوان (Otuxmuş)
²- کؤرپه، سوداَمَر کئچی بالاسی- چپیش (Oğlaq)
³- حدّیندن آرتیق یئتیشمیش (Lalıq)
#شعر_اوجاغی
@SheirOcagi

▫️مندن سوروشدولار: «بیوگرافی‌نی یازماق ایسته‌‌میرسن؟» دئدیم: «اؤنجه‌دن بو ایشی گؤرموشم»: «چیرکین اؤردک بالاسی».

#هانس_کریستین_آندرسن (۱۸۰۵-۱۸۷۵)
دانمارک‌لی یازیچی

بوگون آپریل آیینین ایکیسی «هانس کریستین آندرسن»ین دوغوم گونو و #دونیا_اوشاق_کیتابی_گونو دور...

#شعر_اوجاغی
@SheirOcagi

▫️بیر توپلوم ایچینه گیرنده، پالتارلارینیز سیزی تانیتدیریر. اوردان چیخاندا، دوشونجه و سؤزلرینیز.

📚 آنا کارنینا
#لئو_تولستوی
#شعر_اوجاغی
@SheirOcagi

▫️سارماشیب بیر-بیرینه،
دوغمالاشیب گول-چیچک.
آریلار آمان وئرمیر،
گول-چیچه‌یه ال چکک-
اوخشایاق.

آل-الوان کپنک‌لر،
یامان چاشدیریر بیزی.
گیزله‌ییر قانادلاری،
گؤرونمور گولون اوزو-
اوخشایاق.

سرگی آچیب اؤزونه،
بو تالادا گؤزل‌لیک.
آچیلان بو سرگینی،
گؤزوموزده اوزرلیک-
اوخشایاق.

#ابوالفتح_مدداوغلو
#شعر_اوجاغی
@SheirOcagi

▫️هاردا پارلارسا حاق، شرف، ویجدان،
یاخشیلیق، دوغرولوق، گؤزللیک، اینان-
اوردا وار سئوگی، اوردا وار ایمان،
اوردا وار شوبهه‌سیز بؤیوک یارادان!

#حسین_جاوید
#شعر_اوجاغی
@SheirOcagi

دیالوق

▫️- («سنه نه؟!»،
«منه‌ نه؟!») 
بو ایکی قوتسال جومله‌نی حیاتینا اؤرنک ائتسن، قورتولوشا چاتاجاقسان!

🎬 کلاه قرمزی
#ایرج_طهماسب
#شعر_اوجاغی
@SheirOcagi

▫️بؤیودوکجه، بوتون افسانه‌لر، ناغیل‌لار، سئحرلی کلمه‌لر یئرینی بیر سورو معناسیز دونیا گئرچک‌لری ایله دَییشمیشدی. آمّا ایندی سوروشسانیز، همین یالانلاری گونوموزده‌کی بیر چوخ گئرچک‌لره دَییشمزدیم.

📚 گؤی قورشاغینین بیتدیگی یئر
#مسعوده_جاببار
#شعر_اوجاغی
@SheirOcagi

▫️خوروز بانی

خوروز بانی-
دان یئرینین
ایشیق دادلی ماهنیسی.
اودلو دیلین ائل اویادان
سس قانادلی ماهنیسی.

خوروز بانی-
دان بویالی،
شئه قوخولو،
سس بالی.
چاغیریشلی،
چاغلاییشلی،
هاوالی.

یادیمدادی:
دان یئل‌لری
قارانلیغی قوواندا،
من یوخودان کال اویانیب
گؤزلریمی اوواندا،
آنلامیردیم
خوروزلارین
اؤنجه هانسی بانلاییر.
دوشونوردوم:
قونشوموزون
دار داخماسی بانلاییر.
دوشونوردوم:
دان یئریندن
چؤزه‌لنن شفقلر،
«پیپیگی قان» خوروزلارین
دیمدیگیندن سوزولوب.

دوشونوردوم:
آخشام-آخشام
تار'ا¹ چیخان خوروزلار
سحر-سحر قاناد چیرپیب
خور² دئمه‌یه دوزولوب.


بیر خوروز وار ایدی بیزیم محله‌ده،
بوتون خوروزلاردان تئز بانلایاردی.
خوررون چکه-چکه برک یاتانلاری،
بانلایا-بانلایا او دانلایاردی.

داملار سس آلاردی قوققولو-قودان،
اوزه دیره‌شردی³ بوتون اوزلولر.
قاخینجلی تنبل‌لر قالخیب یوخودان،
خوروز یییه‌سینه نه دئمزدیلر!

بیر گون اله کئچدی سلبه‌دن قاچان،
ائله بیل قورخموردو خوروزلار مردی.
چکیله-چکیله باشینا بیچاق-
گول اوزلو گوندوزدن سوراق وئریردی.

حئییف، قارداش!
خوروزلارین
خوش سسیندن قاچان وار.
خوروزلاری قیرماق ایستر،
خورول-خورول یاتانلار.
یئری دوشه،
آندیراسان او عاغیلسیز آخماغا:
بیر سس سنی چاغیریرسا
اویانماغا، قالخماغا،
نییه اونو کیریتمه‌یه،
تلَسیرسن، آی ظالم؟!
بلکه ائله اونا گؤره
بو یوخویا،
بو قورخویا،
اوجالیغا چپر چکن
آییق-ساییق قوروقچویا
سن اسیرسن، آی ظالیم؟!

قایداسی‌دی:
گونده اوچ یول
چالیب اینجه زنگینی،
لاری خوروز هارای سالار،
قانادینی چیرپالار.
لاری خوروز تلَسدیرَر،
آداملارین لنگینی.
او یانداسا
لاری‌لاری،
یامسیلایار چولپالار⁴.
آنجاق ائله هر نه دئسه،
حاقلی دئیر خوروزلار.
هر نه دئسه،
واختلی دئیر خوروزلار.

#آغا_لاچینلی
¹- ائو قوشلارینین، اوستونده دوروب گئجه‌له‌مه‌سی اوچون نین'ه قویولان آغاج (Tar)
²- اوخویانلار دسته‌سی- کُر (Xor)
³- گؤزلرینی دیره‌ییب باخماق
⁴- بعضی قوشلارین بیر و یا ایکی ایللیک خوروزو (Çolpa)
#شعر_اوجاغی
@SheirOcagi

▫️بعضی کیتابلاری دادمالی‌، بعضی‌لرینی اودمالی‌ و آز ساییدا کیتابلاری دا چئینه‌ییب سیندیرمه‌لی‌ییک.

#فرانسیس_بیکن
#شعر_اوجاغی
@SheirOcagi

دیالوق

▫️- ییرمی یاشیندا بیر کیشی، هر قادینی سئور. اوتوز یاشینا گلنده، ساده‌جه بیر قادینی سئور، قیرخ یاشینا گلنده هر قادینی سئور او بیر قادیندان باشقا.

📺 ‌İ'm A Killer
2016 انگلیس
#شعر_اوجاغی
@SheirOcagi