Toshkent shahar hokimligining eng kamida uch kun davomida ko‘p qavatli uylarning issiq suv ta’minotida haroratni vaqtincha pasaytirish va bunda suvni isitishga sarflanayotgan tabiiy gaz issiqlik tizimi (otopleniye)ga yo‘naltirilishi to‘g‘risidagi qarorini qo‘llab quvvatlaymiz.

Haqiqatdan ham, Toshkent shahrida havo-haroratining keskin pasayishi natijasida issiqlik stansiyalariga uzatilayotgan tabiiy gaz bosimining pasayib ketishi sababli xonadonlarga yetkazib berilayotgan issiq suv taminotida ham, isitish tizimida ham oxirgi kunlarda harorat sezilarli darajada pasayib ketdi.

Buning natijasida o‘z xonadonlarini isitish maqsadida fuqarolar qo‘shimcha elektr qurilmalardan foydalanishga majbur bo‘lmoqdalar.

Bu esa transformator punktlari va elektr tarmoqlarida me’yordan ortiqcha yuklamani yuazaga keltirmoqda. Buning natijasida oxirgi kunlarda transformatorlar va simlarda portlash, yonib ketish kabi avariyalar soni kunlik keskin oshib ketdi.

Shunga ko‘ra, elektr tizimiga yuklamani pasaytirish, hamda markazlashgan issiqlik tizimi (otopleniye)da haroratni ko‘tarish maqsadida, eng kamida, uch kun davomida ko‘p qavatli uylarning issiq suv ta’minotida haroratni vaqtincha pasaytirishga majbur bo‘linmoqda. Bunda ta’kidlanganidek, suvni isitishga sarflanayotgan tabiiy gaz issiqlik tizimi (otopleniye)ga yo‘naltiriladi.

Vaziyatni shahar fuqarolari to‘g‘ri baholashlariga umid qilamiz va keltirilgan noqulayliklar uchun uzr so‘raymiz.

Hurmatli iste’molchilar!

Sizlardan uylaringizdagi eng zarur xonalarni isitish va yoritishdan tashqari energiya sarfini imkon qadar kamaytirishingizni iltimos qilamiz!

Hozirgi paytda Toshkent shahriga barcha viloyat hududiy elektr tarmoqlari korxonalaridan jalb qilingan maxsus brilgadalar yordamida yuzaga kelgan nosozliklarni bartaraf etish ishlari kuchaytirilgan rejimda olib borilmoqda.

▶️@minenergy_uz