የሃይማኖት ጉዳይን አስመልክቶ በተዘጋጀው ረቂቅ አዋጅ ላይ የም/ቤታችንን አቋም ስለማሳወቅ፤
🔴🔴🔴🔴🔴🔴🔴🔴 🔴🔴🔴🔴🔴

ሀገራችን ኢትዮጵያ የብዝሀ ሃይማኖት መገኛ ሆና ሳለ ለዘመናት የሃይማኖቶች እኩልነትና የሐገር ባለቤትነት ጉዳይ ከሙስሊሙ አንፃር ሳይረጋገጥ በመኖሩ እስልምና እንደ ሃይማኖት ሙስሊሙ ማህበረሰብም እንደ ዜጋ ከፍ ያለ ዋጋ ሲከፍሉ ኖረዋል፡፡ በዚህም ምክንያት ህዝበ ሙስሊሙ  ከንጉሳዊው የአስተዳደር ዘመን ጀምሮ መንግሰትና ሃይማኖት የተለያዩ እንዲሆኑና የሃይማኖት እኩልነትና ነፃነት እንዲከበር መራር ትግል ሲያደርግ ቆይቷል።

ከዚህም በመነሳት ሙስሊሙ በታላቁ የኢትዮጲያ ህዝባዊ አብዮት ዋነኛ ተሳታፊ ነበር። አብዮቱ ካስገኛቸው ድሎች አንዱ ለመጀመሪያ ጊዜ መንግስትና የሃይማኖት የተለያዩ መሆናቸው የተደነገገበት የደርግ ዘመን 1979 ህገ መንግሰት ተጠቃሽ ነው። ይሁን እንጂ መብቱ በህገመንግሰት ይካተት እንጂ በተግባር ስራ ላይ ሳይውል ጭቆናው ቀጥሎ ቆይቷል። በአንፃራዊነት በ1983 የነበረውን የመንግስት ለውጥ ተከትሎ የመንግስትና የሃይማኖት መለያየት በ1987 ፀድቆ እስከ አሁንም በስራ ላይ የሚገኘው የኢፊዴሪ ህገ-መንግስት በግልፅ በመቀመጡ ከቀድሞ የተሻለ ጊዜ ነበር ማለት ይቻላል፡፡
ነገር ግን ህገ-መንግስቱ ውስጥ በመርህ ደረጃ የተቀመጡትን የመንግሰትና ሐይማኖት መለያየት እንዲሁም የሃይማኖት እኩልነትና ነፃነት መብቶችና መሰረታዊ መርሆዎችና ድንጋጌዎች ለማስፈፀም የሚውሉ ዝርዝር ህጎች ሳይወጡ በመቆየቱ ምክንያት መብቶቹን በምሉዕነት መጠቀም አልተቻለም። ይባስ ብሎም አንዳንድ ተቋማት ህገመንግሰታዊ የሆነውን የመንግሰትና ሃይማኖት መለያየት መርህ ያልተገባ ትርጉም በመስጠት ለአድሏዊ አሰራር ሲያዉሉት ተስተውለዋል። አንዳንድ ተቋማትም የህገ-መንግስቱን ግልፅ ድንጋጌዎች የሚቃረኑ፤እንዲሁም በቀጥታም ሆነ በተዘዋዋሪ የሙስሊሙን ማህበረሰብ ኢላማ ያደረጉ ደንቦች፤መመሪያዎችንና አሰራሮችን በመዘርጋት ህዝባችን ላይ ጥቃቶችና በደሎች ሲያደርሱበት በስፋት ተስተውለዋል ፡፡

የኢትዮጵያ ሙስሊም ማህበረሰብም በተለያዩ ጊዜያት እነዚህ በደሎችና ጥቃቶች በዘላቂነት ሊያስቆሙለት የሚያስችሉና ህገ መንግስተዊ መብቱን በምሉዕነት እንዲገለገልባቸው የሚያስችሉ ዝርዝር ህጎች በአግባቡ እንዲወጡና ስርዓት ያለው ወጥ አሰራር እንዲኖር ሲወተውቱ ቆይተዋል፡፡

ከዚህም በመነሳት የኢትዮጲያ እስልምና ጉዳዮች ጠቅላይ ም/ቤት ህገመንግስታዊውን የመንግስትና ሃይማኖት መለያየት መርህን እንዲሁም የሃይማኖት እኩልነትና ነፃነትን በዝርዝር ለማስፈፀም አዋጅ መውጣቱን በመርህ ደረጃ ይደግፈዋል። ይሁን እንጂ ከአዋጁ ረቂቅ ዝግጅት ጀምሮ ህጉን ለማውጣት እየተኬደበት ያለው ሂደትና ፤የረቂቅ አዋጁ ይዘትን አስመልክቶ ከሰሞኑ እየተስተዋለ ያለውን የህዝበ ሙስሊሙን ፍላጎትና ስጋት በእጅጉ ይጋራል።

ምክር ቤታችን መንግስት ሊያወጣው ያሰበው ረቂቅ አዋጅ እንደ ሙስሊም ማህበረሰብ ወኪልነቱ እንደዚ ያሉ መመሪያዎች ባለመኖራቸው የተነሳ በሙስሊሙ ላይ ይደርሱ የነበሩትን ያልተማከሉ ነገር ግን የተቀናጁ የሚመስሉ ጥቃቶችን በወጥነት ያስቆማል ብሎ ስለሚያምን ለአዋጁ ያለውን ድጋፍ ከወዲሁ መግለፅ ይፈልጋል። በአዋጁ ላይ ያሉንን አስተያየቶችና ስጋቶች የምንገልፀውም የመንግስትን ፍላጎት ወይም አላማ በመጥፎ በመረዳት ሳይሆን በሀገራችን የህግና የአዋጆች መውጣት ታሪክ የሙስሊሙ ማህበረሰብ ጥያቄዎችና ጥቅሞች የማይገናዘቡበት የቆየ አሰራር በመኖሩ አንዳንድ ለኛ ወሳኝ የሆኑ ነገሮችን አንድም ባለማወቅ ወይን ደግሞ በግለሰቦች የተለየ ፍላጎት የተነሳ ቸል ሲባሉ እና ሙስሊሙን ተጎጂ ሲያደርጉ በመኖራችን ስጋት ስላለን መሆኑን ማስገንዘብ እንፈልጋለን።

ይህ የአማኞች ሀገር በምትባለው ሀገራችን ሊወጣ እየተዘጋጀ የሚገኘው አዋጅም የሃይማኖትን እኩልነት፣ የመንግስትና የሃይማኖትን መለያየት በተለያዩ ጊዜያት  በሙስሊሙ ማህበረሰብ በተለይም ደግሞ በትምህርት ቤቶችና በተለያዩ የመንግስት ተቋማት የሚገኙ ሙስሊም ሰራተኞችና ባለስልጣናት ላይ ይደርስ የነበረውን ግልጽ የሆነ ተቋማዊና ግለሰባዊ የሆነ የበደልና የጥቃት  ተግባራትን ላንዴና ለመጨረሻ ጊዜ የሚቀርፍ መሆን እንዳለበት ም/ቤታችን ያምናል፡፡

ከዚህ አንፃር በረቂቅ አዋጁ  ዙሪያ እየተነሱ ካሉ የህዝባችን ሃሳቦች በመነሳት ምክር ቤታችን  በተወሰነ መልኩ ለማጣራት ባደረገው ጥረት ረቂቅ አዋጁ እነዚህን ነባር ችግሮች ከመቅረፍ ይልቅ የሚያባብሱና ተጨማሪ ችግሮችን የሚያስከትሉ አንዳንድ ድንጋጌዎች እንዳሉበት ለመገንዘብ ችሏል።

  በመሆኑም በዚህ ጉዳይ ላይ ከሚመለከታቸው የመንግስት አካላት ጋር በተደረገው ውይይት መሠረት ሰፋ ያለ የሙስሊሙን መብት የሚመለከቱ ጉዳዮችን በዝርዝር የሚያቀርብ መሆኑ እንደተጠበቀ ሆኖ ጠቅላይ ምክር ቤታችን ከዚህ በታች የተዘረዘሩ ጉዳዮች ላይ  ያለውን ጥብቅ  አቋምና ስጋት ለማቅረብ ይወዳል፡-

1. ምንም እንኳን ህግ መውጣቱ የምንፈልገውና የቆየ የህዝባችን ጥያቄ ቢሆንም የእምነታችንን የተለዩ የአምልኮ ባህሪያት ግምት ውስጥ ሳያስገባ በስመ እኩልነት ብቻ ከሌሎች ሃይማኖቶች የአምልኮ ስርዓት ጋር በማነፃፀር እዚህም እዚያም ከልክለናል በሚል የተሳሳተ መነሻ የተቀረፀው እንዲሁም በእምነታችን የአምልኮ ስርዓት  ውስጥ በመግባት አንድ ሙስሊም በእምነቱ የታዘዘውን የአምልኮ ተግባር እንዴት ማከናወን እንዳለበት እሰከመምረጥ ድረስ ገደብ ለመጣል በሚሞክሩ አናቅፅ የተሞላ ረቂቅ አዋጅ መሆኑ ተገቢ ስላልሆነ ፣

2. የሃይማኖትና የአማኞች ሃገር ናት የምትባለውን ሃገራችንን ሃይማኖታዊ እሴቶች ከማጎልበትና ሃይማኖቶችን ለሃገራዊ አንድነትና እድገት በአዎንታዊነት ከመጠቀም ይልቅ የሀገራችንን ተጨባጭ ባለማገናዘብና ወደጐን በመተው እምነቶችን በበማዳከም ለሃገር ከሚያበረክቱት ገንቢ አስተዋፅኦ የማግለል ባህሪ ያለው በመሆኑ ፣

3. ሃገራችን ህብረ ብሄራዊ የፌዴራል ስርዓት የምትከተል እንደመሆንዋ በተለያዩ ክልሎች በመሬት ላይ ያለውን እውነታ በፍፁም ከግምት ውስጥ ያልከተተና ተፈፃሚነት የሌለው ህግ እንዳይሆን የሚያሰጋ በመሆኑ፣

4. ረቂቅ አዋጁ በመሠረቱ አንድ ህግ ለሀገርና ለህዝብ ጥቅም ሲባል የሚወጣበትን መርህ በመጣስ  በህገ መንግስቱ የተረጋገጠውን የእምነት መብትና ነፃነትን ከማስፈፀም ይልቅ መገደብ ላይ በማተኮር የአለም አቀፍ ህጐችንና ህገ መንግስታችንን የሚቃንኑ ሀሳቦች ያሉበት በመሆኑ ፣

5. የመንግሰትና ሃይማኖት መለያየት መርህ ዋና አስኳል የሆነውን የመንግስትን በሃይማኖት ውስጥ ጣልቃ የመግባት ሁኔታ ከመገደብ ይልቅ፤ያለአግባብ መንግሰት በሃይማኖት ጉዳዮች ጣልቃ መግባትን የሚያበረታታና መንግስት የሀይማኖቶች ተቆጣጠሪ የማድረግ ባህሪ ያለው በመሆኑ ፣

6. ሕገመንግስታዊውን የሃይማኖት ነፃነትን ከማስከበር አንፃር የእምነታችንን ልዩ የአምልኮ ባህሪያት በመረዳት ለዚያ የሚመች ሁኔታዎችን ከማመቻቸት ይልቅ አምልኮዎችን መከልከል ላይ  ማተኮሩ፣

ለምሳሌ፡- በት/ት ቤቶች እና በመንግስት ተቋማት አካባቢ ሙስሊሙ ግዴታ የሆነበትን ሰላትና የሴቶች አለባበስ ሁኔታ የመከልከልን ባህሪያት የተሞላ መሆኑ  ፣

7. የመንግስትና የሃይማኖትን መለያየት አስመልክቶ ለረቂቅ አዋጁ ግብዓት ተደርገው የነበሩ ጥናቶችን  ውጤትና ምክረ ሃሳቦች ወደጐን በመተው ህግ አርቃቂዎቹ አካላት በተቃራኒው ለመሄድ የመረጡበት አግባብ ትክክል አለመሆኑ ፣

ባለፉት 29  ዓመታት የህገ-መንግስቱን ግልጽ ድንጋጌዎች ሆንብሎ ያለአግባብ በመተርጐም ሙስሊሙ ማህበረሰብ በልዩነት ሲጠቃባቸው የነበሩና ማህበረሰቡም ከፍተኛ ተቃውሞ ሲያቀርብባቸው የነበሩ መመሪያዎችና አሰራሮች መወገድ ሲገባቸው በዚህ ረቂቅ አዋጅ ውስጥ በድጋሚ ተካተው መገኘታቸው በህዝብ ዘንድ ከወዲሁ እየፈጠረ ያለው ከፍተኛ የስጋት ስሜት ለወደፊቱም ከሀገር ደህንነትና ሰላም አንፃር የሚያመጣውን ውጥረት ከግምት ውስጥ በማስገባት፣

አዋጁ በብስለትና  በስክነት ታይቶ ተጨባጭ የሆኑ የጥናት ውጤቶች ተንፀባርቀውበት፣ ከገዳቢነት ይልቅ መብት ማስከበርን መርሁ ያደረገ አዋጅ እንዲሆን እንደገና እንዲከለስና  ተጨማሪ ሰፊ ጊዜ ተወስዶበት እንዲወጣ ያለንን አቋምና ስጋት እየገለፅን ም/ቤታችን ከዚህ አንፃር የሙስሊሙን ማህበረሰብ ፍላጎትና መብት እንዲሁም በረቂቅ አዋጁ ላይ ቢካተቱ የሚላቸውን ገንቢ ሀሳቦች በዝርዝር በአጭር ጊዜ ውስጥ ለሚመለከታቸው አካላት ሁሉ የሚያቀርብ መሆኑን እያሳወቀ ለዚህም ይረዳ ዘንድ ረቂቅ አዋጁ እንደ ተቋም በፅሁፍ እንዲደርሰን ለመጠየቅ እንወዳለን፡፡ 
“ከሰላምታ ጋር”

የህዝበ ሙስሊሙን ወቅታዊ ቁጣ ለማብረድ ብለው በዘዴ ለጊዜው አሰርን ብለው ካልለቀቁት፤ ዛሬ ገቢ ተደርጓል። ይሄ ልጅ ትንሽ አፍልቶ ነበር። የኦሮሚያ ክልል መጅሊስ አሁንም ሌሎቹንም ገቢ ማስደረግ አለበት። በቂና ተመጣጣኝ እርምጃ ሳይወሰድባቸው ዝም ብለው ለሽፋን አስገብተው የሚያስወጧቸው ከሆነ ግን፤ ህዝበ ሙስሊሙ ራሱን በራሱ የማስከበር ሙሉ መብት አለው።

||
t.me/MuradTadesse

ስለጋዛ አዳድስ መረጃዎችን ለማጋራት ያክል

፨ በዛሬው እለት እስራኤል ወደ ራፋህ ለመግባት ስትዋጋ ነው የዋለቺው ። በዚህም የራፋህ መግቢያ በርን ተቆጣጥራለች ። ሀማስም የመከላከል ጦርነት ሲያደርግ ነው የዋለው ።
ይሁን እንጅ አሜሪካ በሰጠቺው መግለጫ የራፋሁ ጦርነት ሙሉ ወረራ አይደለም የእስራኤል ጦርም ራፋህን ሙሉ ለሙሉ አይወርም የሚል ማስተባበያ ሰጥታለች ። እስራኤል በበኩሏ የራፋህ ጦርነቱን እያካሔድኩ ያለሁት በሀማስ ላይ ጫና ለማሳደርና ምርኮኞቹ እንዲለቀቁ ለማድረግ ነው የሚል መግለጫ ሰጥታለች ። የእስራኤሉ መከላከያ ሚኒስትር ዮአቭ ጋላንትም ከጦር ሜዳው ተገኝቶ ምርኮኞች የማይለቀቁ ከሆነ ራፋህን እስከ ጥግ እንዘልቃለን ብሏል።

👉 ጀርመንን ጨምሮ በርካታ የአለም ሀገራት እስራኤል የራፋህ ዘመቻዋን በአስቸኳይ እንድታቆም አሳስበዋል ። እስራኤል ከዚህ በተጨማሪ የእርዳታ ቁሳቁሶች ወደ ጋዛ እንዳይገቡ የምታደርገውን ክልከላ በአስቸኳይ እንድታቆም እናሳስባለን ስትል ጀርመን ገልፃለች ።

👉 የፍልስጤማውያን የድጋፍ ሰልፍ ከአረብ ሀገራት ውጭ በመላው አለም ተቀጣጥሎ ሲውል የምስራቅ አውሮፓዋ ግሪክ ለመጀመሪያ ጊዜ የፍልስጤም ድጋፍ ሰልፍን አስተናግዳለች ። በዋና ከተማዋ አቴንስ በመቶዎች የሚቆጠሩ ግሪካዊያን የፍልስጤምን ባንድራ ይዘው የወጡ ሲሆን የግሪክ ፖሊስ ሰልፈኞቹን በአስለቃሽ ጭስ ለመበተን ሲታገል ነው የዋለው።
ከዚያ ውጭ የዩኒቨርስቲ ተማሪዎች አመፅ ዛሬ የበርሊን ዩኒቨርስቲን ሲንጠው ነው የዋለው ። የጀርመን ፀጥታ ሀይሎች ሰልፈኞችን ለመበተን ቢጥሩም አልተሳካላቸውም ። በአሜሪካ ዩኒቨርስቲዎች የሚደረገው ተቃውሞም ተባብሶ እንደቀጠለ ነው ። ከስዊድን እስከ ኖርዌይ የፍልስጤማውያን የድጋፍ ድምፅ እየተስተጋባ ይገኛል ።

👉 የሀማስም የእስራኤልም ተደራዳሪዎች ግብፅ ካይሮ ገብተዋል ። የ CIA ዋና ዳይሬክተርም ድርድሩን ለመከታተል ካይሮ ናቸው። ሀማስ " ኳሷ ያለቺው በእስራኤል እጅ" ነው ያለ ሲሆን ቤኒያማን ኔታኒያሁ የሚያደርገው የእብደት ድርጊት አጣብቂኝ ውስጥ መግባቱን ማረጋገጫ ነው ብሏል ።

አሜሪካ በበኩሏ ሀማስና እስራኤል ልዩነቱን አጥብበው ለስምምነት እንዲደርሱ አሳስባለች ። የሗይታውስ ቃልአቀባይ ጆን ኪርባይ ማምሻውን በሰጠው መግለጫ ሁለቱም ወገኖች ወደ ድርድር መምጣታቸው ትልቅ እርምጃ ነው ያለ ሲሆን ልዩነቶች ጠበው የተኩስ አቁሙ እንደሚፈፀም ያለውን እምነት ገልጿል ።

👉 የአሜሪካ የኳታርና የግብፅ አደራዳሪዎች በአሁኑ ሰአት ሰፊ ውይይት እያደረጉ ሲሆን እዚያው ከሚገኙት ከሀማስና ከእስራኤል የልኡካን ቡድኖች ጋርም እየተነጋገሩ ይገኛሉ ።

አላህ ለፍልስጤማውያን የሚበጀውን ነገር ይምረጥላቸው !

t.me/Seidsocial

ከአማራ ክልል እስልምና ጉዳዮች ከፍተኛ ምክር ቤት በወቅታዊ ጉዳዮች ዙሪያ መግለጫ አውጥቷል!
...
(ሀሩን ሚዲያ ፦ሚያዝያ 30/2016)
...
ሀገራችን ኢትዮጵያ ብዝሀ ሀይማኖትና ብዝህ ብሄሮች በአንድ ላይ ተሰባስበዉ የሚኖሩባት የጋራ ቤታችን መሆኗ ሁላችንም የሚያኮራ እና በባለቤትነት ስሜት የምንኖረዉ ጸጋችን ነዉ፡፡
በሀገር ግንባታ ሂደት የተለያዩ ብሄሮችና እምነቶች በመደጋገፍ የጋራ ጠላት በገጠማቸዉ ጊዜ አብረዉ በመቆም በጋራ ደማቸዉን አፍስሰዋል፤ አጥንታቸዉን ከስክሰዋል! የተለያዩ እምነቶች በሰላምና በችግር ጊዜ አብረዉ በመቆም ለሀገር መጽናት ዉድ ዋጋ ከፍለዉ የጋራ የሆነችን ሀገራችንን አስረክበዉናል፡፡

እኛ ኢትዮጵያዊያን ሙስሊሞችም የዚህ የጋራ ታሪክ ወራሽ በመሆናችን አባቶቻችን በከፈሉት ዉድ ዋጋ እና ባስረከቡን ሀገር እኛ ልጆቻቸዉ ኩራት ይሰማናል፡፡የአማራ ክልል እስልምና ጉዳዮች ከፍተኛ ምክር ቤት ክልላችን ያለበትን ሁኔታ በመረዳት አባባሽ ሁኔታዎችን እና መንገዶችን በመተዉ ለክልላችን ሰላምና መረጋጋት የበኩሉን ድርሻ እየተወጣ ይገኛል፡፡

ከፍተኛ ምክር ቤቱ የአማራ ክልል ሙስሊሞችን ሁለንተናዊ ዉክልና ወስዶ እንደሚንቀሳቀስ አንድ ተቋም የክልሉን ተጨባጭ ሁኔታ ከግምት ዉስጥ ያስገባ እጅግ ጥንቃቄ የተሞላበት አካሄድን በመምረጥ ለክልሉ ሰላምና ልማት የተሻለዉን መንገድ መርጦ ሰላምና መረጋጋት ለመፍጠር አስፈላጊዉን ሁሉ በማድረግ ላይ ያለ ተቋም ነዉ፡፡በተለያዩ ቡድኖች አማካኝነት በሚነሳ ግጭት ሁሉንም ወገናችን የከፋ ዋጋ እያስከፈለዉ እንደሆነ ብንረዳም በልዩ ሁኔታ ደግሞ በሙስሊሞች ላይ እየደረሰ ያለዉ ግፍ፣ መፈናቀል፣ ዘረፋ፣ መታገትና መገደል ከጊዜ ወደ ጊዜ እየተባባሰ በመሄድ ላይ ይገኛል፡፡

የክልሉ መጅሊስ የምእመኑን ስቃይና እንግልት፣ ግድያ፣ የመስጅዶችና ሀሪማዎች መቃጠልና መነጠቅ፤ የምእመኑን መፈናቀል በየጊዜዉ እየተከታተለና እየመዘገበ ማስረጃ እያደራጀ ለሚመለከታቸዉ አካላት መረጃ እየሰጠ የመጣ ቢሆንም ሁኔታዎች እየተሻሻሉ ይመጣሉ በሚል እምነት በሆደ ሰፊነት በመታገስ የሀገርን ህልዉና ትልቁ ግብና የክልላችን ልማት አማራጭ የሌለዉ ጉዳያ በማድረግ ለሚፈጠሩት ችግሮች ሁሉበቅርበት ካሉ ከሚመለከታቸዉ ባለድርሻ አካላት ጋር በመነጋገርና በመወያየት የእርምት እርምጃ እንዲወስድ በማሳሰብ ከዚህ ደርሷል፡፡

በተለይም ሙስሊሞች በዲሞግራፊ እና በፖለቲካ ሚና አናሳ ናቸዉ ተብሎ በታሰቡባቸዉ ቦታዎች በጅምላ መፈናቀል፤ መገደል፣ ማሳደድ፣ ሀብትና ንብረታቸዉን መንጠቅና ማዉደሙ እየተባባሰ መጥቷል፡፡ ሙስሊም በዝ እንደሆኑ በሚታመንባቸዉ አካባቢዎች ላይ ደግሞ በእጅ አዙር የብሄር ግጭት መነሻነት በሚመስል መልኩ ሁለንተናዊ ቀዉስን በመፍጠር መስጅዶችን! ሀሪማዎችን እና ሀይማኖት መሪዎችን ትኩረት ያደረገ ጥቃት ይፈጸማል።

በተለያዩ አካባቢዎች በአንዳንድ "የሀይማኖት አስተማሪዎች ሃላፊነት የጎደለዉ ስብከት አብሮ የኖረን ህዝብ አሳዛኝ በሆነ መልኩ እምነትን መሰረት ያደረገ ጥቃት እንዲፈጸም ምክንያት ሆኗል፡፡ምንም እንኳን ከላይ የገለጽናቸዉ ለሀይማኖታችን ቀናኢ ነን ብለዉ የሚያስቡ አንዳንድ ግጭት አምጭ እና አባባሻ ግለሰቦች መሰል እኩይ ተግባር ቢፈጽሙም ሰፊዉ የሌላ ሀይማኖት ተከታይ ወገናችን ዛሬም ቢሆን
ለሙስሊም ወገኖቹ አለኝታ በመሆን በአብሮነት እንደሚኖር የታወቀ ሀቅ ነዉ፡፡ይህ በእንዲህ እንዳለ በተለያዩ የሀይማኖት ተቋማት ዉስጥ ባሉ የሀይማኖት አባቶች' በማህበራዊ ሚዲያ በሚደረጉ ቅስቀሳዎች በሙስሊሞች ላይ ጥቃት የሚያነሳሳ እጅግ አደገኛ ቅስቀሳ፣ ፕሮፖጋንዳና ስብከት በማናለብኝነት ሲደረጉ ቆይተዋል፡፡

ይህም የክልሉን ሙስሊሞች በተናጠልም፣ በቡድንም፣ እንደማህበረሰብም ለከፍተኛ ጥቃቶች በተደጋጋሚ ሲጋለጡ እያስተዋልን ነዉ፡፡የክልሉ ሙስሊሞች ለዘመናት ትዉልዶቻቸዉን ካስቀመጡባቸዉ ይዞታዎቻቸዉና እርስቶቻቸዉ ታሪካዊና ማንነታቸዉን ካበቀሉበት የትዉልድ ቀያቸዉና ክልላቸዉ በየጊዜዉ በሚነሱ አሻጥሮች ቀጥተኛ የማፈናቀል ጥቃቶች እንዲሰደዱ ሲደረግ ክልላቸዉን ጥለዉ የት እንዲሄዱ እንደተፈለገ ግራ ያጋባል፡፡

በደቡብ ጎንደር ዉሻ ጥርስ ሀሪማ፣ በማእከላዊ ጎንደር ፉርቃና ደልዳሊት ሀሪማ፣ አምባገር ሀሪማ፣ እንዲሁም መስጅዶች ላይ ጥቃት የደረሰ ሲሆን ሰባህ ሀሪማ በ2012 ቤተ-ክርስቲያን ተስርቶበታል በተጨማሪም በአዊ ዞን በዚገም ወረዳ መስጅዶች ተቃጥለዋል በተጠቀሱት አካባቢዎች በሚገኙ ሙስሊሞች ላይም ከዚህ በፊት ይደረግ የነበረዉ እገታና ዘረፋ በጊዜ ማስቆም ባለመቻሉ ሁኔታዉ አድጎ ቀያቸዉን ለቀዉ እንዲወጡ እየተደረጉ መሆኑን እያየን እየሰማን ነዉ፡፡ በኦሮሚያ ልዩ ዞን የተፈጠረዉን ሁኔታ በቅርብ እየተከታተልን ሲሆን በሌሎች ሀሪማዎች ላይ ተመሳሳይ ስጋቶች እንዳሉ እንዲታወቅ እንፈልጋለን፡፡

በተጨማሪም በደቡብ ጎንደር ዞን በአምበሳሜ (ደራ) ወረዳ ወፍ አርግፍ ቀበሌ ከ800 መቶ ዓመት በላይ እድሜ ያለዉ ጥንታዊ መስጅድና የሙስሊሞች መካነ-መቃብር በአማራ ክልል ባህልና ቱሪዝም  ቢሮ በቅርስነት የተመዘገበዉን ቦታ በማፍረስ የአካባቢዉን ሙስሊም በማፈናቀል ቦታዉን ቤተ-ክርስቲያን የሰሩበት መሆኑን ስንሰማ በሀገሪቱ ያሉ አማኞች እንዲያዉቁትና መንግስትም ሆነ ቤተ-ክርስቲያኗ በዚህ ጉዳይ ላይ አስቸኳይ እልባት እንዲሰጥ ለመጠየቅ እንወዳለን፡፡
ይህ ሁሉ ጥቃት ሲፈጸም በርካታ ሀይሎች እጃቸዉ እንዳለበት እንረዳለን፡፡የህዝባችን ደህንነትና የሰላም ዋስትና በማረጋገጥ በኩል መንግስት እየወሰደዉ ያለዉ ሰላም የማስከበር እርምጃ የሚበረታታ ቢሆንም ነገሮችን በሰላም ለመፍታት በሚያደርገዉ ሆደ ሰፊነትና ታጋሽነት እድሉን ለተጨማሪ ጥፋት የሚጠቀሙ የተወሰኑ ሀይሎች የመንግስትን መዋቅር እና ማህበረሰቡ በአመኔታ የሰጣቸዉን ስልጣን ለአጥፊዉ ቡድን አላማ እስከመጠቀም የደረሱበት ሁኔታ እንዳለ ተስተዉሏል፡፡ በዚህም መንግስት ታችኛዉን መዋቅር መፈተሸ እንዳለበት ለማስታወስ እንወዳለን፡፡

በመሆኑም የአማራ ክልል እስልምና ጉዳዮች ከፍተኛ ምክር ቤት ይህ ነገር እየተባባሰ ከዚህም በላይ በሀገርም ሆነ በምእመኑ ላይ ከፍተኛ የሂወት፤ የቁስና የስነ-ልቦና ጉዳት ከማድረሱ በፊት በአስቸኳይ እንዲቆም እንጠይቃለን፡፡ ይህንን ዘረፋ ስቃይና እንግልት፤ እገታ፣ መገደልና መፈናቀል በጽነ- እናወግዛለን፡፡ከዚህም በላይ ይህን እኩይ ተግባር ለማስቆም መንግስት፤ ሰላማዊዉ የክልሉ ህዝባችን፣ የሌላ እምነት ተከታይ ወገኖቻችን፤ የሀይማኖት አባቶች እንዲሁም ጉዳዩ የሚመከታችሁ አካላት በሙሉ የበኩላችሁን ድርሻ እንድትወጡ ወገናዊ ጥሪያችንን እናስተላልፋለን፡፡ይህ ሰላማዊ ዜጎች ላይ ያነጣጠረ ግፍ እና ግድያ ለዘመናት አብሮና ህብረት ፈጥሮ የኖረዉን ህዝባችንን አብሮ'ነት ለማናጋት የታሰበ ስለሆነ በጋራ እንድንታገለዉ ጥሪያችንን እናስተላልፋለን፡፡

በክልላችን የሚገኙ መሳጅዶች የጁምዓ መልእክቶቻችሁን በዚሁ ችግርና መከራ ዉስጥ ስላሉት ወገኖቻችን በማድረግ ለደረሰብንና እየደረሰብን ለሚገኘዉ መከራም ሰደቃ በማዉጣት በየመስጅዱ አቅመ ደካሞችን በማገዝ እንዲሆን በተጨማሪም በግፍ ለተገደሉ ደረሳዎችና ምእመናን ሶላተል ጋይብ እንዲሰገድላቸዉ እንደ አካባቢያችን ተጨባጭ ሁኔታ ይፈጸም ዘንድ ጥሪ እናቀርባለን፡፡በIዚህ መከራና እንግልት መሀል ለሞቱ ወገኖታችን አሏህ ጀነትን እንዲወፍቃቸዉ እየለመንን፤ ለቤተሰቦቻቸዉ ሶብርን(መጽናናትን) እንመኛለን፡፡

የአማራ ክልል እስልምና ጉዳዮችን ምክር ቤት

በኢንዶኔዥያ በጥሎሽ የሚሰጥ ሀብትን ለማግኘት ሲል ሴት በመምሰል ጋብቻ  የፈፀመው ግለሰብ በቁጥጥር ስር ዋለ

በሀሰተኛው ጋብቻ የተታለለው ወጣት ከተጋቡ ከ12 ቀናት በኃላ ሚስት ብሎ ያገባት እንስት ወንድ መሆኑን ማወቁ ድንጋጤ ፈጥሮበታል።

በዚህ ሳምንት መጀመሪያ ላይ የኢንዶኔዥያ መገናኛ ብዙሃን የ26 ዓመቱን ወጣት  ያጋጠመውን እንግዳ ጉዳይ በፊት ገፃቸው ይዘው ወጥተዋል። በዚህም ካገባት ከ12 ቀናት በኃላ ማስቴ ያላትን እንስት ወንድ ሆና መገኘቷን ተከትሎ ጉዳዩን ወደ ፖሊስ ወስዶታል።

ወጣቱ ከሙሽራዋ ጋር በኢንተርኔት አማካኝይመት ነው የተገናኙት የተባለ ሲሆን በኢንተርኔት የጀመረውን ትውውቅ ለማዳበር በማለት በአካል ይገናኛሉ። ኤኬ የተባለው ወጣት ታድያ ለመጀመሪያ ጊዜ ሲያያት ወድያውኑ በፍቅር እንደወደቀ ይገልፃል።

እራሷን አዲና ካንዛ አዛህራ በማለት ያስተዋወቀችው ሴት ሁል ጊዜ ሂጃብ ተጠቅማ ፊቷን ለመደበቅ ትሞክር እንደነበረ ይገልፃል ቢሆንም ግን ሀይማኖታዊ እንጂ የሆነ ለመደበቅ የፈለገችው ነገር እንዳለ በፍፁም እንዳልጠረጠረ ይገልፃል።

በዚህም ዓይናፋርነቷ የበለጠ ይሳባል። ትልቁን ጥያቄ ለማቅረብ ብዙ ጊዜ አልወሰደበትም ለትዳር ጠየቃት አዲናም ተቀበለች ነገር ግን እናቷ ስለሞተች እና አባቷ ለረጅም ጊዜ በአጠገባ ስላልነበሩ ትዳራቸው በሕግ አካል እንዲመዘገብ እንደማትፈልግ ትነገረውና በሰርጋቸው ቀን የምትጠራው የቅርብ ቤተሰብ እንደሌላትም ታሳውቀውቃለች።

በመጨረሻም ሁለቱ የፍቅር ወፎች የዋንጉንጃያ መንደር የሃይማኖት መሪ ባደረጉት ልዩ ሥነ ሥርዓት ላይ ተጋቡ ጥሎሹም በ5 ግራም ወርቅ ነበር ተብሏል። ነገር ግን እንስቷ ካጋብቻው በኃላም ቢሆን ፊቷን ከአዲሱ ባለቤቷ እንኳን ሳይቀር ደበቀች በትውልድ መንደሩ ካሉት ቤተሰቦቹ እና ጓደኞቹ ጋርም ለመገናኘት ፈቃደኛ ሳትሆን ቀረች።

በዚህም ኤኬ ቅሬታዎችን ማሰማት ጀመረ ይህንን ቅሬታውን የሰሙት ቤተሰቦቹም አዲሷን ሚስቱን ለመመርመር ወሰኑ። በምርመራቸውም የለም ያለችው አባቷ መኖሩን አረጋገጡ እሱም ሴት ሳትሆን ወንድ መሆኑን ይነግራቸዋል።

በዚህ ጉዳይን ወደ ህግ ይወስዱታል  ወንጀለኛውንም በወንጀለኛ መቅጫ ህግ አንቀጽ 378 ክስ ይመሰርቱበታል፤ ክሱን እየተመለከተ የሚገኘው ፍርድ ቤቱ እስከ አራት ዓመት በእስር ቤት ውስጥ የመቆየት አደጋ ሊያጋጥመው ይችላል ተብሏል።

በሚሊዮን ሙሴ
#ዳጉ_ጆርናል

አሜሪካ ተቀምጠው የኢትዮጵያን ሰላም የሚያውኩ ተፈላጊዎችን ሀገሪቱ አሳልፋ በመስጠት ትብብር እንድታደርግ ተጠየቀ
አዲስ አበባ፣ ግንቦት 2፣ 2016 (ኤፍ ቢ ሲ) የኢትዮጵያ ፌደራል ፖሊስ ኮሚሽነር ጀነራል ደመላሽ ገ/ሚካኤል በኢትዮጵያ የአሜሪካ አምባሳደር ኤርቪን ማሲንጋን በቢሮአቸው ተቀብለው አነጋግረዋል፡፡
የኢትዮጵያ ፌደራል ፖሊስ ከአሜሪካው የፌዴራል የምርመራ ቢሮ (ኤፍቢአይ) ጋር ያለውን ግንኙነት የበለጠ ለማጠናከር አምባሳደሩ የበኩላቸውን ሚና እንዲጫወቱ ኮሚሽነር ጀነራል ጥሪ አቅርበዋል፡፡
በተለይ በአሜሪካ ተቀምጠው የኢትዮጵያን ሰላምና ደኅንነት የሚያውኩ ተፈላጊዎችን አሳልፎ በመስጠት ዙሪያ ትብብር እንዲያደርጉም ጠይቀዋል፡፡
አምባሳደር ኤርቪን ማሲንጋ በበኩላቸው÷ በአሜሪካን መንግሥት የሚፈለጉ ወንጀለኞችን የኢትዮጵያ ፌደራል ፖሊስ አሳልፎ በመስጠት ላበረከተው አስተዋፅኦ ምስጋና አቅርበዋል፡፡
ሀገራቸው ለኢትዮጵያ ፌደራል ፖሊስ ተመሳሳይ ድጋፎችን እንድታደርግ የበኩላቸውን አስተዋጽኦ እንደሚያደርጉ መናገራቸውንም የፌደራል ፖሊስ መረጃ አመልክቷል፡፡