ሴሌክት ኮሌጅ በጋሞ ዞን በመሬት መንሸራተት ለተጎዱ ወገኖች ከግማሽ ሚሊየን ብር በላይ የሚገመት የትምህርት ቁሳቁስ ድጋፍ አደረገ

​አርባ ምንጭ፦ መጋቢት 29 / 2018 ዓ.ም (ጋሞ ዞን መ/ኮሙኒኬሽን)

​ሴሌክት ኮሌጅ በጋሞ ዞን በደረሰው የመሬት መንሸራተት አደጋ የተጎዱ ወገኖችን መልሶ ለማቋቋም ይውል ዘንድ የግማሽ ሚሊየን ብር ግምት ያላቸው የመማሪያ ቁሳቁሶችን ድጋፍ አድርጓል።

​ድጋፉን ያስረከቡት የሴሌክት ኮሌጅ ዲን አቶ ሄኖክ ኃይለ መስቀል በአደጋው የበርካታ ዜጎች ሕይወት በመጥፋቱ የተሰማቸውን ጥልቅ ሐዘን ገልጸዋል።

ድጋፉ የመጀመሪያ ዙር መሆኑን የጠቀሱት ዲኑ፣ ቁሳቁሶቹ በአደጋው ምክንያት በከፊል እና ሙሉ በሙሉ ለወደሙ ትምህርት ቤቶች የሚውሉ መሆናቸውን አስረድተዋል።

​አክለውም የኮሌጁ ባለቤት አቶ አዲሂና ግርማይ፤ የዞኑ አስተዳደር ተፈናቃዮችን መልሶ ለማቋቋም በሚያደርገው ጥረትና ተማሪዎችን ወደ ትምህርት ገበታቸው ለመመለስ በሚያደርገው እንቅስቃሴ ኮሌጃቸው ምንጊዜም ከጎናቸው እንደሚሆን አረጋግጠዋል።

​ድጋፉን የተረከቡት የጋሞ ዞን የመንግስት ዋና ተጠሪ አቶ ገዛኸኝ ጋሞ በበኩላቸው የአደጋው መጠን ከፍተኛ መሆኑን ጠቁመው፣ መንግስት ተጎጂዎችን ለመርዳት በሚያደርገው ሰፊ ጥረት መንግስታዊና መንግስታዊ ያልሆኑ ተቋማት እያሳዩት ያለው አጋርነት እጅግ የሚበረታታ መሆኑን ገልጸዋል።

​አቶ ገዛኸኝ አክለውም "በትውልድ ላይ መስራት በሀገር ላይ መስራት ነው" በማለት፣ ሴሌክት ኮሌጅ ላደረገው ድጋፍ በዞኑ አስተዳደርና በተጎጂ ወገኖች ስም ምስጋና አቅርበዋል።

የሰሌክት ኮሌጅ መገናኛ ካምፓስ የነርሲንግ እና የፋርማሲ ተማሪዎች ቃለ-መሀላና ጋውኒንግ መርሀ-ግብር
ሰኔ 2018 ዓ.ም
Select college Megenagna Campus Nursing and Pharmacy students Capping and Gowning Ceremony
Jul 2026