​🕊️ ዱዓህ ለምን ተቀባይነት አጣ? (ልብ ሊባል የሚገባው ሚስጥር!)
​ብዙዎቻችን አላህን እንለምናለን፣ ነገር ግን የምንለምንበት መንገድ ስህተት ሊሆን ይችላል። የዱዓ ሚስጥሩ በቃላት ብዛት ሳይሆን፣ በምንለምንበት ወቅት በልባችን ውስጥ ባለው የእርገጠኝነት (የቂን) ደረጃ ላይ ነው።
​ሊታወቁ የሚገቡ ወርቃማ ህጎች፦
​

እርግጠኝነትና ጥርጣሬ አብረው አይሄዱም

፦ አላህን እየለመንክ "ምናልባት አይመለስልኝም" የሚል ስጋት በልብህ ውስጥ ካለ፣ ያ ዱዓህ ትክክለኛውን መንገድ አልያዘም።
​እንዴት ሳይሆን ምን እንደምትፈልግ ጠይቅ፦ "እንዴት ይሆንልኛል?" ብለህ በዝርዝር አትጨነቅ። "እንዴት" የሚለውን ለሁሉ ቻዩ አላህ ተወውና ቁልፉን ለእርሱ አስረክብ።
​"ዱአዬ ላይበለኝ ይችላል" አትበል፣ " ዱዓዬ ተቀብሎኛል" በል፦

ዱዓ ስታደርግ አላህ መልሱን እንደሰጠህ፣ የፈለግኸው ነገር በእጅህ ላይ እንዳለ አድርገህ እሰብ።

ያንን የምላሹን ደስታና እርካታ አሁኑኑ በልብህ አስትውል።
​ታላቁ እውነታ፦

አላህ ዱዓ እንድታደርግ የልብ መነሳሳትን (ኢልሃም) የሰጠህ፣ ሊሰጥህ ስለፈለገ ብቻ ነው። እርሱ የማይሰጠህን ነገር እንድትለምነው አይገፋፋህም።

ስለዚህ ልብህን አሳርፍ፣ በጌታህም ተመካ!

©️

ሱደይስ ለ36 ተከታታይ አመታት ዛሬ የቁርኣን ኺትሚያን በረመዿን 29 በመከተል ሙከረማህ መስጂደል ሐረም ያሰግዳል፣ ዱዓእ ያደርጋል።

የኢስላም ውበት!
~
* የገንዘብ ዘካ በአመት አንዴ ካጠቃላይ ገንዘብ 2.5% ይወጣል። ከእህል ምርት 5% ወይም 10% ይወጣል። ከእንስሳት ሀብትም የተቀመጠ መጠን አለ።
* ሶደቀተል ፊጥር ረመዷን ሲጠናቀቅ በአንድ ሰው 2.5 ኪሎ ግራም እህል፣ በእየንዳንዱ ቤተሰብ አባላት ቁጥር ተባዝቶ ይወጣል። በዒድ ዋዜማ እርዳታውን ለመውሰድ የሚሰለፈውን ህዝብ ብዛት ተመልከቱ።

እስቲ በነዚህ ዘካዎች በመላው ዓለም ምን ያህል ህዝብ እንደሚደጎም አስቡት። ኢስላም! የመተዛዘን፣ የመደጋገፍ እምነት። አልሐምዱ ሊላህ ዐላ ኒዕመቲል ኢስላም!

©️ Ibnu Munewor

ይድረስ!
~

1- ይድረስ ሚስትህን ለፈታኸው፡
ልጆችህን ለዒድ አስበሃቸዋል? ወይስ እነሱንም ከእናታቸው ጋር ፈተሃቸዋል?

2- ይድረስ የየቲሞች አጎት ለሆንከው፡
የሟች ወንድምህን ልጆች ትጠይቃለህ? ወይስ ከቀበርከው ወንድምህ ጋር ረስተሃቸዋል?

3- ይድረስ ባሏ የሞተባት እህት ያለችህ:
እህትህን ትኑር ትሙት ጠይቀሀል? በልታለች ወይስ ተርባለች? ወይስ እህትነቷ ቁጥር ብቻ ነው?

ይድረስ ለሁላችን፡

እጃችንን የሚጠብቁ፣ ከኛ የቀረበ ሰው የሌላቸው ቤተሰቦቻችን በምን ላይ ናቸው? በዒድ በምን መልኩ እንዲያስታውሱን እንፈልጋለን? ያቅማችንን ያክል ከልባቸው ውስጥ ደስታ ማስገባት ያሳስበናል? ወይስ ሀዘን ትካዜያቸው ምንም አይመስለንም?!
-
ተነካክቶ ከዐረብኛ የተመለሰ

©️ Ibnu Munewor

በረመዳን ፍፃሜ እነዚህ ስራዎች ላይ ትኩረት ያሻሉ፦
"ተዋደየዕ" ​የትህትና አስፈላጊነት፦ ረመዳን ሲጠናቀቅ በሰራናቸው መልካም ስራዎች እና ኢባዳዎች (አምልኮዎች) ልባችን በትዕቢት እንዳይሞላ እስቲግፋር ማድረግ ይገባል። በሰራው ስራ የሚኩራራና ራሱን የሚያደንቅ ሰው ለጥፋት የተጋለጠ ነው።
​የስራዎቻችን ጉድለት ማስተዋል፦ በእውነተኛ ልብ ምህረትን የሚጠይቅ ሰው ስራው የቱንም ያህል የበዛ ቢሆን በውስጡ ጉድለት እንዳለበት ያውቃል። በአላህ ፊት በመተናነስ የቀረበ ጥቂት ስራ፣ በትዕቢት ከተሞላ ብዙ ስራ ይበልጣል።
​የምንዳ (አጅር) መብዛት፦

አላህ ለአንዳንዶች መልካም ስራቸውን እስከ 700 እጥፍ ያባዛላቸዋል፤ ለሌሎች ግን ላይባዛ ይችላል። ይህ የሚወሰነው በልባችን ውስጥ ባለው ቅንነትና ትህትና ነው።

​ሁልጊዜም ኢስቲግፋር ማድረግ ፦ ማንኛውም መልካም ስራ በእስቲግፋር ሊደመደም ይገባል። ነብዩ መሀመድ (ሰለላሁ አለይሂ ወሰለም ግዴታ የሆኑ ሶላቶችን እንኳን ሲጨርሱ ሶስት ጊዜ "አስቲግፊሩላህ" (አላህ ሆይ ምህረትህን እለምናለሁ) ይሉ ነበር።
​ጠቃሚ ማሳሰቢያ፦ እስቲግፋር በምላስ ብቻ ሳይሆን በልብ የታጀበ መሆን አለበት። ማንኛውም ስራ ከመጀመሩ በፊት፣ በሂደት ላይ እያለ እና ከተጠናቀቀ በኋላም ጉድለቶች ሊኖሩት ስለሚችሉ ኢስቲግፋር የሙስሊሞች የዘወትር ተግባር መሆን አለበት።

ሸይኽ ዐብዱ አሰ–ሰላም አሽ–ሹወይዒር

Shk Abduurahman Al Sudais

🔴 ሰበር ዜና፦ የዒድ አል-ፈጥር ጨረቃ አልታየችም
በሳዑዲ ዓረቢያ በዛሬው ዕለት የሸዋል (የዒድ) ጨረቃ ባለመታየቷ፣ ነገ ሐሙስ መጋቢት 10 ቀን 2018 ዓ.ል. የረመዳን 30ኛው ቀን ሆኖ ይጾማል።
በዚህም መሰረት የዘንድሮው የ1447ኛው የሂጅራ ዘመን ዒድ አል-ፈጥር በመጪው አርብ መጋቢት 11 ቀን 2018 ዓ.ል. (April 20, 2026) እንደሚከበር የሳዑዲ ዓረቢያ ጠቅላይ ፍርድ ቤት በይፋ አረጋግጧል።

እንኳን ለዒድ አል-ፈጥር በዓል በሰላም አደረሳችሁ!

ከወዲሁ ዒድ ሙባረክ‼
ተቀበለ-ል'ሏሁ ሚና ወሚንኩም ሷሊሓል አዕማል!

🌱 ​"ረመዳን በዚህ መልኩ ይጠናቀቃል፣ ነገ ደግሞ አመቱ ያበቃል። ከነገ ወዲያ ደግሞ ህይወት (እድሜ) ታከትማለች። ከዚያም በመቃብር ውስጥ ያለው ሁሉ ይበተናል (ይወጣል)፣ በልቦች ውስጥ ያለውም ሁሉ ይገለጣል። በዚያም ታላቅ የትንሳኤ ቀን ህዝቦች ሁሉ ተንበርክከው ይታያሉ። በመጨረሻም ሁሉም ነገር ወይ በላቀችው ገነት ወይም ደግሞ በሚፋጅ እሳት ይደምደማል።"

©️

አቡ ሉእሉአ አልመጁሲ ማለት ዑመር ብኑል ኸጧብን የሱብሕ ሶላት እያሰገዱ እያሉ በመርዛማ ሰይፍ የገደላቸው ሰው ነው። በእለቱ ከዑመር በተጨማሪ ወደ ሰባት ሶሐቦችን የገደለ ሲሆን ሌሎች በርካቶችንም አቁስሏል።

የተያያዘው ምስል ኢራን ውስጥ የሚገኝ የአቡ ሉእሉአ ዶሪሕ ነው። በትልቁ ገንብተው ይዘይሩታል፣ ይመላለሱበታል። "ኢስላማዊ" የሚባለው መንግስት አላፈረሰውም። ለምን? እምነቱ ይሄው ስለሆነ። አቡ ሉእሉአ አልመጁሲ የመጁሳ (እሳት አምልኮ) ሃይማኖት ተከታይ የነበረ ቢሆንም ኢራኖች ዘንድ ትልቅ የአላህ ወሊይ ነው። ለዑመር ያላቸው ጥላቻ ነው በዚህ ርቀት የወሰዳቸው። ዑመርን በየ ሶላታቸው የሚራገሙ፣ ጣዖት ነው የሚሉ፣ እሱ ብቻ ሳይሆን ለሱ "ረዲየላሁ ዐንሁ" እያለ ዱዓ የሚያደርግም ሙሽሪክ እንጂ ሙስሊም አይደለም የሚሉ እነዚህ መጁሳዎች ለመጁሲው ግን ማስታወሻ ዶሪሕ አቁመውለታል። ከዚያ "የኢራን ኢስላማዊ ሪፐብሊክ" ይላሉ። ታላቁን ኸሊፋ ዑመርን አውግዞ፣ ለሙሽሪኩ አቡ ሉእሉአ አልመጁሲ ሀውልት የሚያቆም ስርአት ነው ኢስላማዊ የሚሆነው? ይህንን በሃገር ደረጃ የሚታወቅ ህዝብ የሚመላለስበትን ነውር ዘንግተው ከዚያ ከሺዐዎች ውስጥ ሶሐቦችን የሚሳደቡት ጥቂቶች ናቸው የሚሉ ሰዎች አሉ። ይሄ ግልፅ የሆነ ውሸት ነው!

የነ ዑመር በዚህ ደረጃ በሺዐዎች መወገዝ ሳይጎረብጣቸው፣ እነ ኹመይኒና ኻሚነኢ ተወገዙ ብሎ የሚንጫጩ ሰዎች አሉ። አየቱላህ፣ ሩሑላህ፣ ኢማም እያሉ እነዚህን ሙሽሪኮች የሚያንቆለጳጵሱ ናቸው እንግዲህ የሱና ዑለማኦችን ሲሳደቡ የሚውሉት። የተራው ሺዐ ጉዳይ ሌላ ርእስ ነው። እነዚህ "ቁርኣን ተበርዟል"፣ "ሶሐቦች ከኢስላም አፈንግጠዋል"፣ "ዓኢሻ ዝሙተኛ ናት" የሚሉ የሙት0 ልጆች ግን ፈጽሞ ሙስሊሞች አይደሉም።

©️ Ibnu Munewor