🌿🌿🌿🍃ጥቆማ🍃🌿🌿🌿

ደብዳቤ!
----
የናፈቅከኝ፣ ስመጣ በደስታ የተቀበልከኝ፣ የረህመቱ እና የምህረቱ ወር... ረመዷን ነኝ።

የመጣሁት ትላንት ይመስል ነበር፤ ዛሬ ግን የጉዞዬን ማጠናቀቂያ እያሰናዳሁ ነው። በቅርቡ እሄዳለሁ! ቀኖቼ እያለቁ፣ ሰዓታቶቼ እየተሟጠጡ ነው።

ያ ዐብደሏህ! በእነዚህ አብረን ባሳለፍናቸው ቀናት መልካም ሰርተህብኝ ከሆነ አላህን አመስግን። ሌሊቱን ቆመህ፣ ቁርአኑን አንብበህ፣ ፆሙን በኢማን ፆመህ፣ አቅምህ የፈቀደውን ሰደቃ ሰጥተህ ከሆነ… አልሀምዱሊላህ በል። የቂያማ ቀን ጌታዬ ፊት ስቆም፣ «ያ አላህ! ይህ ባሪያህ በእኔ ምክንያት እንቅልፉን ትቷል፣ ምግቡን ትቷል፣ ማረው!» ብዬ በኩራት እመሰክርልሀለሁ።

ግን ደግሞ... በቸልተኝነት አሳልፈኸኝ፣ ሞባይልህ ላይ አፍጥጠህ፣ እንቅልፍ አብዝተህ፣ ወይም በዱንያ ሀሳብ ተውጠህብኝ ከሆነ... አሁንም ጥቂት ቀናት ቀርተውኛልና እባክህን ተመለስ። የጌታህ በሮች አሁንም ክፍት ናቸው። እኔ ከመሄዴ በፊት በእንባ ታጥበህ ንፁህ ሁን።

ምን አልባት... ቀጣይ አመት ላታገኘኝ ትችላለህ!
ባለፈው አመት አብረውኝ የነበሩ፣ አብረውኝ ያፈጠሩ፣ አብረውኝ የሰገዱ ስንት ሰዎች ዛሬ ከኔ ጋር የሉም። ቀዝቃዛው መቃብር ውስጥ ገብተዋል። ቀጣዩ አመት እኔ በድምቀት እመለሳለሁ፤ አንተ ግን ከምድር ገፅ ተሰናብተህ፣ በነጭ ጨርቅ ተከፈነህ፣ አፈር ልብሰህ ይሆናል። ስለዚህ፣ ይህን የመጨረሻ ቀኖቼን ልክ ዳግም እንደማታገኘኝ አስበህ ተጠቀምበት። የመጨረሻዬ ነው ብለህ ስገድ፣ የመጨረሻዬ ነው ብለህ አልቅስ!

አደራ ኢማንህን ጠብቅ!
እኔ ስሄድ መስጊዶችን ባዶ አታድርጋቸው። እኔ ስሰናበት ቁርአንህን አቧራ አታልብሰው። እኔ የአንድ ወር እንግዳህ ነበርኩ፤ አላህ ግን የዘላለም ጌታህ ነው። የረመዷን ጌታ፣ የሸዋልም፣ የሌሎችም ወራቶች ጌታ ነውና ከእኔ በኋላም በአላህ መንገድ ላይ ፅናት ይኑርህ።

አደራህን... ጌታዬ ፊት ስቆም የምመሰክርልህ እንጂ የምመሰክርብህ አታድርገኝ።

©️ ✒️ የተወሰደ

🔻ላስተነተነ መልዕክቱ ጥልቅ ነው!

*اللهم آتِ نفوسنا تقواها، وزكِّها أنت خير من زكّاها، أنت وليُّها ومولاها* 🤲🏼

ይህ እጅግ ጥልቅ የሆነና የነፍስን ንጽህና የሚለምን ውብ ዱዓ ነው።
ትርጉሙም፦

​"ጌታ ሆይ! ለነፍሶቻችን ጥንቃቄን (ተቅዋን) ስጣት፤ አንተ ከሁሉም በላይ አጥሪ ነህና አንጻት (እጠባት)፤ አንተ ረዳቷም ጌታዋም ነህና።" 🤲🏼

ይህ ዱዓ የሰው ልጅ ያለ ፈጣሪ እገዛና ድጋፍ ነፍሱን ማረም እንደማይችልና ሙሉ በሙሉ በአላህ ላይ መደገፉን የሚገልጽበት ትልቅ ስንቅ ነው።

ለሚወዷቸው ሰዎች ያጋሩ።

©️

Daily therapy

ኹዙኒ ኹዙኒ…

​🕊️ ዱዓህ ለምን ተቀባይነት አጣ? (ልብ ሊባል የሚገባው ሚስጥር!)
​ብዙዎቻችን አላህን እንለምናለን፣ ነገር ግን የምንለምንበት መንገድ ስህተት ሊሆን ይችላል። የዱዓ ሚስጥሩ በቃላት ብዛት ሳይሆን፣ በምንለምንበት ወቅት በልባችን ውስጥ ባለው የእርገጠኝነት (የቂን) ደረጃ ላይ ነው።
​ሊታወቁ የሚገቡ ወርቃማ ህጎች፦
​

እርግጠኝነትና ጥርጣሬ አብረው አይሄዱም

፦ አላህን እየለመንክ "ምናልባት አይመለስልኝም" የሚል ስጋት በልብህ ውስጥ ካለ፣ ያ ዱዓህ ትክክለኛውን መንገድ አልያዘም።
​እንዴት ሳይሆን ምን እንደምትፈልግ ጠይቅ፦ "እንዴት ይሆንልኛል?" ብለህ በዝርዝር አትጨነቅ። "እንዴት" የሚለውን ለሁሉ ቻዩ አላህ ተወውና ቁልፉን ለእርሱ አስረክብ።
​"ዱአዬ ላይበለኝ ይችላል" አትበል፣ " ዱዓዬ ተቀብሎኛል" በል፦

ዱዓ ስታደርግ አላህ መልሱን እንደሰጠህ፣ የፈለግኸው ነገር በእጅህ ላይ እንዳለ አድርገህ እሰብ።

ያንን የምላሹን ደስታና እርካታ አሁኑኑ በልብህ አስትውል።
​ታላቁ እውነታ፦

አላህ ዱዓ እንድታደርግ የልብ መነሳሳትን (ኢልሃም) የሰጠህ፣ ሊሰጥህ ስለፈለገ ብቻ ነው። እርሱ የማይሰጠህን ነገር እንድትለምነው አይገፋፋህም።

ስለዚህ ልብህን አሳርፍ፣ በጌታህም ተመካ!

©️

ሱደይስ ለ36 ተከታታይ አመታት ዛሬ የቁርኣን ኺትሚያን በረመዿን 29 በመከተል ሙከረማህ መስጂደል ሐረም ያሰግዳል፣ ዱዓእ ያደርጋል።

የኢስላም ውበት!
~
* የገንዘብ ዘካ በአመት አንዴ ካጠቃላይ ገንዘብ 2.5% ይወጣል። ከእህል ምርት 5% ወይም 10% ይወጣል። ከእንስሳት ሀብትም የተቀመጠ መጠን አለ።
* ሶደቀተል ፊጥር ረመዷን ሲጠናቀቅ በአንድ ሰው 2.5 ኪሎ ግራም እህል፣ በእየንዳንዱ ቤተሰብ አባላት ቁጥር ተባዝቶ ይወጣል። በዒድ ዋዜማ እርዳታውን ለመውሰድ የሚሰለፈውን ህዝብ ብዛት ተመልከቱ።

እስቲ በነዚህ ዘካዎች በመላው ዓለም ምን ያህል ህዝብ እንደሚደጎም አስቡት። ኢስላም! የመተዛዘን፣ የመደጋገፍ እምነት። አልሐምዱ ሊላህ ዐላ ኒዕመቲል ኢስላም!

©️ Ibnu Munewor

ይድረስ!
~

1- ይድረስ ሚስትህን ለፈታኸው፡
ልጆችህን ለዒድ አስበሃቸዋል? ወይስ እነሱንም ከእናታቸው ጋር ፈተሃቸዋል?

2- ይድረስ የየቲሞች አጎት ለሆንከው፡
የሟች ወንድምህን ልጆች ትጠይቃለህ? ወይስ ከቀበርከው ወንድምህ ጋር ረስተሃቸዋል?

3- ይድረስ ባሏ የሞተባት እህት ያለችህ:
እህትህን ትኑር ትሙት ጠይቀሀል? በልታለች ወይስ ተርባለች? ወይስ እህትነቷ ቁጥር ብቻ ነው?

ይድረስ ለሁላችን፡

እጃችንን የሚጠብቁ፣ ከኛ የቀረበ ሰው የሌላቸው ቤተሰቦቻችን በምን ላይ ናቸው? በዒድ በምን መልኩ እንዲያስታውሱን እንፈልጋለን? ያቅማችንን ያክል ከልባቸው ውስጥ ደስታ ማስገባት ያሳስበናል? ወይስ ሀዘን ትካዜያቸው ምንም አይመስለንም?!
-
ተነካክቶ ከዐረብኛ የተመለሰ

©️ Ibnu Munewor

በረመዳን ፍፃሜ እነዚህ ስራዎች ላይ ትኩረት ያሻሉ፦
"ተዋደየዕ" ​የትህትና አስፈላጊነት፦ ረመዳን ሲጠናቀቅ በሰራናቸው መልካም ስራዎች እና ኢባዳዎች (አምልኮዎች) ልባችን በትዕቢት እንዳይሞላ እስቲግፋር ማድረግ ይገባል። በሰራው ስራ የሚኩራራና ራሱን የሚያደንቅ ሰው ለጥፋት የተጋለጠ ነው።
​የስራዎቻችን ጉድለት ማስተዋል፦ በእውነተኛ ልብ ምህረትን የሚጠይቅ ሰው ስራው የቱንም ያህል የበዛ ቢሆን በውስጡ ጉድለት እንዳለበት ያውቃል። በአላህ ፊት በመተናነስ የቀረበ ጥቂት ስራ፣ በትዕቢት ከተሞላ ብዙ ስራ ይበልጣል።
​የምንዳ (አጅር) መብዛት፦

አላህ ለአንዳንዶች መልካም ስራቸውን እስከ 700 እጥፍ ያባዛላቸዋል፤ ለሌሎች ግን ላይባዛ ይችላል። ይህ የሚወሰነው በልባችን ውስጥ ባለው ቅንነትና ትህትና ነው።

​ሁልጊዜም ኢስቲግፋር ማድረግ ፦ ማንኛውም መልካም ስራ በእስቲግፋር ሊደመደም ይገባል። ነብዩ መሀመድ (ሰለላሁ አለይሂ ወሰለም ግዴታ የሆኑ ሶላቶችን እንኳን ሲጨርሱ ሶስት ጊዜ "አስቲግፊሩላህ" (አላህ ሆይ ምህረትህን እለምናለሁ) ይሉ ነበር።
​ጠቃሚ ማሳሰቢያ፦ እስቲግፋር በምላስ ብቻ ሳይሆን በልብ የታጀበ መሆን አለበት። ማንኛውም ስራ ከመጀመሩ በፊት፣ በሂደት ላይ እያለ እና ከተጠናቀቀ በኋላም ጉድለቶች ሊኖሩት ስለሚችሉ ኢስቲግፋር የሙስሊሞች የዘወትር ተግባር መሆን አለበት።

ሸይኽ ዐብዱ አሰ–ሰላም አሽ–ሹወይዒር