#روايات_سودانيةة📚🔐

عن سوداء وأبيض
بقلم:تسنيم عبدون
_12_
من ناحيتي كنت نايمة وجنبي اهلي كلهم شوية كده الصافي دخل وهو مقلق وطمنوهو نزل السوبر ماركت جاب حلاوة وبارد وحاجات وقعد حبة ومشى بيتهم وفي الليل قعدوا يتونسو ويتعشو الصافي حكى لي ابوهو عن اني دقوني وكده وقال لي ابوهو انا بشتغل بنفسي تحقيقات واعرف ده منو العمل كده ولو وقع في يدي م حيطلع سالم امو بقت تلوي خشمها وقالت في سرها اريتها كان ماتت العبد السوداء واريام جاها فاك بالخلعة وقالت شبعت وقامت والصافي قال لي امو انا سمعتك ي امي قلتي العبد السوداء العبيد صح لونهم اسود بس قلبهم ابيض وانقى بشر وم عيب العبد بلون جسمو الاسود عيب الزول بلون قلبو الاسود امو بقت تكورك ايواا عشان خاطرها بتقول لي امك قلبها اسود صح الله لا كسبك ولا كسبها اخر الزمن اربي واتعب ويقولو لي قلبك اسود وتجي بت تلقاك بالجاهز وتقول عنها قلبها ابيض قال ليها أمي ده كلو عايزكم تعرفوهو بس شان م تميزو زول بلونو ولا بخلقتو ميزو بي اخلاقو ودينو وعقلوو بسس لانو هو لا خلق نفسو براهو ولا لون نفسو براهو ممكن تختارو لي بت بيضاء وتكون اخلاقها كعبة عكس عبلة عادي جدا ي امي والعفو لانك فهمتيني غلط ابوهو قال ليهو الله اكبر الله اكبر الله يكملك بي عقلك ي ولدي الله ينصر دينكك يخ اماني بقت تلوي خشمها وهي ساكتةة
..................................
من جانب هند عرسها واحد مقررش واي حاجة بيوت وعربات وعمارات زي م عايزه وكانت فرحانه وي فرحة م تمت طلع زول همجي وتعاملو معاها كعب وم بديها قروش وندمت واتحسفت واتمنت لو كان عرست محمد القالت عنو شايقي وم عندو مال صح كان ناقصو مال بس اخلاقو ودينو 100%هسه بقى كامل والكمال لله مال واخلاق ودين وكلووو ده كلو درس من ربنا شان تعرف الانسان م بقيمو بمالو الانسان بقيمو بدينو واخلاقو وحياتها بقت كل يوم تبكي وحاميها تمشي اهلها وقعدها من الشغل بقت محبوسة بسس وفوق ده كلو طلع بتاع سكر ويجيها انصاص الليالي وم واعي اصلا وهي اليوم كلو محبوسة في البيت براها
.........................
وانا بقيت كويسة بس كل يوم ناس البيت شغالين معاي تحقيقات شان يعرفو ده منو العمل فيني كده وانا عامله فيها نسيت اي حاجة والصافي كل يوم يتصل لي ويسالني م اتذكرتي لسة اقول ليهو لا في حين انو متذكره اي حاجة انا
.............................
في يوم مشيت الكلية وكانوا جايننا ناس التلفزيون اتصل لي الصافي وقال لي تكوني قدام شان تتكلمي عن فرقتنا واهدافها وكده وتوري الناس اسم قناتنا عشان يشتركو بدأ البرنامج جيت قدام عشان اشترك سامعة بنات بي وراي بقولو دي ماشة وين حتفضحنا دي كمان بلونها ده عينها قوية كمان عايزه تظهر في التلفزيون ههههه بقو يضحكو م اشتعلت بيهم كتير الاعلامي مده لي المايك وبقيت اتكلم ومني عرفو انو في فرقة اسمها بلاك آند وايت وعرفو اهدافها شنو واتكيفو شديد لمن البرنامج انتهى ناداني الاعلامي على جنب مشيت ليهو وقال عايزني انا ومعاي نفرين تلاتة من الفرقة بتاعتنا في لقاء على الهواء في برنامج قوس قزح(برنامجي المفضل) وشال رقمي قال حيتصل لي ويوريني الزمن وقال لي اكون جاهزه في اي وقت قلت ليهو تمام ودعتو ومشيت وووريت ناس فرقتنا في القروب بالبرناج ده اتكيفو شديد والصافي قال انا بمشي غايتو وشوفي نفرين تانين واخترناهم واتجهزنا بعد يومين اتصل لي الاعلامي ومشينا والبرنامج كان رهيييب شديد واتكيفو مننا خصوصا انو هدفو محاربة العنصرية
يتبععع..............

10.9K views18:51

#روايات_سودانيةة📚🔐 via @like

كومنتات الحلقة ال11و12
حلوه🤤
رهييبة😍
براڤوو👏
م حلوه👎
وااو👌
يعني🌚

10.9K views18:52