كلها اتلخبطت و ضربت في بعض فرح و زعل عتاب حنيه شووق حب كره امان و خوف😭😭 زي الشافع الضيع حاجه و لقاها بعد بقي كبير وما قادر يعبر بث بقيت ابكي و اقول ليه يابا لي خليتني ليه ما سالت عني انا كنت محتاجاك ليه تركتني ليه 😭😭(صح امي ما قصرت ولا خالتو ولا عمو بث احساس تربى بدون ابو بدخل الشك جواك 😭😭بتحسي انو في حاجه مهمه في حياتك ناقصه😭😭 مهما كان الحوليك بحبوك فرحتك بتكون ناقصه 😭😭) وهو ببكي و بقول لي كنت مجبور ابعد عنك 😭😭كنت مجبور اشوفك من بعيد لي بعيد وما اقدر اضمك😭😭 الزمن قاسي يا بتي و قسا علي شديد😭😭 كل الناس بتغلط و بتكفر عن غلطها بث انا دفعت التمن غلطتي غالي 😭😭بقيت بعيد عن بتي الوحيده 😭😭قلت ليهو افتكرتك ما حتجي 😭😭 قال لي اتحرمت منك السنين دي كلها معقوله اتحرم برضو من اني اشارك في فرحتك معقوله اخلي زول غيري يعقد ليك وانا لسه حي 😭😭طارق جا مسح في ضهري و ضهر ابوي و قال لينا خلو الماضي طرف هسي و عيشو فرحتكم في اليوم دا انسو الاحزان😊😊 الزمن كافي انو يبري الجروح اللسه مفتحه😊😊 ابوي قال لي كدي كدي اشوفك و خته لي يديهو في خدودي قال لي ماشاء الله عصفورتي الصغيره كبرت و بقت عرووس ربنا يحميك و يحفظك 😍😍بث اسمعني هنا راجلك امسكي فيهو قوي لانو اصلو راجل ما هين اسد ماشاء الله عليه 😌😌قلت ليهو لكن يا بابا ما تقول كدا قدامو علشان يشوف نفسو علي😂😂 قعد يضحك قال لي الحق ما بتدسه😊😊 يلا نحن نمش علشان عندنا كذا مشوار 😊😊قلت ليهو بابا لسه ما شبعت منك😭😭 قال لي ما تخافي انا هنا قاااعد علشانك انتي وبث😊😊 وقت ما تدوريني بجيك 😍😍قلت ليهو الله يخليك😊😊 ابوي مشي ركب العربيه اول ما قبل و ادانا ضهرو ومشي علي العربيه انا استغليت ليك الفرصه و حضنت ليك طارق سريع سريع وقلت ليهو يااخ انا بموت فيك عديل😍😍 و فكيتو خليتو عامل كدا 😳😳الوقت داك ابوي كان وصل العربيه فتح الباب و عاين لي ابتسمت ليهو 😊😊وركب لقيت طارق لسه علي نفس الوضعيه😳😳 قلت ليهو هووي انت كمان ما تصدق يعني اي زول فرحان بعمل كدا ما تفرح 😒😒ابتسم و دنقر 🙈🙈قلت ليهو اشيييي شوف شوف منو البقي بخجل 😹😹رفع راسو و عاين لي كدا 😒😒 قاال اصلو الزول ما يحاول يبقي معاك رومنسي هسي كنت عايز اقول ليك بعد ساعتين بالكتير حتبقي حلالي و بتاع لكن بسسس عليك😂😂 قلت ليهو يحلوك في مويه نار بعد الشر عنك زح كدا و لا كدا😂😂 قال لي انتي متناقضه كدا مالك هسي😂😂 قلتي احلوك في مويه نار😂😂 تاني قلتي بعد الشر عنك 😂😂غيتو الشبهك دا شكلو برجع بيت اهلو مع الصيوان😂😂قلت ليهو ابقي راجل بث و رجعني😒😒 قال لي راجل وسيد الرجال😌😌 ما تلعبي معاي ضاغط بتندمي لسه العقد ما بدا هسي بلغيهو😌✋ قلت ليهو ما بتقدر😏😏 قال لي تمام ما بقدر ما بقدر 😏😏طوالي طلع ليك جوالو و اتصل بي ابوهو وفتح الاسبيكر وقال ليهو الو يا حاج كيف حالك 😊😊عمو قال ليهو كيف يعني ح يكون حالي انا مش قلت ليك كلم المازون دا من بدري هسي لقيناهو سافر😤😤 طارق قال ليهو ماف داعي للمازون شكلو العقد اتلغي 😊😊 ابوهو قال ليهو شنووو😤😤 طارق قال ليهو عدييل بطلت ما عايز اعرس 😊😊خطفت ليك الجوال منو سرييع قلت ليهو اهلين يا عمو طارق دا الفرح شال ليهو راسو ما تشتغل بيهو تم التجهيزات دي عادي وهو ح يتصرف في موضوع المازون😅😅عمو قال لي انتي منو😑😑 قلت ليهو انا بيان يا عمو اجي ما عرفتني 😂😂 قال لي الصايع دا معاك يعني قولي ليهو يصبر انتي ملحوقه وعندو عمر معاك هسي خليهو يجبني انا منتظرو 😂😂 قلت ليهو حاضر عمو يلا ثواني وبكون عندك 😂😂قفلت الخط و قلت ليهو طارق انت جنيت 😡😡 قعد يضحك 😂😂وقال لي انا جنيت انا جنيت بالعثل دا👏💃 قلت ليهو انا فايره لا مؤخذه وانت رايق و بتغني 😒😒قال لي بريدك عاد اعمل شنو😍😍 قلت ليهو قوم لف من هنا سرييبع علشان ما افكك بي طوبه😊😊 قال لي خلاص هاتي حضن الوداع و كدا 😉😉قلت ليهو شوفت دااك 😊😊قال لي الزول داك😁😁 قلت ليهو تحتو شنو😅😅 قال لي كلب اظنوو 😒😒قلت ليهو اجر احضنو 😊😊وخليتو قاعد يعاين للكلب😂😂 اتلفت لقاني وين انا الوقت داك دخلت البيت وقفلت الباب 😂😂 اتكيت فيهو وبقيت بتبسم واتخجل براي 🙈🙈بث اقي ليك نوف وعسجد الاتنين مشحوطات ليك في الشباك عاينو لي لقوني مدياهم عين 😒😒 جاهم تبسم لا ارادي اي واحده مدياني ابتسمه اعرض من التانيه 😊😊وبراحه دخلو وقفلو الشباك دخلت جوه قبل ما اي واحده تفتح لي بلاعتها دي😌✋ قلت ليهم هسسسي ولا حرف لا قال ليك شنو وقلتي شنو اي واحده تمش تشوف ليها شغله😌✋ المهم زي الساعه عشره ونص طارق اتصل علي وهو قاعد يجهز و قعد يتكلم معاي لحد الساعه حداشر و عشرين دقيقه 😍😍 قال لي انو هو خلاص جهز و ماشي علي مسجد السنهوري😍😍 العقد هناك قلت ليهو قوول القسم😍😍 قال لي مش انتي نفسك كان يعقدو ليك في السنهوري 😅😅 قلت ليهو بث انت عرفت كيف ومن وين😳😳 قال لي وراني صديق يلا ما تركزي😉😉 قات ليهو خلاص تمام😊😊

قال لي ثواني ارسل ليك سلفي الجلابيه😍😍قلت ليهو اوكي😍😍 و قفلت خمسه دقايق جاتي الصوره واااي انا منووو وااي قلب الجوال عمل شححح 😍😍و انا قلبي دا طلع من محلو عدييل 😍😍ياخ لون صاففي كدا يروق الدم وعينو االنعسانه ولا الجلابيه و عمه و الشال حكااايه 😍😍 يااخ بسحرو براي ماشاء الله عليهو😍😍 لاكن لحيتو ظابطها بي طريقه و القطعيات دي انسي حكايه داير قرمه عديل😍😍 رسلت ليهو رساله وقلت ليهو هووي هووي ما تمش العقد كدا بسحروك لي 😍😍شافها وقال لي والله؟؟!😂😂قلت ليهو افصلها خليني اتاملك 😂😂و انا بتامل فيهو كدا تاني اتصل قال لي راجيك انا 😒😒قلت ليهو لشنو😅😅 قال لي سلفيني حق التوب وينو 😍😍قلت ليهو حضنت الكلب القبيل؟؟!😅😅 قال لي و بستو كمان😂😂 قلت ليهو هع خليهو يرسلها ليك 😏😏و قفلت فيهو الخط قعد يضحك قلبو ميت خلاص😂😂 المهم مشو هناك اتصل علي قريب العقد و بقي بتونس معاي و سمعني العقد و قال لي مبرووك حلالي اخيرا بقيتي لي انا برااي حقتي و دنيتي😍😍 قلت ليهو ويا وجعتييي سكتت حروفي بانت معالم فرحتي😍😍لييه يا صديقي تقعد علي في جمعتي يا وجعتي😂😂 قال لي تصدقي انك رمه انا اقول ليك حلالي حقتي وبتاع و انتي تقولي لي وجعتي يوجعك شنو ياخ 😂😂قلت ليهو الله يبارك فيك يا زول كريه دا 😪😪قال لي قدي هسي ما فاضي ليك وقفل ليك فيني😂😂 قعدت اضحك ضحك😂😂 و بقيت ماسكه الصوره واتبسم عسجد قالت لي اها عقدو قلت ليها اي بقيت حلالو 🙈🙈حضنوني هي نوف و تعال شووف الزغاريت وما ادراك😻😻 و قالو لي الف الف مبرووك يااخ ربنا يتمم ليك علي خير يا سعدو بيك 😍😍كان احلا يوم ياخ كل شويه طارق يتصل لي اسخنو يقفل مني😂😂😂 ومرت الايام و جا يوم اربعه شهر اتناشر اطول و اسغل يوم كريه شديييد 😫😫ابا ينتهي كلو كلو 😪😪انا من التوتر ماسكني قلق ما قادره اقعد في حته واحده امش واجي كل شويه ما قادره اقعد و ماسكني ياس كدا ما عندي مزاج اعمل حاجه و لي اسبوع ما اتكلمت مع طارق و عايزه انوم واصحه القي يوم خمسه دا جا ياخ كل الايام جرت الا اليوم دا يتنه 😪😪ما علشان انا شفقانه و عايزه اعرس طارق بث علشان انا خلاص اتخنقت من العرس دا و مواضيعو و نقتو و دخانو اهم شي ما بريدو الدخان دا نهائي عزبني عزاب 😪😪 بقيت كل ما انوم واصحه اجي اشوف الساعه بلقاها مرت خمسه دقايق بث😭😭 و ناس رنو يغنو و يدقو لمن بهناك عملو لي صداع ياخ😪😪 يوم اربعه دا بيت متاب اتملي ملي بنات و نسوان كلهن عندي و امي شغاله وصايه ليها اسبوع و كلامها واحد بيتك امسكي في😒😒 راجل ما تخلي😒😒 وما تهملي😒😒 و ما تديهو فرصه يعاين لي غيرك😒😒 وما تبقي طبعك جاف 😒😒اهتمي بي بيتك و نفسك و جيهتك😒😒 و ما تطلعي اسراركم بره غرفتك😒😒 و ما تسمحي لزول يتدخل في حياتكم😒😒 وما تخلي مره تهتمه بيهو اكتر منك حتي امو دليلهو زي الشافع الصغير 😒😒اسمعي كلامو وما تقوي راسك 😒😒.....المهم لمن الساعه دي جات عشره بليل انا ما صدقت بلعت لي حبه و نومت طوالي 😪😪 صحيت تاني يوم بدري لقيت رنو اصلا كانت جايه تصحيني مشيت دخلت الحمام استحميت و اتوضيت وطلعت صليت ولبست لي جلباب و بي فوق للجلباب عبايه و نقاب ونزلنا تحت شربت الشاي و اكلت لي حاجه امي جات حضنتني قالت لي الليله يوم سعدي امس كنتي بتاتي و الليله عروس ربنا يحفظك حضنتني وقعدنا نبكي بعد مسافه مسحت لي دموعي وقالت لي ربنا يسعدك يا غاليه قلت ليهو ويخليك لي يا رب 😍😍وشلنا حاجاتنا و يلا طلعنا مشينا الكوفير😪😪 يلا علشان اتحبست بي دخان من دون كريمات حاره لوني دا نضف نضافه مبالغه و ظبط ظبطه فظيييعه 😍😍يلا رسمو لي حنه لي نص الساق اما اليدين للكوع و بعد داك عملو لي شكل في عضل اليد في الوقت داك ظبطو باقي البنات بعد ما غسلت الحنه وقفت في المرايه عاينت لي روحي فيها و للحنه حسيت اليوم كانو حلم حلم دموعي نزلوو بكيت 😭😭بكاا مبالغه رنو ريل و نوف و شهد و عسجد كلهم قعدو يبكو معااي 😭😭الميك اب ظريفه كدا قالت لينا هوي هوي زحو لينا من العروس ما تبكوها علشان ما تمشي العرس عيونا منفخه يرجعوها لينا بي فستانها 😂😂 قعدنا نضحك😂😂 المهم بعد الغدا رنو مشت قالت ح تجهز في البيت لانو المفروص تكون واقفه مع امها و امي في الاستقبال بدري 😊😊قلت ليها تمام المسا جهزت طبعا الفستان الجابو لي طارق طلع خطيييير هو اصلا قصتو مبالغه و بعد لبستو شي عجيب😍😍 يلا هو من فوق مخنصر و من تحت فاااري قماشو املس ولامع ومزخرف بي ورد بالقماش ولونو ابيييااض فظيييع ومع التسريحه ياااخ مبالغه و الميك اب بسييط و حلوو ورايق والروج نفس لون البوكيت حق الورد اللي لسه ما شفتو😍😂والمفروض يجيبو طارق 😪😪زي الساعه سبعه معاذ اتصل علينا انو ننزل بعد دا طبعا ما عندي اشبينات غير نهي و عسجد و نوف و شهد وريل وريان اخت ريل (ريل دي هم سته بنات ماشاء الله وكلهم اسماهم بالرا 😂😂)لانو علاقتي مع اهلي كعبه 😪😪الفساتين كان كلها جابها طارق و هو كمان النظم العرس بث انا طلبت من

و يكون عادي وما مكلف لا رقيص و لا غيرو يكون بسيط😊😊 يلا الاشبينات لبسو فساتين لونها احمر لحمي كدا حلويين😍😍 من فوق علي الجسم ومني النص فاااري كدا حلووو شديييد يدهو نص كم من فوق قماش كدا ومن تحت شفون قريب من قصه فساتين الزفاف و الخطوبات حلو😍😍 وعملو ليهم تسريحه عجيبه 😍😍نزلنا تحت لقينا خالد و معاذ خالد قال لي يا سبحان الله لو ما الخوه كان خطفتك و جريت بيك 😍😍معاذ قال ليهو خوه شنو يا زول خلي الخوه تنفعك يلا اسمعي يا بيان انا الليله شارد بيك شارد بيك 😍😍قلت ليهو بطلو تعرصه طارق وينو😅😅معاذ قال لي خلي الشفقه لسه وراكم ليل طوييل 😉😉خالد قال لي مشي يستلم عربيه الزفه وقال بحصلنا في الاستديو ما تخافي ما بهرب منك 😂😂قلت ليهو بث ما ح نتاخر ؟؟!😢😢معاذ قال لي لالا اصلا احتمال يكون هو هسي راجينا هناك اصلا هو شفقاان شفقه لو عليهو يغمض عينو ويفتح يلقي الحفله خلصت ذاتو 😉😉 قلت ليهو امممم تمام علي اساس انت الما كنت شفقان 😪😪خالد قال لينا يلا سرريع اركبو علشان الزمن😊😊 اتوزعنا في العربيتين ومشينا الاستديو كان في الرياض حلو وبسيط 😍😍 لقينا طارق لسه ما جاء😪😪 قعدنا في الاستراحه منتظرنو😪😪طبعا سايقين معانا الميك اب علشان تظبط لي مكياج الجرتق😍😍قالت لي خلاص النظبطك علي بال راجلك يجي😍😍 وفتحت ليك شنطه الحاجات و بقت تظبط لي خلصت و انتهت ونحن لسه منتظرين بنضرب ليهو ما برد والمصور كل شويه يجي يقول لينا ما جا نقول ليهو لسه 😪😪معاذ كان عندو الكرت بتاع محل الزينه اتصل عليهم و اسالهم قالو ليهو استلم العربيه ليهو ساعه 😪😪انا بين زعلانه و خايفه عليهو في نفس الوقت 😭😭 ليهو اكتر من نص ساعه وهو لسه ما جا 😭😭جوالو مره مغلق ومره خارج النطاق و مره جرس وما برد 😪😪انا خلاص اعصابي تلفت 😭😭قلت دا مياس اكيد عمال ليهو حاجه 😭😭...... يا ربي طارق اختفا وين والحاصل معاهو شنو 😱😱

#ريدي
-١٩-
قلقت شديييد ياخ قدر ما اتصلت ما رده بعد خمسه و اربعين دقيقه انا كنت قاعده في غرفه التصوير حتي سمعت انو قالو جا 😪😪 زعلت انو اتاخر شديد😭وانا قاعده في المقعد اول ما جا داخل سرحت فيهو😍😍 ياخ الحنه ولا البدله السودا والقميص البيض ولا الجزمه الكلاسك ولا الببيونه ولا شعرو ياخ الدقن ولا العيوون احيييييي انا ادسو وين انا ادسو ويين 🙈🙈 شويه كدا حسيت روحي رقدت فيهو شديد وقربت انسي زعلتي قلت لي نفسي بيان اتلمي و 😂😂اديتو ضهري 😌✋جا داخل غرفه التصوير و جا وقف قدامي ابيت اعاين ليهو و صاره ليهو ميه و حداشر 😪😪قال لي حبيبي زعلان و ميل لي راسو😍😍 ما رديت ليهو😯😯 قعد قدامي علي رجيلهو و شايل في يديهو علبه شوكلاته فرنسيه و بوكيت ورد لونو كبدي و ملفوف بي زينه بيضاء😍😍 مسك لي يدي و قال لي هنايي سبحان الله الخلقك😍😍 انا خايف يسحروك لي رايك شنو ما نمشي الصاله 😍😍قلت ليهو بلاي 😑😑 قال لي والله جد جادي بدوك عين كن مشينا😍😍 قلت ليهو طارق ما تخيلني انفصم فيك هسي 😪😪قال لي خلاص روقي خليني النحصنك وقعد يحصن فيني 😍😍و انا بعاين ليهو وانا صاره😒😒 قال لي عارف اني اتاخرت عليك بث ما بيدي والله كان عندي مشكله و كنت لازم احصلها حبي عليك الله ما تزعلي ما بتهوني علي 😍😍قلت ليهو يااخي 😑😑قال لي طيب شوفي انا جايب ليك معاي شنو الشوكلاته دي انا استوردتها عديل انتي عارفه انا هسي جاي من المطار مشيت استلمتها من صحبي و جيتك جاري بتي الربيتا ما تزعلي لانو انا متوتر شديد وما قادر اترمسن معاك ولو قعدتي زعلانه كدا ح اتوتر زياده 😂😂طبعا يديهو تلج قرب لي وقال ربنا يحفظك لي يا غلاي و مناي و هناي ما اتحرم من عيونك و ما اعدمك لانو طارق لي بيان و بيان لي طارق 😍😍 و الباقي حريقه فيهو😪😪 و باسني في راسي طبعا خجلت شديييد 🙈🙈نوف قالت لي عايني الود اتمرمط علشانك كفايه حرام افرديها بعد دا 😂😂طارق فتح العلبه و شال قطعه منها و اكلني ليها😍😍خطيره ياخ 😍😍قال لي وانا حقتي؟؟!😅😅 قلت ليهو مش قلت داير تصالحني ماف ليك و خطفت من العلبه😂😂 اتربع لي في الارض و قال لي اهون عليك؟! قلت ليهو واكتر اصلا انت و الكلب عندي واحد😊😊 قال لي قاسيه ياخ هسي انا الجبرني اعرس لي واحده زيك شنو كان اعرس لي واحده من النوع الرمنسي الممكن تتجاوب معاك 😪😪 قلت ليهو كان اخير ليك😏😏 قال لي بيان عسلي 😍😍قلت ليهو ماف ما تحلم😌😌 قال لي نبضي😍😍 قلت ليهو ولا تحاول😌😌 قال لي حبي😒😒 قلت ليهو طارق😪😪 قام علي ركبيهو وقرب مني شديد وبقي بعاين لي في عيوني و انا خلاص قلبي دا اشتغل مكنه و خايفه منو يعمل لي حركه كدا ولا كدا لانو عزيزي المشاهد متابعين معانا استب بي استب 😂😂 وقال لي ريدي وبعاين لي بي نظره كلها حب 😍😍براحه رفعت ليهو قطعه وقالت ليهو هاك و زح مني لانو نفسي ح يكتم 😢😢ضحك 😂😂قال لي اصلا انا غيرها ما داير و بالمناسبه ح تطلع لقطه خطيره😂😂قلت ليهو لقطه شنو 😒😒قال لي للدرجه دي عمي عيونك وما شايفه غيري 😂😂قلت ليهو كيف ما شايفه غيرك هندا خالد و هندا معاذ قال ما شايفه غيرك قال 😏😏 قعد يضحك و قال لي بث المصور قاعد يصور فينا من انا جيت و قعدا علي رجلي علشان اصالحك لمن رجلي و جعوني 😂😂اتربعت ليك علشان اخد قطعه شوكلاته لمن فترت😂😂 بركت ليك علشان اقرب منك اديتني الشوكلاته علشان ابعد 😂😂ياخ انتي اصعب حصان ممكن يتروض 😂😂 قلت ليهو بلاهي طيب انت بتعرس حصان مالك😑😑 قال لي و النعمه بريدك اعمل شنو😂😂 سكت وخجلت خالد قال لينا ملاحظين انو بي طريقتكم دي ح نصل نلقي الاوفر تايم زاتو خلص 😂😂 قلت ليهو ما دا صحبك السغيل دا😪😪معاذ قال لي اصحابك وصلو يا بيان😊😊قلت ليهو اصحابي منو😕😕 يمان جا داخل وديك يل البدله الكحليه و الببيونه الحمره 😍😍قال لي خلاص نسيتينا قبل العرس زاتوو 😂😂قلت ليهو يمووو😍😍 غيث قال لي يمو في عينك قبل شويه ما نكرتينا 😂😂قلت ليهو انت تخرص خالص مش قلت لي ما جاين وقدر ما حنستكم رفضتو😑😑حسام قال لي ونحن نقدر ما نجي😍😍 عمار قال لي دي عزومه مجانيه ما بنفوتها 😂😂قلت ليهو حيوان همك بطنك دي والمشكله ما ظاهر فيك 😂😂مهند قال لي اي حاره يعرسو ليك زوله كنت خاتي عينك عليها بث في النهايه صحبتنا ما واقفه علي الريده ياخ 😍😍احمد قال ليهم ما ملاحظين انكم بتحاولو تقصو البت يوم عرسها 😂😂 و بعدين كشفو الزول دا عضل كيف كف واحد ينسيك حنانك😂😂 طارق قعد يضحك قال ليهو ما لي الدرجه دي لكن😂😂 الفتوغراف ظرييف شدييد جا قال لينا يلا الصور الفرديه خلصت استغليت فكره نظرات العشااق ديك و اخدت اللقطات لمن قعدتو تتصالحو يلا تتصورو مع الشباب كذا لقطه علشان الزمن المهم بقي بصور و يونس فينا و يضحكنا و تاني عمل لينا كذا لقطه بنضحك انا وطارق برانا فيها و افكارو حلو يااخ مبدع بعرف وين اللقطه المناسه و متين لازم يصور و كدا 😍😍 وعمل لقطتات للشباين مع الشباب خاصه انو ناس غيس كانو لابسين السته نفس الب

دل ونفس اللون 😍😍بعد خلصنا تصوير شكرناهو وضيفناهو من الشوكلت و اديت باقي العليه للجماعه قضو علي الاخضر و اليابس 😂😂 اصلا هي علبه صغيره كدا تغريبا فيها خمسه وعشرين قطعه انا اكلت خمسه 😂😂 و طارق واحده 😂😂 و الباقي اهتمو بيهو الجماعه 😂😂المهم ركبنا و مشينا انا وطارق برانا في عربيه الزفه هو قدام وانا ورا قلت ليهو ليه قال لي عندي فهم في راسي اصبري بث 😉😉قلت ليهو الله يجيب العواقب سليمه 😪😪بعد وصلنا الصاله طارق قال لي ح تنزلي براك تمشي طوييل في الممر😉😉 قلت ليهو ادخل براي بري بخاااف😱قال لي ليه ماشين ياكلوك و بعدين انا عندي كذا غرض و صااله مارينا دي اصلا مرصوصه زي علامه البلص(+) مامرين قاطعين بعض ومحل القطعه دي عملنها الساحه فشنو انتي ح تدخلي من الممر الامامي علشان تلفتي تظر الناس ليك في الوقت داك انا ح ادخل من باب الخدمه و ح تلقيني واقف قصادك في نفس الممر بس انتي قبل الساحه و انا بعد الساحه 😍😍 قات ليهو انا مش قلت ليك عايزه عرسي بسيط وعادي وما عايزه حركات الخلع دي ياخ الناس بتقعد اسبوع علشان تفهم فكره العرس 😪😪قال لي اصلا هو بسيط و عادي بث انا عملت كذا فكره حلوه وبعدين انا بنظم للناس اعراسهم معقوله ما انظم عرس لي احلا بنوته عندي😍😍يلا انزلي يلا فعلا نزلت الناس معظمهم افتكروني جيت براي لانو طارق هو الكان سايق عربيه الزفه وماف زول اتوقع فكره انو العريس يسوق للعروس عربيه الزفه 😪😪المهم نزلت الوقت داك لقيت الاشبينات نزلو قدامي و والشباب دخلو قدامي 😍😍جيت داخله و المصور مشي معاي من باب العربيه لباب الصاله و وقف قال لي ركزي لانو الباقي ح تا
تمو الكميرا الفوق😉😉قلت ليهو ليه😅😅 قال لي لانو دكتور طارق نبه انو ماف زوك يتحرك من محلو وما عايزين ناس في الممرات 😊😊قلت ليهو ايواا تمام الله يستر 😪😪وانا في المدخل سمعه زول اتكلم بالمايك وقال نرجو من اعزائي الحضور الجلوس و عدم الحركه ...و كلام كتير كدا مفهومو يعني اذا النور قطع والحته ضلمت او غيرو دي تبع الدخله فماف زول يكورك ولا يقوم و سكت 😪😪 يلا خفضوو الاضاءه و جت داخله انصدمت طبعا اولا ما لقيت اشبيناتي في الباب الكانو واقفين رنو ومعاها تلاته من بنات اهالها ومعاهن بتين كدا اول مره اشوفهم هن كلهن سته بنات لابسين تياب نفس لون فساتين الاشبنات 😍😍 طبعا رنو شكلها كضبت علي و مشت كوفير ما رجعت البيت لانو ظابطنهم ظبطه مبالغه كلهن مظبطات ظبطه من الموت😍😍يلا ديل كانو واقفين علي يدي اليمين و شايلين مباخر و ريحه البخور مبالغه 😍😍و بي يدي الشمال كل واحده مقاصدها راجلها لابسين جلاليب فخااامه وداك يا الشال و العمه و اي واحد شايل سيف بي بشر بيهو 😍😍اول ما جبت داخله اشتغله غنيه الجزار البتقول بكبر في عيون الناس و في عينك بكون لسه 😍😍دايما انتي خايفه علي من فتحته لي هسا😍😍 يا يا امييي😍😍 بريدك يمه نبع الريد واحساس جنه بتحسه😍😍 يفض بحر الحنان منك مراكب شوق علي ترساا ترساا😍😍 يا امي😍😍.... لقيت امي واقفه لي في نص الممر وانا خلاص دموعي ديل نزلو مشيت حضنتها و بكينا الاتنين 😭😭باست لي راسي و قالت لي ما تبكي الليله فرحتك و مناي ليك 😭😭 قلت ليهو دي دموع الفرح يمه دموع الفرح😭😭 ما اتحرم منك😭😭و حضنتها 😭😭الغنيه قلبت غنيه مياده قمر الدين حقت التقيل ضراي جبلي وما بزح بقيف قبلي وحامي حماي انا 😍😍ابوي جاي بيبشر من بعيد و ناس ياسين يعرضو بالسيوف و ناس رنو ديل الرقيص خلي سااي😍😍ابوي حضني وقال لي ربنا يهنيك😍😍 حضنتو وقعدت ابكي مسح لي دموعي وقال لي ما تبكي يا غاليه هو في قمر زيك ببكي الليله يومك و يا سعدو بيك 😍😍و مسكني هو بي جهه و أمي بي جهه وقدموني للساحه حبه فجاءه الانوار انطفت و بقت تفتح شكل دايره بس بالتدريج بعد داك لقيت نفسي لافين حولي اشبيناتي السته ومعاهم الشباب اتوزعو متفرقين بت ولد بت ولد بت ولد😍😍فجاءه جا طارق و حضني من ورا وشتغلت اغنيه بتقول (حبك يدق بالراس😍😍 ماليني حب و احساس😍😍 غير انت تاج الراس وهذا مكانك😍😍 حبك سوالف ليل 😍😍وشفاك طعم الهيل😍😍 بقلبي عادي تعيش وهذا مكانك😍😍...) ورقصنا عليها الاسلو 😍😍وطارق يهمس لي وانا الخجله كاتلاني 🙈🙈وفي المقطع دا (واريدك يا غالي يلي منور اللايالي 😍😍 وريدك حبيبي غيرك ولا يحلا لي😍😍 يا اولي و اخيري بث انت شاغل بالي😍😍 ولا تصدق انا اعوفك بث انت عندي غالي😍😍 ..) طارق قال لي امسكني كويس 😉😉قلت ليهو ليه مالك😳😳 قال لي بث سااي😅😅 يلا هو طويل ما بقدر امسكو الا اتشعبط في رقبتو 😂😂فخنقتو ليك خنق من رقبتو😂😂 و هو مسكني من خصري شعر جسمي دخل الجيش عدييل 🙈🙈 و الساعه الاحس ليك رجليني لافه في الهوا 😂😂والناس دي تصفر مع فره الفستاخ خطييير ياخ😂😂 المهم بعد خلصنا الاسلو يلا في زي ترولي كدا كان في نص الدايره 😅😅 بث مقفل شكل صندوق قلت ليهو طارق دا شنو دا قبيل ما كان هنا 😅😅 قال لي اي جابو هسي لمن نحن كنا بنرقص😂😂 قلت ليهو ه

و شنو دا 😍😍قال لي تعالي نشوفو سوا ومشينا وقفنا فيهو و اشتغلت غنيه عيشه معاك حاله حب حقت اليسه 😍😍و الترولي دا كان فيهو كاستين كدا رفيعات و حلوين شديد 😍😍فيهم مناديل قماش باللون الابيض و مزينات بي طريقه راقيه 😍😍 و تاني فيهو شوكتين وسكين و فههو حته فاضيه😂😂قلت ليهو طارق وين الجاتو الترولي فاضي😂😂 قال لي والله كدي عايني كويس و داس ليهو زر احمر كدا في زي دايره كدا في سطح الترولي فتحت علي نصين و التورته بدت تطلع تدريجيا و الداخن و الفقاقيع ماليه البلد مبااالغه 😍😍😍 وانا بقيت عامله كدا 🙊🙊قدر ما حاولت اوصف ليكم قالب التورته دا ما بقدر اربعه طوابق (ان شاء الله بيتي😍😍 ) في راسها معلق عرسان برقصو مع الهزه 💃👏التورته لونها ابيض مزينه باللون الكبدي نفس لون البوكيت بتاع الورد ياخ انا جاني انفصااام عديييل 😍😍طارق قال لي بث قبل ما نقطع في حاجه نسيناها😉😉 قلت ليهو شنو دورني علي اتجاه المدخل حق الصاله وقال لي عايني هناك 😂😂 لقيت دي تالين في المشايه بتاعتها و لابسه نفس فساتين الاشبينات وشايله ليها علبه في يدها وااي عسل😍😍 المشكله هي بتتلفت و بتعاين زي الزول الرايح 😂😂طارق بقول ليها تعالي 😍😍ابت تجيهو 😂😂قعدت اضحك قلت ليهو هي شافعه و مع زحمه الناس دي ما ح تفهمك 😂😂قال لي تحدي 😊😊قلت ليهو تحدي 😏😏عاين ليها كدا و قال ليها تعالي😌😌 البت بدت تجي علينا انا زاتي اتخلعت😳😳 قلت ليهو ساحر انت ولا شنو😱😱 قال لي اصلا ساحر ومسحور و كلو بسبب جمالك😍😍 فعلا تالين وصلتنا بث انا لاحظت حاجه انها و هي جايه في حبل مربوط في المشايه لونو شفاف و جاريها علينا و الخلاني الاحظ انو قتعد يلمع مع الاضاءه ضحكت و قلت في جواي مجنون يا طارق 😂😂طارق شال منها العلبه و شالها هي زاتها و باسها وانا بستها في خدها و قعدت اشاغل فيها وهي تضحك 😍😍و رنو جات شالتها مننا ومشت😪😪طارق فتح العلبه لقيتها دبله دهب و محبس و التانيه فضه 😍😍 قلت وااي انا نسيتهم عديل😂😂 قال لي بس انا ما بنسي شي 😉😉يلا تعالو شوفو عوارتو 😪😪 جا داير يلبسني دبلتي مديت ليهو يدي بعد يوصل الدبله نص الاصبع وهو بعني تنقش تنقش تنقش💃💃 يقول لي ورررر و يملصها تاني قلت ليهو اجي يا القادر الله 😳😳 قريب ساعه نحن في الحاله دي والناس دي تضحك 😂😂وانا خلاص كرهتو عديل😂😂 وهو لسه تنقش تنقش تمقش ورررر حيوان حيونه 😂😂تاني قال لي خلاص خلاص شكلك سخنتي جا لبسني ليها لمن خالص قرب يوصلها نهايه الاصبع قال لي حاسي بي حاجه في رجلي ودنقر و ملص الدبله تاني 😭😭 (قلت في نفسيي اووف يا الله دا الحله بله ذاتو ما بقدر يحلني منو 😪😪)لمن رفع راسو لقاني بعاين ليهو كدا 😒😒 قال لي خلاص خلاص بعد طالع روح لبسني دبلتي و لبستو دبلتو😤😤 اها جانيا لي التورته كنا ماشين كويس لحد ما قطعناها سوا بث تاني رجع لي نفس العواره 😪😪 قربت احردها ليهو 😪😪لاكن نفسي فيها والله و المشكله اولا هو قاطع لي حته صغيرونه وانا ميته من الجوع 😭😭تاني شي بتعاور بقولي افتحي خشمك 😍😍 بعد خلاص اعشم فيها و افتح ليهو خشمي يقول لي وييييو وتاني برجعها 😤😤 قلت ليهو طارق علي ما اظن لسه راجنيا كلام كتير شكلو الفنان دا ولا ح بغني ولا غنيه بي طريقتك دي 😒😒 قال لي خلاص هاك اكلني بعد سله روح 😪😪الناس صفقت قال لي وانا😂😂قلت ليهو اكل براك😊😊 قال لي حرام عليك😢😢 قلت ليهو والبتسوي فيهو من قبيل دا ما حرام 😒😒 قال لي خلاث اسف حبابه انت عثل قطعت ليهو حته كبيره و دفستها ليهو في خشمو خليتو قطع صوت زاتو كرييه و قلت ليهو الزول االجيعان باكلوهو كدا فاهم😒😒بعد داك قالو انو في اولاد عايزين يعملو عرض هب هوب هديه للعروس😍😍 قلت ليهو طارق بث انا ما بعرفهم ديل منو و اولاد اهلي كيف 😳😳قال لي اولاد اهلك عدييل 😂😂قلت ليهو كيف يعن يعديل اشرح لي فسر لي 😳😳قال لي بعني في الشهرين الفاتو ديل انا استغليت فتره حبسك و صلحت معظم العلاقات فضل لي علاقه واحده و دي المفروض تصلحيها انتي اللي هي علاقه امك وابوك 😊😊 قلت ليهو يعني انت جادي 😍😍قال لي يب اهلك من اعمام لي خيلان قاعدين هنا😊😊 قلت ليهو نعشقك يااخ 😍😍قال لي احلفي😍😍 قلت ليهو الحليفه بالكضب حرام😂😂 قال لي رمه 😂😂 لكن هسي كدي شوفي عرض اولاد امريكا الرقاصين😍😍 بث اشتغل غنيه الديجي غربي و تعال شوفو الرقيص ياخ خطيرين ياخ التقول كيبوب عدببيل 😍😍 قربت امش اخش معاهم والناس دي كلها تصفق و تصفر 💃👏بعد داك مشينا الكوشه علشان الناس تقدر تجي تبارك و محمد حسين(ميمي😍😍) اشتغل هيص بيهم كيف ربه زي الربه 😍😍وانا من كتره المباركه تعبت عديل حسيت كتفي اتشمط 😪😪رنو و ياسن جو قومونا و نحن قايمين كدا جا مياس من شوفتو قلبي انقبض😪😪 بارك لي و بارك لي طارق و مشي و اختفي تاني ما شفتو😪😪 المهم ما اشتغلت بيهو كتير مشينا رقصنا👏💃وانا بي طبعي في الحفلات رقيصي هادي شدييبد 🙈🔪(الا في عرس متاب و معاذ حتيتو حت😂😂) يلا اخدت ليك د

ور العروس الرزينه لانو امي وصتني خردميه مره قالت لي ما تتخفخفي 😂😂و طارق كل ما يلقاني كدا ميتانه يجي يقول لي اها اها ايوه يلا يحبيني كدا ويرقص معاي و يفرفشني 😍😍 و يجو اصحابو يشيلو مني 😪😪والله عملو لي خلع عديل اصحابو ديل شويه يكون معاي اقبل علي زول و ارجع اعاين بلقي طارق ماف اصنقع القاهو شايلنو فوووق😂😂 بعد رقصنا و هيصنا المحيرني انو ماب كانت عاديه ولا كني معرسه حبيبها ولا جابت لي سيره شلابه ولا ردحت لي بالعكس كانت بترقص و تزغرد عااادي 😳🔪الساعه 11 الفنان خلص لملم عفشو و طلع وجانا الزول الحووب دي جي فيزيكس😍😍 ياخ غراام عدييييل الزول دا بث للاسف ما خلوني احضر الديجي 😭😭ساقوني اغير للجرتق 😭😭 طارق قال لي و لا جاي ولا جااي امشي براك كن ما فيزكس دا فات انا ما جاي 😂😂حظو قعد يرقص مع اصحابو 😭😭ونحن قعدنا نرقص و ناكل في غرفه الغيار لانو كنت حيعانه شديد و ريل العسل ع تنا ليك بي صحون عشاء ياخ حبيتها حب لمن بهناااك 😍😍المهم لبسوني فستان دهبي فوق للركبه بي مراحل🙊🙊 و توب كحلي الكسيسوار اخترت لبس من الدهب الجابوهو لي😍😍 ياخ طلعت خطيييييره حبيت روحي عدييل كدا 😍😍توب زي التوب شغل هندي في دبي مبااالغه 😍😍 اما الاشبينات و ناس رنو و متاب و البنات القبيل لبسو اسود الاشبنات فساتين سودا بي دهبي😍😍 و ناس رنو تياب سودا بي دهبي 😍😍يااخ مبالغه 😍😍شويه والباب دقه قالو مين امي قاات ليهم دي انا فتحو ليها الباب دخلت غيرت توب العرس سرييع سرييع بي توب الجرتق اصلا امي لبست تلاته تياب الاول انا ما شفتو استغبلت بيهو الضيوف و التاني لمن نحن وصلنا ودا التالت 😍😍بعد ماما لبست ساقت البنات و طلعو خلوني مع الميك اب ظبطت لي وشي 😍😍طارق جا علشان يغير الميك استاذنت وطلعت قلت ليهو ما بدري 😒😒 قال لي انا زاتي قلت كدا بث قالو لي الزمن وكداا😂😂 و بدا يقلع في قميصو قلت ليهو يا زول ح تقلع قدامي ؟؟!😳😳و اديتو ضهري 🙈🙈جي حضني و قال لي بتخجلي من راجلك ؟!!😍😍قبل ما ارد امو دقت الباب قلت ليها ايوه😍😍قالت لي كان جهزتو يلا 😊😊 طارق قال ليها عشره دقايق بث و نكون معاكم 😍😍 قلت ليهو يلا فكني قال لي ما عايز قلت ليهو العشره دقايق دي ح تنتهي و انت ما ح تكون غيرت قال لي خليها تنتهي 😪😪قلت ليهو طاااارق 😒😒قال لي خلاص فكيتك و مشا غير لبسو ولبس جلابيه الجرتق واااي انا منو بالجلابيه و الحنه و الطاقيه و الشال ياخ قرض كيف مبالغه و لا دقنو انا حاباهو علشان دقنو دا 😍😍امي و امو و خالاتو جو بخرونا و رشرنا كمون وملح و بخرونا بي بخور التيمان و رشو فيهو ملح و حصنونا وجو ابوي واتنين من اعمامي و ابوهو و عمو واحد قرو لينا ياسين ودا كلو علشان العين وكدا😍😍 بعد داك طعنا لقينا انصاف دي تقوول يا ليل😍😍دخلنا بي غنيه ما بالحلال يا روح بعيد 👏💃طبعا انا ماسكه يد طارق متكنكشه ليهو في يدو و بطقش ساي لانه مغطين لي و شي و هو يبشر😂😂المهم وصلنا كوشه الضريره رفعو لي التوب الثراتي وانصاف بدت تعدل لينا 😍😍الليل الليل العديل و الزين ان شاء الله العديله تقدم و تبرا 👏💃.... عملت لينا الضريره حبوبتو😍😍 بعد خلصو من الضريره ماما جات ورتني خالاتي و خيلاني و اولادهن😍😍 طبعا اول مره اشوفهم 😅😅و بابا جا عرفني بي عماتي و اعمامي😍😍وعرسي بقي فاتحه خير و الناس اتصافت وكلو بفضل زولي واخر قولي حبه بندولي 😍😍و بعد داك مشينا الساحه نرقص رقصنا كدا لحد ما الحفله انتهت و انصاف فاتت جا دور الوداع وانتو عارفين انا ما بحب الوداع😭😭 يلا في الوداع دا بكيت كتره بكا كان كان جمعو دموعي كان سوت سيل عديل 😭😭بكيت مع امي😭😭 و بكيت مع صحباتي 😭😭وبكيت مع ريل 😭😭اما رنو قالت لي زحي مني غادي اصلا انتي جايه بيتنا مش ماشه مننا يعني انا اقعد ازغرت ما ابكي 😂😂وبكيت في اصحابي 😭😭 خاصه يمان و غيث😭😭 يمان قال لي ما تبكي اذا اطلقتي منو انا لسه بقبل بيك😂😂 خبطو في كتفو وقلت ليهو عرسنا متين نحن لمن افكر في الطلااق 😂😂 طلال جا قال لي لبان زولتي مالك بتبكي 😢😢طارق قال ليهو زوتك بي وين يا ود بختلف معاك دي بقت حقتي😏😏 طلال قال لي بيان زولتي عايني ليهو بقول شنو 😭😭 قلت ليهو طارق بطل غيره هو شافع وبعدين طلال دا حب اربعه سنين لممن كنت انت ماف😒😒قال لي وي وي قصيتو 😂😂قلت ليهو طلاال ما تشتغل بي اخوك دا البكر عوير زي ما بقولو 😂😂المشكله قلبو ميت قعد يضحك 😂😂قلت لي طلال خلي لي بالك من امي كويس يا بطل امي امانه في رقبتك يا راجل 😍😍قال لي انتي ماشه وين 😭😭قالت ليهو ح نمشي مع اخوك بيتنا علشان كدا ما تخلي لي امي براها كويس 😍😍قال لي حاضر 😊بستو في راسو طارق قال لي خيانه مشروعه انا لحد هسي ما باسوني 😒😒ما اشتغلت بيهو رفعت راسي لقيت دا ابوي جا وقف في راسي حضنتو وقعدت ابكي 😭😭 (عاد كبيت دموع تلاتين سنه لي قدام 😂😂) قال لي كفايه خلاص ما تبكي يا بتي 😊و خته يدو في كتف طارق و قال ليهو بتي امانه في رقبتك ابقي راجل

و قدر كلمتك و ابقي عليها عشره فاهم (بي صوت طخين واسلوب نهره كدا) ولو زعلتها لحظه بتلقي كلام ما بعجبك سامع يا ولد 😒😒 طارق قتل ليهو بتك في العين دي قبل العين دي 😍😍طبعا امي عاينت ليهو بي نظره كدا 😒😒فهمها علي اساس انت البقيت راجل لي مرتك 😒😒 وانا فاهمها بث عملت رايحه😪😪 بعد الوداع الطويل ركبنا العربيه و السايق طارق و اتحركنا 😍😍 طول الطريق ماسك يدي و يغني لي كملت بيك انا نص ديني😍😍قلت ليهو خلاص عرفنا صوتك سمح و رقدنا و اتكسرنا بث ما قلت لي ماشين وين وليه انت السايق😒😒 قال لي ماشين بيتنا وانا السايق علشان ماف زول يعرف بيتنا حاليا بالظبط وين كلهم عارفن اني اشتريت بيت في الرياض بث ياتو حي ياتو شارع انا بث العارفو و شكل البيت و كل شي انا بث العارف😊😊 قلت ليهو وليه كدا هسي لو دايرين يزورونا 😑😑قال لي ودا المطلوب عايز انفصل بيك عن العالم دا و قلت نسافر قلتي ما عايزه تسافري 😊😊 قلت ليهو اممم تمام😊طبعا اتوترت شديد بي فكره ننفصل دي 😂😂المهم كنت تعبانه شدييد لمن بهناك😪😪و صلنا البيت في راجل كبير كدا وشو بشووش و شكلو زول بسيط و علي نياتو كان واقف في الباب فتح لينا الباب 😍😍طارق دخل العربيه جوه و نزلنا طارق قال ليهو كيفك يا عمو اسماعيل الراجل 😊😊قال ليهو بخير والحمد لله والف مبروك ليك ربنا يهنيك يا رب😊😊 طارق قال ليهو الله يبارك فيك عمو مدا لي طارق المفاتيح و قال ليهو استاذن انا😊😊 طارق شال منو المفاتيح وقال ليهو تسلم ياخ عزبناك معانا 😊😊و نادني سلمت عليهو و بارك لي و عمو فات 😊😊و طارق جا فتح لي الباب و قال لي خشي وانا ح اجيب الشنط قلت ليهو خليني اجي اساعدك😊😊 قال لي اصلا شنطك كلها وصلت و حاجاتك اترتبت زاتو بث في شنطه واحده حقتي كان نسيتها و جبتها وما لقيت زمن انزلها قلت ليهو متين جبت شنطي 😂😂قال لي تفتكري الاخرني عليك شنو قبيل😉😉 قلت ليهو كنت بتجهز في البيت ؟؟!😍😍قال لي يب وكلو علشان خاطر عيونك 😂😂قلت ليهو خلاص امش جيب الشنطه وانا بدخل😊😊 طبعا الفيلا من برا ساااي مبالغه حلوه شديييييد من طابقين بث مبنيه بي شكل خرافي 😍😍 ما كبيره و ما صغيره😍😍 و عندها حديقه كدا صغيرونه حلاتها والله😍😍 فيها طربيزه مدوره و كرسين دخلت 😍😍الفيلا اولا لاقتني صاله مبالغه و كلها ملانه شمووع وورد بي طريقه خطيره 😍😍 حتي اول حاجه خاتنها قدام مدخل الصاله بي مسافه قلب من الشموع المعطره و البيت ريحه البخور عاتقه فيهو عديييل 😍😍حتي السليم راصين في اطرافو شموع و راشينو ورد😍😍 طارق جا حضني و قال لي عجبك😍😍 قلت ليهو انت عملت كل دا🙊🙊 قال لي علشان عيونك اعمل اكتر من كدا😻😻 و نزل الشنطه و قفل باب الفيله بي رجلو و شالني و طلع بي فوق دخلنا غرفه كدا عالم خيالي 😍😍السرير كبير و مفرش بالابيض و فيهو ورد بالاحمر و الارض كلها شمووع 😍😍نزلني في السرير و قال بتكوني تعبانه انتي هسي ارتاحي حبه وامشي اخدي دش و اتوضي و تعالي انا عايزك 😍😍 قلت ليهو حاضر بي صوت برجف باسني في خدي و قام مشي😍😍 رقدت زي عشره دقايق بث كنت متضايقه من البس و التوب و شنو قلعت التوب مشيت والاكسيسور فجاء طارق جا داخل ما عرفت امش وين اتخمخمت بالتوب سريع سريع قعد يضحك جا و جرا مني التوب حبه حبه و قال لي بيان انا راجلك ما تخجلي مني 😂😂وشال التوب و جدعو في السرير وانا خلاص قلبي داير يطير من الخوف باسني 🙊🙊 و قال لي خليك علي طبيعتك نحن ما ح نقعد مع بعض بث الليله ولا بكره ح نعيش عمر و طمشي شال ليهو صابونه من الدرج و طلع خلاني عامله كدا😳😳 لسه تحت تاثير الصدمه 😪😪مشيت وقفت في الدولاب يلا هو بتشاف زي تلاته ضلف كل ضلفه فيها بابين فاتحين في بعض 😍😍 الباب الاول رفوف و التاني علاقه هدوم فتحت اول ضلفه لقيت فيها لبسي لحد شنطه المكياجات و الحاجات حقتي راصنها لي بي طريقه عمري ما رتبت دولابي زيها 😍😍المهم قعدت اقلب يلا ماف شي اسلامي هنا😂😂 البتلقاهو طويل بتلقي الخطوه للصره🙈🙈 و البتلقاهو قصير اخير عدمو😂😂 و البتلقاهو كن طبقتو ميه طبقه و ختيتو في يدك ما بغطيها😂😂اخيرا في الرف الاخير لقيت بجامات شلت لي واحده و دخلت الحمام استحميت و لجيت طالعه لقيتو قاعد في المصلايه قال لي اتوضيتي😊😊قلت ليهو اييك نسيت رجعت تاني اتوضيت و جيت طالعه 😍😍 اداني توب بيت قال لي ارح نصلي 😊😊 قلت ليهو الصبح لسه صح😅😅 قال لي انتي مالك و مال الصبح هاك المصلايه دي فرشيها و اقفي وراي فعلا فرشتهو و انا واقفه و راهو وهو قدامي بي جلابيه الضريره و الحنه يااخ عثل😍😍 صلي بي ركعتين و بعداك قعد يدعي😍😍 وقال اللهم اني قلبي لقد تعلق بيها فلا تبعدها عني ولا تحرمني من النظر الي عينيها 😍🙏و رزقني من الحلال لاسعدها فبي سعادتها سعادتي يا سيد العرش يا مالك السموات و الارض فبعزتك و رحمتك ارحمنا و ازقنا ذريه طيبه و هون علينا واجعل محبتنا دائمه 😍🙏اللهم اني اسالك حسن المعيشه و الرضى علينا😍🙏اللهم ابعد عنها الاذي و احمي

ها و احفظها انت الحافظ اللهم يسر عليها امرها و ارفع عنها حزنها و همها و ابعد عنها كرب الدنيا و الاخره يا قادر يا كريم😍🙏 و احفظها لي من كل شر في حياتي و بعد مامتي😍🙏 اللهم افرح قلبها و وسع صدرها و الجعلها في صف الاولين يا ذو الجلال و الاكرام😻🙏اللهم لا تدمع عينها ولا تؤلم قلبها فان قلبي قد تعلق بقلبها اذا تالم قلبها تالم قلبي😻🙏 و الحمد لله رب العالمين و الصلاه علي اشرف خلق الله اجمعين امين يا رب😻🙏 و التفت علي لقي دموعي دي سائله عشره عشره 😭😭قال لي لالالا وجا مسح لي دموعي وختي لي يديهو في خدودي وقال يا بت ما تديني احساس انو دعواتي دي ما واصله السقف 😂😂 انا بدعي انك تفرحي و انتي هسي بتبكي😂😂 قلت ليهو دي دموع الفرح يا نعمتي 😂😂حضني و قال لي الليله يوم جديد وجاب طارق و بيان جداد😍😍جسدين بي روح واحده اتعاهدو يكونو سوا في الحلوه والمره 😍😍ح نقفل كل الصفحات السوده الزمان علشان تبدا حياتنا بالصدق نعمر ديارنا بالحب 😍😍حتي اذا اتشاكلنا ح نرجع نتصالح عارفه ليه لانو بيان لي طارق و طارق لي بيان 😍😍يعني مهما تزعلي مني ومهما اركب راس اياك تفكري تبعدي مني عارفه لي لانو طارق ما بقدر يكمل بلا بيان😍😍 انا وانتي واحد ومن الليله و ح نتم باقي العمر علي اساس نحن واحد حاضر؟؟!😊😊 هزيت ليهو راسي و قلت ليهو حاضر المهم بقي بتكلم معاي لحد ما الناس صلو الصبح و نحن صلينا معاهم بعد داك انا مشيت رقدت و اصلا انا برقد علي الجمبه و هو جا رقد جمبي وحضني و خته راسو فوق راسي و نومنا نومنه السنين 😍😍صحيت تاني يوم مع المغرب لقيتو ماف لبست شبشبي حق البيت و مشيت الحمام استحميت و غيرت لي بي بجامه تانيه بنطلون طويل قطني لونو رمادي و تيشرت لونو لون زينب 😍😍 و اتوضيت جيت صليت الصلوات الفاتتني😍😍 و نزلت تحت لقيتو قاعد في الصاله قلت ليهو مساء النور 😊😊قال لي مساء السرور😍😍 اكيد جيعانه يلا تعالي اكلي معاي من قليل مستنيك😊😊 قلت ليهو تمام امش اشرب مويه و اجيك دخلت المطبخ طبعا حلووو شدييييد لونو بصلي فاتح بي ابيض حلووو حلووو 😍😍فتحت الدولاب لقيت طقوم مبالغه 😍😍طلعت لي كبايه عاديه و مشيت فتحت التلاجه لقيت قاروره صحه كبيت منها و شربت و جيت طالعه لقيت جايب كاك و كولا قعدت معاهو يلا انا كنت ميته من الجوع😂😂 قال لي ريك شنو نعمل تحدي😉😉 قلت ليهو كيف😂😂 قال لي ديل جردلين كاك و و اتنين كولا البكمل اول هو الفايز 😊😊 قلت ليهو اها و بعدين الفايز بياخد شنو😏😏 قال لي كان انا فزت انتي تديني بوسه و كان انتي فزتي انا اديك بوسه😊😊 قلت ليهو لالا يا زول في النهايه كدا كدا ح تكون بوستني يعني انا ما استفدت شي 😊😊قال لي خلاص طيب كان انا فزته تديني بوسه احم احم😉😉 و كن انتي فزتي انا اديك حضن 😍😍قلت ليهو اممم ما عايزه غيرت رايي 😪😪قال لي لانك خايفه تخسري 🐸🔪قلت ليهو مستحيل زول يغلبني في اكل الدجاج😊😊 قال لي هع انا بغلبك😏😏 قلت ليهو نشوف 😑😑قال لي خلاص اتفقنه و احد اتنين تلاته يلا و وقعنا ليك في كاك اكل😂😂 بنخمش بي يدينا و كرعينا زي الزول الاول مره يلقي اكل 😂😂يلا الحيوان دا عامل لي في الطلب شطه انا لمن وصلت نص الجردل دموعي نزلو 😭😭 وحلقي اتشرط وبطني اتملت 😂😂ما قادره ولسه مصيره ما اخسر دفسته نفسي دفس 😂😂والله لمن فضل في الجردل ربع قلت ليهو خلاص ما بقدر كفاي اعلن انسحابي 😪😪 وهو لسه مواصل و وشو دا عرق😂😂 قال لي ح اكملو علشان تاني ما تتحديني وااي انا الزفت دا كملو كلووو شرس خلاث 😭😭رفع لي حاجبو وقال لي لقيتي راجلك كيف قلتي لي😉😉 قلت ليهو غير مفترس ما بقول عليك حاجه 😂✋قاال لي يلا هاتي البوسه🙊🙊 قلت ليهو طارق بطني ملانه ما قادره اتحرك😅😅 قال لي بطلي قله ادب اديني بوستي يا زوله 😌😌 قلت ليهو خليها بكره الصباح 😅😅قال لي يا بت انتي عويره انا راجلك يا زوله هسي بث الليله دي حار حار😂😂 غمضت عيوني و هو قرب لي لمن حسيت بي نفسو فجاء احس ليك بي زول شالني فتحت لقيتو طالع بي السلم وبعاين لي نظرات عشااق النظره البتكون فيها لمعه دي 😍😍يلا قلبي فتح جم خلاص و بقي برقص زومبا شويه ويطلع من محلو 😪😪 و بقيت شغاله لي نفسي ادبستي خلاص انتي انتهيتي يا بيان 😭😭كان تبوسيهوو ساي كان هسي اتحليتي قلتي تهربي من الصغيره وقعتي في الكبيره يلا شوفي زول يمرقك بعد دا😭😭 قلت ليهو ط ط ط طارق ن نحن ماشين وين 😅😅 قال لي غرفتنا 😍😍قلت ليهو ب ب بس ليه كان تخلينا في الص ص صاله تحت😅😅 قال لي جاني مزاج نطلع فوق و طلعنا فيها شي و فتح الباب و دخلنا نزلني في السرير و جا رقد جمبي و حضني 😂😂 قلت ليهو طارق😶😶 قال لي هشششش عارف انك بتفكري في شنو بث اطمني ماف حاجه بتحصل بالغصب و بعدين نحن ما مستعجلين لسه ورانا عمر مع بعض و كلو ملحووق😊😊قلت ليهو يعني انت ما جبتني...😂😂قال لي يب ما جبتك علشان اللي في بالك جبتك علشان العب بي اعصابك😂😂 قلت ليهو سغييل😤😤 قال اي عارف بث تستاهلي لانو ما ادي

تني بوستي كدا وترتك و اتسديت حقي 😝😝قلت ليهو حيوان😒😒 قال لي بث بريدك 😍😍ومرت الايام وطارق كل يوم بعلقني بيهو اكتر واكتر😍😍 مرات بنتشاكل و مرات بنترمسن و كل مره طالع لي بي تحدي شكل شي مره ليدو و شي كشتينه و سباق و كوره حتي في الكلاسيكو بتحداني اذا فلان فاز تديني كدا و اذا علان الفاز اديك كدا 😍😍 شويه شويه اتعودت عليهو مره علينا شهرين و نحن عيشين مع بعض زي الاخوان😂😂 لكن مبسوطين و عايشين حياتنا وكالعاده لازم اصحيهو ميه مره علشان يمش اشغل😂😂و الليله برضو لو ما صحيتو ما ح يمش مشيت ليهو وقفت ليهو في راسو 😍😍 وقعدت اتاملو وهو نايم ياخ عثثثل والله قرض نايم زي الشفع 😍😍قلت ليهو طارق حبيبي قووم الزمن بفوتك 😍😍 قال لي ما عايز امش الليله 😴😴قلت ليهو اجي يا القدر دا يا الما عايز تمش😂😂 يا ود قوم الزمن ما بقف علشان خاطرك 😑😑مسكني من يدي و جراني و قعني معاهو في السرير و حضني 😍😍 قال لي عايز انوم وانتي زاتك نومي معاي😍😍 قلت ليهو ننوم شنو قوم بلا كلام كتير و فكيتو ونزلت من السرير مشيت قام وقعد في السرير ومسح وشو و جا داير ينزل عاين في الارض و كورك لي بيااان و ين شبشبي 😤😤 قلت ليهو وانا ايه عرفني😂😂 قال لي بيااان ما تتعولقي جيبي لي شبشبي سررريع😑😑 قلت ليهو ابيبت ما بقدر اطلع ليك فوق البس شبشبي اصلا هو قاعد جمبك😂😂 قال لي بياااان كم مره قلت ليك ما تلبسي شبشبي عندك شبشب انتي 😤😤قلت ليهو ما حلو حق بنات بنات و بعدين قدري و انا ما بحب البسو 😂😂(نسيت اوريكم انا من صغيره عندي غرام مع الشباشب الرجاليه😂😂 كنت بسرق شبشب عمو متولي لمن يكون بصلي😂😂 ما عارفه ليه بث كدا بحبهم ولمن كان عمو بسوقني معاهو صلاه العيد كنت بقلع جزمتي و بشوف احلا شبشب يعجبني بلبسو و بقوم جاريه 😂😂 لي درجه انو عمو اشتري لي شبشب رجالي مخصوص علشان اريحو بث امي شالتو مني صح شكليا خليت الحركات دي نظام انا كبرت وكدا لاكن من جواي اي شبشب خاصه شباشب البيت الرجاليه بكون نفسي البسو😂😂) اها طارق جاني حفيان و لابس ليهو ترينق ابيض وما لابس فنيله نظام شوفو عضلاتي ولا شنو ما بعرف😂😂 لاقني في المطبخ بكب ليهو في الشاي 😍😍قال لي هاتي الشبشب😒😒 قلت ليهو البس غيرو😊😊 قال لي بس انا بحب دا انتي انتي امشي البسي غيرو😒😒قلت ليهو مام تخليني حفيانه يعني 😑😑قال لي زي ما نزلتيني حفيان😊😊 قلت ليهو انت برك نزلت انا ما قلت ليك انزل حفيان 😌😌مسح وشو و شالني في ضهرو ملص لي الشبشب و لبسو ونزلني قلت ليهو مام ببكي خلاص وديني الغرفه اصلا انت ماشي هناك قال لي عفوا ما بشيل لي مالو اوديها معاي غرفتي 😂😂قلت ليهو وينا مالو هسي😕😕 قال لي ما شايفه نفسك لابسه لي ريدا ولا الشورت بتاعك دا لحد و ين 😂😂 طبعا انا لابسه لي ريدا رياضي فوق لي الركبه بي مراحل لونو اسود فيهو خطين بالابيض و علامه اديدس و معاهو تيشرت كبدي قلت ليهو عليك الله 😍😍 قال لي تمام تعالي طيب وشالني وانا مبسطه و مشعبطه في رقبتو😂😂و بعاين في ملامحو نزلني في السرير و باسني 🙊🙊و مشي دخل الحمام لبست شبطي و انا مغيوظه منو شدييد😪😪 عاينت كدا لمحنت مفتاح الدولاب المحظور في الكمودينا😈😈 انا مش قلت ليكم الدولاب تلاته ضلف يلا في ضلفه لي و ضلفه حقت طارق و التالته حقتو برضو بث محظوره ماف زول بقرب منها حتي انا كل ما احاول افتحها علشان اعرف فيها شنو بجي بمنعني لي درجه انو طبيعي قافلو بالمفتح و خاتي مفتاح الدولاب مع مفتاح مكتبو في المستشفي علشان يكون طوالي معاهو😪😪و قدر ما حنثتو يورني فيهو شنو رافض 😪😪حتي اتشاكلنا اكتر من مره و قلت ليهو لو ما وريتني فيهو شنو معناها بتخوني😭😭 قال لي ما بوريك واللي في راسك اركبيهو😪😪 المهم قلت خلاص بما انو هو خشي يستحمه افتح الدولاب سريع سريع اشوفو فيهو شنو شلت المفتاح و مشيت علي الدولاب براحه براحه يا ربي الدولاب دا فيهو شنو 😪😪و طارق ما عايز زول يفتحو لييه😱😱

#ريدي
-٢٠-
وقفت قدام الضلفه كدا وجيت دايره افتحها وقلبي بدق وخايف انو يطلع فيهو مصيبه 😱😱دخلت المفتاح و فتحت التامين ودايره افتح باب الضلفه😱😱 بث اشوف ليك يد جات تكلت الباب 😱😱قال لي كم مره ح انبهك ما تقربي علي الدولاب دا يا بيان ليه انتي مصره تزعليني و تخليني اعصب عليك 😤😤قلت ليهو لانو انا ما ح ارتاح الا اعرف انت داسي علي شنو😭😭 قال لي قلت ليك حاجه ما ليك دخل فيها حاشره نفسك في متاهات ليه 😤😤قلت ليهو ما تكورك فيني وبعدين مش علي اساس نحن واحد وبتاع وماف بينا اسرار😭😭قال لي بث دي حاجات قبل من نكون مع بعض و نحن اتفقنا انو نخت الماضي طرف و نبدا صفحه جديده علشان كدا ما تجنيني وما تقربي علي زفت الدولاب دا فاهمه😡😡قلت ليهو لا ح اقرب وكوني مرتك من حقي اعرف كل شي في البيت دا😤😤قال لي يا ربي الخلقته الناس كويس ح اريحك و افضي الفي الدولاب دا قريب و انقلو لي مكان تاني علشان ترتاحي 😡😡قلت ليهو ليه انت داسيهو مني ليه ما عايزني اعرفو😭😭 قفل الدولاب بالمفتح وشال المفتح وقال لي لانو في حقايق اذا عرفتيها ممكن تدمر زواجنا وانا ما عايزك تبعدي عني فاهمه😡😡قلت ليهو كنت متوقعه انك كنت بتخوني وريني قصرته معاك في شنو انا وقعدت ابكي 😭😭قال لي بيان اوووف اووف اتزوجتيني لييه مدام ما عندك ثقه فيني كم مره لازم اشرح ليك انو دي حاجات ليها سنين يعني قبل نرتبط طيب اذا كدا انتي مفتكراني بخونك انتي برضو خنتيني مع مياس😤😤قلت ليهو علاقتي بي مياس انتهت قبل ما نتزوج بي شهور😭😭 و بعدين انت عرفت من وين 😑😑قال لي حكي لي كرم وبعدين نفس الشي الحاجات دي قصتها انتهت قبل العرس بي شهور 😪😪قلت ليهو بث انا مسحت اي شي بربطني بيهو انت محتفظ بيها لي هسي مالك اذا هي ما بتعني ليك 😭😭😒قال لي طيب صندوق الاكسسوار حقك دا الجابو ليك منو 😪😪قلت ليهو وانت اش عرفك 😳😳قال لي لانو انا الاخترتو ليهو بث ما كنت عارف هو موديهو لي منو الوقت داك وعرفت بعد شوفتو عندك مشيت سالتو و حكي لي كل شي😪😪 ما علينا المهم عندي ما تقربي علي الدولاب دا تاني لانو المره الجايه ح نختلف عديل فاهمه 😤😤و مشي فتح دولابو طلع ليهو بنطلون اسود وقميص زيتي وقعد يلبس و لبس ليهو اسبورت نايك اسود بي ابيض و ديك يا الساعه و داك يا العطر و رفع شعرو حبه وسرح دقنو و شال لابكوتو وشنطتو و جا باسني في راسي وانا صاره ليهو وشي ميه وحداشر وقال لي خلي بالك من نفسك وما تستقبلي زول غريب ما بتعرفيهو واذا حسيتي باي شي غريب كلميني طوالي فاهمه 😊😊قلت ليهو لا ما فاهمه فهمني😒😒 قال لي و اجهزي زي الساعه اربعه ونص علشان ح اجي اسوقك عازمك عشاء برا 😉😉قلت ليهو قول اقسم😍😍 قال لي وحياتك😘😘يلا مع السلامه راجيني شغل😂😂 و شال مفاتيح العربيه ومفاتيح الدولاب لانو معهو مفتاح مكتبو و ودعني ونزل تحت لقي الشاي برد شربو واقف وصلتو لحد الباب 😍😍وطلع مشي😢😢 بما اني جمدت السنه دي و قاعده عاطله في البيت و رنو الكانت بتجيني وتونسني و تعمل لي تغير سافرت السلطنه وريل شغاله جامعه اما الجيران ما عندي تداخل كدا قوي فيهم لانو هنا ما بطلعو كتير وانا ما حبيت احتك بيهم كدا ياهو عندي جارتي اسمها وصال ظريفه وزوله ضحك و وناسه ياها دي البتجيني وانا بجيها كتير بث الايام دي برضو سافرت اهلها خلاص مشيت قفلت البيت كويس ورقدت نومت صحيت الضهر صليتو و نزلت تحت عملت لي حاجه اكلها ومشيت احضر كدا لحد الساعه جات تلاته و نص😪😪طارق اتصل لي قال لي ابدي اجهزي علشان انا لمن اجي تنزلي لي طوالي عارفك تقيله وما بتجهزي بي سرعه 😒😒قلت ليهو كويس😍😍 مشيت استحميت وجيت حهزت لبست لي فستان قماش لونو بمبي فاتح مشكل شكل صفق باللون اللبني والرمادي ولبست لي جزمه فلات رمادي وطرحه بدره رمادي سرحت بوف وعملت ميك اب خفيف بث حلو😍😍 و اتعطرت واتسمحت و اتمزمزت الوقت داك لقيت الساعه ماشه قريب خمسه جريت شلت جوالي لقيتو ضارب لي ستميه مكالمه😱😱قلت يا ربي بكون فاتني لانو عملها فيني قبل كدا دي الحاله النبهني قبل ساعه 😂😂المهم نزلت و طلعت راسي بتاوق برا لقيتو في العرببه وتاكي راسو في الدركسون طلعت وقفلت الباب ومشيت ركبت لقيتو نايم بشخر 😂😂 قلت ليهو طارق طاارق😂😂 قال لي لا حولا ولا قوه الا بالله في شنو حصل😳😳 قلت ليهو انت الفي شنو شايف شيطان ولا شنو 😂😂كان تعبان نلغي المشووار 😊😊قال لي لالا ما تعبان نمش😅😅 قلت ليهو تمام 😇😇مشينا امواج اتغدينا هناك😍😍 و منها مشينا 41😍😍 قلت ليهو الا ننزل نقعد ناكل في الارض زي جكسي الجامعات 😂😂قال لي يا بت شايفانا شفع ثانوي هنا وبعدين شنو جكسي الجامعات دي نحن متزوجين يا بت😂😂قلت ليهو بث ننزل ناكل الاسكريم تحت زي المكجسين 😂😂قال لي طيب بث ح اتغزل فيك زي ما بعملو الجكس 😂😂امرك جلاله الملكه علشان خاطرك ندردق في الظلط 😂😂 قلت ليهو بعد نكل الاسكريم نشوف الظلط الكويس علشان نقدر نمش ندردق فيهو 😂😂قال لي مجنونه طبعا 😍😍قلت ليهو بطل كلام كتي

ر و ارح انزل😂😂 نزلنا وهو قفل العرببه ومشي جاب الاسكريم وجا اتربعنا في الارض وقعدنا ناكل في
الاسكريم ونخلط بعض و نتونس ونضحك وشي نتغزل في بعض 😂😂بالصدفه لاقينا مياده هي وصحباتها 😪😪جات سلمت علي طارق بالاحضان😪😪 وسلمت علي سلام بارد كدا😒😒 و قعدت معانا اتونست حبه و بعداك مشت 😪😪قلت لي طارق الزوله دي مالا معاي بتطاعني في الكلام كدا😑😑 قال لي بري شويه و كنت ح اصدق انك ضرتا او شالباها 😂😂قلت ليهو سغيييل خلاص و بعجبك شكل البنات فيك😂😂 قال لي لانو انا كساار 😌😌 قلت ليهو يكسرو فيك مزهريه بركه الله😪😪 قال لي يا بت انتي حبوبه؟؟! دعايه كدا ماالك 😂😂 قلت ليهو لانك تستاهل 😑😑قال لي خلاص قومي ارح لانو بكره عندي قومه بدري😅😅 قلت ليهو منو انت و تقوم بدري الا كان داير تموت 😂😂قال لي عندي عمليه المفروض ابداها 6 يعني من 5 بالكتير اكون في الشغل 😪😪 قلت ليهو انا بعمل العلي و بصحيك قومت قومت ما قومت في ستين😒😒 قال لي ريدي الله يخليك لي😍😍 ورجعنا البيت تاني يوم صاحيه ليهو من تلاته علشان اصحيهو وهو حالف ما يقووم قدر ما حنثتو في النهايه قام لي اربعه و عشرين دقيقه😪😪خليتو هو دخل الحمام وانا رقدت اتم نومتي بعد جهز جا باسني في راسي وقال لي حبيبي يلا انا طالع😊😊قلت ليهو توصل بالسلامه 😴😴قال تعالي اقفلي الباب😍😍 قلت ليهو اقفلو براك😴😴 قال بيان اصحي قوومي ارح😑😑 قلت ليهو شيلني😴😴 قال قايله نفسك خفيفه كل يوم اشيلك ياخ انتي انا كل ما اجي اشيلك بجيني تمزغ عضلي عديل 😑😑قلت ليهو حيواان هسي انا متين سمينه للدرجه دي 😤😤 قال لي وانتي صحيتي متين ولا كنتي بتدلعي علشان اشيك والحنك دا😉😉 قلت ليهو طارق اقطع وشك يااخ قور 😂😂قال لي تمام هندي ماشي لمن وصل باب الغرفه قلت ليهو طارق 😍😍 اتلفت علي وقال لي ايوه 😊😊قلت ليهو ربنا يوفقك😍😍 قال لي تسلمي حبيبتي ادعي لي لانو العمليه الانا داخلها دي صعبه وخايف اخسر المريض فيها 😪😪قلت ليهو ربنا ينصرك ان شاء الله 😊😊قال اللهم امين و نزل تحت وانا نزلت من السرير و لحقتو تحت (طبعا لازم اودعو عند الباب واقفلو مع انو عندو مفتاح عادي ممكن يقفلو هو بث لا الا اجي اوصلو للباب 😪😪 )المهم ودعتو و قفلت الباب ودخلت المطبخ عملت لي اندومي و مشيت وطلعت بيها فوق قلت اكلها و انوم في وقفت الباب لقيتو نسي المفتاح في الكمودينا بقيت واقفه في الباب و بعاين للمفتاح ياربي امش اشيلو وافتح الدولاب ولا اخليهو لانو طارق ح يزعل مني لو قربت علي الدولاب بث انا كمان ما بقدر اعيش في الشك عمري دا كلو 😪😪😪شويه كدا بث اسمع الباب فتح مشيت اعاين لقيتو دا طارق وجاي مستعجل قلت ليهو رجعت حبيبي ؟؟!😊😊قال لي نسيت مفتاح المكتب علشان كدا😊😊 قلت ليهو ايووا 😅😅قال لي عملتي الاندومي دي لي تصدقي اني جيعان 😍😍قلت ليهو حسيت بيك علشان كدا 😒😒قال لي و النعمه حساسه شدييد 😍😍وشال الكوره من يدي و دخل شال المفتاح و جا طالع😪😪قلت ليهو طارق الاندومي بتاعتي 😒😒قال لي سوي غيرها 😘😘قلت ليهو بث😢😢 قال لي الكوره بجيبها ليك بعدين لمن ارجع يلا حبيبي ادعي لي معاك سمح😍😍 قلت ليهو تووف عليك😪😪 هو طلع وانا حردت الاكل زاتو مشيت رقدت نومت صحيت الساعه 8 علشان خالتو ستو كانت مرسله لي الحبشيه تجي تنضف لي الليله فعلا الساعه9 كدا الحبشيه جات و قعدت تنضف و انا بساعد فيها لحد الساعه 2 نحن بخرنا البيت دا غرفه غرفه 😍😍 هي مشت وانا بقيت شغاله في الغداء 😪😪عملت ليك برياني دجاج و سلطه اسود و السلطه الخضار و حضرت كل شي الساعه اربع هو جا داخل تسلمت عليهو وقلت ليهو علي بال ما تاخد دوش و تروق انا بكون رصيت الغداء 😍😍 قال لي ما عايزه تسالي من العمليه😒😒 قلت ليهو اولا انت جاي تعبان و مرهق عمليه سبعه ساعات ما وقفت واجي انا بدل اخليك ترتاح اقعد انق فيك😊😊تاني شي انا واثقه انو راجلي قدها و ح تنجح باذن الله 😊😊تلات شي اصلا انا طول اليوم بالي معاك وما قدرت ارتاح الا بعد ما الرسبشن قاالت لي انو العمليه نجحت 😊😊قال لي يعني انتي اتصلتي بالرسبشن 😱😱قلت ليهو يب و كتير كمان وكنت متابعه معاها لحد ما خلصت العمليه 😅😅قال لي ايوااا ياداب عرفت يعني انتي البت المزعجه القالت لي عنها الرسبشن 😪😪 قلت ليهو قالت ليك عني شنو كافي البلا دي 😂😂قال لي ولا شي بس قالت لي انو في بت مزعجه شغاله تضرب من الصباح و تسال عن العمليه بث هي ما افتكرتك مرتي افتكرتك واحده بتقربي للمريض😂😂قلت ليهو والله خلاص امش هسي علشان نجهز و نجي نتغدا 😪😪قال لي ايييه الروائح الطيبه دي شامي لي ريحه خطيره بث ما قادر اعرفها😂😂قلت ليهو احسن ما تعرفها يلا هسي اتخارج 😂😂هو طلع فوق وانا قعدت اسخن في الاكل و ارص جينا اتغدينا بعد داك هو مشي يشتغل في اللاب حقو في الصاله وانا بقيت شغاله بغسل في عده المطبخ خلصتها و مشيت فتحت التلفزيون وقعدت جمبو بحضر في فليم كدا عاضي لمن زهجت 😪😪 قفلت التلفزيون و قمت😪😪 قال لي ماشه وين

😳😳 قلت ليهو زهجانه ماشه اقعد في الحديقه😪😪 قال لي ليه مالك المزهجك شنو 😕😕قلت ليهو اذا انت من قبيل اقول ليك طارق تقول لي اننننن😪😪 اقول ليك بتعمل في شنو تقول لي اننننن 😪😪زهجت من اننننن دي هسي لو خليتوني اواصل جامعه ما كان اخير😫😫 قال لي طيب روقي تعالي اقعدي هنا جمبي 😍😍قلت ليهو ما قاعده 😒😒قال لي يا هبله تعالي😍😍 قلت ليهو اهو قعدت😤😤 حضني بي يد ورجع يشتغل شغلو بي اليد التانيه 😪😪قلت ليهو لا كتيره كدا 😭😭قال لي ما بقدر اشتغل لو ما انتي جمبي😌😌 قلت ليهو ما تشتغل في ستين 😪😪و قمت طلعت الحديقه بقيت بزدسقي في الزهور جا لاقاني بسقي في الزهور قال لي حبيبي الزهجان طيب رايك شنو المسا نمشي الروابي بيتش او بيتش بري او شارع النيل او حتي توتي لو عايزه😘😘 قلت ليهو لالا ما عايزه انت امش شوف شغلك 😪😪قال لي زعلانة يعني وجا وقف جمبي😍😍 قلت ليهو لا مبسوطه علي الاخر 😊😊قال لي خلاص عايني لي😍😍 قلت ليهو ابيت😪😪قال لي ليه كدا لكن 😂😂قلت ليهو بث كدا 😪😪قال لي خلاص انتي الخسرانه وشال من الخرطوش وبقي برش فيني 😂😂قلت ليهو طارق لا لا وقف قال بي ابيت 😝😝قلت ليهو رمه وقف 😂😂قال لي لمن قلبك دا يشتغل بعدين بوقف😂😂 جريت منو وهو جاري واري لمن وصلنا الماسوره وقفلتها حتي هو رمي الخرطوش😪😪 لاقاني بعاين ليهو كدا 😒😒قال لي نفسو بصوت عالي شكلك يا طارق دقست دقست عمرك الليله بتمش التوج كتمت فيك 😂😂براحه اداني ضهرو و داير يمش المسافه ديك انا شلت الخرطوش وفتحت الماسوره وقعدت ارش فيهو واضحك 😂😂وهو شاغل لي يا بت جوالي في جيبي اقيفي رمود العربيه يا مجنونه😂😂 قلت ليهو انت البديت الجن وانا بتمو ليك 😌😌قال لي كدا انا بوريك قلت ليهو اقبض الليله وووب جدعت الخرطوش وجريت يلا بقينا لاعبين توم ان جيري في البيت و المشكله شفع جيرانا بعاينو لينا بالشباك وبضحكو وبقولو عانو عمو وخالتو بلعبو سك سك 😂😂 المهم مسكني وجينا واقعين في النجيله سوه و بعداك قعدنا نضحك و نضحك اي واحد بضحك في منظر التاني اتزكرنا ايام كنت صغار و بنلعب بالمويه خالتو و ماما كانو بشاكلونا و بخلونا بره لمن نجف 😂😂 المهم دخلنا جوه غيرنا قلت ليهو طارق ارح وديني سوق الخيمه😍😍 قال لي ليه قلت ليهو بكره الجمعه نسيت انو ح نمشي كافوري ولا شنو 😍😍و بعدين انا اتفقت مع امي اني انا افرك ليها الخدره و هي تعوس الكسره علشان كدا عايزه امش اشتري لي حبه خضار😍😍قال لي اممم خلاص تمام بعد المغرب نمش😊😀 قلت ليهو تمام هو جهز للصلاه لانها قربت و كالعاده شكله في الشبشب شبشبي جيبي وما بديك ليهو انا لبستو اول وما ادراك في النهايه زهج وخلاهو لي 😂😂 المره دي حسيت روحي انجزت😌😌 وكدا بعد المغرب مشينا السوق اشتريت كل حاجاتي المحتاجه ليها و رجعنا البيت قضينا يومنا عادي تاني يوم الصباح اصلا طارق يوم الجمعه بصحي و بصحيني نصلي الصبح حاضر😘😘 وتاني برجع بنوم ما بقوم الا لي صلاه الجمعه انا استغليت الفتره الصباحيه دي نضفت فيها الخدره و ورقتها و حشيتها ناعمه بعد داك دخلتها التلاجه جهزت الفطور عادي جيت اصحيهو ابي يصحه قعدت اغني ليهو غنيه جنال مصباح البتقول 😍😍الساعه جات حداشر وانا مستنيك تصبح😍😍 حتي لو في ثانيه تظهر علي بالريده و تلمح 😍😍 اصلي مشتاق لعيونك دي النظره منك تفرح😍😍 البسمه يا غالي بلسم بتكفي عشان تصرح 😍😍قال لي لو بغنو كدا كان الناس انتحروو 😂😂قلت ليهو بلا يخمك انا غلطانه البغني ليك انت اصلا ما المفروض يقوموك بي زوق المفروض يقولو ليك قوم تقوم فيك حريقه😒😒جراني من يدي و حضني وقال لي خلاص قايم بث خليك معاي شويه 😂😂 قلت ليهو فكني و الفطور جاهز بستانك تحت لو اتاخرت اكتر من عشره دقايق باكل بخيلك تجي تاكل براك 😒😒 قال لي خمسه ثواني و اكون عندك😍😍 قلت ليهو زفت😑😑 قال لي هسي عملت ليك شنو انا 😂😂قلت ليهو شوفتك بتنرفزني 😂😂قال لي خلاص ح اغطي وشي 😂😂قال ليهو ما علي بيك المهم وانا نازله تحت في السلم سامعاهو بصرخ بياان يا مرض وين الشبشب 😤😤قلت ليهو ما عارفه امشي فتش😂😂 جاني نازل قال بيان اديني شبشبي 😊😊قلت ليهو يا زول ما بعرف ليك اي شبشب 😊😊قال لي و اللابساهو في رجليك دا شنو 😑😑عاين لي رجليني قلت ليهو اووبس سوووري😁😁قال لي حردتو ليك زاتو 😪😪قالت ليهو اييييييوي احلا شي😂👏هي يا بابا يا علب المربه 💃👏هي يا زينه يا حلوه ورزينه 💃👏هي يا السمحه يا حلوه يا قمحه 💃👏هي يا بابا هي يا بابا 💃👏قال لي اصبري بعرف ليك تاني شبشبي دا ح الزقو في رجلي بي لبانه 😂😂قلت ليهو برضو بشيلو😝😝 قال لي يشيلك حرامي اسمو طارق ان شاء الله 😂😂قلت ليهو عارف نفسك حرامي ما علينا ارح ناكل علشان تحصل الصلاه 😂😂 قال لي تاكلي السم 😂😂 قلت ليهو السم اليهريك 😂😂قعدنا فطرنا و اتشاكلنا زييييين 😂💔بعداك هو مشي يجهز وانا بقيت بلملم و بضاير في الحاجات جا داخل المطباخ قال داير مويه يااخ انا سرحت فيهو عديييل😍😍لابس ليهو جلابيه ا

لقصه السعوديه😍😍 و طاقيه😍😍 و شبط راقي لونو اسود 😍😍وساعه سوده😍😍 و رتب دقنو علشان الجمعه وكدا 😍😍والعطر يلخم و عيونو النعسانه ياخ خطيييير 😍😍طارق الحربي في السودان عدييل يختوهو في الجرح يبرا 😍😍قال لي بيان ويين سرحتي😉😉 قلت ليهو ها معاك انا معاك 😂😂قال لي قلت ليك عايز مويه قلت ليهو هندي الكبايه وداك الكولر 😊😊 قال لي اسوء حاجه تعرس ليك واحده ما بتعرف معني الرمنسيه 😂😂قلت ليهو طير ياخ بلا رمنسيه معاك 😂😂 شرب المويتو وطلع وانا رجعت اشتغل ملاحي و اسرح واتزكر فيهو بعد خلصت من الملاح مشيت دخلت استحميت وجيت لبست لي اسكرت اسود و بلوزه كوبيه و سرحت شعري 😍😍 طارق لاقاني بتمكيج باس لي راسي وقال لي جمعه مباركه حبيبي😍😍 قلت ليهو علينا و عليك😊😊 قال لي الله يخليك لي 😍😍قلت ليهو امين يا رب وما يحرمني منك🙈🙈 المهم بعد اترمسنا مساافه هو مشي قعد في الكورسي شغال بي جوالو وانا بجهز لبست لي توب ارضيتو بيجي مشكل بي كوبي بي بنفسج بي وردي حلووو و لبست لي شبط فلات لونو كوبي و اتعطرت و نزلت المطبخ ستفت الملاح في ساخن بارد و طارق نزل الشنطه حقت هدومنا طلعنا مشينا كافوري😍😍 اصلا كل جمعه بنمشي كافوري و بنرجع بيتنا السبت المسي😍😍طبعا ماما بعد ما انا عرست عمو متولي حلف يمين ما تقعد في البيت براها نقلو ليها حاجاتها كلها مع ماما ستو و اجرو البيت 😍😍اما ابوي استقره في الخرطوم كل فتره و التانيه بنمش نزورو وهو بجينا قدر ما حاولت اصلح بينو وين ماما ماف فايده هو ما عندو مشكله بث امي رافضه يعني هي شويه اتحسنت بقت بسلم و تتكلم معاهو عادي زيو وزي اي زول بث انو يرجعو لي بعض حالفه ستين يمين ما يرجعو 😪😪 طارق قال لي خلاص ما تضغطي عليهم خليهم بي راحتهم الزمن كافي يغير كل شي 😪😪المهم مشينا لاقيت اول زول في الحوش طلال جاني جاري وقال لي بيان زولتي 😍😍قلت ليهو حبيب قلبي انا 😍😍طارق قال لي اي فالحه تحبي لي في دا 😒😒قلت ليهو محروق انت كدا مالك 😉😉وقلت لي طلال اخبارك يا زولي 😍😍قال لي تمااام وانتي😊😊 قلت ليهو مشتاقه ليك بث😍😍قال لي وانا كمان مشتاق ليك😍😍 طارق قال لينفسو بصوت عالي يشتاق ليكم حمار يخمكم انتو الاتتين 😪😪قلت لي طلال انتظر خلاص ادخل الساخن بارد دا جوه واجي اسلم عليك زي الناس يا حقي 😍😍مشيت دخلت المطبخ لقيت ماماتي الاتنين جوه ختيت الساخن بارد وحضنتهن الاتنين اي واحده بي يد و قلت ليهم ماماتي حبيبات قلبي 😍😍 قالو لي بيونه 😍😍و سلمو علي😍😍 قلت ليهم الليله ظبط ليكم خدره مفروكه بتقول ويجيج جي😂👏 امي قالت لي والله يا بيان انتي عندك كلام ما عارفه بتجيبيهو من وين😂😂 قلت ليها المهم ظابطه😘💃 ماما ستو قالت لي ايدك ما نعدما يااخ يا كدا البت الشاطره ولا بلاش😍😍 قلت ليها تسلمي يا احلا ماما 😍😍 امي قالت لي انا بغير ها 😂😂قلت ليها معقوله كدا يا بووثي تغيري من ستو 😂😂 ستو ثالت لي خليها التغير سااي اصلا بقيتي حقتنا تاني ما بنرجعك ليها 😂💔يلا طلعنا الهول ماماتي سلمو علي طارق وانا سلمت علي عمو متولي و قعدت اتونس مع طلال يااخ عسل الود دا ضحكني ضحك 😂😍قعد يحكي علي عن صحباتو في المدرسه قال لي انو عندو صحبه اسمها رغد سمحه سماحه كل يوم بعزمو بعض اسكريم 😂😂 قلت ليهو طلال انت ليه دايما بتجرح هارتي كدا شي رغد شي ساره وشي منال و شي اميره و شي دنيا 😪😪قال لي دنياتي مرتي امس كانو معانا😍😍 طبعا طارق متشرط من الضحك 😂😂قال ليهو مرتك عديييل كدا عرستو عرفي ولا شنو نحن ما لينا خبر؟؟!😂😂 قلت ليهو طاارق هووس عايز تعلم الود ينحرف اكتر ما كفايه انو بقاها مرتو و كلو بي سببك 😒😒طارق قال لي انا عملت ليهو شنو هسي قلت ليهو امش عرس ؟؟!😒😒قلت ليهو شبك الود مرتي وينا مرتي جات مرتي سوت الشفع بتمسك في الكلام سريع 😪😪طارق قال ليهو اها احكي لينا يا شبير 😂😂عرستو كيف😂😂 طلال قال لينا كنت بنلعب عرث عرث 👏👏طارق قال ليهو يا زوول 😂😂 اها ودي بلعبوها كيف دي😂😂 قلت ليهو طارق خلي الولد في حالو داير اعلمو قله الادب انت ولا شنو 😒😒قال لي يا زوله مالك مش اخوي خلينا منو نستفيد😉😉 قلت ليهو في عينك يا حيوان😒😒 طلال قال ليهو بنقسم فريقين و البنات يكونو اكتر من الاولاد بي واحده يلا الاولد يغمدو عيونهم ولعدو لي عشره و البنات يتدسو يجو الاولد يفتشوهم اي واحد بلقي واحده تبقي مرتو ويجو الميس في الاخيره الما لقاها زول ينقعد نكاويها علشان ما عرست وهي تجي تسكنا😂😂طارق قال ليهو بايره يعني ياخ حتي الشفع ما راحمين البايرات 😂😂واللعبه دي علمكم ليها منو يا شبير 😂😂طلال قال ليهو من زمن كنا في الروضه بنلعبها 😂😂طارق قال ليهو اها يعني ما شلت فكره مرتي دي مني امم تمام 😏😏 قلت ليهو ما تفرح كتير امي قالت لينا خلو الشكل كدي ورينا ما ناويه تجيبي لينا كتكوت صغير 😉😉قلت ليها بوثي انا لي نفسي كتكوته مالي ومال الكتاكيت😂😂خالتو قالت لي لازم يا بت نحن دايرين نفرح بي حفيدنا قريب 😍😍قلت

ليهم عاد انتو فرحتكم دي كل يوم بتجدد اقامه زمان كانت تفرحو بي هسي بي حفيد بكره بي شنو الله يستر😂😂طبعا طارق يضحك سااي عاجبو الكرسي الساخن الانا فيهو😪😪 قال لي بكره ح يكونو عايزين يفرحو لي راجلك بالتانيه😌😌 قلت ليهو يرجووك في😤😤....عاينت لي عمو متوالي وسكت 🙊🙊عمو قال لي سكتي ليه دا يساهل واكتر تمي سااي ولا دقيقه انا اتم ليك يرجووك في مكنه عربيه هسي بيان دي بدبلو فيها يا خايب 😂😂قلت ليهو اي يا عمو وري😂😂 طارق قال لي ابوهو هو انا اقدر والله الا القي روحي في البحر وانا والجديده 😂😂قلت ليهو يعني خوف ساي هسي لو طلقوك بتجيبه😒😒 قال لي الله هو انا عندي عيون عسليه زي دي امش افتش غيرها داير بيها شنو 😍😍طبعا خجلت و دنقرت 🙈🙈يلا ماما وماما بدو القطيعه يعاينو لي و يتوشوشو 😂😂 عاينت ليهم كدا 😏😏فهم انا عارفاكم بتقطعو فيني 😏😏اي واحده بقت تتبسم للتانيه حنك اسكتي كشفونا 😂😂 بعد العصر رصينا الغدا واتغدينا و رنو اتصلت علينا وبقينا نتونس يحليلها علمت بتها قلت الادب و شقت بيها براها العفنه تستاهل😂😂قضينا ايامنا ورجعنا البيت للروتين اليومي 😪😪في يوم طارق اتصلو عليهو وكلموهو انو يجي بدري في عمليه المفرضو يعملها صحبو لكن في تقرير كان ما اتملا ما بقدرو يعملو العمليه وماف زول ح يقدر يملاهو غير طارق لانو هو الكان متابع الحاله😪😪المهم لبس سريع سريع و طلع قبل ما شرب الشاي زاتو لاقاني في الهول ودعني و باسني في راسي سريع سريع و واصياهو البقولها لي قالها لي سريع سريع ما تفتحي الباب لغريب وما تشيلي حاجه من غريب وماا......ومااا........ ومااا.......و طلع استغربت زاتو للدرجه دي مستعجل طلعت فوق لقيت الغرفه حقتنا دي جايطه جوطه من الاستعجال ملابسو ما لماها😪😪بقيت بلملم فيهم كدا من جيب الشوروت حقو وقع المفتاح المحظور 😳😳قلت يا ربي طارق نسي المفتاح هنا هسي ح يرجع يشيلو ما ناقصه معاهو مشاكل انا ختيتو في الجيب حق الشورت😪😪بعد شويه ركزت انو المفتاح دا براهو شكلو يااتفكه من العلاقه او نسخه تانيه من المفتاح وبي كدا يعني انو طارق ما ح ينتبه ليهو معناها دي فرصتي طولي قفلت ليك باب الغرفه يالمفتاح للاحتياط يعني لو جا راجع 😪😪و فتحت الدولاب الصدمه انو الدولاب كلو فاااضي احترت ذاتو 😱😱قلت يا طارق فضاهو بث متين طول الفتره الفاتت دي نحن سوا ولا هو كان عايز يختبرني 😪😪فقلت ضلفه مع هوا القفله طير صوره من الرف الفوق اخر واحد صنقعت ليهو ما شايفه شي لانو عالي دنقرت شلت الصوره 😪😪لقيت مكتوب فيها عيدميلاد ريدي الابدي ال16😍😍قلبت الصوره لقيتها انا انصدمت طارق جاب الصوره دي من وين اصلا عيدميلادي ال16 هو ما حضرو 😱😱 وكان في المانيا والصوره دي جات من وين يا ربي البحصل والسر الطارق مخبيهو علي وخايف يهدم لينا زواجنا شنو 😱😱😱

#ريدي
-٢١-
جري مشيت جبت المقعد حق التوليت حقي و جيت ركبت فيهو علشان اشوف الرف الفوق فيهو شنو لانو عالي لمن طلعت لقيت صندووق كبييير كدا من خشب ما تقيل وما خفيف شلتو ونزلتو و ختيتو في الارض لانو مغبر شديد😷😷 جبت لي قطعه نضفتو لقيتو محفور فيهو كلمه (ريدي😍😍) طوالي اتزكرت صدوق الاكسيسوار الجابو لي مياس نفس التشكيله بث داك اصغر شويه 😪😪حاولت افتحو ما فتح الا بي مفتاح😪😪 رجعت طلعت فوق فتشت الرف ما لقيت شي 😪😪اتزكرت انو في مفاتيح في درج الكمودينه حقت طارق لمن كنت بفتش عن نسخه للدولاب المحظور لقيتهم المهم شلت الصنوق غايتو في السرير و و بركت علي رجلي وقعدت افتش عن للمفتاح انتبهت لي مفتاح دهبي كدا شكلو غريب شلتو وجربتو فتح لي الصندووق😍😍طبعا اتخلعت لمن فتحتو فيهو كتره صور ومع الصور كتاب كبير غلاقو من خشب مكتوب فيهو (ريدي😍😍) وصندوق تاني صغير قدر حقي او اصغر 😍😍شلت الصور وبقيت بشوف فيها صوره ورا صوره وكل صوره ليها لحظه في حياتي صح طارق سافر سبعه سنين بث انا ما فارقتو لحظه😳😳كل يوم كل صوره اتصورناها انا ورنو عندو صح انا ورنو مجانين صور لي درجه انو كل يوم قبل نمش المدرسه بنتصور والمحيرني كل صوره اتصورنها عندو😳😳 كل عيدميلاد حتي الطلعات و في ضهر كل صوره كاتب التاريخ ومناسبه الصوره😳😳بقيت مصدومه ما قادره افهم الحاصل 😳😳شنو حتي في صور من وانا صغير عندو وصور قبل ما يسافر حتي في صور بعد ما سافر وصور العرس واجده صوره كانت حقت يوم الجمعه سلفي الجلابيه و التوب😍😍قلت اكيد في حاجه غلط شلت الكتاب وقما قعدت في السرير بديت اقرا اولا صفحه كانت فاضيه 😢😢 تاني صفحه مكتوب فيها ريدي 😍😍تالت صفحه حتي بادي كاتب فيها شكلو عاملو دفتر مزكرات بدي كتابو كدا (لي تمنيه ساعات في بلد الغربه ومشاق لي زوله كانت فرحتي ما قادر افكر في غيرها حتي لي درجه 😢 انو اول حاجه عملتها قمت اشتريت الكتاب دا علشان اكتب ليها كل حرف جواي ما قدرت في يوم اقولو ليها💔صح انا خجول لا دا ما خجل انا جبان اني ما قدرت اعترف لي البت الشالت قلبي خليتها تروح من يدي هسي هي ح تكون زعلانه وماده لي بوزها دا للحيطه 😂 بث هي ما عارفه انا عملت كدا ليه انا عملت كدا لانو عارف انها بتكره الوداع و بزكرها بي ابوها لانو من ودعتو تاني ما شافتو وبتقعد تبكي بي حرقه لمن تودع زول و انا ما بتحمل اشوف دموعها لانو ح تصعب لي فكره اني امش واسيبها وممكن عاشان جمعها ما اسافر زاتو 😪ما بتصدقي يا بيان انا ضعيف كيف قدام دموعك ما بقدر اقول لا في حاجه بتدخل فيها دموعك 😪ان شاء الله اموت ولا اشوف دمعه منك تنزل 😭.......) بي صراحه دموعي نزلو بقيت بقري و بقري وبقري 😭😭(بيان انا اتغشيت 😔خانوني ناس انا وثقت فيهم 😪في يوم جيتي و سالتيني عن مشكلتنا انا وماب شنو صح انا جرحتك في الكلام بث اصلا انا وماب عمرنا ما كنا لي بعض دي كانت تمثيليه بث علشان نخليك تغيري وتعترفي لي بي مشاعرك بس للاسف التمثيليه دي بعدتك مني اميال💔والغلطه ما غلطتك الغلطه غلطتي انا الوثقت في ماب و سمعت كلامها و نفزت معاها خطتها وما ختيت في بالي انو ممكن تكون ماب عينها علي واصلا ادتني الفكره دي علشان تخليك تكرهيني كنت غبي 😢 بث هسي انا محتاج للسفره دي محتاج ابعد من جو الناس محتاج اقعد براي اعرف البي و العلي انا تعبان وقرفاان ومشتااق و حالي بالبلا😭 تتخيلي اني ظابط منبهي علي صوتك علشان اتصبح بي احلا واحن صوت في الدنيا😍 تتزكري لمن كنتي تجي علشان تصحيني الصباح وبتلقيني لابس ونايم تصدقي اني كنت بعمل كدا علشان اسجل صوتك كل يوم 😂 اااخ يا بيان لو تعرفي انتي بالنسبه لي شنو اخ لو كنت بقدر اواجهك واقول ليك انا ميت فيك😔......) بقيت بتخنق من البكي بالجد كنت هبله وما بشوف كيف قدرت اخلي واحده حاقده تلعب بي اعصابي و اصدقها قعدت اقرا كان كاتب لي في الكتاب دا كل شي مره بيهو في السبعه سنين دي وزي الزول الواثق اني ح اقراهو 😭😭(اخيرا مرت سبعه سنين وانا راجع بلدي الفيهو ريحه محبوتي صح انا بالنسبه ليها اني بعيد ولا سال عليها بث هي كبرت سبعه سنين تحت يدي كنت متابع خطوه بي خطوه كل شي صاير معاها ومهتم بيها حتي كل عيد ميلاد هديتي كانت بتصلها بث هي ما كانت عارفه ولا كانت جايبه خبر لانو الهديه بتصلها مع رنو مع انها لو ركزت كانت عرفت ليه رنو بتجيب ليها هديتين بث هي بريئه علشان كدا بريدها😍قلبها ابيض وما بتحقد علي زول😍.....) بقيت ما قادره اعبر و كاني عايشه في دنيا تانيه من البكي😢😢 بكيت لمن حلقي اتقرش😭😭(الليله يوم عقد اختي واخيرا قدرت الاقي بيان وجه لي وجه مع انها زعلانه و شيلاها معاي شدييد بث والنعمه بريدها واحلف ما تكون لغيري هي فاكراني انو دا اول يوم نتلاقي لا انا شفتها كتير من اول يوم و اول ساعه لي في السوان لمن كان جايه جاريه وضربت في خالد هي ما انتبهت اني في العربيه المتكل فيها خالد لمن شفتها بالمرايه حسيت قلبي رجع لي حسيت اني عايز انزل واضمها ياخ انا مشتاق ليه

ا هي وبث 😍 طول السبعه سنين كنت مكتفي بني اجمع صور لكل لحظه ممكنه صح بيان كرهاني بث انا متاكد انو لسه قلبها لي لكن هي عنيده وما عايزه تصارح نفسها فكيف ح تصارحني الايام بتمر ورجعت لي الفكره القديمه بث بي طرقتي انا لانو طريقه مااب بتبعد بيان عني بث طريقتي بتخليها تكون محروق و ما ح تتحمل الوضع كتير وعلشان اخلها توافق ترقص معاي اتجبرنا اوهمها انو انا شريكتي ماب و خلينا الباقي تتفاجاء بيهو يوم العرس 😍😍....يوم العرس دا احلا يووم ما بتصدقو انها بتنافس القمر في جمالها ما قدرت اركز مع اختي العروس بي سببها صح انا عامل نفسي مفتري وما قاعد اعاين ليها بث كل فرصه اقدر اسرق فيها النظر ماا بفوتها🙊ولمن رقصنا مع بعض لي لحظه اتمنيت الغنيه ما تخلص وافضل ماسك فيها وماسكه فيني العمر كلووو 😭......مجبور اسافر لانو عندي بعد الانجازات هناك بس راجع لي قلبي الما بقدر اعيش من دونو راجع علشان احل كل خلاف بينا راجع علشان ابقيها حلالي😍 راجع ليها هي وبث😍 .....
#خاطره💔
اوهمتك برحيل 🍃و اكتفيت بمراقبتك فيا قلبي الصغير 💜كفي احتراقا بنار شوقك🔥اذهب فهي تنتظرك☕اذهب فهيزتبكي اللايالي من اجلك 😔اذهب و لا تتركها فانت تتعذب اكثر منها💔 .....

اخيرا خلصت كل مهماتي وراجي اللحظه المناسبه علشان ارجع لي قلبي و ارجعها لي وتبقي لي براي😍 ياخ انا حتي من اخوي بغير خلاص قلبي رافض فكره انها تكون لغيري😌 وجايك يا سودان علشان زولتي فيك😎 و نزلت لي عرس معاذ و استغليت فرصه انها كانت مفتكراهو عرسي انا😂 وكانت زعلانه ودا اكبر دليل علي انها لسه بتحبني وما طلعت من قلبها😍ياخ دا ما حب سبعه سنين ولا تمنيه دا حب عمر من اول يوم شفتاها فيهو وهي كانت واقفه في بابنا هي وامها حسيت بيها مميزه بث ما كنت فاهم شنو البميزها ليه قلبي دقه شديييد لمن شافها ليه انا حبيتها في عمر كنت ما بعرف فيهو معني الحب ولحد الليله بحبها 😍 لانو ريدنا صادق ما فيهو كذب لانو دايرين بعض من جوانا😍لانو ما غلطنا لا علي بعض ولا غلطنا في حق بعض 😍علي فكره فستان العقد انا الاشتريتو ليها في عيدميلادها 😍 لكن ما كنت متوقع انو ح تسمن ويجي فيها ضيق كدا 😂مع انو قوامها انجليزي بث انا بغييير وما بتحمل زول يعاين ليها 😤علشان كدا وبكل بساطه حبستها في غرفتي 😌اي حقار عارف بث بغير اعمل شنو 🙊...... لو اتشوفو الفرحه الفي عيونها لمن عرفت انا ما العريس ياخ حسيتها ح تطير عديييل 😍 ورتنا مواهب عمري ما كنت متخيلها رقاصه كدا😂.....عارف اني تاني ح اغلط بث مالقي لي طريقه اقرب ليها غير مياس اي انا مياس ومياس انا لكن هو احسن مني لانو قدر صارحها بي الجواهو لمن اتكلم معاها بصفتي مياس يكون زعلان وفرحان في نفس الوقت😢بكون فرحان اني قريب منها و زعلان غيره عليها من مياس رغم انو مياس هو انا بث بالنسبه بيها لا😔 بالنسبه ليها مياس السوبر مان الزول البفهم عليها و بشيل همها الزول الما بتضايق منها الما مفتري عليها المتابع كل صغيره و كبيره في حياتها الما بيأس منها الما ماليه عينو غيرها يا ريت لو طارق في نظرها مياس ومياس في نظرها طارق 😭.......ما ح اقدر اكذب عليها اكتر لانها بالجد بدت تميل لي مياس وما بقدر اقول ليها الحقيقه لانها ح تكرهني 😪ما علي الا اخت الماضي جمبه و اجي اتقدم ليها مع اني عارف كويس انها ح ترفض بث انا ح اسافر فتره خمسه شهوور و ح اسعي اني اغير كل شي في الخمسه شهور دي لازم بيان ترجع لي طارق باي شكل😞لانو بيان حقت طارق وبث طارق لازم ينهي مياس😪طارق عايز علاقتو تكون صادقه طارق ما عايز بيان تحبو و يطلع في عينها كذاب حتي ولو مياس قرب ليها لازم ما يطلع في عينها كذاب علشان تكون عندها ثقه فيهو😪.....) انا بقري وببكي قربت ادخل في حاله هستريه للدرجه دي عيوني كانو عميانين وما شفت حب طارق دا كلو 😭😭حسيت انو في صوت عربيه قفلت الكتاب سريع سريع و لملمت الصور لفتت انتباهي الصندوق الصغير شلتو و فتحتو لقيتو كميه من الشرايح يمكن اكتر من ميه شريحه 😭😭طوالي اتزكرت مياس لمن كنت بحظرو وبرجع يشتري رقم جديد قفلت الصندوق سريع ورجعت كل شي مكانو وقفلت الدولاب ورجغت المفتاح في الشورت و فتحت باب الغرفه وجريت دخلت الحمام😪😪سامعه باب الصاله فتح وقفل وطارق بنادي بيان يا بيان وانا في الحمام ما قدرت اطلع ولا ارد لانو دموعي ما وقفو ولو طلعته ح يعرفني ببكي جا دخل الغرفه خته مفاتيحو وقلع جزمتو و شال غيارو ونزل الحمام التحت اخد دوش ولبس ليهو بنطلون ابيض و تيشيرت حلاوي انا غسلت وشي كويس وقعدت في الحمام لمن رقت وقعدت بفكر يا ربي اعمل شنو هسي يا ربي المهم لفلفت شعري بالبشمير وهو جاف والله لخمه ساي ولا عارفه انا بسوي شنو 😂😂 و طلعت لقيتو بلبس ليهو في اسبورت اديدس ابيض ومشي علي الكمدينه يشل مفتاحو وهنا كانت الصدمه😱😱 انو في صوره كان واقعه جمب الكمودينه يعني لو مشي دنقر علشان يشيل المفتاح ح يشوفها و ح يعرف انا عرفت كل حاجه المهم قمت جاريه عليهو ونسيت اجفف سفنجتي ومع ا

لسراميك السفنجه تمت الباقي وييييييو اتزلقت قال يمسكني وقعنا الاتنين في السرير 😂😂قال لي يابت ما فضل ليك الا تطيري بعد دا😂😂 قلت ليهو علشان كدا ما بحب شباشب البنات لانها بتزلق😒😒 قال لي خلاص قومي لي😊😊 قلت ليهو لا خليني حبه بعدبن انت الليله ما اديتني حضن الصباح 😍😍قال لي ودا جبتيهو جديد ولا شنو نحن حدنا بوسه الصباح بث يا مدام😂😂 قلت ليهو تبوسك كلبه يا حيوان😒😒 قال لي وهو في كلبه احلا منك😂😂 قلت ليهو سغيل 😑😑قال لي دا كلو دووش يا مدلعه قلت ليهو ااااا😅😅قال لي شكلك ما كنتي بتستحمي وبعدين عيونك ملاها محمره كدا😕😕 قلت ليهو دخل لي فيها صابون لمن انا كنت بغسل وشي😭😭 قال لي ايوااا طيب اقفلي المكيف علشان ما تمرضي وتعالي هاتي حضن ما قبل الطلوع مدام فوتنا حق الصباح الطلع جديد دا😂😂وضماني بي يديهو قلت ليهو انا اصلا في حضنك وبعدين علي وين مش انت الليله ما عندك شغل 😢 قال لي اي الليله قافل بدلي صحبي بث عندي مشاغل تانيه غير المستشفي عندي كذا حاجه ماشي اظبطهم 😊😊قلت ليهو زي 😒😒قال لي اممم مثلا انو ريل اتصلت علي و طردتني من البيت علشان هم جاينك هي وصحباتك الفي الجامعه وغير كدا عاملين طلعه البحر انا والشباب😍😍 قلت ليهو بحر و مويه ولابس ابيض وما سايقني معاك 😒😒قال لي ح نركب عابره وكدا و بعدين انا الود الانيق لبسي نصو ابيض وما قاعد اتبهدل اما قصه اسوقك الطلعه شباب يعني رجاله بث فهمتي 😂😂قلت ليهو تربيه المانيا علشان كدا😂👏قال لي يااخي بالمناسبه انتي اول امس غسلتي شعرك مش كدا بتمرضي يا هبله 😒😒قلت ليهو بث هسي ما غسلتو😅😅 قال لي كيف يعني ولافه البشكير زينه ولا حبا فيهو 😂😂قلت ليهو راسي كان مسخن في بليتو ساي ولفيتو بالبشكير علشان يجف 😅😅 قال لي ايوااا يلا يلا قومي انا طالع بعد دا قمت و شت الصوره بي رجلي تحت السرير هو قام شال مفتاحو وباس لي راسي و طالع قال لي كرسي التوليت دا الجابو شنو علي اتجاه الدولاب😕😕 قلت ليهو ااا هااااااا هوووانا كنت محتاجه حاجات من الشنط الفوق وما قدرت احصل راس الدولاب وجريت كرسي التوليت وبرضو ما حصلت قمت خليتو😅😅 قال لي امممم خلاص بعدين بجي بنزلهم ليك هسي انا مستعجل 😊😊قلت ليهو كويس وصلتو الباب و دعتو وجيت طلعت الصوره ومشيت عندي روايه بتاعت كرستي دخلتها فيهو وجيت قعدت في نص السرير بفكر يا ربي البحصل دا شنو هسي انا اعمل شنو بقيت بتزكر في الاحداث و بربطها بي بعض كلها من اولها لي اخرها 😪😪قلت طيب انا اعمل شنو يا ربي ازعل ولا افرح ما قادره افهم اعملي شنو😪😪 نزلت تحت ضايرت البيت علشان ناس ريل جاين و حالتي حاله المهم حاولت اطلع الموضوع بقدر الامكان من راسي علشان ناس ريل ما يحسو علي😪😪 جهزت ليهم كيك و شااي وبخرت البيت الساعه 4 كدا الباب مشيت فتحتو قلت ليها ريلوو نشتاق اقسم بالله 😻😻قالت لي وانا كمان والله اخبارك وصحتك😍😍 قلت ليها تمام والله وانتي كيفك قالت لي باحسن حال بعد شوفتك عسجد قالت لي واااه 👻👻خلوو الكلام الكتير علشان نسلم و نخش قلت ليها عسووو شنو ياخ الموفاجاءت دي نشتاق والله يا بنات 😍😘 نهي قالت لي واي الجامعه من دونك مسيييخه والله ي هنايه 😭😭قلت ليها والله ندمت اني ضيعت السنه بث ما مشكله السنه الجايه بنزل ان شاء الله يلا سلمت عليهم و دخلتهم😘😘 ريل قالت لي الله ريحه بخوورك تجنن جاينك ضيوف ولا شنو😍😉 قلت ليها بري جيتو انتو ديل بث😂😂 قالت لي يعني طارق كلمك ودي الحاله اتفقنا معاهو انو ما يكلمك 😒😒قلت ليها بري ما كلمني لكن انا كدا بخلي البيت تحت جاهز طبيعي بتوقع في اي وقت ممكن يجوني ضيف😊😊 والنعمه الشباب اخبارهم شنو غيت ويموو وحسام واحمد وعمار ومهند 😍😍ريل قالت لي غيث كويس بسلم عليك 🙈🙈 قلت ليها شببببع حتي اخبارو عندك لالا تمام يا ريل طيب ما تحولي جامعتنا احسن ليك😹😹 شهد قالت لي ودي ناقصه من التحويل شنو شايفه الجامعتين قريبات من بعض خلاص سكنت الجامعه عديل ياخ حتي الفرقه البين المحاضرتين بتجي متلبه عندنا 😂😂ريل قالت ليهم وصلنا متين علشان تفتوني رز استرو المسلم ياخ خوه مافي😂😂 نهي قالت ليها خوه والا دريبات😉😉 قلت ليهم اصبرو انا بعرفها البكايه دي بكره بتشتكيكم ليهو 😹😹نوف قالت لي وهو بقدر يفتح خشمو ههههه 😂😂 قلت ليها اصلا ما بقدر ناسيه انو نحن راهنينو كيف عسجد قالت لي لو حاول يفتح خشمو بلقي غسيلو كلو مشرور ريل 😂😂قالت لينا ليه اصلا هو عندو حركات ولا شنو😟😟 قلت ليها دا الخلق الحركات زاتو بث ما تسالينا ما بنوريك ما بهون علينا صاحبنا يااخ 😂😂نهي قالت لي البت سخنت بكره شكله عشاق من امه😂😂قلت ليهم النبي صوروها لي يااخ اشتقت لي شكل يمو وعسوو😂😂 نوف قالت لي الليله فاتتك طبعا شكله زي الشكله ما ناقصها الا معيط شعر😂😂قلت ليها اصلو لا منو ومنو احكي سررع شحتفاي روحي 😂😂قالت لي عسجد وحده من معدات (معدات طبيه بنختصرها يا معدات ولا طبيه) يلا الليله يمان جا شيكه لمن بهناك الجامعه دي كلها

تعاين ليهو 😍😍في واحده قامت رسلت ليهو ورقه وقبل ما يفتحها شافته عسجد بث عسجد هاجت ليك في يمان وشالت الورقه و شرطتها انتي يا المتعرصه قومي من محلك تنقش تنقش بكل مياعه تعالي اسالي عسجد شرطت الورقه ليه😂😂وهي اصلا ما ليها وشوفي الشكله البدت ويمان في النص مسبت وحده بي ضهرو والتانيه دافره بي يدو ولا عارف يضحك ولا يبكي والله شكله زي الشكله ردخ وصفيق و ترتره كمان ولو ما مثبتهم كانو قطعو بعض 😂😂قلت ليها والله بالغو ما للدرجه دي لكن😂😂 المهم اتونسنا وضحكنا وشربنا الشاي بالكيك وفاتو مني بعد المغرب اما انا بين كنت معاهم وما معاهم همي العندي اكبر مني مشيت بلعت لي حبه بندول و رقدت كدا لحد بعد العشا طارق جا قال لي حبيبي قومي ارح معاي😍😍قالت ليهو وين😕😕 قال لي جبت عشا ارح ناكل😍😍 قلت ليهو بث انا ما عندي نفس😪😪قال لي يا زوله ارح ما بقدر اكل برااي😌😌 قلت ليهو خلاص خير ارح مشينا قعدنا ناكل لقيتو جايب بيتزا شغالنا التلفزيون😪😪 واي زول بي قزازه باردو والبيتزا حقتو وباكل قلت ليهو طارق ارح نلعب صراحه😊😊 قال لي جراءه مالو😏😏 قلت ليهو سغيل دا قلت ليك صراحه ما بتفهم 😑😑قال لي اممم تمام 😊😊قلت ليهو لو عندك شي ما عايز تورني ليهو ما نلعب لانو الانسحاب ممنوع 😑😑قال لي اممممم طيب خليهو نبطل لعب لانو انا زاتي تعبان 😊😊قلت ليهو خلاص تمام 😪😪قمت خليتو قال لي بياان رجعي الشبشب قلت ليهو ياتو شبشب قال لي قايلاني ما عارف انك من قبيل بتحاولي تسرقي فيهو يا بت انا حافظك 😊😊 قلت ليهو ماف يعني ماف ومشيت طلعت فوق رقدت نومت 😪😪تاني يوم صحيت لقيتو ماف شكلو طلع بدري ولقيت خاتي لي في الكمودينه حقتي شبشب بنات جديد لونو وردي وكمان فيهو ورده كبيييره من قدام قلت 😭😭لي نفسي يعع كمان جايبو لونو وردي يعووووع😭😭 لقيت فيهو ورقه شلتها وفتحتها كاتب لي فيها (بنسبه انو امس خليتني البس شبشبك الصغير داك انقطع 😂😂 علشان كدا جبت ليك واحد حلوو غيرو وزي ما انتي بتحبي الشبشب يكون اكبر من رجليك الصغار ديل جبتلو ليك كبير 😂😂 ابقي مره وشيلي شبشبي تاني وبالمناسبه ما ح تلقيهو تاني لانو ح اشيلو معاي المكتب يومي ولمن ارجع ح اكون لابسو علشان كدا اقنعي 😌😌و يلا خلي بالك من نفسك وما تفتحي لي زول غريب وما.....وما........وما الخ)😪😪 طبعا شميتو شدييييد قمت نزلت من السرير وخليت الشبشب في مكانو ومشيت فرقلت دولابو لقيت شبشبو بتاع البيت التاني مع اني ما بحبو بس لبستو انتبهت لي كيس في الدولاب شلتو طلعتو لقيتو تيشرت جديد خطيييييييير😍😍لونو اسود ومكتوب فيهو كلام بالانجليزي باللون الليموني الصارخ مبالغه😍😍 طوالي شلتو ليك ولا استخرت و شلت لي بنطلون اسود ويا الحمام جاك زول استحميت ولبستو وجيت اتعطرت ورفعت ليك شعري ضنب حصان وبقيت شغاله في البيت وحايمه بالشبشب حقو الكبير وما خليت ركن ما اتصورت فيهو وبرضو قعدت مع نفسي ولقيت انو احسن حل هسي اخلي الوضع كدا ولمن القي الفرصه المناسبه ح اكلمو اني عرفت لانو انا ما عايزاهو يزعل صح هو كضب علي بث كلو علشان يكسبني ما اكتر 😪😪

#ريدي
-٢٢-
المهم لحد الساعه 4 ونص هو جا وانا كنت في المطبخ اول ما سمعت صوت الباب جري جريت عليهو وحضنتو😍😍 قال لي حبيبي مالك الليله محموم 😍😍قلت ليهو بري قله ادب مني ساي😂😂 قال لي امممم اريتها تدووم 😂😂قلت ليهو بري بكره برجع لي ادبي 😂😂عاين لي كجا قال لي دقيقه دقيقه دا مش شبشبي التاني اوووف منك يا بيان نفسي اعرف ح تلبسي شباشب بنات متين انتي 😤😤 قلت ليهو ما ح البس😝😝 وفكيتو وقمت ماشه علي المطبخ قال ولا ثواني دا شنو اللابساهو دا 😤😤قلت ليهو حلو علي صاح 😍😍 قال لي بيان اتماديتي كمان بقيتي بتفرقلي دولابي؟؟! وبتهبشي اغراضي ؟؟!امشي طلعيهو سرييع 😤😤 قلت ليهو روووق لقيتو بالصدفه وعجبني شديييد وما قدرت انتظرك لمن تجي و شلتو لبستو😂😂قال لي بيان امشي اقلعي ياخ حتي لبسي ما مريحاني فيهو 😤😤قلت ليهو طارق هو كلو تيشرت وبعدين بتجيب غيرو عادي ما فيها شي😅😅 قال لي يا سجم انتي انا ما قاعد اهظر معاك دا هديه من المانيا ما بتفهمي انتي قلت ليك تقلعيهو يعني تقلعيهو 😤😤قلت ليهو خلاص بكلم ليك خالد يحيب ليك واحد تاني زيو 😟😟قال لي منو القال ليك جابو لي خالد😡😡 قلت ليهو اها الجابو ليك منو يعني 😏😏قال لي واحده ما بتعرفيها وما بتخصك المهم الهديه دي غاليه علي ياخ انا قاعد معاي كم سنه وما لبستو 😤😤قلت ليهو منو يا طارق😢😢 قال لي نريانا ارتحتي واقلعي لي سرعه فاهمه ما بلعب انا 😤😤 (بالجد كان معصب و بكورك قلت ليهو ومنو نريانا دي 😭😭 قال لي زميلتي وما ليك علاقه بيها😒😒 قلت ليهو دي الكنت بتخوني معاها 😭😭قال لي اي وخنتك معاها كتير وتاني ح اخونك معاها ارتحتي و اقلعي فورا وما عايز نقه 😡😡 قلت ليهو مام 😭😭😭قال لي بيان تتجنني بجي بقلعو ليك انا😡😡 قلت ليهو خلاص الليله بقعد بيهو وبكره بغسلو ليك وبكويهو وبعطرو وبرجعو ليك مكانو 😭😭قال لي انا طالع انوم لانو تعبان ح ابلع منوم ماف زول يحاول يصحيني قبل سته ساعات لانو ما ح اصحي😪😪 قلت ليهو حريقه فيك امش زاتو بث الغدا😥😥 قال لي ما داير😪😪 قلت ليهو عنك هو طلع وانا قعدت بحضر تحت زهجت فقلت التلفزيون وطلعت فوق لقيتو نايم قرصتو وكفتو ولا كانو حي زي الزول الميت 😂😂 لقيت علبه المنوم جمبو قريتها انو مفعولها قوي قعدت احسب يعني هو نام خمسه ما ح يصحه الا حداشر وانا اقعد دا كلو براي اوووف سغيل بقيت بلعب ليهو بي شعرو و يضرب فيهو وبتفشي وشغاله ليهو ليه كذبت علي يا حيوان ليه متخلف مختل تفتكر لو من الاول جيت كلمتني ما كان اخير ليك زفت دا 😂👊وهو يحليلو نايم شويه كدا انتبهت انو دي فرصتي اصلا انا كنت حالف انو الا اسرح ليهو شعر رجليهو شتات لانو غزير و طويل وناعم 😂😂يلا بث جبت ليك المشط و اللساتق و قعدت اقبض فيهو😂😂قبضت ليهو شعر رجيليهو كلو وااي بقي زي راس الشافعه العمرها شهرين و هو حلاتو نايم بي مزاج😂😂 يلا عملت ليهو بوف صغيروني بي شعر راسو القدام يلا لانو شعرو سبيبي طلع روعه😍😍و جبت ليك علبه المك اب و بديت العب ليك بيهو 😂😂 شي لاينر و ماسكرا و كنسيلر واحمر خدود و كنتوور ياخ طلع امزز مني😍😍يلا لو عرف اني بهدلتو كدا ح يكتلني كتل دا حينفيني للمريخ مره واحده😂😂 ولسه شغاله بلعب جيت قبضت ليهو جزو من دقنو و ضفرتو😂😂 بث حواجبيهو ابت تتخطط معاي غير كدا اصلا هي ما محتاجه لانها غزيره😍😍 المهم بدل استكين علي كدا وييين 😂😂مشييت جبت ليك الطرحه غطيت ليكم شعرو الورا و ظبطو وقعدت اتصور معاهو وحركات ياخ طلع قرض كيف😂😂 مع انو حلاتو ما بتشبه البنات بس عسل😂😂 يلا بعد خلصا صور بقيت شغاله بي جوالي قصيت ليهو صوره لحد النخره علشان دقنو ما يظعر ورسلتها لي رنو 😂😂 قالت لي دي منو المزه المرسيلاها لي نص دي 😍😍قلت ليها اخووك😂😂 قالت لي اصلو لا😱😱 قلت ليها اقسم بالله جد بلع ليهو حبه منومه ونام خلاني قعدت العب بيهو 😂😂 قالت لي يا مجنونه اجري انغزي نفسك كان عرف والله يطلقك بالتلاته😱😱قلت ليها بعملها 😅😅؟؟!قالت لي الليله سجمك بعملها واكتر 😂😂قلت ليها كن كدي النلحق مستقبلي😂😂 جري جبت مزيل المكياج لقيت الساعه ماشه لعشره سريع سريع نضفت ليهو وشو بعد داك جبت بشكير فيهو مويه مسحت ليهو وشو نطيف فرتقت ليهو البوف ونكشت ليهو شعرو وفرتقت ليهو الشعره العملتها في دقنو 😂😂 وجيت دايره افرتق ليهو شعر رجليهو الجرس حق الباب دقه لفحت لي توب قلت اشوف الجا منو وبعدين ح ارجع اكمل فرتيق يلا مشيت فتحت الباب لقيتو دا خالد جاي من المانيا يا دووب😍😍قلت ليهو خلوودي حمد لله علي السلامه😍😍 قال لي الله يسلمك ياااخ😍😍 قلت ليهو جيت متين انت 😂😂قال لي دي جيتي من المطار😂😂قلت ليهو نورت والله اتفضل اتفضل فضلتو ومشيت جبت ليهو مويه وعصير وقعدنا نتونس معاهو وسالتو ما نريانا علشان كنت مفتكره طارق مكذب علي فيها 😪😪خالد قال لي ااا نريانا حليلها كانت زميلتنا في الجامعه و صاحبتنا انا وطارق شديييد😍😍 دقيقه اوريك صوره ليها فتح جوالو واداني ليهو شفتها الصور