مسافه وقالت لي عرسيهو وربيهو ما مشكله😂😂لكن يلا هسي ساعديني😂😂 المهم ساعدت خالتو في التفريش ورص خبيز العيد والحلاوه و بخرنا البيت امي جات تساعد خالتو لقتنا خلصنا كل شي 😍😍خليتهم هم تحت و مشيت طلعت فوق لي رنو لقيتها نايمه تشخر و الكرش دي تشيل صاله ماشاء الله 😂😂 قلت ليها يا بغل انتي اصحي😂😂 قالت لي يسوو شويه وبقوم بطل مياصه😴😴 قلت لها يسو بتاع حبوبتك قومي تقوم فيك حريقه😂😂 مدت لي يدينها و قالت لي تعال نوم في حضني بلاش تمشي الشغل الليله حبي 😴😴 عاينت ليها كداا 😒😒قلت ليها يحبك ديك ينقر ليك وشك دا يعملو ليك كلو حفر قومي بلا ياسن معاك😂😂 ابت تقوم احترت اعمل ليها شنو شلت جوالها واتصلت لي ريل قعدت اتونس معاها واسمعها شخير الممرضه دي 😂😂 المهم لحد نهايه الصلاه كدا ابت تصحه ما اشتغلت بيها و زهجت منها وريل قالت لي جايه علينا قلت ليها تمام ونزلت تحت 😍😍 يلا ريل جات مشت حضنتها وقلت ليها رييلو كل سنه وانتي طيبه😍😍 قالت لي وانتي طيبه حبيبتي😍😍 قلت ليها وربنا يحقق الاماني😍😍 قالت لي واشوفك السنه الجايه عرووس وبي بيتك 😍😍قلت ليها دعواتكم دي لو واصله المروحه كنت هسي انا عندي اربعه شفع😂😂قعدت تضحك قالت لي يخسي عليك 😂😂قلت ليها علشان ما طالعه من قلبكم😪😪 يلا ما حنك 😂😂قالت لي رنو وينا ما صحت معاك ولا شنو 😂😂قلت ليها حاضنه المخده و قايلاها ياسن😂😂 قالت لي اصلو لا دا كلو شووق يحليلنا نحنا لينا الله 😂😂قلت ليها واتخيلي مشيت اصحيها قالت لي شنو😂😂 ريل قالت لي اها قالت ليك شنو😂😂قلت ليها قالت لي تعال نوم في حضني بلاش تمشي الشغل حبي😂😂 ريل اتفقعت ضحك😂😂 قالت لي علشان رمضان كلو فاطره ما جايبه للعيد خبر😂😂 قلت ليها الله يعينا عليها بث😂😂 ونحن بنتونس كدا في كوت من الرجال جا داخل طبعا انا وريل طوالي بدينا نضيف وناس امي و خالتو بسلمو😊😊بعد طلعو عمو متولي قال لي طارق دا اصحابو برا ودي ليهم الشياله😊😊 قلت ليهو حاضر شلنا الشيالات انا وريل وطلعنا اول ما جيت طالعه عيني وقعت علي واحد من اصحاب طارق مميز شدييد هو خدووري بس خدره نااعمه ملامحو حلو شديييد 😍😍 و رايقه كدا اكتر شي خلاني انتبه ليهو انو ارتبك كدا لمن شافني وعينو ما نزلت مني ابتسمت وقلت يا ربي دا مياس؟؟! 😂😂 المهم قدمنا ليهم و ختينا الشيلات و جينا سلمنا وعيدنا عليهم لمن جا دورو مسك لي يدي مسافه وصوتو اصول ما غريب علي خلاص قلبي بدا يجر و دقاتو تزيد ما صدقتا بث كيف فكا لي يدي و مشيت😂😂 عرفتو انو دا نفس الصوت البتكلم معاهو كل يوم 😍😍جخلت وهو دنقر وقعد يتبسم طوالي سوقت ريل ورجعنا جوه 😍😍 ريل قاالت لي كان تنتظري حبه تخليني اشوفهم زي الناس ياخ طارق دا عندو اصحاب حلوين حلا مبالغه 😍😍 قلت ليها اي قاعده لي للكشيف والانبراش😂😂 قالت لي بستاهلو والله وااي انا من الخدوري لونو براهو بروق االدم 😍😍طبعا انا دييك اتخجل ساااي التقول راجلي جد جد 😂😂المهم قعدنا مع ناس ستو حبه الفطور جانا معاذ ومرتو😍😍 سلمنا عليهم وعيدنا عليهم ياخ عرسان لزيزين شديييد 😍😍 اتخيلو طلعو انهم مرتبطين ليهم اربعه سنين و زول حاسي بيهم ماف😂😂 لكن معاذ بجد راجل السرور ما عشم البت الفيهو سااي وبقي عند كلمتو و بقاها حلالو 😍😍ومتاب تستاهل الخير والله علي نياتها وقلبها الكبير 😍😍 المهم طبعا كتاكيت الحب ديل نحن فصلناهم الرجال في الصالون والنسوان في الصاله 😂😂ومعاذ عايز ليهو حجه يجي بيها جوه علشان يقعد مع مرتو 😂😂 ماشي وجاي في راسنا فهم زول يقول ليهو تعال اقعد 😂😂شي يجي عايز مويه وشي عايز شنو ما ادراك وكل عشره دقايق هو في راسنا عايز شي جديد 😂😂وبجي بقول ليها متاب تعالي سوي لي دا 😂😂 انا بقول ليهو لالا خليها انا بجيك وهو عارفني فاهمهو انو هو عايز مرتو وانا اتساغل كرهني ليك كره😂😂 الهم رسل ليها رساله قرتها وقعدت تتبسم بث ما ردت ليهو قام اتصل ليها وقال ليها انو هو منتظرها في الزقاق وعايزه ضروري يلا هي اساذنت ومشت طلعت بي باب المطبخ 😉😉 وانا وريل اتسحبنا بي وراها المهم بقينا بنتاوق ونضحك 😂😂يلا هو ساند يدو في الحيطه و هي متكله في الحيطه😂😂وقاعدين يتغزلو بي بعض 😍😍 و يتخجلو 😍😍 ياخ حلوين حلا 😍😍بث انا وريل عملنا ليك عليهم هجووم😂😂 ياخ معاذ دا ما عرف يودي وشو وين قرب يدخل في الحيطه و متاب دي الخجله كتلتها معاذ قال لينا ما سمعتو بي حاجه اسمها خصوصيه الزوجين😒😒 قلت ليهو خصوصيه الزوجين في الزقاق يا مراهق 😂😂ريل قالت ليهو الخصوصيه دي لمن تكونو في غرفتكم لكن هنا بث مباشر علي الهواء الطلق😂😂 متاب قالت ليهو ارتحت عملت لي سمعه في بيت اهلك 😂😂 ريل قلت ليها راجل حاار خلاص ما قادر يتنظر ترجعو البيت😉😉 قلت ليها يختي مشتاااق انتي مالك 😉😉 معاذ قال لينا ما ح ارد عليكم ومشا و نحن رجعنا جوه بنضحك المهم شغلنها ليها 😂😂 و هم فاتو ونحن قعدنا مع ستو حبه وبعد داك امي رجعت البيت وانا مشيت مع ريل بيتهم عيدت علي امه

ا و اخواتها و قعدت معاهم كداا حتي رجعت البيت رقدت نومت 😍😍 صحيت قريب العصر نزلت تحت لقيت الصاله فاضيه قلت يا ربي امي وين 😥😥مشيت غرفتها لقيتها نايمه ما صحيتها قلت اخليها تنووم مشيت اكلت لي حاجه وقعدت احضر في التلفزيون لحد ما الساعه سته جات كنا متفقين انا والشله نحضر حفله ديجي في نادي التنس 😍😍 كانت اول يوم في العيد خلاص مشيت دخلت الحمام اخدت دوش و جيت طلعت لي بنطلوت كاكاوي اسكيني ومعاهو بوت تمبر وتيشرت طويل حبه لونو ابيض مرسوم فيهو بالبصلي و جكت زي جكت البلده بالكاكاوي و فكيت ليك الشعر دا و برمت الجزو القدام وشلت لي طرحه جدعتها جدع وكفكفت ليك يدين الجكت و عملت ميك اب زووق و راقي شدييد 😍😍و لبست لي اكسيسوار ناعم شديييد وشلت جواالي و اتعطرت ومشيت لي ماما لقيتها صحت قلت ليها يا عسل يلا انا طالعه😍😍قالت لي علي وين 😊😊 قلت ليها للشله 😊😊قالت لي كويس بث ما تتاخري 😊😊قلت ليها عويني ليك هو انا اقدر اتاخر عليك😍😍 قالت لي تمام يلا لا اله الا الله 😊😊قلت ليها محمد رسول الله😊😊 و طلعت وانا ماشه في الشارع كدا في زول ضرب لي بوري قبلت لقيتو دا طارق😅😅 قال لي يا مظه علي وين😉😉 قلت ليهو قيهو مظه في عينك وانت في عين المظه 😒😒قال لي خلاص اعصابك اركبي النوصلك خلاض 😂😂 قلت ليهو واذا ما ركبت 😊😊قال لي امم ما بغلبني اجي اشيلك و اركلك 😊😊قلت ليهو عوير يلا مشيت ركبت معاهو براي لانو مجنون و بعملها 😂😂قال لي علي وين😊😊 قلت ليهو ما يخصك 😑😑قال لي يعني امش اجدعك في اي مكان عويره دي 😒😒قلت ليهو نادي التنس😪😪 قال لي عندكم شنو هناك 😊😊قلت ليهو اصحابي عازمني حفله بي مو علي😊😊 قال لي بتاع الديجي 😅😅قلت ليهو يب 😊😊قال لي تمام 😊😊قلت ليهو وانت ماشي وين😉😉 قال لي انا ماشي لي اصحابي في الرياض عاملين لمه و جيتار و غنه و ونسه ومظظ😉😉 قلت ليهو منحرفين وجنكم خلط صحي بي مناسبه الخلط ماب اخبرها شنو ليها زمن مختفيه😊😊 قال لي وانا زاتي ما عندي عنها خبر 😪😪قلت ليهو كيف يعني ما متواصلين😅😅 قال لي والله نحن انفصلنا لينا فتره 😊😊قلت ليهو لييه كدا ياخ😱😱 قال لي المشاكل كترت وبقينا ما قدرين نكمل مع بعض ولقينا احسن حل انو اي زول يشوف طريقو بعيد عن التاني علشان ما نخسر احترامنا لي بعض😊😊 قلت ليهو اممممم طبعا انا ما ح ادخل لانو شوفت بي عيني لمن ادخلت بي كل حسن نيه قبل سبعه سنين حصل شنو😪😪 قال لي بيان ياريت لو تنسي الحصل زمان 😪😪قلت ليهو قاعده احاول انسي 😊😊قال لي طيب خليك مني احكي لي انتي اخبارك شنو عملتي في السبعه سنين دي شنو خلطتي منو😉😉 قلت ليهو وانت دخلك شنو😑😑 قال لي سااي لو لقينا الخانه فاضيه احتمال نخش وكدا😂😂 قلت ليهو لالا اظمن الخانه ملانه😌😌 قال لي كييف و منو😑😑 قلت ليهو مياس😊😊 قال لي اممم مياس منو دا لاكن😅😅 قلت ليهو ح تعرفو مفاااجاءه😊😊 قال لي متين لكن😪😪 قلت ليهو لمن نخطب 😊😊قال لي امممم كويس والله😊😊 قلت ليهو يب عقبال عندك😊😊 قال لي ان شاء الله 😊😊 شغل الرادي و كان شغاله غنيه احمد امين بقي بغني معاها حقت فرحه عيد بتقول (جتنا الحلوه تبارك العيد شايله معاها ملامح الفرحه طله ريده وفجر سعيد ياخ معقوله العيد بي نفسو جاي يسلم و مادي الايد جاي يسلم ومادي الايد 😍😍 ورد الشوق الفيني اتشتت ملي الكون وسرحت بعيد في التسريحه ومعاها الريحه وسحر الجيد 👏👏كنت بعاين فيها و اقرن بين شياله العيد والسمحه لونها القمحه👏👏💃💃 ....) ما عارفه لي لحظه حسيت انو قلبي اتنفض و بدا شريط يومي كلو من اولو 😪😪اول ما لاقيت طارق و لمن لاقيني مع عمو وباركت ليهو العيد و لمن جيت اقدم لي اصحابو وهو كان بعاين لي في حاجه انا كنت ما فاهمها لي لحظه بحس انو مياس دا طارق 😪😪لاكن الصوت ما ياهو صوت مياس وطارق مختلفيين تماما😪😪 في ثغره ناقصه انا ما عارفها يلا انا سرحت في الشباك و هو لسه بغني 😍😍( جتنا الحلوه تبارك العيد شايلا معاها ملامح الفرحه طله ريده و فجر سعيد ياخ معقوله العيد بي نفسو جاي يسلم ومادي الايد جاي يسلم ومادي الايد 😍😍فيها حلاوه زوق و نداوه نار جوانا تهب و تقيد 👏👏يا بت سكر واجمل و انضر يا كعكتنا خبيز العيد 😍👏👏كل سنه ريدتنا بتكبر وفي كل ثانيه معاكي تزيد👏👏 وفي كل ثانيه معاكي تزيبد 👏👏...) طبعا صوتو حلو شدييد بشبه صوت جمال مصباح فيهو بحه كدا حلوه 😍😍المهم وصلني النادي قلت ليهو تعال اعرفك بي اصحابي وتحضر معاي الحفله بالمره😊😊 قال لي لالا ماف داعي 😅😅قلت ليهو عليك الله اصحابي ظراف اسال معاذ كان جو عقد رنو😍😍 قال لي بث التزكره😅😅 قلت ليهو يمو من منظمين الحفله فبلقي ليك تزكره تعال ارح 😍😍قال لي يمو دي منو 😅😅قلت ليهو يمو دا ولد اسمو يمان😂😂 قال لي اهههه ايوااا طيب ح جي لكن بي شرط😊😊 قلت ليهو واللي هو😕😕 قال لي اذا جيت معاك هسي تمشي معاي بعدين😍😍 قلت ليهو بث😟😟... قال لي ماف بث يا اي يا لا😊😊 قلت ليهو اممم خلاص كويس بمش

معاك لكن ما نتاخر😊😊قال لي تمام😍😍 ونزلنا كريتو من يدو ودخلنا فعلا لقينا ليهو اخر تزكره و علي حظو طلعت تزكره دهبيه😍😍 قلت ليهو يموووو😍😍 قال لي بيبووو😍😍 قلت ليهو كل سنه وانت طيب يووخ😍😍قال لي وانتي طيبه يا قلب 😍😍 قلت ليهو ربنا يحقق امانيك 😍😍قال لي ما عندي امنيه غيرك😂😂 قلت ليهو يا ود هسي بنادي ليك عسجد بتوريك ليهو😂😂 قال لي خلاص خلاص سكته 😂😂 قلت ليهو اعرفك صاحبي اخوي و ود جيرانا طفولتي طارق 😊😊 قال لي صاحب طفولتك ولا سيد الريد😉😉 قلت ليهو انسداد في الحنجره بركه الله حيوان كدا مالك انت 😒😒اقول ليك صاحب طفولتي واخوي تقول لي سيد ريدي 😒😒طارق قال لي ومالو عليك الله هسي دي بتلقي زيي😂😂 قلت ليهو واحسن منك كمان😍😍 يمان قال ليهو شكلها مظبطه امورها😂😂 طارق قاال ليهو اصلا بي زولها البت 😉😉 يمان قال ليهو وانا اقول الزوله بقت بتجي الجامعه نعسانه من الصباح ليه و بتساهر مع منو كمان عامله لينا انا مش بتاعت الكلام دا وانا كنت طول عمري جامده 😂😂 قلت ليهو يمان اقسم بالله ما تسكت بوتي دا بطبع ليك في وشك😂😂 قال لي خلاص سكت 😂😯قلت ليهو وين الجماعه ديل😉😉 قال لي تعالي و اصلك ليهم 😂😂طارق قال لي عندك صحبات مزز ولا لا😉😉 قلت ليهو هسي دا سؤال😌😌 قال لي لالا بث احتياط يعني علشان لو كلهم بشبهوك امش اشوف لي ناس مزز 😂😂 قلت ليهو ردم انت بث تعال وبتشوف العجب 😍😍قال لي خلاص تظبطي لي اموري انتي بعدين😉😉 قلت ليهو سمح😂😂 اها يمان وصلنا للشله يلا طارق كان اخر شياكه 😍😍لابس ليهو بنطلون بيجي و جزمه كلاسك عنابي داكن و قميص عنابي ساده و الشكه والحزام مع الطوول وعرض ياخ خطيير😍😍والعجب لحيتو احييي انا من لحيتو مظبطها و مرتبها ترتيب مبالغه 😍😍يلا ناس شهد لمن شافوهو دايرين يصرخو هبطو عدييل 😂😂بقو شغالين صامت و هزاز 😂😂و نوف دي طيران عديل خارج نطاق التغطيه😂😂 غيث قال بيان البت القرض 😍😍 قلت ليهو غييث الود المظ😍😍 قال لي كل سنه وانت عيدي😂😂 قلت ليهو وانت عيدي ياااخ 😂😂و تتحقق امانيك ان شاء الله 😍😍قال لي و امانيك يا رب😍 يلا سلمت علي البنات و عرفت طارق علي الشله شهد قرصتني قالت لي بيان دا منو القرض دا😍😍 قلت ليها دا اخو العروس صحبتي العزمتك وانتي ما جيتي😒😒 نووف قال لي بيان انتي مش قلتي لي بظبط ليك مع خلودي وما عملتي شي خلاص انا خليت خالد انا عايزه دا بث ما عايزه غيرو 😍😍قلت ليها اسكتي يا مرض ما تفضحينا😂😂💔 قالت لي ليه ما تقولب لي خالطاهو 😱😱....... نقيف هنا ونشوف الباقي في البارت الجااي ان شاء الله😂😂💔

يلا استمخووو....😎💔

باقي حلقااات روايةة ريدي💕....!

#ريدي
-١٦-
قلت ليها يخلطوك في حله ان شاء الله اقول ليكم دا اخوي تقولي لي شنو ما بعرف😒😒عسجد قالت لي دا انتو بتحفظوهو في تلاجه ولا شنو ياخ ليه ما قاعدين نلاقي الشبهو في الشارع ولا الجامعات ولا المواصلات بث ليييه 😭😭قلت ليها لانو مغتربين يا حبيبه 😂😂نهي قالت لي نحن جاين ناجر شقه من شققكم الفوق دي ولا دقيقه هم ما عاملين شقه في بيتهم للاجار 😍😍 قلت ليها لا والله لكن بكلمو ليك لمن يعرس و يسكن بيتو يجار ليك الشقه الفوقهم 😂😂قالت لي ومعرس اربعه عايزاهو ان شاء الله اقعد اعاين ليهو سااي 😍😍😍قلت ليها واي منكن صحي احمد وحسام ومهند و عمار وين 😂😂 قالو لي لسه ما وصلو لكن جاين 😅😅المهم قعدنا نتونس كدا و طارق طبعا كلامو قليل بتكلم كلمتين وبسكت 😂😂لحد ما ناس حسام جو و اتعرفو عليهو و اتونسنا كلنا كدا والحفله اشتغلت😍😍 يلا تعالو شوفو الرقيص الناس دي كلها فوق💃👏 طبعا طارق رقااص بث بتاع مزاجات يلا اليوم داك عامل فيها الود الرزين داك بعاين و خاتي بديهو في جيوبو😂😂 جيت جمبو قلت ليهو الجو ما عجبك ولا شنو😅😅 طبعا مع الجوطه ماف زول بسمع زول 😂😂قمت لكزتو من يدو قام دنقر لي اضانو علشان يسمع انا قلت ليهو شنو طبعا لمن قرب علي( شعر جسمي وقف و مشي الجيش😂😂 =(اقشعره بدني) ) قال لي عايزه شنو قولتي😊😊 صرخت ليهو جمب اضانو علشان يسمع قلت ليهو الجو ما عجبك ولا شنو😅😅 قال لي لالا بث ما لي في الجوطه والهجيج 😊😊قلت ليهو قول ما عندك مزاج للرقيص 😏😏قال لي تعالي الركن عشان اقدر اسمعك زي الناس 😊😊قلت ليهو كويس يلا الناس كتاار علشان ما اضيع منو مسك لي يدي مشينا والجزو التاني من النادي قال لي هنا الجو احلا من الجوطه ديك 😪😪قلت ليهو شايفاك تعاين للناس سااي زي الشافع المضيع امو 😂😂قال لي اها اعمل شنو يعني اتنقس معاكم زي اللابس لي ياي😂😂 قالت ليهو لالا تقيف مسطره زي المومسحنك بي جبص 😂😂قال لي تعالي نقعد في المصطبه دي لانو تعبت من الوقفه 😅😅قلت ليهو كويس مشينا قعدنا😊😊 قلت ليهو ناوي تعمل شنو هسي بعد ما انفصلت من ماب😊😊قال لي اعرس 😍😍قلت ليهو تعرس منو😂😂 قال لي البتختارها لي امي😍😍 قلت ليهو قول اقسم طاارق بكامل نفسو عايز يعرس عرس تقليدي😂😂 قال لي اتني عارفه الحب بعد الزواج بدي العرس حلاوه اكتر من انك تعرسي ليك زول بتحبيهو😊😊 قلت ليهو كيف يعني😕😕 قال لي يعني لمن تعرسي ليك زول انتي ما بتعرفي عنو كتير ولا خلطيهو قبل كدا ح تكوني كل يوم بتحاولي تستكشفي فيهو بحب شنو بكره شنو مثلا تعملي ليهو اكله و يطلع هو ما بحبها بس علشان انتي عملتيها ياكلها ليك و بعدين بطنو تقلب و يضوق المر و انتي تضحكي فيهو 😂😂 و اول شهور ليكم تكونو عايشين مع بعض زي الاخوان انتي اليوم كلو متخمخمه وبتخافي يقرب ليك وهو بخجل يعاين ليك 😂😂 و بتكسر الحاجز دا في الليله الحيقرب ليك فيها يعني حلوو😊😊 قلت ليهو بث ما كل الزواجات المدبره بتعيش زي القصه دي 😪😪قال لي لي اغلبها كدا و بعدين لمن تحبي بعد الزواج كل يوم حبك ليهو ح يزيد اكتر واكتر بث لو حبيتيهو قبل الزواج ح تحسي انو حبو ليك نقص هو ما نقص بث جزو كبير منو اتحول لي مسؤليه فانتي ح تشوفيهو ما مهتم بيك زي اول و ح تهمليهو و حبكم ح يتلاشا و تبقي عيشتكم مع بعض اداء واجب 😪😪بث لمن تحبيهو بعد الزواج بالعكس اقل اهتمام ح تشوفيهو حاجه كبيره شدييد اي كلمه حلوه ح تسكن جواك 😊😊 قلت ليهو خلاص خلاص كرفست مشاعري😂😂 قعد يضحك اها جوالو رنه رده الو يا برنس اي خلاص جاي عليكم خلاص تمام 😊😊و قفل الخط و قام علي حيلو قلت ليهو علي وين😊😊 قال لي الشله منتظراني😊😊 قلت ليهو اممم تمام خلاص ارح 😊😊 قال لي جاده جايه معاي 😅😅قلت ليهو يب انا وعدتك وما من عوايدي اخلف وعدي😊😊 قال لي بث حفلتك لسه ما خلصتو اصحابك؟؟!😉😉 قلت ليهو ما مشكله اصلا ما اول حفله لي معاهم ولا اخر حفله😊😊 قال لي طيب نودعهم ونمش😊😊 قلت ليهو كويس رجعنا الدفسه ديك شهد قالت لي مشيتو وين😉😉 قلت ليها طارق ما متعود علي جو الجوطه و ما ادراك علشان كدا مشي طرف وانا مشيت اشوفو مالو😊😊 عسجد قالت لي اشييي😉😉 قلت ليها في عينك😊😊 طارق قال ليهم يلا يا شباب نستاذن نحن 😊😊حسام قال ليهو ما بدري لكن 😅😅 طارق قال ليهو عندنا مشاوير تانيه نلاقيكم مره تانيه ان شاء الله 😊😊يمان قال ليهو لازم يا فرده انت بزات بتجيب لينا الزباين لحد عندنا 😂😂قلت ليهو ملاحظ يا يمان انك عايز تستسمرو ما تصاحبو 😊😊 غيث قال لي خليهو يضرب عصفورين بي حجر واحد😂😂 قلت ليهم الله يجازيكم يلا نمشي نحن 😊😊شهد قالت لي وانتي الموديك شنو 😒😒قلت ليها مش قال ليك عندنا مشاوير😪😪 نهي قالت لي هو عندو مشاوير انتي الدخلك شنو😏😏 قلت ليهو عندنا يعني سوااا 😒😒وبعدين الساعه ماشه تسعه وانا قلت لي امي ما بتاخر 😊😊 نووف قالت لي تمي معانا الحفله خلاص😭😭 قلت ليها الحفله بتخلص متاخر ما بقدر😪😪 المهم بعد كتره عربي حتي خلوني امش بعد

طلعنا طارق قال لي شلتك ظريفه و بتحبك😊😊قلت ليهو يب وانا كمان بحبهم😍😍 وركبنا العربيه مشينا حته كدا فيها نجيله ولي قدام رمه وبحر شكلو بيتش بث ما عرفتو ياتو بتش بالظبط 😍😍 لقينا شلتو عملين ليهم زي نظام قعده كدا و ونسه و ضحك وبي جيتارهم و قهوتهم و شايهم و اكلهم و عصايرهم و جكسيهم😍😍 من ضمن الشباب كان في الود الاخدراني داك اول ما شافني ما نزل عيونو عني😍😍 طارق عرفني عليهم شلتو ظريفه مع انو البنات المعاهم نوعين نوع حلوين وظرفين و وناسين😍😍😍 ونوع شايف روحو 😪😪يلا بقينا بنتونس كدا انا جوالي رنه استازنت ومشيت علي جه البحر علشان هي هاديه لقيت رقم غريب رديت ماف زول رده قلت ليهو مياس مالك الخط فصل قال لي كنت عايز ابعدك شويه من الناس وما قدرت اعمل شي غير كدا 😊😊 اتلفت لقيتو الود الخدوري طبها استغربت قلت ليهو بث ما من عوايدك تقفل فيني الخط😅😅قال لي والله ؟؟! اسف 😅😅جمالك نساني انا منو و طبعي شنو 😍😍 قلت ليهو تسلم🙈🙈 قال لي كل سنه وانتي لي😍😍 قلت ليهو وانت لي 😍😍وربنا يحقق الاماني 😍😍قال لي امنيتي انك تبقي حلالي😍😍 دنقرت طبعا خجلت شدييد🙈🙈 قلت ليهو مياس انا ممكن اسالك سوال 😅😅قال لي واللي هو 😊😊قلت ليهو انت حكايه اتناشر وخمسه دي شنو😅😅 قاال لي شنو؟؟!😕😕 قلت ليهو انا بسالك انت😅😅😅 قال لي اااا كيف يعني 😅😅 قلت ليهو شنو كيف يعني عامل فيها رايح وما عارف😑😑 قال لي واعرف من وين هو اتناشر وخمسه دي شنو😂😂قلت ليهو اهبل انت؟؟! كل يوم لازم تتصل لي اتناشر وخمسه ما عارفه ليه 😑😑قال لي ااااا هههااا والله هوو انااااا في الحقيقه وقرب علي ومسك لي بي يدو شعري كدا 😪😪 بث في زول جا قاطعنا و قال ليهو كرم اتلفت وانا اتلفت معاهو لقيتو دا طارق قال ليهو تعالو يلا😊😊 قلت ليهو كرم؟؟!😳😳 حكه راسو قال لي في الحقيقه اسمي كرم بث امي بتقول لي مياس لانو طلعت طويل 😅😅قلت ليهو وليه ما قلت لي اسمك في الحقيقه😑😑قال لي لانو انا صاحب طارق و خفت تجيبي سيرتي قدامو و تعرفيني😔😔 قلت ليهو وانت ليه ما عايزني اعرفك 😪😪قال لي لانو ما كنت ضامن انك تحبيني و قلت الموضوع احسن يكون سر لحد ما الله يتمم لي مرادي😍😍 قلت ليهو بث انا بكره الكذب 😤😤قال لي بث ما كل الناس البتكذب كعبه احيانا في ناس بتتجبر تكذب😪😪 قلت ليهو ما تبرر لي الكذب دا كذب و بعدين انت فاكر العلاقات البتنبني علي كذب ح تنجح 😪😪قال لي كنت مجبور اعمل شنو 😔😔قلت ليهو ماف زول جبرك تكذب علي😑😑قال لي يا الله انتي بتفهمي كيف يعني اقولها ليك كم مره يعني 😤😤 قلت ليهو ملاحظ انو انت سته شهور ما رفعت صوتك علي وجاي تعليهو هسي 😢😢قال لي بيان اسمعي😔😔 قلت ليهو بث ما دايره كلمه منك لانو انا حاليا ما في مزاج رايق علشان اتناقش معاك 😪😪 ومشيت خليتو 😪😪طارق قال لي دا مالو معاك😪😪 قلت ليهو لالا ولا شي😊😊 قال لي بتعرفو بعض قبل كدا انتو؟؟!😒😒 اتلفت عاين لي كرم مسافه و رجعت عاينت علي طارق قلت ليهو لا بث حبه يتعرف علي هسي😊😊 قال لي وليه انتي زهجانه كدا😑😑 قلت ليهو لانو اسلوبو ما عجبني يلا ما مهم😪😪
قال لي خلاص تعالي اتعشي في شيش طاوق و اقاشي و كوفته و كرسبي و دجاج وكل شي 😍😍 قلت ليهو تمام 😍😍يلا هم جايبن الاكل سندوتشات و في جرادل الدجاج البروست و ما ادراك امهم اي زول ادوهو سنوتشاتو لانو هم جايبنها كتيره 😂😂وقدام كل اتنين في جردل بروست و اي زول ادوهو بارد يلا انا و مشتركه معاي بت اسمها سمر ظريفه قاعين ناكل و نتونس 😍😍(طبعا هم فاكرني حبيبه طارق 😂😂) في واحد اسمو محمد قال لي طارق لينا زمن من صوت ياخ ما تسمعنا حاجه يا راسطه😍😍 قال ليهو انت متزكر من ايام الجامعه لمن كنت بتغني لينا 😂😂مياده قالت ليهو اي يا طارق لينا وحشه من صوتك دا فقدناهو فقد لمن سافرت 😍😍عصمت مدا لي طارق الجيتار وقال ليهو اتحفنا😍😍 محمد قال ليهو ما تخجل من مزتك وريها المواهب الجواك😉😉وقال لي ما قاعد يغني ليك الشاب دا ولا شنو 😂😂قلت ليهو نووهائي بلاي هو بعرف يغني😂😂 عصمت قال لي اييك دا معلم ياخ 😂😂مياده عاينت لي كدا وصرت حواجبها قالت ليهو خالط الشافعه دي انت يا طارق 😒😒 قلت ليها شافعه عمر بث في العقل قدر حبوبتك حبيبه😊😊 سمر قالت ليها دززز كان تسكتي بدل الموقف المحرج دا يا ميمي😂😂طارق قال ليهم اها قمنا للشكل تاني و حركات النسوان😂😂 ما قلتو لي دايرين غنه سوداني ولا غربي 😂😂 كلنا اتفقنا علي سوداني😍😍 قال لينا خلاص اختارو غنيه😍😍 قلت ليه يا حب😍😍 ومياده قالت ليهو قلبي مالي اليوم😏😏 قال لينا طيب ح اغيهن الاتنين بث ح ابدا بي ليه يا حبه لانو بيان قالت اول 😊😊 يلا بدا يعزف ويغني لييه يا حب👏👏 بتدوق علي بابي👏👏 حرام يا حب👏👏 ضيعت شبااابي👏👏 ولييه يا حب👏👏 بتدوق علي بابي👏👏 حرام يا حب👏👏 ضيعت شباااابي👏👏 ليه يا ريد بتنادي عليا 👏👏وليه يا ريد بتنادي عليا👏👏 بعد ما نساك قلبي و عاد ليا👏👏 بكفايه يا ريد تعذيبك

ليا👏👏كفيه اكون كل مره ضحيه👏👏 وليه يا حب 👏👏بتدوق علي بابي 👏👏حرام يا حب👏👏 ضيعت شبابي👏👏 انا من يوم في دربك سرتا 👏👏ياما بكيت وياما تتعزبت👏👏 انا ليه عاوزني اعود لعذابي 👏👏انا ليه عاوزني اعود لعذابي 👏👏بعد ما نسيت يا حب ورتحت👏👏...... طبعا صوتو فيهو احساس لي درجه مبالغه يااخ😍😍 و عزاف شديد😍😍 وكان بغني وبعاين لي زي التقول موجه الكلام دا لي تخصيصا 😭😭بث بالجد خطير قعد يغني هو و عصمت الاتنين صوتهم حلو كانو عاملين زي ميكس كدا بعد خلص 😍😍 صفقنا ليهو😍😍 محمد قال ليهو هااائل هاائل يا بني وقعد يحاكي ضحكت السرقدور 😂😂 كلنا قعدنا نضحك 😂😂طارق قال لي عصمت انا ما متزكر الاقاع بتاع قلبي مالو اليوم بث ممكن تعزف لي انت وانا بغني 😍😍 عصمت قال ليهو طوالي😉😉 يلا بدا انا قلبي مالو اليوم من جسمي فرا فرا ورااح👏👏 و دومت يا محبوبي ودامت الافراح👏👏 انا قلبي مالو اليوم اليووم من جسمي فرا فرا وراح👏👏ودمت يا محبوبي و دامه الافراح 👏👏يا الما رئنا جمالك في عجم و فصاح👏👏 ياشلت عقلي يا شاري بي غرامك وصاح 👏👏 ويا طبيب انا سالك قول لي بالك صراح 👏👏النسم يشفيني ام يزيدني جراح 👏👏.... يااخ صوتو اكتر من مبالغه😍😍 لي لحظه نخزني قلبي😍😍 بث قلت في شي غلط في شي انا ما قادره افهمو بقيت محتاره انا بحب منو وعايزه منو المهم بداك قلبوها اغاني هيصه وما ادراك كلهم بقو يغنو سوا والبنات مسكو ليك جرادل كاك و الباغات وتعال شوفو الدق والغنا😂😂 لمه حلوه يااخ 😍😍 لحد الساعه 11 بعد داك فرينا الغايظني انو مياس متغير شديد يعني مش انا مشيت منو زعلانه كان قاعد ولا فكر يعاين لي اصلا😪😪 المهم وصلنا البيت قريب اتناشر😪😪 قلت لي طارق مش اخرتني الا تدخل معاي تكلم امي😭😭 لانو لقيت منها سيتميه مكالمه ومع الجوطه ما سمعتها😭😭قال لي الليله شيلي شيلتك انا مالي ومالك😂😂 قلت ليهو مش انت السبب والله ما تخش معاي تاني ما اتكلم معاك😪😪قال خلاص كويس كويس وقف عربيتو ونزلنا دخلت انا اول لقيت امي قاعده في الصاله ماسكه سبحتها و صاره😱😱 وشها وقاعده قصاد الباب قالت لي دا شنو يا بيان انا مش قلت ليك ما تتاخري 😤😤 قال ليها والله يا ماما ما كنت قاصده اقسم بالله 😭😭طارق جا داخل قال ليها معليش انا السبب يا خالتو😞😞قالت ليهو بث ليه ما قلت لي ح تتاخرو قدر كدا 😠😠قال ليها انا لمن كلمتك اننا ح نتاخر ما كنت متوقع انها تجر كدا افتكرت بالكتير لحد عشره بث هم جروها لي حداشر 😪😪قلت ليهو انت اتصلت علي امي يعني😳😳 قال لي اي كلمتها انك معاي علشان ما تخاف وتقلق 😊😊 امي قالت ليهو والله يا طارق لو ما انا بوثق فيك ما كان خليت بتي معاك دقيقه بث تتاخرو للوقت دا ما صاح😤😤 قال ليها حقك علي يا خاله و انا كمان ما برضي انو بيان تكون برا البيت لحد الوقت دا و اعتبريها اول مره واخر مره و سامحيني عليك الله وما تاخدي بي خاطرك منها 😔😔 امي قالت ليهو ولا يهمك يا ولدي الله يخليك😊😊😊 قال ليها يلا انا استاذن ماشي البيت😊😊 قلت ليهو ودا زاتو بيتك ممكن تبيت هنا 😊😊قال ليها لالا يا خالتي علشان ناس البيت لو لقوني ماف بقلقو 😊😊امي قالت ليهو خلاص يا ولدي ربنا يحفظك 😊😊ومشت ودعتو حد الباب وجات راجعه😍😍 قلت لي لو ما كان طارق اتصل علي و طيب بي خاطري كان دقيتك دق الليله😤😤 قلت ليها ح تدقيني يا امي بعد كبري دا 😂😂قالت لي ما دي غلطتي ما دقيتك زمان علشان تتربي و فنتني بالشبشب 😂😂 قلت ليها ياااااي يمه وجعتيني 😂😂 قالت لي حيوانه 😤😤 قلت ليها يمه حراام عليك خلاص معلييش انا اسفه😂😂قلت لي طيب طيب امشي اطلعي هسي وارتاحي لي بكره 😒😒 قلت ليها كوييس يعني رفعت الجلسه لي بكره 😂😂قالت لي اصلا المحاكه دي جاياك جاياك 😡😡قلت ليها الله يستر😂😂 ومشيت غرفتي طلعت لي بجامه و مشيت دخلت الحمام اخدت لي دوش و غيرت وجيت لقيت جوالي برن عاينت ليهو لقيتو مياس ابيت ارد فصلت فيهو الخط تاني ضرب تاني فصلت فيهو الخط تاني ضرب تاني فصلت فيهو الخط😤😤 رسل لي رساله وقال لي ما ح اوقف اتصاال الا تردي 😪😪 و انا بقرا فيها كدا اتصل رديت😪😪 قلت ليهو ممكن افهم عايز شنو انا الليله اصلي ما رايقه ليك😑😑 قال لي ليه؟؟! زعلانه مني يعني 😒😒 قلت ليهو خليني في حالي عليك الله😪😪 قال لي ابيت 😊قلت ليهو ملااحظ انو انت بديت تقل ادبك😒😒قال لي بيان اسمعيني انا بالجد خفت انك ترفضيني ولمن طارق يعرف يبقي حاجز بيناتنا😔😔 قلت ليهو والبخليهو يبقي حاجز شنو😑😑 قال لي لانو اناني بحب كل شي يكون ليهو هو براهو مثلا كان من زمان بغني علشان يسرق الانظار بعمل نفسو تقيل علشان يسرق الانظار بعمل نفسو ما مهتم علشان ينال اعجاب الناس 😪😪 قلت ليهو ما تتكلم عن طارق بالطريقه دي لانو انت ما بتعرف شي عن طارق😤😤 قال لي لا انا بعرف كل شي مثلا هو طلب من محمد يجيب الجتار علشان عايز يغني وفي نفس الوقت هو كان عامل روحو ما عايز يغاني وهم بحنثوهو وكدا😊😊 قلت ليهو

وانت عرفت كيف😑😑 قال لي لانو انا كنت مع محمد في اللحظه ديك طارق حقيقتو صعبه تفهميها انتي عارفه انو بدايه علاقتو بي ماب كانت تحدي و انو يرجع ليها برضو تحدي😊😊 قلت ليهو كيف يعني تحدي 😒😒قال لي رهان عديل الاول انو يخليها تحبو والتاني انو يكسر قلبها وبعد كذا سنه يقدر يخليها تاني تحبو وهو كسب الرهانين لانو بعرف يلعبها صح 😊😊 قلت ليهو لا مستحيل طارق الانا بعرفو مستحيل يعمل كدا 😤😤قال لي ما هندي المشكله هنا انو هو عندو شخصيات كتيره وبعرفو بي شخصيه مستحيل يصدق انو هو بي شخصيه تانيه 😪😪قلت ليهو لو طبقت السما و الارض ما ح اصدقك في دا لانو طارق زول اكتر مني بعرفو ماف😤😤قال لي خلاص انسي هسي اصلا كدا كدا الايام بتثبت ليك😒😒 قلت ليهو بالمناسبه قبيل ما جاوبتني؟؟! قال لي من شنو😅😅قلت ليهو السؤال السالتك ليهو لمن طارق جا نادانا 😳😳 قال لي ااااا كان سالتيني من شنو لانو انا ما متزكر 😅😅قلت ليهو اجي يا ما متزكر بالك كان وين اصلا 😒😒قال لي في في في...عيونك 😍😍قلت ليهو ما علينا المهم كان سالتك من تناشر و خمسه دي معناها شنو 😪😪 قال لي اممم سر😏😏 قلت ليهو كيف يعني سر 😓😓قال لي بتعرفيهو لي قدام بث ما هسي😉😉 قلت ليهو نفسي اعرف انا الح اعرفو هسي شنو كل شي عنك بتقول لي لقدام قدام دي بعد كم سنه 😤😤 قال لي اقل من سنه و ح تعرفي كل شي و حتلقي جواب لي كل سؤال بيخطر علي بالك 😊😊قلت ليهو ان شاء الله يكون قريب بث😪😪 قال لي اطمني قريب شديييد 😍😍قلت ليهو اتخيل الليله حصل لي شنو😂😂 قال لي اها حصل شنو 😂😂قلت ليهو امي لبعتني بالشبشب ولي اول مره في التاريج ماما تضربني😂😂 قعد يضحك قال لي الدقو منو يا ناس الدقو منو👏👏 مافي زول قال لي الدقو منو 👏👏 شوفتو بي عيناي الدقو منو👏👏 قلت ليهو يدقوك الجعليه بركه الله سغيل دا😂😂 قال لي حرام عليك الليله عيد😍😍 قلت ليهو تحرم عيشتك يلا اقطع وشك😂😂 قال لي لكن...... قلت ليهو لوايه يلا تصبح علي خبر😂😂 قال لي انتظري.... بث امي جات داخله قالت لي بتتكلمي مع منو قفلت الخط وقلت ليها لالا ما زول مهم واحد من اصحابي قالت لي ايوااا قلت ليها تعالي خشي في شنو 😊😊 جات قعدت جمبي وقالت لي دايراك تحكي لي 😊😊 قلت ليها احكي ليك شنو 😅😅 قالت لي عن صحبك البضرب ليك اخر الليل دا واسرارك الداساها 😊😊 قلت ليها بووثي انا من متين عندي اسرار😂😂 مسحت لي علي راسي وقالت لي يا بتي انتي بقيتي بت كبيره واللي في سنك دا بجوها خطاب و بتزوجو و في البرتبطو انا عايزه اعرف اذا عندك زول ولا لا 😉😉قلت ليها امي اذا انا عندي زول اكيد كنت ح احكي ليك اول زول😊😊 قالت لي عارفه بث انا الفتره الفاتت دي ما كنت فاضيه ليك مع ملاحظه انو في تغيرات يعني مكالمات بليل و نهار و اليوم كلو حاضنه الجوال 😉😉قلت ليها امي من الاخير انتي عايزه تقولي شنو 😊😊قالت لي بي صراحه جاك عريس😊😊 قلت ليها ماما عريس شنو دا كمان يا قادر يا قدير 😱😱😱........ يا ربي هي بيان في الاتنين ما قادره تختار لمن يجيها واحد تالت ربنا يستر بث 😪😪

#ريدي
-١٧-
قالت لي هم ما جوو عديل لكن وقعو لي الكلام وانا شايفاهو والله كويس و اهلو طيبين😍😍 قلت ليها ماما انا ما عايزه اعرس هسي😒😒 قالت لي اصلا هم ما ح يجو هسي بث برمو لي في الكلام بي فوق وانا شايفه انو طارق ماف زيو😍😍 قلت ليها كيف يعني انتي قصدك😳😳 قال لي اي ناس ستو😊😊 قلت ليهو كييف ومتييين 😱😱ومنوو القال ليك عايزني 😒😒 قالت لي ستو ليها زمن بتلمح لي حاولت تفتح معاي الموضوع اكتر من مره شي طارق بعدا دا بقي زول عرس وشي طارق دا لازم نعرس ليهو و ما ادراك لكن امس رمتها لي عدييييل😌😌 قلت ليها كيف يعني😒😒 قالت لي سالتني وقالت لي نحنا اذا جينا دايرين بتكم دي بتدونا ؟! وانا قلت ليها كان هي عايزاهو انا ما عندي مشكله😍😍 قلت ليها امي احتمال انتي فسرتي كلامها غلط امي ماف شي زي دا انا وطارق زي الاخوان وبعدين خالتو بتكون بتهظر معاك عادي هي طبيعي بتهظر معاي كدا 😢😢 قالت لي يا هبله انتي دي لغه الامهات انتي ما بتفهميها هي هسي قاعده تديني اشاره انو هم عينهم علي بتي علشان لمن يجو ويتقدمو انا اكون خابره الموضوع 😉😉 هم اصلا شكلهم ما مستعجلين وانتي عندك زمن كويس فكري فيهو طارق ود ما ساهل دكتور وفي عمرو دا ومتخصص وكمان تخصوصو صعب لو ما زول قادر و قلبو قوي ما بقدر عليهو وبعدين شاطر خلقه و اخلاق ما شاء الله 😍😍قلت ليها هسي علشان بث قاري جراحه قلب يعني تلقي ما نافع غير في قتيل الناس 😪😪 قالت لي علشان انتي ما عندك خلفيه عن الطب 😪😪القلب دا من اكتر المناطق الحساسه يعني زول يكون قاري جراحه قلب لو ما اشتغل زاتو ما بهمو وبعدين طارق شاطر شديد ليهو قريب السبعه شهور بث شغال هنا لكن ماف مستشفي ما بتعرف طارق متولي متعاقد مع اربعطاشر مستشفي 😍😍 ولسه في مستشفيات عايزنو😍😍 بقي رسمي و قانوني في جراحه القلب لو ما نادوهو يحضر العمليه ما ببدو ان شاء الله يوصف ليهم سااي😍😍 و لسه الالمان عايزنو يرجع ليهم😍😍 ياخ نحن لمن كنا في عمرو اهلنا ما كانو بعرفو نحنا دكاتره وهو في سن زي دا اغلب السودان بقي بعرفو 😍😍قلت ليها طيب و انا اعمل ليهو شنو😑😑قالت لي انا جيت اكلمك علشان انا شايفه طارق دا احسن منو ماف بحترمك و بقدرك واهلو ناسبه الهنا كلهم بحبوك وحيشيلوك في عيونهم 😊😊 قلت ليها بث يا امي انا ما عايزه اتزوج زواج مدبر😭😭 قالت لي ماف احسن من الزواج المدبر و عايني انا اقرب مثال اتزوجت ابوك عن حب في النهايه حصل شنو خسرت اهلي و كل الناس الحوالي حتي ابوك اتخلي عننا😔😔 قلت ليها بث كسبتيني انا 😪😪قالت لي و دا الشي الخلاني اتمسك بالحياه انو الله عوضني بيك يا احلا نعمه 😍😍بث انا ما عايزاك تمري بنفس المرت بيهو 😪😪قلت ليها ماما ما كل الناس زي بعض وفي زواجات عن حب بتعيش😊😊 امي قالت لي انتي كدا كدا ح تحبي راجلك يعني اذا حبيتيهو قبل الزواج او بعدو في النهايه حبيتيهو وبعدين انتي وطارق جاين علي بعض 😍😍و هم لسه ما جوك عندك فتره كويسه تفكري فيها علي بال ما يشدو الرحال و يجو يتقدمو ليك و بتمني انك تاخدي القرار الصح علشان ما تندمي زي امك😊😊 وباستني في راسي ومشت😪😪 طلعت انا بقيت محتاره راسي شاطب بين مياس وطارق ليه الدنيا بتعمل فيني كدا لمن كنت بحب طارق كان بحب غيري ولمن حبيت غيرو وبنيت نفسي علي اساسو طارق رجع علشان يعرسني انا اعمل ايه يا ربي 😭😭😭 قعدت ليلي داك كلو بفكر في الموضوع بعد راسي قرب يطق بعدك رقدت نومت صحيت تاني يوم خشيت اتسوكت و استحميت واتوضيت و جيت صليت الصبح 😍😍 و نزلت تحت لي امي شربت معاها الشاي و طلعت فوق غرفتي طلعت اللاب بتاعي و بقيت شغاله فيهو المسا كدا خالد اتصل علي وعيد لي وبعد داك بقينا بنتونس والسيره بتجيب سيره لحد ما جبنا سيره طارق و قال لي انو مسافر قريب😢😢قلت ليهو وين😱😱 قال لي يعني طارق ما كلمك 😅😅قلت ليهو لا لا ما جاب لي سيره 😱😱قال لي المستشفي الالمانيه الانحن كنا شغالين فيها عامله مؤتمر تجديد خبره في امريكا ح يطور لينا ابحاثنا علشان كدا رسلت لي طارق فيزا علشان يحضر المؤتمر دا 😍😍 قلت ليهو وح يخلص متين 😢😢 قال لي يعني شهر عشره كدا😁😁 قلت ليهو دقيقه شهر اربعه وخمسه وسته..... يعني سته شهور 😱😱 قال لي لا خمسه بث لانو المؤتمر ببدا يوم واحد خمسه بث نحن ح نمشي بدري علشان في تحهيزات المفروض تتم قبل ما نبدا😊😊 قلت ليهو بث طارق ما قال لينا مسافر امس انا كنت معاهو😭😭 قال لي ما عارف لكن علي حسب معلوماتي ح يسافر نهايه الاسبوع بالكتير لانو دا نهايه اربعه خلاص 😅😅 قلت ليهو شنو شنو نهايه الاسبوع القريبه دي 😱😱 قال لي اي وكمان بعد دا حيصل متاخر لاكن شكلو بالجد ما وراك في البدايه افتكرتك بتتغاتاتي😪😪قلت ليهو لالا ما جاب لي سيره والله 😞😞قال لي اممم الله اعلم مالو 😓😓قلت ليهو ولا ح يقول لي المره الفاتت سافر ما ودعني والمره دي ح يسافر وما يودعني😞💔 قبل ما يرد لي جرس الباب دقه 😂😂قلت ليهو خالد ثواني امش افتح الباب و برجع ليك قال لي ما

مشكله امشي اخدي راحتك انا زاتي كنت ح اققل لانو مارق 😊😊قلت ليهم تمام يلا باي وقفلنا علي كدا شلت لي طرحه و العبايه ابو كلبسات ديك لبستها و نزلت تحت فتحت لقيت دا عمو متولي وخالتو ستو ورنو ام كرش😍😍حتي في الاخير جا داخل طارق و طلال 😅😅 قلت ليهم يا هلا نورتو اتفضلو😊😊 عمو قال لي النور نورك و كل سنه وانتي طيبه في بيتكم يا بتي😂😂 قلت ليهو وانت طيب 😊😊(شكلهم كانو في حتة و جاين منها لانو كانو قاشرين والعجب طارق وب علي وب علي 😍😍) دخلتهم و ضيفتهم و مشيت عملت ليهم عصير الوقت داك امي جات نازله سلمت عليهم وقعدت معاهم المهم جيت ضيفتهم العصير ستو قالت لي اجي يا بتي نحن ما ضيووف 😂😂قلت ليها العفو يا ستو بث شكلكم جاين من حته بعيده و كده قلت بتكونو عطشانين 😊😊قالت لي بري جاينكم من بتنا دا والله 😂😂امي قالت ليها والله كويس البديتو بينا برنامج الزيارات لكن ما كان تجونا اخر ناس اصلا البيت بيتكم تجوتا في اي وقت 😊😊 خالتو ستو قالت ليها بري والله بعديكم ما ماشين لي زول 😂😂قلت ليها اها وقاشرين كدا ليه😳😳 رنو قالت لي تغير تتخيلي 😂😂 امي قالت ليها عااد بتبالغو لكن قدر دا و تغير😂😂 قلت ليها البشوفكم بقول طالعين من القصر الجمهوري 😂😂عمو قال لي كيف ياخ و انتو براكم قصر وزياده 😂😂امي قالت ليهو الله يخليك 😊😊 و قالت لي اجري سوي شااي 😊😊 ستو قالت ليها وحاات الله ماف داعي نحن ما ضيوف عااد 😂😂قلت ليها بري يا ستو بي قشرتكم دي ضيوف و نص وخمسه 😂😂 علشان كدا اقعدو سكاتين لحد ما اسوي الشاي واجي😂😂رنو قالت لي جايه معاك انا 😍😍قلت ليها انتي علبال تصلي المطبخ بتلقي الناس شربو الشاي و خلصو 😂😂قالت لي حيوانه دي بث يعني علشان شايفه كرشي دي اصبري اصبري بث 😂😂 المهم انا اتقدمت و هي جات بي وراي اتخيلتها جايه تساعدني السمحه قعدت في الكرسي حق الصفره المطبخ وقالت لي نفسي في فواكه😂😂 قلت ليها جزمه و انا اقول الممرضه دي قالت عايزه تساعدني اتاري هي جايه تاكل😂😂 قالت لي جعت والله يرضيك بيبيني يقعد جيعان 😢😢قلت ليها تمام خلاص ما تنقي جبت ليها صحن بتاع تفاح و سكين قلت ليها اطفحي 😂😂وانا ختيت الشاي في النار قالت لي بيان مياس اخبارو شنو قلت ليها شديييد و لضيض 😂😂 بث ليه قالت لي شمار مني ساااي 😅😅 قلت ليها انتي هسي في الشهر الكم 😊😊قلت لي دخلت في التاسع بي تلاته ايام😅😅 قلت ليها التاسع و وحمك لسه ما خلص 😳😳قالت لي ولا ح يخلص الا الد😂😂 قلت ليها و ياسن ما ح يحضر ولاتك ولا شنو 😅😅قالت لي لو ولدت الليله ما ح يحضرها لانو هو جاي بكره 😂😂قلت ليها ولاده طبيعي انتي يعني بعد تاتمي العشره يوم صح 😅😅قالت لي ما ظنيت اتم العشره لانو حركتي كتيره و بنزل و بطلع في السلم كتير علشان كدا ح الد بدري 😅😅 قلت ليها حاسه بي الام😊😊 قالت لي يعني الليله من قبيل حاسه بي الم اسفل البطن و دا مخوفني 😪😪خايفه الد الليله😪😪 قلت ليها خفيف و لا قوي😓😓 قالت لي خفيف بث غريب ما حسيتو قبل كدا😢😢 قلت ليها ما تصنقري كتير يلا امشي اتمدادي في الكنبه وانا بجيب الشاي😊😊 فعلا مشت امدادت علي ضهرها وانا ظبط ليك الشاي بي بهارو وبسكويتو و بخورو وجيت ختيتو طبعا عاملين بسكوين الجنزبيل ياخ مع الشاي رهيييب😍😍 خالتو قالت لي طارق دا طلع يتكلم برا امشي ناديهو وتعالو 😊😊قلت ليها كويس😊😊 طلعت لقيتو قاعد في الحديقه حقتنا بي مزااج قلت ليهو طارق 😊😊شافني وقف علي حيلو قال لي ايوه😊😊 قلت ليهو الشاي جهز😊😊 قال لي تمام هسي بجي 😅😅جيت دايره امش بس مسكني من يدي و قال لي اقيفي دايرك في موضوع😊😊 قلت ليهو زي؟؟!😕😕 مسك يدي بين يدهو الاتنين ودنقر وقال لي بيان انا ما عارف ابدا ليك من وين 🙈🙈قلت ليهو ليه في شنو😕😕 قال لي انتي عارفه سبب زيارتنا الليله شنو؟؟!😊😊 قلت ليهو بري ما عارفه اها شنو 😟😟 قال لي تتزكري امس انا قلت ليك شنو😊😊 و عاين لي جوه عيوني نظرات ما قدرت افسرها 😍😍 قلت ليهو قلت كلام كتير ما بقدر اتزكرو كلو فحدد حته معينه 😊😊 قاال لي انا قلت ليك اني عايز اعرس و انو ح اعرس البت الامي اختارتها لي صح 😊😊و خته لي يدو في خدي و قال لي و امي اخترات لي اكتر زوله انا كنت متمنيها تكون لي وهي انتي 😍😍قلت ليهو هه بتهظر صح😳😳 قال لي ابدا بالعكس انا جادي دا ما موضوع هظار 😊😊قلت ليهو بث انا ما عايزاك 😊😊قال لي بث ليه😳😳 قلت ليهو اولا لانو انت عمرك ما فكرت فيني كحبيبه كيف ح تفكر فيني كزوجه وبعدين ما تقول لي متمنيها وحنك زي دا لانو ما ح اصدقك 😊😊قال لي بيان حاولي افهمي😞😞 قلت ليهو طارق ممكن تخدع اي بت بث ما بتخدعني انا ولا يمكن يكون دا كمان واحد من تحدياتك وفي النهايه اطلع ضحيه زي ماب 😊😊عاين لي بي صدمه وقال لي بيان انتي حاجه و مااب حاجه تانيه😢😢 قلت ليهو طارق البكسر قلب بت علشان تحدي بعمل الف جريمه علشان نفس التحدي 😊😊وانا مستحيل اوافق بي زول زي دا😊😊 و جيت دايره امش بث هو مسكني و جران

ي عليهو وقال لي بي صووت حنين (احيييي انا 😍😍من صوتو) صدقيني يا بيان انتي غير كل الناس الانا بعرفهم و مستحيل ارضي زول يغلط فيك او يزعلك حتي و لو كنت انا وانا ما عايز الرد منك هسي لانو ح اسافر يوم الاربع ح اسافر امريكا عندي مؤتمر الدكاتره و ح ارجع شهر عشره عندك فتره كويسه تضربي فيه االفي راسك و بعد اجي عايز اسمع رد طالع من قلبك وتقوليهو لي وانتي عيونك جوه عيوني 😊😊قلت ليهو لحد الوقت داك ح تلقاني عرست😒😒 قال لي بيان الحياه قسمه و نصيب واذا انتي تصيبي مهما يحصل صدقيني ما حتمشي لغيري 😊😊و فكاني و مشي خلاني 😪😪قلت لي نفسي ما ناقصني الا دا كمان دخلت جوه شربنا الشاي عمو بدا يفتح الموضوع بث رنو بدت تعرق و وشها حمر امي قامت مشت عليها قلت ليها مالك في شنو رنو قالت ليها في الم ما قادره اتحمل و قامت تصرخ امي نادت لي طارق قالت ليهو سريع شيل اختك وديها العربيه لانها ح تلد😪😪طارق قال ليها كنت حاسي الليله من الصباح بطنها كانت متغيره يلا شالها هو و ابوهو و وصلوها العربيه لانو ما كنت بتقدر تمش و امي وخالتو مشو معاها وانا خلوني مع طلال و قالو لي اضرب لي ريل تجيني في بيت ناس خالتو ستو علشان نرتب ليهم البيت و افرشو واضايرو و ابخرو و ادوني المفتاح قلت ليها كويس😪😪 اتصلت بي ريل كلمتها تجيني في بيت ناس رونو و لانو رنو ح تلد وقفلت البيت وجريت مع طلال بيتهم هو بيكي قال لي انا مش قلت ليكم بطن رنو ح تطرشق و ح تموت😭😭 هسي اختي قاعده تصرخ علشان هي قربت تموت 😭😭 قات ليهو لا يا طلال رنو ما ح تموت رنو مشت تجيب بيبي 😍😍قال لي تجيبو من وين 😭😭قلت ليهو شفت البطن الكبيره دي بمشو بيبدلوها بي بيبي حلوو 😍😍قلت لي كيف يعني قلت ليهو شفت البطن دي في المستشفي في جهاز بخلوها فيها بشفط البطن دي و بطلع ليها بيبي بدل بطنها😍😍قال لي و التهز دا بسوي شنو بي البطن الكبيره دي😳😳 قالت ليهو يلا في ام بي سي اكشن مش شوفت الود الاكلو ليهو بطنو يلا الجهاز دا بمش بلصق ليهو البطن دي و هو علشان اكلو ليهو بطنو 😂😂قال لي يعني ناس ماما مشو بجيبو البيبي😓😓 قلت ليهو ايوه يلا انت هسي امش العب في غرفتك لحد ما نخلص و نجهز 😊😊قال حاضر وجرا غرفتو اما انا جاتني ريل ومعاها اختها رنا كبيره و متزوجه و عندها ولدين😍😍ظرريفه شدييد عثل 😍😍يلا دي استلمت المطبخ عملت لي رنو شوربه و نشاء و مديده حلبه الحاجات المغذيه للمره الوالد و كدا😍😍 اما نحن جهزنها مع الحبشيه الغرفه التحت لانو خالتو قاالت ح توضع رونق في الغرفه التحت 😍😍 خاصه انو السلم حار عليها 😪😪 يلا ركبنا ليك السراير الجداد و ركبنا الستاير و كنسناها و في اربعه كراسي جلوس كدا حلوين تبع فرش الغرفه كنبه طويله حبه بتشيل نفرين و معاها تلاته كراسي رصيناهم و فرشنا السجاد و كمان طلعنا المليات الجديده الجابتها ستو لي وضوع رنو وفرشناها و بخرنا الغرفه كلها و خفضنا اضاءه الغرفه و بي جاي جينا ضايرنا البيت كلو وبخرناهو طابق طابق بقيناهو زي يوم عقد رنو😪😪 حتي جينا اي واحده وقعد في كنبه ومن التعب ما قدرت تقوم اخت ريلو قالت لينا انها ماشه البيت علشان شافعها و انا وريل نومنا في الصاله ما صحيت الا و امي بتدق في الباب الصباح مشيت فتحت ليها قلت ليها اها رنو جابت شنو 😍😍 قال لي جابت بت حلاتها عثل بث ماشاء الله 😍😍قلت ليها الف الف حمد لله علي السلامه و تتربا في عزها وعزنا ان شاء الله 😍😍 بتجو متين يا امي ؟؟!😍😍قالت لي بكره المسا حتي يفكوها لانو ح تكون مراقبه 72 ساعه 😊😊قلت ليها كويس ان شاء الله ما تعبت شديد في الولاده قالت لي لالا الحركه حقتها الكتيره ساعدتها وسهلت عليها و ما خلتها تتعب 😊😊صحي امس ضربنا ليك كتير بث ما رديتي ليه😒😒قلت ليها ما سمعتو تتخيلي كنت تعبانه و نومت نومه السنين😂😂قالت لي امم الله يعين بث😪😪 قلت ليها اميين اها امي دخلت وانا مشيت شلت جوالي لقيتو فيهو 42 مكالمه من مياس😪😪 امي قالت لي جيت اعمل شوربه لي رنو 😅😅قلت ليها ماف داعي امس رنا جات عملت ليها كذا حاجه و دخلتهن لينا التلاجه سخني و شيلي ليها😍😍 امي قال لي اووو يا سلام شوربه صدور دجاج لالا تمام😍😍 قلت ليها اي اخت ريل طباخه ما شاء الله ايدها ما نعدمها 😍😍المهم امي سخنت الشوربه و كبتها في ساخن بارد و مشت بيتنا غيرت وجات شالت الشوربه و مشت انا الوقت داك كنت فوق مشيت غرفه طارق ما عارفه ليه يمكن لانها بتشبه غرفتي و قعدت في سريرو واتصلت بي مياس ما رده وحتي بعد ما الخط قطع ما رجع لي 😪😪 اتحيرت قلت دا مالو تاني اتصلت ما رده زهجت و زعلت منو شديد و قلت تاني ما بضرب ليهو و نزلت تحت😤😤ما لقيت ماما عرفته انها مشت بعد نص ساعه مياس ضرب لي قلت ليهو ما بترد لييه اصلا جوالك دا كان وين😒😒قال لي في يدي 😊😊قلت ليهو في يدك وما بترد😳😳 قال لي ما عايز ارد 😊😊قلت ليهو انت حيوان؟؟= كيف يعني ما عايز ترد غلطانه انا الضربت ليك 😤😤 قال لي شوفتي الحيوان فينا منو انتي ضربتي مرتين و

اخلاقك جاتك في نخرتك بث انا ضرب اكتر من اربعين مكالمه اعمل شنو 😊😊 قلت ليهو ملاحظ انك متغير يا سيد😒✋ قال لي لا ما متغير بث تعبت من مكونو جري وراك الليل والنهار وانتي ولا يهمك في النهايه ما عايزاني طيب معلقاني مالك ممكن افهم😪😪قلت ليهو ما عايزك ؟؟! يا سيد انا امس رفضت طارق علشانك و وعدتو اني ح اعرس قبل هو يجي بث شكلي ما ح اعرس 😑😑 قال لي انا عارفك دايره طارق بث احب انبهك يا استاذه انتي لي انا وبث ولحد يوم خمسه شهر اتناشر انتي ح تكوني حلالي😊😊 قلت ليهو بي تعاملك دا مستحيل 😊😊قال لي بيان انتي ليه انانيه كدا انا كل يوم احب فيك يمكن قلت ليك كلمه بحبك اكتر من الف مره وانتي لحد الان ما قلتيها لي ولا ربع مره قلت ليك بعشقك خردميه مره وانتي ما كلفتي نفسك بتعامليني كاني اخوك حتي لمن لاقيتيني ما قربتي مني و كنتي بعيده كل البعد يعني نفسي اعرف انا بالنسبه ليك شنو😤😤ياخ الناس فكرو انو طارق حبيبك لانو هو اقرب ليك مني😤😤 قلت ليهو عايزني اعمل شنو اجر في الشارع و اقول انا بحب مياس ولا كرم ما بعرف 😒😒قال لي لا علي الاقل قوليها لي انا 😠😠قلت ليهو كل شي في وقتو حلو وبعدين لمن يجي وقتها بقولها😊😊امي جات داخله علي قالت لي مياس دا منو 😑😑قلت ليها ماما انتي مش طلعتي😅😅 قالت لي نسيت جوالي في المطبخ وجيت اشيلو بث ما قلتي لي مياس دا منو😑😑 قلت ليها امي ولا زول😊😊 قالت لي بياااان ما تتجنني مياس دا منو 😤😤دنقرت وقلت ليها والله يا امي بي صراحه مياس دا حبيبي 🙈🙈طاخ لصقت لي كف😱😱 و كان اول كف اخدو في حياتي😭😭 قالت لي جيبي الجوال😤😤 قلت ليها ماما بث😢😢 قالت لي الكف دا ما علشان حبيتي زول الكف دا علشان كذبتي علي امك انا امس مش سالتك ما عندك سبب بخليك تكزبي علي 😤😤كذبتي ليه غلطتي معاهو؟؟! 😡😡قلت ليها ماما ملاحظه انو الكلام دا انتي موجهاهو لي اناا😭😭 قالت لي ما هو طول ما انتي ماشه في الصف السليم مافي سبب بخليك تكذبي و تخبي علي😤😤 قلت ليها خبيت لانو لسه وقتو ما جا😭😭 قلت لي و وقتو متين ان شاء الله ويا ربي مكذبه علي تاني في كم حاجه بيان انا ما ربيتك علي الكذب العلمك الكذب شنو😤😡 قلت ليها ماما ما تتكلمي كدا معاي لانو قاعده تجرحيني بكلامك تفتكري انا اكون كدا 😭😭قالت لي اديني سبب يخلي الزول يكذب في حاجه ما غلط فيها 😡😡قلت ليها ايوه غلطه لاني كنت حابه لي واحد من صوتو وما كنت بعرفو وبعدين ما انا البراي البكذب انتي كمان كذبتي علي و ما وريتيني سبب انفصالكم انتي وابوي الاصلي وما وريتيني حقيقه بابا 😭😭طاخ لصقت لي الكف التاني😡😡 قالت ايااك تعلي صوتك وانتي بتتكلمي معاي يعني عايزاني اقول ليك امك خلعت ابوك لانو خاين😤😤😤 قلت ليها علي الاقل ما كنت ربيت علي حقد اتجاهو لانو هو ما خلاني انتي الجبرتيهو يبعد عني😭😭 قالت لي طيب عايزاهو امشي لي ابوك وماف زول بمنعك منو بث اياك ترجعي لي فاهمه اذا انتي بتتشرفي بي زول سكير و خاين انا لا 😤😤 تفتكري انا خلعتو من هواي يعني اكيد لا بث ما كنت عايزاك تكبري مع راجل كان بضرب امك ما كنت عايزاك تشوفي ابوك ىذراجع البيت اخر الليل وهو سكران فهمتي 😤😤 و ياريت تفكري انا عمات كدا ليه 😪😪و دخلت شالت جوالها و طلعت و انا قعدت في الارض ببكي 😭😭

#ريدي
-١٨-
بعد امي طلعت😪😪ريل كانت في الحمام فوق جات نازله لقتي ببكي😭😭قالت لي بيان مالك في شنو مالك احكي رنو حصل ليها شي يا بت قطعتي قلبي مالك رنو ماتت 😱😱ما قدرت ارد ليها علشان كنت بتخنق بث هزيت ليها راسي بمعني لا 😭😭قالت لي يعني هي كويسه 😱😱هزيت ليها راسي بمعني اي 😭😭قالت لي يعني اتحلت بالسلامه و جناها كويس 😥😥هزيت ليها راسي بمعني اااي😭😭 قالت لي طيب مالك في شنو😳😳 قلت ليها بي صوت مبحوح ماف شي 😭😭و العبره خانقاني قالت لي شايفاني عويره هنا في زول ببكي براهو😒😒 دفرتها وقمت جريت الحمام تميت بكيتي هناك الحبشيه جات ماره😪😪 ريل قلت ليها بيان مالها😳😳 الحبشيه قاالت ليهو امو جات سوو مشاكل كبير😪😪ريل قالت ليها العربي عندك لكن 😂😂 الحبشيه قاالت ليها والله امو كورك و هو كورك😪😪ريل قالت ليها اتشاكلو في شنو سبب المشكله شنو 😓😓الحبشيه قالت ليها انا ما نعرف بث كلو كورك وامو فات وهو بكي شكل كبير 😔😔ريل قالت ليها كتر خيرك مع اني مع العربي حقك بتاع الهنود دا ولا فهمت منك شي بث ما مشكله مرت الايام😪😪
بعد خمسه شهور 😪😪 و رنو كالعاده ما بتخلي الزول نايم في حالو😪😪 انا جايه من اخر امتحان و تعبانه بعد نص ساعه جات تكورك لي في رااسي😤😤 بيان قومي خطيبك طيارتو قربت😑😑 بيان بلاء يخمك قومي تقوم فيك حريقه😑😑 قلت ليها احييي انا انتي تجعري و بتك تجعر الله ما بلاني الا بيكم انتو الاتنين😤😤و بعدين انتي هسي شيفاني لابسه دبله لا يعني شنو ما خطيبي 😡😡 ياخ الزول في اجازتو ما يرتاح😤😤 قالت لي مش اتكلمو فيك و انتي وافقتي يلا بقي خطيبك 😊😊هسي ما حنك وبعدين مش دي اجازه سنه يعني عندك تلاته شهور تنومي بي راحتك لتكن هسي قووومي 😒😒قلت ليها اوووف منك ياخ اووف يا ريت العرس دا يخلص بكره علشان تطيري من هنا و تريحينا 😪😪قالت لي العرس هين هسي بجيك لكن انتي هسي قومي ارح😒😒 قلت ليها ما ماشه اي مكان😪😪 قالت لي طارق قرب يصل ارح ياخ ما تجنيني 😪😪قلت ليها ويعني ما يصل انا مالي قايلاني خفيفه زيك علشان امش الاقيهو في المطار كفايه امي معاكم في البيت الليله خليهو يجي و يرتاح بعد كم يوم ابقي ازورو😊😊 رنو قالت لي بث نفسي يوم تكوني جاريه علشان تلاقي طارق دا ياخ البسمعك بقول اخوك ما راجلك 😤😤قلت ليها بعد نعرس بعدين ابقي اجري ليهو 😪😪يلا هسي طيري من هنا و شيلي معاك فارتك الما بتسكت دي😤😤 قالت لي بري خليها مش مرت خالها 😏😏معاك قلت ليها يخلخل ضورسك دي بركه الله انتي حيوانه ولا شنو 😤😤 ترمي لي بتك دي وتمشي داده انا 😤😤ما شايفاني ما عايزه انوم ااا اقصد عايزه انوم 😪😪قالت لي تنومي في لظه ان شاء الله نايمه ليها شنو زاتو 😪😪انا ماشه عندي شغل ما بقدر احوم بيها وانتي مش قلت ما جايه يلا خليها معاك😑😑 و جات قالت لي تالين تالوو حبيبه ماما عذبي لي مرت خالك دي سمح ولو قدرتي تقلعي البانبرس يا ماما بولي لي فيها اصلو ما تخليها وكل ما تجي دايره تنوم اقعدي كوركي وصرخي لي فيها سمح عشلي انا 😍😍قلت ليها ملاحظه انك بتعلمي في البت قله الادب برااك😒😒 قالت لي اصلا لو ما علمتها انا يعلمها منو 😌😌يلا يا مظه انا طايره و مشت 😪😪يلا انا بقيت بسكت في الكتكوته دي (تالين😪😪 بت رنو بنقول ليها تالو 😍😍عثل يااخ كتكوته كدا و حلبيه و شعرها بطول بي سرعه و غزير زي عمها 😍😍و عندها جضووم حلوين حلا التقول تقرمهم😍😍 و رنو الهبله عملت ليها عمازه من ولدوها و هي بتعصر ليها جضومها لمن عملت ليها غمازات حلوووين 😂😂لاكن قليله ادب اليوم كلو تصرخ و دايره الزول يلعب فيها اليوم كلو بث ما عندها مشكله بتمش لي اي زول عثل ياخ😍😍) يلا علي بال اسكت الطيره دي احكي ليكم حصل شنو في الفتره الفاتت دي 😪😪طبعا انا وماما اتزاعلنا من بعض فتره لحد السمايه حقت تالين نحن ما كنا بنتكلم مع بعض بعد السمايه مشيت ليها وبوست ليها يدها و طيبت ليها خاطرها وقلت ليها انو حقها علي و اعتزرت منها و طلبت منها العفو 😔😔و هي قلبها حنون حضنتني و سامحتني و طيبت خاطري علي الكلام القالتو لي و كدا اتصافينا و رجعنا احلا اتنين زي زمان واحسن 😍😍و حكيت ليها عن مياس و كيف اتعرفنا و كدا حتي مره عزمتو جا البيت طبعا طارق الوقت داك كان سافر 😪😪 امي ما رادتو خالص بصراحه انا زاتي استغربت فيهو كانو دا ما مياس الانا بحكي معاهو فجاءه اتغير تغير شامل في طريقه الكلام في كل شي 😪😪و مشاكلنا كترت😪😪 وانا بديت اكرهو و اقرف منو صراحه 😪😪وبعد تلاته شهور انفصلنا لاكن المحيرني انو كانو هو كان عايز يمسك بي وقت ولحد ما يقدر يخلني احبو وبعد داك يسيبني 😪😪و بصارحه طلع دا الصح لانو يوم وانا في الدكان لاقيت عروه😪😪 لمن جيت دايره امش مسكني من يدي 😪😪وقال لي بيان انا عايز اقول ليك حاجه بخصوص مياس وعليك الله اسمعيني للنهايه😔😔 قلت ليهو وانت بتعرفو من وين😳😳 قال لي قصه مياس ماف ولد ما عرفها لانو كرم اصلا اتحد مجموعه من الشباب انو ح يخلط اتقل

واصعب بت في حيانا واللي هي انتي 😪😪 و ح يطير طارق من قلبك مع انو في ميه واحد غيرو حاولو وما قدرو يعملو شي و بصراحه هو قدر يخليك تحبيهو وكسب التحدي 😪😪 قلت ليهو وانت جاي تقول لي الكلام دا هسي و بعدين انا اصدقك ليه 😒😒قال لي انا اصلا عرفت قريب وكم مره حاولت اوقفك علشان احكي ليك انتي بتجري مني😔😔 قلت ليهو بعد الكنت عايز تعملو لي المره الفاتت مستحيل اقيف ليك كان بقيت الجنه 😑😑قال لي اسف والله وحقك علي وانا زعلان شديييد من نفسي وعرفت غلطي عليك الله سامحيني 😔😔 بقيت بعاين ليهو عشره عشره 😳😳 و الاغرب من كدا انو عينو ما رفعها علي😱😱 حتي لمن مسك لي يدي فكاها لي سرييع و اتكلم معاي بي صوت بي مايكرفون حتي تسمعو و ادب بريي دا ما عروه الانا بعرفو 😱😱قلت ليهو دقيقه انت مالك حاصل عليك شنو والادب دا جبتو من وين😳 قال لي لالا ماف شي بث كل الموضوع انا اتغيرت لمن عرفت نفسي غلط 😅😅قلت ليهو لالا تمام احسن ليك وعقبال البقيه 😪😪و مشيت وانا بتكلم مع نفسي قلت اكييد في شي حاصل اكيد في شي غلط لازم اعرفو 😪😪 وعلي حظي الحلو لقيت معاذ كان جا لي ناس ستو بث مسكت ليك فيهو 😪😪 قلت ليهو معاذ عروه ود حيانا دا اخبارو شنو😉😉 معاذ عاين لي بي هجمه 😳😳و قال لي وااه اا هو. انااا عرفني شنو ما ما ما مالك بتساليني انا 😅😅قلت ليهو طيب روووق مالك اتوترت كدا😊😊 قال لي منو انا لالا ما اتوترته ولا شي بث الجو سخن 😅😅قلت ليهو في سري (سخانه يا كلب هسي الجو الدخلو في التوتر شنو 😪😪)وجا داير يمشي بث مسكتو من كتفو و قلت ليهو نو نو نو ماف ليك مشيه اي مكان لو ما حكيت لي الحصل كلو بالتفصيل 😒😒قال لي بث يا بيان 😅😅قلت ليهو الا توريني عملتو لي عروه شنو بقي محترم و مادب كدا عارفاهو ما براهو وانت عارف مالهم علشان كدا اتكلم 😪😪المهم ختيتو في حتي ضيقه و عصرت عليهو شديييد لمن حكي لي😌😌 قال لي تاني يوم بالمسي طارق اجر ليهو لموزين صالون و جا هو ومعهو اصحابو اتنين😪😪 و انا و خالد بث مشينا لقينا ليك عروه و بتاع الدكان بشربو في السجاير بي مزاج😪😪 يلا بث كتفناهم و ربطناهم و قغلنا ليهم خشومهم و دخلنهم ليك في ضهريه العربيه😎😎 يلا و فتحنا ليك علي شارع النيل يلا هناك الشارع كان فاااضي و الساعه واحده 😍😍 فحضنا ليك بيهم فحيط خلينهم يتقلبو جوه الضهريه زي الخرفان😂😂 و بعد داك كسرنا بيهم الخلا نزلناهم و فتحنا ليهم خشومهم 😪😪عروه قال لينا كان راجال فكونا😤😤 طارق فكاهم الاتنين يلا هو براهو استلمهم ليك ربط فيهم ربط لمن قالو بث 😂😂 شيلهم قائم عديل طحنهم طحن 😂😂بعد خلاهم واقعين في الارض زي الجنازه جاب ليك اصوات العنج يلا اصحابو اشتغلو فيهم جلد شوايقه عديل 😍😍 قال ليهم المره الجايه اذا قربتو من بيان بعمل فيكم اكتر و رجعهم في الضهريه و جا رماهم في الدكان 😪😪 وقال ليهم الموضوع دا يفضل بيناتنا تمام 😉😉طبعا لسانهم اتقصه ماف زول بقدر يقول حاجه غير يسكتو ساااي 😂😂 و من وقتها ما غلطو عليك ولا علي غيرك 😂😂قلت ليهو ليه لكن الشراسه دي ما كدا😱😱 معاذ قال لي غير كدا ما كان اتادبو😪😪 قلت ليهم لو هسي كان كتلتو واحد فيهم😱😱 معاذ قال لي المرحوم غلطان 😂😂قلت ليهو ما عندكم حنيه جافين 😱😱بث في جواي في الحقيقه طارق كبر في عيني عمل دا كلو علشاني 😍😍 المهم بعد انفصالي من مياس بي فتره رجع اتصل علي وقال لي كلام جارح كتير ومن ضمن كلامو انو هو خلاص اتسيطر علي واني ما ح اقدر انساهو ولا ح اقدر اكمل حياتي من غيرو و رسل لي صورو هو و حبيبتو الجديده وهو كيف عايش حياتو وانا كنت قافله نفسي ومتحسره علي ثقتي فيهو وحبي ليهو في نفس الوقت قلبي رافض فكره انو مياس الحبيتو و الهسي دا زول واحد بث للاسف الحقيقه بتوجع 😪😪في لحظه غضب مشيت وقلت لي امي اني موافقه علي طارق و انو العرس ح يكون يوم خمسه اتناشر علشان اغيظ الزفت داك لانو انا وعدتو اني ح اعرس في نفس اليوم الحددو لي ونفس اليوم الهو كان واعدني فيهو اني ابقي حلالو علشان اوريهو اني ح اعيش حياتي و كانو ما عرفتو 😪😪وهو قال لي ما بقدر اعرس غيرو😪😪 المهم ماما من الفرحه طبعا هي كانت متابعه علاقتي بي مياس وما صدقت انو نحن انفصلنا جري كلمت خالتو وعمو علشان ما القي طريقه اغير رايي 😔😔و طوالي هم اعلنو خطبتنا للجيران و الخبر بعد فتره وصل مياس وهو تاني اتصل علي وقال لي فاكره كدا ح اصدق😏😏 انتي مستحيله تقدري تكوني لي غيري صح علاقتنا استمرت قريب التميه او تسعه شهور بث انا سكنت جواتك وما بتقدري تبقي لي غيري حتي و لو عرستي ما حتنسي مياس ما ح تقدري تعيشي مبسوطه 😪😪بث هو ما عرف انو بيان قويه وما النوع الممكن تتكسر لي زول بالسهوله دي😌😌 و كلامو دا اداني اصرار اكتر واكتر اني اعرس اي زول في وشي حتي ولو كان طارق😪😪 اهه ما علينا عارفه انو القرار دا ما لي صالحي و قلتو في ساعه غضب بث خلاص ماف شي بتصلح بعد دا الناس و عرفت وانا و اتدبست 😪😪و خالتو ستو وعمو متولي مكانتهم

عاليه عندي ما سمحه في حقي ارفض ولدهم بعد وافقت بيهو براي وماف غصبني علي شي 😪😪شوفتو الكتكوته نامت كان كدا كل يوم ح احكي ليكم قصه زي دي علشان تنوم 😂😂 وانا كمان راجعه انوم فعلا صلحتها في نص السرير و ثبتها بالمخدات و انا رقدت في الطرف و نومت😴😴 بعد ساعه كدا جوالي رنه 😪😪صحيت عاينت لقيت الرقم غريب في البدايه قلت ما ارد تاني قلت لي نفسي اصلا هو ما فارق معاك وانتي ما خايفه منو فشنو ردي و حرقي دمو 😏😏رديت قلت ليهو ممكن افهم يا مياس انت لسه بتضرب مالك😑😑 قال لي مياس؟؟!😳😳 قلت ليهو اهه طارق حمد لله علي السلامه 😊😊قال لي الله يسلمك😊😊 قلت ليهو كيف وصلت ان شاء الله كويس 😊😊قال لي كنت متمني اشوفك اول زول تستقبليني 😍😍 وقعد غني لي متمني شوفتك👏💃 يا الفي بالي صورتك👏💃 من يوم عرفتك👏💃 غلبني الشوووق😍😍 يزيد غرامك 👏💃وفي همسك سلامك👏💃 و فكل كلامك 👏💃معاني و زوووق 😍😍قلت ليهوو يا زول اتقل حبه بدونا عين كان بقيت شفقان 😂😂قال لي والله ؟!!قلت ليهو عروسك عبد الله 😂😂قال لي وانا اقووول😂😂 انتي عارفه انا من البدايه كنت شاكي فيك انك ولد اتاري انتي عبدالله وانا ما عارف 😂😂 قلت ليهو تعرف السرقه و تليب البيووت يا سغيييل😂😂 قال لي اممم طيب بكره ممكن اسرق من زمنك دقايق😊😊 قلت ليهو ولييش😊😊 قال لي بث كدا عايز الاقي مرتي المستقبليه و اسوقها معاي كذا مشوار حرام يعني😏😏 قلت ليهو المشاوير دي وفرها لي بعد العرس😊😊 قال لي عليك الله حباابه انتي و بعدين حسب معلوماتي ح يحبسوك الاسبوع الجاي و امي هددتني من هسي قالت لي لا تقول عايز تشوفا ولا تتشيطن لينا ولا كلام كتير 😂😂 قلت ليهو اصلا😌😌 قال لي خلاص معناهو الاسبوع دا اسبوعي يعني وقت اقول ليك نطلع نطلع😎😎 قلت ليهو شايفاك بقيت عايز تسيطر من هسي😒😒 قال لي لا العفو بالعكس بث انتي عنيده اها انا اعمل ليك شنو😪😪 قلت ليهو خلاص تلب هسي😪😪 قال لي اتلب ليه وفي شي اسمو باب بجيك بالباب عدييل انتظريني في الحديقه😉😉 قلت ليهو اهبل انت انا قلت ليك تلب ما معناها تتلب في بيتنا قصدي ليك تلب من شباك حياتي😂😂 قال لي يا زوله انا جايك تابي ترضي تطلعي لي ما طلعتي ح اقعد اكورك و الم الجيران 😂😂قلت ليهو متخلف انت😑😑 قال لي ومجنون كمان😂😂 قلت ليهو شنو ح اقعد اكورك والم الجيران دي قايلو تحرش هو 😂🙊قال لي بنتفاهم لما نتلاقي يلا خمسه ثواني واكون عندك 😂😂 يلا اقفلي 😍😍 قلت ليهو اجي اقفل انت مالك مكسح 😒😒قال لي لالا اقفلي انتي ياخ يدي وسخانه 😅😅قلت ليهو غريبا امرك يا هذا 😳😳و قفلت ليهو الخط 😂😂وبعد داك مشيت غسلت وشي و لبست لي توب لقيت الكتكوته دي صحت شلتها معاي و نزلت تحت لقيت الصاله فاضيه😕😕 قلت ليها هسي يا تالو لو خليتك براك كان عملتي شنو زول تحت علشان يسمعك بتبكي زاتو ماف خلونا في البيت برانا العفنين ديل 😪😪طلعت برا لقيتو قاعد في الحديقه حقتنا بي مزاج قلت ليهو جيت بالسرعه دي كيف😳😳قال لي انا اصلا كنت هنا 😅😅قلت ليها كيف يعني😳😳 قال لي كلامي واضح انا لمن اتصلت عليك كنت هنا 😊😊قلت ليهو اممم تمام 😕😕 قال لي كدي اقعدي ودي منو العثوله دي حلاتها والله بتشبهك 😂😂قلت ليها شوفتي يا تالو خالو ولا عرفك زاتو قالو الدم بشم لكن خالك نخريهو مقفله 😂😂 قال لي دي بت رنو 😍😍 البت قعدت تضحك 😂😂قلت ليهو جاوبتك براها😂😂 قال لي اديني ليها😍😍 قلت ليهو بتعرف تشيل😒😒 قال لي لا علميني😊😊 قلت ليهو اثني يدك كدا علشان بي مفصلم تثبت ليها راسها ايوه كدا ويدك دي اعلها كدا علشان تثبتها ما تقع وختيتها ليهو في يديهو وقلت ليهو دي كدا ايوه اي ارفع دي حبه و دي ثبتها هنا 😪😪قريب الساعه انا شغاله ليهو سوي و اعمل وما ادراك في النهايه طلع بعرف يشيل 😤😤دي سغاله منو سااي 😭😭قال لي يا 😄هبله انا دكتور يعني ياما شلنا شفع 😂😂قلت ليهو ما تكون دكتور نساء و توليد و نحن ما عارفين 😒😒 قال لي ظريفه ظريفه😂😂 ما اشتغلت بيهو المهم اتونسنا حبه و بعد داك هو شال معاهو تالين علشان يوديها لي امها الجدعتها لي و انا رجعت البيت جوه تميت نومتي 😪😪 تاني اتصل علي الصبااح قال لي صبااحوو 😍😍 قلت ليهو صباح النور شكلك يادوب صاحي😊😊 قال لي يب حبيت اتصبح بي صوتك 😍😍(يلا صوتو وهو صاحي من النووم خطييير😍😍) قلت ليهو رمسنت ما قبل الزواج صح 😂😂قال لي اي باخد تست كدا وحنك زي دا 😂😂قلت ليهو لا لا تمام😊😊 قال لي خلاص اجهزي علي الحداشر ح اجي اسوقك نفطر سوا 😍😍قلت ليهو و اذا قلت ابيت 😏😏قال لي شلتك قبل كدا لحد غرفتي و طلعت بيك السلم ما بغلبني انزلك من غرفتك واركبك العربيه 😂😂قلت ليهو نكره عضلاتك دي الفرحان بيها علشان شلتني مره واحده 😑😑قال و انا بريدهن ريده علشان بعدين مرتي لمن تعند اشيلها طوالي و احسم الفوضه مع انو جاني تمزق المره الفاتت 😂😂قلت ليهو اصبر لي كان ما سمنت😏😏 قال لي علي اساس انت ضعيفه و كدا😂😂 قلت ليهو تووف عليك زفت خلاص😂😂 قا

ل لي من هسي نبز بعدين الله يستر 😂😂 يلا هسي قومي جهزي نفسك😍😍 قلت ليهو ليه😅😅 قال لي شنو ليه انا مش قلت ليها عازمك فطور يعيدو ليك كم مره اصلا😒😒 قلت ليهو خلاص خلاص ظابط اكلم امي اول كان وافقت بعدين بشوف 😊😊قال لي امك معانا وانا كلمتها و وافقت انتي بث اجهزي و اطلعي 😪😪 قلت ليهو قفلت في وشي كل طرق التسيب خلاث ظابط حداشر بتلقاني جاهزه 😪😪 فعلا مشيت شربت الشاي وقعدت لي عشره كدا حتي بديت اتجهز لبست لي فستان قماشو بارد لونو اسود و طحره بني فاتح و اسبورت نفس لون الطرحه و معاهو شنطه وعملت لي روج بني و ميك اب خفيف 😍😍 و نزلت تحت لقيت ماما ماف قلت بكون لسه ما جات من ناس ستو 😪😪 المهم هو اتصل علي و انا طلعت ليهو وداني مطعم علي البحر في شارع النيل فطرنا هناك 😍😍 بعد داك مشينا محل اثاثات علشان اختار كذا طقم جلوس لي بيتنا الما شفتو وهو حالف ما يورني ليهو الا يوم العرس 😪😪 لفينا و اخترنا كذا خيار صراحه الحاجات كلها حلوه والاختيار صعب 😪😪ومشينا محل فساتين تركي اشترا لي فستان الحنه😍😍 فستان خطيييير😍😍 و حومتا معاهو و اتفسحت رجعنا البيت قريب المغرب 😍😍يلا الاسبوع دا كلو قضيناهو طلعات ومشاوير و مرت الايام زي ااساكيها كلب 😪😪حبسوني طوالي في بيت ناس متاب لانو بعيد من ازعاج بحري و الناس الكتار 😪😪طبعا ولا عملنا خطوبه ولا شي حتي معظم المراسم لغيناها و رنو جابت لي معظم اغراض الشيله من السلطنه مع راجلها😍😍 و التياب جابتها لي خالتو ستو من هولندا😍😍 و جزو من دبي😍😍 طبعا جابو لي شيله زي الشيله 👏👏اتناشر شنطه👏👏 و كلو اتناشر في اتناشر 👏💃اول شنطه فيها سته توب من تياب الراتي سفن مرصع بالكرستال😻😻 و اتنين منديل 😍😍و اتنين امزوني 😍😍و اتنين توتل😍😍 ياخ تياب زي التياب كلهم ربط بي طقومهم 😍😍اما الشنطه التانيه كان فيها اربعه تياب سهرات بي طقومهم مشغولات في الهند ياخ مبااالغه😍😍 و معاهم اربعه بدل😍😍 و اربعه فساتين😍😍 و جاب لي شنطتين ميك اب ماااركه عالميه 😍😍و شنتطين هدايه لي اهل العروس😍😍 وما نسي اشتر لي شنطه لبس للجامعه حتي السبورت جاب لي اتناشر بسبورت من الموووت ياخ 😍😍دا غير شنطه اللبس الموضه و الحاجات الباقيه 😍😍شيله عمري ما شفت زيها و التناشر شنطه كلهم طقم كل اتنين قدر بعض 😍😍اما الشبكه جاب لي تلاته طقومه دهب من دبي زي السم 😍😍ياخ عزوني عز السرور 😍😍يلا الشهرين ديل مرو زي الساكيهم كلب 😂😂 العقد كان قبل العريس بي اسبوعين😍😍 يوم العقد كنت مقلقه شدييد😪😪 لانو في شي انا ما كنت خاته بالي فيهو😪😪 منو الحيكون ولي بالنسبه لي الحيعقد لي منو امي و ابوي ما بتكلمو مع بعض ولا عارفين اي شي عن بعض😪😪 و لمن امي حاولت تكلمو😪😪 قال ليها مش بتك و ربيتيها براك اتصرفي اقعدي ليها براك 😑😑اما اعمامي لو شافو امي يمسحو بيها الواطه 😪😪و خيلاني بقتلوها عدييل😪😪 ما قدرت انوم وقدر ما حاولت اكلم طارق اليوم داك بذات ما ردا لي 😭😭😭يوم العقد من صلاه الصبح انا ماشه وجايه 😪😪 نوف و عسجد قالو لي دوختينا ياخ ماشه وجايه في راسنا 😤😤يلا علشان بيت متاب في الخرطوم اركويت و بيت العقد في بحري والمسافه بعيده خلو معاي نوف و عسجد والباقي كلهم مشو بيت العقد علشان الشغل وكدا 😪😪الساعه 9 كدا جوالي رانه 😭😭عاينت لقيتو طارق رديت وقعدت اكورك فيهو قلت ليهو يا زفت انا بتصل عليك من امس ما بترد مالك😤😤 قال لي نحن في مشكله كدي هسي انزلي لي نتفاهم 😫😫قلت ليهو مشكله شنو وانت وين 😱😱قال لي انا تحت الفحي ليك اي توب وانزلي الموضوع خطييير😭😭قلت ليهو شنووو ياخ قطعت قلبي😱😱 قال لي لو نزلتي بتفهمي كل شي استعجلي 😪😪طبعا احترت زاتو اعمل شنو 😪😪نوف قالت لي في شنو😒😒 قلت ليها بري ما عارفه المجنون دا مهبب شنو كدي النمشي نشوفو 😪😪ولفحت لي توب عسجد😪😪قالت لي علي وين😳😳 قلت ليها طارق تحت لازم احصلو قال في مشكله تحت و جريت نزلت ليهو 😪😪 لقيتو متكي علي كبوت العربيه ولابس لي تيشرت اسود في بنطلون اسود مع لونو الاصفر خطييير 😍😍 و مدنقر راسو خاتي بدو في راسو عسل يااخ 😍😍 قالت ليهو طارق في شنو قلبي وقف😱😱 قال لي مشكله كبيره المفروض هسي نحن نكون بنجهز للعقد بث عندنا مشكله كبيره ولو ما اتحلت ما ح يتم العقد دا علي خير 😔😔انا خلاص تفكري مشي اتجاه انو مياس عمل حاجه علشان يخرب لي فرحتي😭😭 قلت ليهو قول في شنو و نفسي مقطوع وما قادره اقيف علي حيلي😭😭 قال لي المشكله انو الراجل دا قال لو ما شافك ما ح يعقد 😪😪و اشر لي علي راجل كدا وسط في العمر يمكن في الاربعينات كدا لابس ليهو جلابيه بنيه و عمه و شال وجيه وملامحو ما غريبه علي 😳😳 مشيت قربت عليهو وانا في زهول😳😳 وهو ما قادر يقول كلمه دموعو نزلو😭😭 قال لي بيان بتي و حضني شدييييد 😭😭صح انا كان عمري سنيتن اخر مره شفتو بث لسه صورتو ما راحت من وخيالي اي ياهو دا ابووي ابوي الجابني وما رباني 😭😭طوالي دمووعي جروو احاسيسي

كلها اتلخبطت و ضربت في بعض فرح و زعل عتاب حنيه شووق حب كره امان و خوف😭😭 زي الشافع الضيع حاجه و لقاها بعد بقي كبير وما قادر يعبر بث بقيت ابكي و اقول ليه يابا لي خليتني ليه ما سالت عني انا كنت محتاجاك ليه تركتني ليه 😭😭(صح امي ما قصرت ولا خالتو ولا عمو بث احساس تربى بدون ابو بدخل الشك جواك 😭😭بتحسي انو في حاجه مهمه في حياتك ناقصه😭😭 مهما كان الحوليك بحبوك فرحتك بتكون ناقصه 😭😭) وهو ببكي و بقول لي كنت مجبور ابعد عنك 😭😭كنت مجبور اشوفك من بعيد لي بعيد وما اقدر اضمك😭😭 الزمن قاسي يا بتي و قسا علي شديد😭😭 كل الناس بتغلط و بتكفر عن غلطها بث انا دفعت التمن غلطتي غالي 😭😭بقيت بعيد عن بتي الوحيده 😭😭قلت ليهو افتكرتك ما حتجي 😭😭 قال لي اتحرمت منك السنين دي كلها معقوله اتحرم برضو من اني اشارك في فرحتك معقوله اخلي زول غيري يعقد ليك وانا لسه حي 😭😭طارق جا مسح في ضهري و ضهر ابوي و قال لينا خلو الماضي طرف هسي و عيشو فرحتكم في اليوم دا انسو الاحزان😊😊 الزمن كافي انو يبري الجروح اللسه مفتحه😊😊 ابوي قال لي كدي كدي اشوفك و خته لي يديهو في خدودي قال لي ماشاء الله عصفورتي الصغيره كبرت و بقت عرووس ربنا يحميك و يحفظك 😍😍بث اسمعني هنا راجلك امسكي فيهو قوي لانو اصلو راجل ما هين اسد ماشاء الله عليه 😌😌قلت ليهو لكن يا بابا ما تقول كدا قدامو علشان يشوف نفسو علي😂😂 قعد يضحك قال لي الحق ما بتدسه😊😊 يلا نحن نمش علشان عندنا كذا مشوار 😊😊قلت ليهو بابا لسه ما شبعت منك😭😭 قال لي ما تخافي انا هنا قاااعد علشانك انتي وبث😊😊 وقت ما تدوريني بجيك 😍😍قلت ليهو الله يخليك😊😊 ابوي مشي ركب العربيه اول ما قبل و ادانا ضهرو ومشي علي العربيه انا استغليت ليك الفرصه و حضنت ليك طارق سريع سريع وقلت ليهو يااخ انا بموت فيك عديل😍😍 و فكيتو خليتو عامل كدا 😳😳الوقت داك ابوي كان وصل العربيه فتح الباب و عاين لي ابتسمت ليهو 😊😊وركب لقيت طارق لسه علي نفس الوضعيه😳😳 قلت ليهو هووي انت كمان ما تصدق يعني اي زول فرحان بعمل كدا ما تفرح 😒😒ابتسم و دنقر 🙈🙈قلت ليهو اشيييي شوف شوف منو البقي بخجل 😹😹رفع راسو و عاين لي كدا 😒😒 قاال اصلو الزول ما يحاول يبقي معاك رومنسي هسي كنت عايز اقول ليك بعد ساعتين بالكتير حتبقي حلالي و بتاع لكن بسسس عليك😂😂 قلت ليهو يحلوك في مويه نار بعد الشر عنك زح كدا و لا كدا😂😂 قال لي انتي متناقضه كدا مالك هسي😂😂 قلتي احلوك في مويه نار😂😂 تاني قلتي بعد الشر عنك 😂😂غيتو الشبهك دا شكلو برجع بيت اهلو مع الصيوان😂😂قلت ليهو ابقي راجل بث و رجعني😒😒 قال لي راجل وسيد الرجال😌😌 ما تلعبي معاي ضاغط بتندمي لسه العقد ما بدا هسي بلغيهو😌✋ قلت ليهو ما بتقدر😏😏 قال لي تمام ما بقدر ما بقدر 😏😏طوالي طلع ليك جوالو و اتصل بي ابوهو وفتح الاسبيكر وقال ليهو الو يا حاج كيف حالك 😊😊عمو قال ليهو كيف يعني ح يكون حالي انا مش قلت ليك كلم المازون دا من بدري هسي لقيناهو سافر😤😤 طارق قال ليهو ماف داعي للمازون شكلو العقد اتلغي 😊😊 ابوهو قال ليهو شنووو😤😤 طارق قال ليهو عدييل بطلت ما عايز اعرس 😊😊خطفت ليك الجوال منو سرييع قلت ليهو اهلين يا عمو طارق دا الفرح شال ليهو راسو ما تشتغل بيهو تم التجهيزات دي عادي وهو ح يتصرف في موضوع المازون😅😅عمو قال لي انتي منو😑😑 قلت ليهو انا بيان يا عمو اجي ما عرفتني 😂😂 قال لي الصايع دا معاك يعني قولي ليهو يصبر انتي ملحوقه وعندو عمر معاك هسي خليهو يجبني انا منتظرو 😂😂 قلت ليهو حاضر عمو يلا ثواني وبكون عندك 😂😂قفلت الخط و قلت ليهو طارق انت جنيت 😡😡 قعد يضحك 😂😂وقال لي انا جنيت انا جنيت بالعثل دا👏💃 قلت ليهو انا فايره لا مؤخذه وانت رايق و بتغني 😒😒قال لي بريدك عاد اعمل شنو😍😍 قلت ليهو قوم لف من هنا سرييبع علشان ما افكك بي طوبه😊😊 قال لي خلاص هاتي حضن الوداع و كدا 😉😉قلت ليهو شوفت دااك 😊😊قال لي الزول داك😁😁 قلت ليهو تحتو شنو😅😅 قال لي كلب اظنوو 😒😒قلت ليهو اجر احضنو 😊😊وخليتو قاعد يعاين للكلب😂😂 اتلفت لقاني وين انا الوقت داك دخلت البيت وقفلت الباب 😂😂 اتكيت فيهو وبقيت بتبسم واتخجل براي 🙈🙈بث اقي ليك نوف وعسجد الاتنين مشحوطات ليك في الشباك عاينو لي لقوني مدياهم عين 😒😒 جاهم تبسم لا ارادي اي واحده مدياني ابتسمه اعرض من التانيه 😊😊وبراحه دخلو وقفلو الشباك دخلت جوه قبل ما اي واحده تفتح لي بلاعتها دي😌✋ قلت ليهم هسسسي ولا حرف لا قال ليك شنو وقلتي شنو اي واحده تمش تشوف ليها شغله😌✋ المهم زي الساعه عشره ونص طارق اتصل علي وهو قاعد يجهز و قعد يتكلم معاي لحد الساعه حداشر و عشرين دقيقه 😍😍 قال لي انو هو خلاص جهز و ماشي علي مسجد السنهوري😍😍 العقد هناك قلت ليهو قوول القسم😍😍 قال لي مش انتي نفسك كان يعقدو ليك في السنهوري 😅😅 قلت ليهو بث انت عرفت كيف ومن وين😳😳 قال لي وراني صديق يلا ما تركزي😉😉 قات ليهو خلاص تمام😊😊

قال لي ثواني ارسل ليك سلفي الجلابيه😍😍قلت ليهو اوكي😍😍 و قفلت خمسه دقايق جاتي الصوره واااي انا منووو وااي قلب الجوال عمل شححح 😍😍و انا قلبي دا طلع من محلو عدييل 😍😍ياخ لون صاففي كدا يروق الدم وعينو االنعسانه ولا الجلابيه و عمه و الشال حكااايه 😍😍 يااخ بسحرو براي ماشاء الله عليهو😍😍 لاكن لحيتو ظابطها بي طريقه و القطعيات دي انسي حكايه داير قرمه عديل😍😍 رسلت ليهو رساله وقلت ليهو هووي هووي ما تمش العقد كدا بسحروك لي 😍😍شافها وقال لي والله؟؟!😂😂قلت ليهو افصلها خليني اتاملك 😂😂و انا بتامل فيهو كدا تاني اتصل قال لي راجيك انا 😒😒قلت ليهو لشنو😅😅 قال لي سلفيني حق التوب وينو 😍😍قلت ليهو حضنت الكلب القبيل؟؟!😅😅 قال لي و بستو كمان😂😂 قلت ليهو هع خليهو يرسلها ليك 😏😏و قفلت فيهو الخط قعد يضحك قلبو ميت خلاص😂😂 المهم مشو هناك اتصل علي قريب العقد و بقي بتونس معاي و سمعني العقد و قال لي مبرووك حلالي اخيرا بقيتي لي انا برااي حقتي و دنيتي😍😍 قلت ليهو ويا وجعتييي سكتت حروفي بانت معالم فرحتي😍😍لييه يا صديقي تقعد علي في جمعتي يا وجعتي😂😂 قال لي تصدقي انك رمه انا اقول ليك حلالي حقتي وبتاع و انتي تقولي لي وجعتي يوجعك شنو ياخ 😂😂قلت ليهو الله يبارك فيك يا زول كريه دا 😪😪قال لي قدي هسي ما فاضي ليك وقفل ليك فيني😂😂 قعدت اضحك ضحك😂😂 و بقيت ماسكه الصوره واتبسم عسجد قالت لي اها عقدو قلت ليها اي بقيت حلالو 🙈🙈حضنوني هي نوف و تعال شووف الزغاريت وما ادراك😻😻 و قالو لي الف الف مبرووك يااخ ربنا يتمم ليك علي خير يا سعدو بيك 😍😍كان احلا يوم ياخ كل شويه طارق يتصل لي اسخنو يقفل مني😂😂😂 ومرت الايام و جا يوم اربعه شهر اتناشر اطول و اسغل يوم كريه شديييد 😫😫ابا ينتهي كلو كلو 😪😪انا من التوتر ماسكني قلق ما قادره اقعد في حته واحده امش واجي كل شويه ما قادره اقعد و ماسكني ياس كدا ما عندي مزاج اعمل حاجه و لي اسبوع ما اتكلمت مع طارق و عايزه انوم واصحه القي يوم خمسه دا جا ياخ كل الايام جرت الا اليوم دا يتنه 😪😪ما علشان انا شفقانه و عايزه اعرس طارق بث علشان انا خلاص اتخنقت من العرس دا و مواضيعو و نقتو و دخانو اهم شي ما بريدو الدخان دا نهائي عزبني عزاب 😪😪 بقيت كل ما انوم واصحه اجي اشوف الساعه بلقاها مرت خمسه دقايق بث😭😭 و ناس رنو يغنو و يدقو لمن بهناك عملو لي صداع ياخ😪😪 يوم اربعه دا بيت متاب اتملي ملي بنات و نسوان كلهن عندي و امي شغاله وصايه ليها اسبوع و كلامها واحد بيتك امسكي في😒😒 راجل ما تخلي😒😒 وما تهملي😒😒 و ما تديهو فرصه يعاين لي غيرك😒😒 وما تبقي طبعك جاف 😒😒اهتمي بي بيتك و نفسك و جيهتك😒😒 و ما تطلعي اسراركم بره غرفتك😒😒 و ما تسمحي لزول يتدخل في حياتكم😒😒 وما تخلي مره تهتمه بيهو اكتر منك حتي امو دليلهو زي الشافع الصغير 😒😒اسمعي كلامو وما تقوي راسك 😒😒.....المهم لمن الساعه دي جات عشره بليل انا ما صدقت بلعت لي حبه و نومت طوالي 😪😪 صحيت تاني يوم بدري لقيت رنو اصلا كانت جايه تصحيني مشيت دخلت الحمام استحميت و اتوضيت وطلعت صليت ولبست لي جلباب و بي فوق للجلباب عبايه و نقاب ونزلنا تحت شربت الشاي و اكلت لي حاجه امي جات حضنتني قالت لي الليله يوم سعدي امس كنتي بتاتي و الليله عروس ربنا يحفظك حضنتني وقعدنا نبكي بعد مسافه مسحت لي دموعي وقالت لي ربنا يسعدك يا غاليه قلت ليهو ويخليك لي يا رب 😍😍وشلنا حاجاتنا و يلا طلعنا مشينا الكوفير😪😪 يلا علشان اتحبست بي دخان من دون كريمات حاره لوني دا نضف نضافه مبالغه و ظبط ظبطه فظيييعه 😍😍يلا رسمو لي حنه لي نص الساق اما اليدين للكوع و بعد داك عملو لي شكل في عضل اليد في الوقت داك ظبطو باقي البنات بعد ما غسلت الحنه وقفت في المرايه عاينت لي روحي فيها و للحنه حسيت اليوم كانو حلم حلم دموعي نزلوو بكيت 😭😭بكاا مبالغه رنو ريل و نوف و شهد و عسجد كلهم قعدو يبكو معااي 😭😭الميك اب ظريفه كدا قالت لينا هوي هوي زحو لينا من العروس ما تبكوها علشان ما تمشي العرس عيونا منفخه يرجعوها لينا بي فستانها 😂😂 قعدنا نضحك😂😂 المهم بعد الغدا رنو مشت قالت ح تجهز في البيت لانو المفروص تكون واقفه مع امها و امي في الاستقبال بدري 😊😊قلت ليها تمام المسا جهزت طبعا الفستان الجابو لي طارق طلع خطيييير هو اصلا قصتو مبالغه و بعد لبستو شي عجيب😍😍 يلا هو من فوق مخنصر و من تحت فاااري قماشو املس ولامع ومزخرف بي ورد بالقماش ولونو ابيييااض فظيييع ومع التسريحه ياااخ مبالغه و الميك اب بسييط و حلوو ورايق والروج نفس لون البوكيت حق الورد اللي لسه ما شفتو😍😂والمفروض يجيبو طارق 😪😪زي الساعه سبعه معاذ اتصل علينا انو ننزل بعد دا طبعا ما عندي اشبينات غير نهي و عسجد و نوف و شهد وريل وريان اخت ريل (ريل دي هم سته بنات ماشاء الله وكلهم اسماهم بالرا 😂😂)لانو علاقتي مع اهلي كعبه 😪😪الفساتين كان كلها جابها طارق و هو كمان النظم العرس بث انا طلبت من

و يكون عادي وما مكلف لا رقيص و لا غيرو يكون بسيط😊😊 يلا الاشبينات لبسو فساتين لونها احمر لحمي كدا حلويين😍😍 من فوق علي الجسم ومني النص فاااري كدا حلووو شديييد يدهو نص كم من فوق قماش كدا ومن تحت شفون قريب من قصه فساتين الزفاف و الخطوبات حلو😍😍 وعملو ليهم تسريحه عجيبه 😍😍نزلنا تحت لقينا خالد و معاذ خالد قال لي يا سبحان الله لو ما الخوه كان خطفتك و جريت بيك 😍😍معاذ قال ليهو خوه شنو يا زول خلي الخوه تنفعك يلا اسمعي يا بيان انا الليله شارد بيك شارد بيك 😍😍قلت ليهو بطلو تعرصه طارق وينو😅😅معاذ قال لي خلي الشفقه لسه وراكم ليل طوييل 😉😉خالد قال لي مشي يستلم عربيه الزفه وقال بحصلنا في الاستديو ما تخافي ما بهرب منك 😂😂قلت ليهو بث ما ح نتاخر ؟؟!😢😢معاذ قال لي لالا اصلا احتمال يكون هو هسي راجينا هناك اصلا هو شفقاان شفقه لو عليهو يغمض عينو ويفتح يلقي الحفله خلصت ذاتو 😉😉 قلت ليهو امممم تمام علي اساس انت الما كنت شفقان 😪😪خالد قال لينا يلا سرريع اركبو علشان الزمن😊😊 اتوزعنا في العربيتين ومشينا الاستديو كان في الرياض حلو وبسيط 😍😍 لقينا طارق لسه ما جاء😪😪 قعدنا في الاستراحه منتظرنو😪😪طبعا سايقين معانا الميك اب علشان تظبط لي مكياج الجرتق😍😍قالت لي خلاص النظبطك علي بال راجلك يجي😍😍 وفتحت ليك شنطه الحاجات و بقت تظبط لي خلصت و انتهت ونحن لسه منتظرين بنضرب ليهو ما برد والمصور كل شويه يجي يقول لينا ما جا نقول ليهو لسه 😪😪معاذ كان عندو الكرت بتاع محل الزينه اتصل عليهم و اسالهم قالو ليهو استلم العربيه ليهو ساعه 😪😪انا بين زعلانه و خايفه عليهو في نفس الوقت 😭😭 ليهو اكتر من نص ساعه وهو لسه ما جا 😭😭جوالو مره مغلق ومره خارج النطاق و مره جرس وما برد 😪😪انا خلاص اعصابي تلفت 😭😭قلت دا مياس اكيد عمال ليهو حاجه 😭😭...... يا ربي طارق اختفا وين والحاصل معاهو شنو 😱😱

#ريدي
-١٩-
قلقت شديييد ياخ قدر ما اتصلت ما رده بعد خمسه و اربعين دقيقه انا كنت قاعده في غرفه التصوير حتي سمعت انو قالو جا 😪😪 زعلت انو اتاخر شديد😭وانا قاعده في المقعد اول ما جا داخل سرحت فيهو😍😍 ياخ الحنه ولا البدله السودا والقميص البيض ولا الجزمه الكلاسك ولا الببيونه ولا شعرو ياخ الدقن ولا العيوون احيييييي انا ادسو وين انا ادسو ويين 🙈🙈 شويه كدا حسيت روحي رقدت فيهو شديد وقربت انسي زعلتي قلت لي نفسي بيان اتلمي و 😂😂اديتو ضهري 😌✋جا داخل غرفه التصوير و جا وقف قدامي ابيت اعاين ليهو و صاره ليهو ميه و حداشر 😪😪قال لي حبيبي زعلان و ميل لي راسو😍😍 ما رديت ليهو😯😯 قعد قدامي علي رجيلهو و شايل في يديهو علبه شوكلاته فرنسيه و بوكيت ورد لونو كبدي و ملفوف بي زينه بيضاء😍😍 مسك لي يدي و قال لي هنايي سبحان الله الخلقك😍😍 انا خايف يسحروك لي رايك شنو ما نمشي الصاله 😍😍قلت ليهو بلاي 😑😑 قال لي والله جد جادي بدوك عين كن مشينا😍😍 قلت ليهو طارق ما تخيلني انفصم فيك هسي 😪😪قال لي خلاص روقي خليني النحصنك وقعد يحصن فيني 😍😍و انا بعاين ليهو وانا صاره😒😒 قال لي عارف اني اتاخرت عليك بث ما بيدي والله كان عندي مشكله و كنت لازم احصلها حبي عليك الله ما تزعلي ما بتهوني علي 😍😍قلت ليهو يااخي 😑😑قال لي طيب شوفي انا جايب ليك معاي شنو الشوكلاته دي انا استوردتها عديل انتي عارفه انا هسي جاي من المطار مشيت استلمتها من صحبي و جيتك جاري بتي الربيتا ما تزعلي لانو انا متوتر شديد وما قادر اترمسن معاك ولو قعدتي زعلانه كدا ح اتوتر زياده 😂😂طبعا يديهو تلج قرب لي وقال ربنا يحفظك لي يا غلاي و مناي و هناي ما اتحرم من عيونك و ما اعدمك لانو طارق لي بيان و بيان لي طارق 😍😍 و الباقي حريقه فيهو😪😪 و باسني في راسي طبعا خجلت شديييد 🙈🙈نوف قالت لي عايني الود اتمرمط علشانك كفايه حرام افرديها بعد دا 😂😂طارق فتح العلبه و شال قطعه منها و اكلني ليها😍😍خطيره ياخ 😍😍قال لي وانا حقتي؟؟!😅😅 قلت ليهو مش قلت داير تصالحني ماف ليك و خطفت من العلبه😂😂 اتربع لي في الارض و قال لي اهون عليك؟! قلت ليهو واكتر اصلا انت و الكلب عندي واحد😊😊 قال لي قاسيه ياخ هسي انا الجبرني اعرس لي واحده زيك شنو كان اعرس لي واحده من النوع الرمنسي الممكن تتجاوب معاك 😪😪 قلت ليهو كان اخير ليك😏😏 قال لي بيان عسلي 😍😍قلت ليهو ماف ما تحلم😌😌 قال لي نبضي😍😍 قلت ليهو ولا تحاول😌😌 قال لي حبي😒😒 قلت ليهو طارق😪😪 قام علي ركبيهو وقرب مني شديد وبقي بعاين لي في عيوني و انا خلاص قلبي دا اشتغل مكنه و خايفه منو يعمل لي حركه كدا ولا كدا لانو عزيزي المشاهد متابعين معانا استب بي استب 😂😂 وقال لي ريدي وبعاين لي بي نظره كلها حب 😍😍براحه رفعت ليهو قطعه وقالت ليهو هاك و زح مني لانو نفسي ح يكتم 😢😢ضحك 😂😂قال لي اصلا انا غيرها ما داير و بالمناسبه ح تطلع لقطه خطيره😂😂قلت ليهو لقطه شنو 😒😒قال لي للدرجه دي عمي عيونك وما شايفه غيري 😂😂قلت ليهو كيف ما شايفه غيرك هندا خالد و هندا معاذ قال ما شايفه غيرك قال 😏😏 قعد يضحك و قال لي بث المصور قاعد يصور فينا من انا جيت و قعدا علي رجلي علشان اصالحك لمن رجلي و جعوني 😂😂اتربعت ليك علشان اخد قطعه شوكلاته لمن فترت😂😂 بركت ليك علشان اقرب منك اديتني الشوكلاته علشان ابعد 😂😂ياخ انتي اصعب حصان ممكن يتروض 😂😂 قلت ليهو بلاهي طيب انت بتعرس حصان مالك😑😑 قال لي و النعمه بريدك اعمل شنو😂😂 سكت وخجلت خالد قال لينا ملاحظين انو بي طريقتكم دي ح نصل نلقي الاوفر تايم زاتو خلص 😂😂 قلت ليهو ما دا صحبك السغيل دا😪😪معاذ قال لي اصحابك وصلو يا بيان😊😊قلت ليهو اصحابي منو😕😕 يمان جا داخل وديك يل البدله الكحليه و الببيونه الحمره 😍😍قال لي خلاص نسيتينا قبل العرس زاتوو 😂😂قلت ليهو يمووو😍😍 غيث قال لي يمو في عينك قبل شويه ما نكرتينا 😂😂قلت ليهو انت تخرص خالص مش قلت لي ما جاين وقدر ما حنستكم رفضتو😑😑حسام قال لي ونحن نقدر ما نجي😍😍 عمار قال لي دي عزومه مجانيه ما بنفوتها 😂😂قلت ليهو حيوان همك بطنك دي والمشكله ما ظاهر فيك 😂😂مهند قال لي اي حاره يعرسو ليك زوله كنت خاتي عينك عليها بث في النهايه صحبتنا ما واقفه علي الريده ياخ 😍😍احمد قال ليهم ما ملاحظين انكم بتحاولو تقصو البت يوم عرسها 😂😂 و بعدين كشفو الزول دا عضل كيف كف واحد ينسيك حنانك😂😂 طارق قعد يضحك قال ليهو ما لي الدرجه دي لكن😂😂 الفتوغراف ظرييف شدييد جا قال لينا يلا الصور الفرديه خلصت استغليت فكره نظرات العشااق ديك و اخدت اللقطات لمن قعدتو تتصالحو يلا تتصورو مع الشباب كذا لقطه علشان الزمن المهم بقي بصور و يونس فينا و يضحكنا و تاني عمل لينا كذا لقطه بنضحك انا وطارق برانا فيها و افكارو حلو يااخ مبدع بعرف وين اللقطه المناسه و متين لازم يصور و كدا 😍😍 وعمل لقطتات للشباين مع الشباب خاصه انو ناس غيس كانو لابسين السته نفس الب