إذا كنت طالب مستجد ومحتار كيف تنزّل موادك، فهذا البوست إلك ✨

آلية التنزيل:

1️⃣ بتحدّد الجامعة موعد لتنزيل المواد، عادةً من السنوات الأكبر للأصغر.
2️⃣ بتنزل المواد من خلال بوابة Learnata أو موقع جامعتك، ولك حساب خاص حسب رقمك الجامعي وكلمة السر.
3️⃣ بتفوت على حسابك باليوم المخصّص إلك من إعدادات التسجيل (تسجيل المقررات).
4️⃣ بتضيف المواد اللي بدك تسجّلها وبتختار الفئات حسب خطتك الدراسية والمستوى، مع مراعاة عدد الساعات وعدم التضارب.
5️⃣ ومبروك… هيك بيكون خلص التسجيل 🎉

نصائح للتسجيل:

1️⃣ تأكّد من عدد الساعات المعتمدة للفصل.
2️⃣ انتبه إن تنزيل مادة ما يأثّر على مواد إلها متطلب سابق.
3️⃣ راعي خطتك الدراسية بشكل عام، وحاول تضيف مواد تقرّب موعد تخرجك.
4️⃣ حضّر جدولك قبل موعد التنزيل لأنو غالبًا بيكون في ضغط والفئات بتتعَبّى بسرعة ⚡
5️⃣ تأكّد من دفع رسوم الساعات ووصولها لحسابك قبل التسجيل.

ملاحظة مهمّة:

بعض الجامعات بيكون المرشد الأكاديمي هو المسؤول عن تنزيل مواد الطلاب المستجدين في أول فصل، وباقي الفصول الطالب بينزل مواده بنفسه

💬وانتو؟ شو هي الصعوبات اللي بتواجهوها أثناء التسجيل؟

#سكوب_الجامعات_الخاصة