Medical Reviews 🍃

1.2K viewsياسر السيد, 18:30

#مراجعات ❤
#USMLE 🔥
#IFOM 🔥

🔰 بوست كتير مهم للناس يلي عم تفكر بالسفر ع الخليج كتبلنا ياه صديقنا ملاذ الحمصي جزاه الله خيرا ❤

🔸️》 السلام عليكم ورحمة الله وبركاته..

✔️ حاحكي بهالبوست مقارنة مختصرة بين امتحانات ال USMLE (الستيبات) وال Ifom:

🟢امتحانات ال USMLE:

USMLE = United State Medical Licensing Examination.

(امتحان الترخيص الطبي الأمريكي)..

-هالامتحانات مطلوبة للاختصاص في أمريكا ومكونة من 3 أجزاء:
-Step 1
-Step 2 CK
-Step 3

⛔️طبعاً مطلوب أمور تانية للاختصاص بأمريكا مو بس هالفحوصات (بس هدف البوست مقارنة فحوصات الستيب مع الأيفوم مو شرح طريق أمريكا)..

🟢امتحانات ال Ifom:

IFOM = International Foundation of Medicine

- امتحانات تابعة للمؤسسة الأمريكية NBME نفس المؤسسة المسؤولة عن امتحانات ال USMLE..

-مكونة من جزأين:
- Ifom Basic Science Exam (BSE).
- Ifom Clinical Science Exam (CSE).

🟢الستيب 1 بقابل ال Ifom Bse (نفس مصادر الدراسة).
🟢الستيب 2 بقابل ال Ifom Cse (نفس مصادر الدراسة).

◀️شو بفيدني كل امتحان؟؟

👈-امتحانات الستيب بتفيد للاختصاص في أمريكا وقطر ودول تانية.
👈-امتحانات الأيفوم بتفيد للاختصاص في قطر (مؤسسة حمد الطبية) والجامعة الأمريكية ببيروت وعمان ودول تانية.

◀️سعر كل فحص؟

👈-الستيب 1 و2 كل فحص 975$ بالإضافة لتكلفة حساب ال ecfmg حوالي 150$ ..

-ifom Bse: 200$
-ifom Cse: 300$

◀️مدة كل فحص+ عدد الأسئلة:

-step 1:
-8 ساعات (7 بلوكات ب 7 ساعات بتتخللهن ساعة استراحة بتتوزع خلال فترة الفحص كاملة..)
-البلوك الواحد في حوالي ال 40 سؤال ممكن تتغير بين بلوك وبلوك بس ما بتتجاوز ال 40 سؤال )..
-مجموع الأسئلة ما بيتجاوز ال 280 سؤال..

-step 2:
-9 ساعات ( 8 بلوكات ب 8ساعات بتتخللهن ساعة استراحة بتتوزع خلال فترة الفحص كاملة وعدد الأسئلة بكل بلوك متل بالستيب 1 ما بتتجاوز ال 40 سؤال) ..
-مجموع الأسئلة ما بيتجاوز ال 318 سؤال..

-Ifom Bse & Cse:
-4 ساعات (4 بلوكات ب 4 ساعات..وكل بلوك 40 سؤال)..
-(بلوكين -->استراحة--> بلوكين)..
-مجموع الأسئلة 160 سؤال..

◀️من حيث سهولة الفحص؟
-الأيفوم أسئلتو أسهل وأقصر..

◀️إمكانية إعادة الفحص إذا ما عجبتني علامتي؟

👈 -الستيب مافيك تعيدو لتحسن علامتك(بس إذا رسبت بتقدر تعيدو).. أما الأيفوم بتقدر تعيدو لتحسن علامتك.

◀️ايمتى فيني قدم الفحص؟

👈-الستيب متاح تقريباً على مدار السنة..بتحدد مثلاً 3 شهور لتقدم فيهن وبتشوف شو في مواعيد مناسبة خلال هالفترة.
👈-الأيفوم متاح بفترتين من السنة فقط ( موجودين بالصورة بعد البوست).

✅يعني كخلاصة الأيفوم أسهل وأقل عدد أسئلة وأرخص وفيك تعيدو لتحسن علامتك بس مشكلتو انو صلاحيتو سنتين ومتوفر بفترتين من السنة فقط وغير مقبول بأمريكا.

◀️◀️لذلك حدد هدفك.. إذا بدك تفوت بطريق أمريكا وقطر قدم الستيبات لأنو مشتركة بين هالطريقين، أما إذا بدك قطر ولاغي فكرة أمريكا قدم الأيفوم.

وبالتوفيق للجميع🌷..

2.1K viewsياسر السيد, edited 16:42