كواكم الله أبطال، هانت إن شاء الله وما بقى شي

تفاءلوا بالخير وإن شاء الله الأسئلة سهلة وتجاوبون عليها كلكم.

لا تنسون تجهيزاتكم من القرطاسية والبطاقة، ورتبوا أغراضكم من الليلة حتى لا تستعجلون الصبح.

ابتعدوا عن مشروبات الطاقة والكهوة، وناموا من وقت حتى تروحون مرتاحين ومركزين.

اكعدوا الصبح بحدود الساعة 5 مو تكعدون ب4 واول ساعة بالامتحان تروح طاقتكم

الصبح راجعوا مراجعة خفيفة وهادية، ولا تكعدون من وقت كلش حتى لا تتوترون وتتعبون.

تريگوا الصبح لا تبقون من دون ريوك العقل يحتاج طاقة

وصّوا أهلكم يكعدونكم، وخَلّوا أكثر من منبّه احتياط.

هاي امتحانات وزارية ومستقبلكم يستاهل التعب، شدّوا حيلكم وكلنا امل بيكم

الله يوفقكم جميعًا ويكتبلكم أعلى المراتب بناتي …

السلام عليكم بابا
عدكم عطلة هواي للرياضيات
وعطلة للاجتماعات وحتى الفيزياء الها يومين
اله الكيمياء يوم واحد ترى ما تلحكون بيه
ضروري تاخذون يومين ونص للكيمياء
اليوم وباجر وعكبة تراجعون النظري
والافضل تراجعون الفصل 6و7 و8
حتى يبقن اول خمسة قبل يوم الكيمياء تبلشون بيهن

📢 تنويه مهم لطلبة الثالث المتوسط

دورة مجانية لطلبة الصف الثالث المتوسط تشمل:
✅ مراجعة مسائل الفصل الأول
✅ مراجعة مسائل الفصل الرابع

وإن شاء الله مضمونة بـ 22 درجة

🕙 وقت الدورة:
👧 البنات: من الساعة 10 صباحاً إلى الساعة 12 ظهراً

👦 البنين: من الساعة 2 ظهراً إلى الساعة 4 عصراً

📍 الموقع:
ثانوية النقاء الأهلية – حي الإمام الرضا

🎓 الدورة مجانية لجميع الطلبة ومن كافة المدارس

بالتوفيق للجميع ان شاء الله

طالبات الدخول الشامل بناتي تواصلو وياي

بعد أن نشرت سابقًا درجات طالباتي الحاصلات على (100–80)، أخصص هذا المنشور لبقية طالباتي الحاصلات على (70 فما دون).

ليس كل نجاح يُقاس برقم، بل بما يقف خلفه من تعبٍ وإصرار.

أفتخر بكن جميعًا، لأن نجاحكن كان بعد توفيق الله ثم بجهودكن وحدها، دون درجات #مساعدة أو نجاح وزاري.

كل درجة هنا وراءها قصة اجتهاد تستحق الاحترام.

ألف مبارك لكن، وأسأل الله أن يبارك خطاكن ويكتب لكن نجاحات أكبر في القادم. ☘️