بعد ما خلصت المزينه وطلعت روحت ورجعت روان لدار النوم لبست قفطانها ❤️

لون قفطانها احمرر وماشي مع الجسم كمامه منفوخات ورقبته مفتوحه مكياجها وسط مش قوي هلبا ومش خفيف مع روج نفس لون القفطان وتسريحه بسيييطه شعر مرفوع شوي وخصلات فير نازله ❤️طالعه حلوووه
يوسف:حط كوب الميه ع البار بعد مشرب منه وخش دار النوم يطلع في حوايجه
روان:طلعت من حمام غرفة النوم وجت عينها في عين يوسف
يوسف:بدون اهتمام ...شنو كملتي ؟!
روان:بلعت ريقها مع ملامح مش مهتمه.....اي تميت....ونزلت عبايتها بدت تلبس فيها
يوسف:خذي حوايجه ووقف ع باب الحمام....بارك الله فيها المزينه تعبت هلبا حسيتها والله محقها 250😂😂
روان:قلبت عيونها وطلعت من الدار
يوسف:خش الحمام وفي داخله كان مبهووور بي منضر روان يلي متغير هلباااا وطالعه تجنن❤️

________

عفاف:به خلاص غضوا نمشو انا وخواتك ناخذولها
صخر:ولع دخانه.....نضمو اموركم
عفاف:شن رايك فيها البنت مدامك شفتها مره تانيه
صخر:بدون اهتمام....شن بيتغير فيها ع المره الاولى يعني؟!
عفاف:والله قنينه مشاء الله عليها
صخر:باهيه
عفاف:حطت يدها ع كتف صخر....قاعد منسيتهاش؟!خلاص ياولدي كل واحد ليه حياته
صخر:تبدلت ملامحه وناض من بحدها....معش تجيبيه السريب هوا يماااااا فوتيه
عفاف:ملاحضه عليك انا هاذا يلي خلاني نتكلم
صخر:طلع وسكر الباب وهوا متكنططططططططي

يوسف:ولع السياره وروان جنبه لابسه خمار
روان:خود حاجه من الطريق نخشو بيها لي اختك
يوسف:ع اساس تفهمي في الاوصول ولقطات
روان:تسحابني شلافطيه زيك
يوسف:به خلاص هي ضمي فمك وانتي كان الوحد سكتلك خلاص
روان:قامت الخمار....مش عاجبك طلقني حتا من اليوم ....ورجعت نزلت الخمار
يوسف:رجع للبرود متعه ضحك وطلع بي السياره

_____

في حوش جميله اخت يوسف كان زحمه شوي جميله عازمه امها وخواتها الصبايا وصاحباتها وساميه بنت عمها المطلقه لانهم صحبه هلباااا الكل يستنى في روان ❤️

خشت روان لحوش جميله وشاده في يدها باكو البكلاوه وعصائر طبيعيه ✨
سلمت عليهم ورحبو بيها هلبا وطبعا العيون عليها نحت عبايتها وقعمزت وبدت الهدرزه والضيافه
وطوووول الوقت عيون روان ع ساميه وتفكر زعمى منو يلي كانت معاه امس ؟!وهل يلي شفته صح ولا ؟!

في الوقت هاذا كان صخر يدخن قدام الحوش وعقله حااير هل كلام بوه يلي ينفذ فيه توا صح ولا غلط ووين بيرفعه؟!!!

🔥روايـــــــاتٌ بــــــــَنُــــــــووتِــةْ الــــشِـــيــــخْ🔥
🔥اروى الــــطــــــاهــــر المــــســـلاتــــٰــي🔥

حاولت روان تخش في العيله ونجحت في الحاجه هادي ❤️كملو العشي وطلبت روان الحمام ناضت جميله رفعتها للحمام وولت مكانها

روان:غسلت يديها ودرت شوية عطر مسحت يديا بي الكنينكس وطلعت من الحمام متجها للمطبخ ندور في الكناسه (حشاكم)وين كانت السله تحت الروشن وقفت حطيت المنديل يلي مسحت بيه وقمت راسي ع الروشن وننصدم بي راجل جميله مع ساميه وكان في وضع اخيييي🔞🔞 رعشت مع بعضي بذات لما جت عيني في عين ساميه وانا مصدومه رجعت لصالة الضيوف وانا نرعش بس نحااااول نبين ان عادي قلبي يدددددق من داخل ونرجف خايفه مش عارف من شنو ومش مصدقه يلي شفته علااااش ربي يكشف فيها قدااااامي انا بذااات كيف بنتصرف ؟
يلي يقهر من لما وصلت جميله تحكي ع ساميه انها زي اختها وتتعامل معاها كويس وبنيه صااافيه علاااش هكي ادير فيهااا 💔معش تحملت وبعتت مسج لي يوسف

روان✉️:يوسف بنروح بسرررعه مادي عليااا
يوسف:كان مقعمز في المربوعه يستنى في راجل جميله بعد مقاله ماشي الحمام وجاي قري مسج روان ورد عليها.....
يوسف:ع مزاجي مش مزاجك المرواح
روان:بي يدين ترعش.....وراااااس امك يوسف بنموووت معش قادره نقعد
يوسف:حس ان كلام روان طالع من قلبها مش تلقيح سكر المسج ونادا ع اخته

__

مؤيد:هاذم 5000حصلت ولد سحبهولي كان نقصو عليكم فلوس خذوهم
هاجر:سلم وخي ونجيه ياربي🙊
مؤيد:قداش عندنا دكتوره حني 😊
هاجر:ابتسمت وانا فرحانه بي عرسي والخطبه ....رغم اني متخايلتش روحي اني رح نفرح بزواج الثأر هاذا لاكن جديات حسيت اني فرحانه من قلبي ومتلهفه نتعرف علي صخر علي قرب❤️

يوسف:لا ولله معاد قادر اكتر من هكي خلاص ليل الدنيا
جميله:به ياغالي تو اناديلك عليها ❤️
يوسف:تمام....وطلع ولع السياره
روان:لبست عبايتها وبدت تسلم عليهم

جميله:انستيني حبيبتي ربي يهنيك مع يوسف ان شاء الله
روان:ابتسمت بسيف....سلمك حبيبتي وتشرفت بيك
جميله:بيك اكتر
روان:سلمت علي باقي صحبات جميله وعلي خوات يوسف وامه ولما جت طالعه تلاقت مع ساميه
ساميه:مدت يدها....
روان:سلمت عليها
ساميه:بسلامه نتلاقو ع الخير ان شاء الله
روان:سس سلمك
ساميه:شبحت لي روان شبحه تخوف ومش مفهومه في نفس الوقت
روان:طلعت بسرعه ركبت مع يوسف ويدي علي قلبي طوووول الطريق يسأل فيا وانا محكيتش حتى كلمه ساكته وبسس

_____

روان:وصلت الحوش خشيت دار النوم طوووول قلبي يدق ونرعش مع بعضي 💔مسحت

مكياجي وبدلت شعري صليت ركعتين حسيت بروحي هديت شوي قعدت نفكر شنو يلي بنديره؟!!!!كيف بنحكي او بنسكت قاطع افكاري صوت الباب

يوسف:تي فهميني خيرك انتى؟
روان:بلعت ريقي نشبحله ونبي نحكيله ع يلي شفته فتحت فمي نبي نحكي بس لساني خاني ومقدرتش نقول 💔
روان:حسيت بطني وجعتني خفت نمرض في حوش اختك اول مره نمشيلها
يوسف:بعدم اقتناع...اممم وتوا ؟!
روان:الحمد الله احسن ...وناضت طبقت الصلايه
يوسف:وقف قدامها وقرب منها بي زياده....روان
روان:بلعت ريقها ودقات قلبها متسارعه...خخ خيرك
يوسف:زاد قرب وهيا توخر...بلا تسكير راس معاي شن رايك
روان:وخرت لين قعمزت ع السرير وفاقت ع روحها....تبي ترقد هني تفضل عادي نرقد في الصاله
يوسف:يمضغ في المستكه ونزل راسه ع جنب....نرقدو الزوز هنايا
روان:رجع الوجه البارد متاعها.....احلللللم...وخذت مخدتها وطلعت
يوسف:تلوح ع السرير وراسه يفكر ويفكر ويفكر

🔥روايـــــــاتٌ بــــــــَنُــــــــووتِــةْ الــــشِـــيــــخْ🔥
🔥اروى الــــطــــــاهــــر المــــســـلاتــــٰــي🔥

ثاني يوم🌤🌤🌤

هاجر:نضنا انا وامي بكررري ضميت الحوش فطرنا وطلعنا ع طول مع بابا عشان نشرو حجات العرس اول بأول

ناصر:واقف قدام الحوش...صخررررررر صخرررررررر صخرررررر ياخطيب هاااااااااااجر
صخر:لوح عليه فردة الشبشب من البلاكونا
ناصر:المهم نضت😂💪🏻
صخر:طلع من البلاكونا وواضح ان كان راقد....شن تبي من صباحات ربي
ناصر:غير انزل تو تعرف
صخر:😒😒😒
ناصر:تنزل ولا نديرلك العااار
صخر:نازل ياخرا

روان:نضت ع صوت يوسف كان يعيط بطريقه هستيريه لين وصل لدار يلي راقده فيها انا ....نضت مخلوووعه وشفت وجها كيف معصصصب وناااار طالعه من عيونه وصدمني بكلماته ...يتبع

#زواج_ثأر 6 (حقيقيه)

روان:نضت ع صوت يوسف كان يعيط بطريقه هستيريه لين وصل لدار يلي راقده فيها انا ....نضت مخلوووعه وشفت وجها كيف معصصصب وناااار طالعه من عيونه وصدمني بكلماته
يوسف:لوح الطاوله يلي قدامه....توققققعت تكوني وسخه لاكن مش بطريقه هيااااااا
روان:ناضت من فراشه وهيا قاسمه حاجبها.....منو الوسخه يافاللللح؟!
يوسف:فقد اعصابه وشدها من شعرهااا....وليييك عين حتى تدوي عقاب وحده فاسده
روان:بعداته عليه بقووووه ووقفت قدامه بملامح كلها غضب.....فاااااسده.؟شن لاقيني ندير نطلع مع ذكوره زيك صبح وليل مع البنات
يوسف:ملقيتيش الا رااااااجل اختي ياحقيييييره انا راجلك لا اليوم مش مخليتيني نمسسسسك وتغري في باقي الرجالا
روان:قعدت واقفه مصدووومه وفهمت ان ساميه وراجل اخت يوسف سبقوها وحكو الدوا بلمقلوب عشان يوسف يصدق💔قعدت في لحضات الصدمه هادي ساكته وتحسب وتفكر في راسه لين قاطع الصدمه هاذي كف قوي ع خذها طيحها ونثر خصلات شعرها علي وجها ✨
يوسف:ورب الكون الاما نكرهك في عيشتك يابنت ال.....
قاطعاته روان وهيا تتكلم بكل قوه وثقه......سكرررر فمممك ومتجيبش اسمي ع لساااانك بنت عمك بنت الحرام هيااااا تسحاب روحها بتلعبها معاااي تي وررررربي لما نقلب الدنيا عليكم عيله عايله وانت كان مدفعتكش ثمن الكف هاذا منكونش روان
يوسف:يغلللى وحاول يضربها بس روان دفاته وهيا تعلي في صوتها اكتر واكتر
روان:بعدددددد من علياااا وتوا بنتصل بي خوووتي يجوني وحق ربي يطللللع وسخكم متمسحوشي فيااا
يوسف:جي بيتكلم بس روان طلعت من الدار وخشت غرفة نومها وسكرت الباب .....

روان:خشيت الدار ونهرررت كنت متصنعه القوه قدامه لاكن بمجرد مسكرت الباب قعدت نرعش مع بعضي وبديت نبببكي الضلم حاررر💔انا سترت عليهم ومتكلمتش كيف يقدرو يكدبو ويتبلو عليااا كيف💔بس لو تتقربع الدنيا مش رح نسسسكت اتصلت بي خوي مؤيد لانه متفهم اكتر من ربيع وحكيتله يجي ضرورووووي لازم ووافق

يوسف:حس بي شي غريب ثقة روان وعياطها عليه مش متع وحده مدايره مصيبه ونكشفت لاااا...طلع يوسف وقربع باب الحوش وهوا بيتفجرر وتمنى لو يشد يقتلها في اللحضات هاذي بس كان مجرد باب خشبي مانعه علي الشي هاذا

🔥روايـــــــاتٌ بــــــــَنُــــــــووتِــةْ الــــشِـــيــــخْ🔥
🔥اروى الــــطــــــاهــــر المــــســـلاتــــٰــي🔥

هاجر:شريت الملابس الداخليه كملتها في يوم واحد وخذيت شوي بلايز منبيش نكثر يقولو البنت تسمن بعد الزواج هاذا باش مكترتش وحجزت في الڤيلو 🙊❤️متعبتش وانا ندور طول لقيت واحد قدامي عجبننني يهبل وسعره مناسب ومش محجوز كأنه يستنا فيا❤️

ناصر:كيفف؟!
يوسف:ضرب السياره برجله
ناصر:تي اهدا واحكيلي
يوسف:امس في الليل بعد مروحت من حوش اختي
ناصر:به؟!
يوسف:نضمت اموري وجيت بنرقد قلت نتصفح الفيس شويه لقيت نسيبي يلي كنت عنده باعتلي مسج
ناصر:شن قالك ؟!
✨✨✨✨✨

فرج(راجل اخت يوسف):اهلين يوسف كيف الحال
يوسف:استغرب؟!!لان كيف كان عنده....تمام يا بونسيب
فرج:والله في موضوع ومتحشم منك
يوسف:ان شاء الله خير ناقصينك فلوس؟!
فرج:لالا الحمد الله لاكن ...
يوسف:شنو احكي ياراجل
فرج:والله شن بنقولك الموضوع يخص مرتك انا قلت ممكن صغيره عادي تتربى جت فيا عادي مش في واحد تاني
يوسف:مرتي؟!خيرها؟؟؟
فرج:امس اديرلي في شبحات مش تمام مدورتهاش لاكن تجي قدام شق الباب واقفه علي جيهتي وتنتدي فيا الحق رعشت مع بعضي ياراجل مرضيتهاش فيك
يوسف:قعد ساكت ومبحلق في التالفون
فرج:قصدي انا قلت بالك البنت صغيره معليشي

يوسف:هاذا يلي صار
ناصر:هوا كلمك في للليل علاش ضربتها الصبح ؟!
يوسف:تتسهوك ع فيتي انتتتت😡
ناصر:جديات نسأل اقسم بالله
يوسف؛طول الليل نفكر بالك مش هكي القصه لاكن ملقيتش تفسير
ناصر:وطبعا انت تهز في ودانك وصدقت
يوسف:وشنو ميخلينيش نصدقك يعني
ناصر:تلعليع البنت وتهديدها يعني كان وحده مدايره حاجه زي هكي تخاف يسمعو خوتها مش تناديهم
يوسف:قعد ساكت شوي بعدين تكلم....وعلاش بيكذب عليااا الراجل
ناصر:وين نعلم
يوسف:هز راسه بسرعه باش الافكار يلي في راسه تتبعثر.....تي هيا بنت حرام وعيله وديرها
ناصر:طلع تالفونه....ياخوفي
يوسف:شنو؟!
ناصر:ياخوفي تحصل وتقول ضروفي
يوسف:شن قصدددك
ناصر:تو تعرف مع الايام اخخخخ لا امتى بنقعد عايش ونبهر فيكم بحلولي بسس
يوسف:😒مش واجعني الا صخر بياخذ اختها الزفت خزي ع الدنيا كيف صغيره
ناصر:يقولو البطن تجيب الصباغ والطباع ولا الطباخ؟🤨المهم تجيب في الكويس والمعفن اهو انت اختك كويسه وانت حقير 😂
يوسف:نياهاهاها مش رايق ره😒

مؤيد:بنضرات تعجب...متأكده انتي مدخلكش في القصه ياروان؟!
روان:بلعقل كان دخلي بنقولك دير هكي؟
مؤيد:به يصير خير وين الرقم؟!
روان:هاك
مؤيد:تمام

هاجر:روحت من المحلات قريب المغرب انا وماما كنت تاااااعبه موووت بدلت حوايجي وكيف بنرقد شرين التلفون رقم غريب

هاجر:الو
افنان:هلا هجوره كيف الحال
هاجر:الحمد الله منو؟!
انا افنان اخت صخر
هاجر:اه

ااا اهلين حبيبتي
افنان:كيف حالك وشن مدايره
هاجر:الحمد الله بخير كيف حالكم انتي
افنان:الحمد الله كنت بنسألك طبعا من غير ذبلة الذهب بياخذلك دبله عمليه تبي لونها فضي ولا فضه مدهبه؟!
هاجر:عادي حبيبتي ع دوقك
افنان:معناها فضيه حلوه وحق ربي
هاجر:هههههه عيونك الحلوات
افنان:سلمك تسلم عليك ماما وصخر جنبي
هاجر:قلبها دقق❤️❤️الله يسلمهم
صخر:شبح لي اخته ع جنب 😒
افنان:يوصل ان شاء الله
هاجر:بتردد...بنقولك
افنان:اها احكي
هاجر:لو لو؟!لو تعطي رقمي لصخر لان محكيتش معاه فون بكل
افنان:حاضر من عيوني
هاجر:سلميلي عيونك
افنان:سلمك هي منطولش عليك سلامات
هاجر:بسلامه ....وتسكر الخط

🔥روايـــــــاتٌ بــــــــَنُــــــــووتِــةْ الــــشِـــيــــخْ🔥
🔥اروى الــــطــــــاهــــر المــــســـلاتــــٰــي🔥

روان:مقعمزه وقلبي يغللللي من داخل وحاسه مكان الكف سخووون قاعد 💔سمعت الباب انفتح نضت لدار وسكرتها زي العاده
يوسف:خش وهوا يحكي ع التالفون....متقوليش وينك معش حصلتك ؟!
صخر:تي لاهي ياراجل زواق الشقه قاعد متميتاش والعرس قرب
يوسف:رقد ع الصالون....ايااااه بتبدا في نفخ العرس تو
صخر:صاير شي؟!
يوسف؛لامفي شي غير ليا يومين مريتكش
صخر:تعالا دير عليا دوره في الشقه
يوسف:تمام
صخر:تم هي
يوسف؛سلام ....سكر الخط وقعد يتفحص في الحوش بعيونه وملقاش روان ناض وقف ع بال دار النوم وطق ع الباب

يوسف:مش ع اساس بتجيبي خوووتك؟!وبريئه ودسكات وينهم خوتك وانتي اهو قاعده
روان:مليكش علاقه فيااا اخطاني
يوسف:بجديه....اقسم بربي لو نعلق عليك لسانك هاذا تقرررريض
روان:تلم في شعرها وساكته
يوسف:لولا كلام الناس ونفخ بوي والفضايح راهو اليوم روحت بيك لاكن عندك شهرين بسسسس معاي بعدين حوش بوووك وطيري من عليااا ومش رح تشوفي حتى حاجه من حقوقك
روان:من ورا الباب....ع اساس انا ميته فيك ولا نبي نقعد السنين مع واحد نسونجي ويصرف من فلوس بوه
يوسف:عض فمه بغل وخبط بقووووه ع الباب ....تسكرررررري فمك ولا نكسر الباب عليك توااااااا
روان:والله كلام الحق قلته اناا وبعدين هكي ولا هكي بنطلق انا تبي ولا متبيش
يوسف:خبط بغللل ع الباب ومشي
روان:همست بشويه...وسسسيخ😡

صخر:نفختهم ياراجل ليك قريب اسبوع باست عندي روح
ناصر:قليل الادب انا صاخب تلزني؟؟
صخر:تي قريب تولي بوي من كثر تقطينك في الحوش انت
ناصر:فرحان بي تالفوني رجعلي بسلامه 🙃
صخر:ربي يهدي وخلاص
ناصر:مش مروح لا بعد العرس
صخر:جاي بيتكلم بس قاطعه مسج فتح تالفونه يقرا فيه وعيونه بيطلعو
ناصر:عند منو بنبات بعد متتزوج الزفت قعدت هكي صحاب العازه مخفوقين ع المفرخ كل واحد بمرته الا انا
صخر:سارح في الرساله
ناصر:كل زول بزوزه بتاعو إلا انا ماعندي مرا ليه بس كده بس كده بس
افنان:صخرررر صخرررر
صخر:سكر شاشة تالفونه وناض

صخر:شنو؟!
افنان:هاك القهوا
صخر:صحيتي ...وجاي بيطلع
افنان:صخر استناااا
صخر:ها 🤨
افنان:خطيبتك الجميله قتلي نعطيك رقمها وتكلمها
صخر:وعلاش🤨
افنان:شنو علاش البنت متعرفتش عليك
صخر:خشي داخل مدخلكش فيها المواضيع هيا
افنان:نعطيك ولا لا؟!
صخر؛لاااا
افنان:عليك هم مش عارف كيف بتاخده 😒

مرت الليله ع روان كلها ملل وحرق دم في دار مسكره عليها وتخاف تفتحها يهجم عليها يوسف ويفقد اعصابه في اي لحضه

يوسف:يرقد شوي وينوض وافكاره ملخبطه كللللهااا لاكن داخله يبي يطلق روان في اسرع وقت بعد الكلام يلي سمعه من راجل اخته جميله

صخر:حاير وطوول الوقت عيونه في تالفونه بدوجه غرررريبه لين ناصر حس عليه بس توقعه ممكن مع خطيبته ❤️

🔥روايـــــــاتٌ بــــــــَنُــــــــووتِــةْ الــــشِـــيــــخْ🔥
🔥اروى الــــطــــــاهــــر المــــســـلاتــــٰــي🔥

#تسريع_في_الاحداث
بعد مرور نصف شهر تقريباا❤️

يوسف:يتجاهل في روان تجاهل تااااام لدرجة العيله يعزمو فيها ومطلعهاش نهااائي ولا معبرها يطلع الصبح يروح في الليل خذي منها فونها وقبل ميطلع يسكر في الباب بي المفتاح يعني معاملة وحده خاينه وطبعا كل ميدير موعد مع سلسبيل يصير شي ويفشل

اما روان نقصت من طولة لسانها ورغم انها كانت بتهبلللل من قعادها في الحوش بس بتتحمل لين تطلع برائتها لمت حوايجها وبضاعتها وطلعت مع يوسف لي حوش بوها ع خاطر عرس هاجر ❤️

اما هاجر🙊بتاتها مغلف وكلللل شي واتي بدت الزحمه شوي شوي علي حوشهم وخوتها يبصرو عليها ويضحو ❤️والناس تحكي ان سعد بنات حنان قووي قبل شهر بس عرس روان وتوا اختها

عند صخر ساعدوه ناصر ويوسف وباقي صحابه في تنضيف الحوش من مخلافات البناء وفرشوه والامور تمام لاكن صخر خايف من الزواج هاذا ومغصوب في نفس الوقت 💔

يوسف:درس السياره ونزل للمحل
روان:فتحت قجر السياره لقت زرف فيه فلوس خذت منه شويه وسكراته.....حق المزين والحنه مش خساره فيا يامتع البنات يامعفن تسحابني بنحرم روحي
يوسف:خذي دخانه وركب السياره وطلع ....وطبعا الصمت والهدوء يعم المكان بينهم

________________

هاجر:تللو

د في الحوش مع البنات وقلبها دقاته غريبه بسبب اقتراب حفلتها ❤️كيف رح تتعامل مع صخر وهيا متعرفاش؟!وليش مكلمهاش ولا حاول يتواصل معاها ؟!هلبا اسئله كانت في راسها بس مليهاش اي اجابه إلا بعد الزواج💔

روان:نزلت من السياره خذت شناطيها وقربعت الباب بقوه وبي نضرات غلللل شبحلها يوسف

خشت روان لحوش بوها سلمت علي العيله كلهممم وع خوتها وبوها وقعمزت تهدرز
عماريه:العفووو يابنت خيرك مش محنيه عروسه
روان:يوسف ميحبش الحنه في الحوش قلت نجيب حنايه هنايا يامرت خالي
اكرام(بنت عمها):مبكري كلمت وحده سودانيه حنتها تجنن بتجي العشيه قلها تحنيك تطلع عليك تهبل
روان:ان شاء الله ياغزاله
هاجر:هيا انتي وياها رتبو حلوات السهريه بلا تفتفيت
روان:ناشطه ياكبدي😂😂

#طول_فترة_العرس

يوسف:مضايق من قعاده مع روان وخايف تكون اختها زيها وادمر حيات صاحبه لاكن ميقدرش يحكي لان هاذا زواج ثأر وفرض عليه ياخذها
يوسف قاعد يحكي مع سلسبيل ويحاول يعوض النقص يلي كان عنده لان يعتبر عزاابي روان مش مخلياته حتى يشم ريحتها

فات العرس كله جو يهبببل احلا من عرس روان لان كان فيه نكد شوي
هاجر وامها فرحانين وبوها اكتررر واحد فرحان ان بنته راضيه ع العريس ومطيحتش كلمته قدام ناس القبيله ❤️

اما روان ضربت هذيك الحنه لا الركاب وقفطانها جديد رفعاته معاها وجتها مزينه والحياه ايزي مش معبره لا بوسف ولا اسمهان ولا غيرهم

يوم الحفله كان يوم مرررعب بنسبه لي هاجر ومفرح في نفس الوقت ❤️ناضت الصبح خذت شنطتها وطلعت هيا وروان للمزين تاركين وراهم زحمة الحوش ✨

🔥روايـــــــاتٌ بــــــــَنُــــــــووتِــةْ الــــشِـــيــــخْ🔥
🔥اروى الــــطــــــاهــــر المــــســـلاتــــٰــي🔥

ناصر:تي اقعدددد اخر صوره
صخر:فوتني وانت من الصبح عالق عليا
ناصر:اخر صوره وانت عزابي بدون هم وغم ومشاكل بدون جيب معاك معدنوس للعشي بدون جيب معاك حليب وشمالات 😂😂😂
صخر:وقف بسييف وناصر يصور ويستهبل
اما يوسف :كان واقف يعيد عليهم شوي ويحكي ع الفون

يوسف:به شن تبو؟!
صالحه:سلم وليدي تعالا مع صلاة العشي باش ترفعنا الصاله
يوسف:وعلاش؟🤨
صالحه:شنو علاش مصحك اخت كنتي هاذي
يوسف:تنهد....تمام يما
صالحه:هي بسلامه
بوسف:سكر الخط ورجع لصحابه

___________________

روان:مقعمزه ع كرسي الكوافير وتتفرج ع الصور في تالفون هاجر كيف تضحك ومصوره مع خوتها بي البودري ❤️محلاهم
المزينه:شنو ياعسل كيف تبي
روان:فكرت بشوية خبث ....طلعيني حلوه بس قد متقدري
المزينه:هههههه حاضر
روان:حضرلك الخير....وفي داخلها تحكي.....تو نوريك يايوسف الكلاب حاشه اسمك

اذان المغرب✨✨✨
حنان:بدلت حوايجها ورتبت شعرها ومشت لي الصاله هيا وحمواتها الكبار عشان يستقبلو الناس ❤️

صخر:مقعمز قدام مراية داره ويشوف للبذله كيف طالعه عليه ......شاف لي تالفونه وخاب ضنه لما ملقاش مسج ولا مكالمه سكر الشاشه تنهد بوجع وطلع❤️

هاجر:خشت لي الدار العروسه الموجوده في القاعه ووراها روان سكرو الباب وبدت تلبس في الڤيلو واختها تعاون فيها لين نضمت امورها ❤️
هاجر:اخخخ شنو شعري قاعد مساوي
روان:ادكن في الروج....اي عسسسل
هاجر:قعمزت وتمروح
روان:خلي نطلع انا ندير دوره
هاجر:به
روان:طلعت تسلم ع المعازيم والعيون عليها لانها قاعده عروسه شهر بجد كانت تهبببل❤️

يوسف:درس السياره نزلت امه وخواته وهوا مش واضي ع جيانهم لان وقت بسيط ورح يطلق
يوسف:امتى بتروحو؟!
صالحه:نتصلو بيك تعالا ....ومشت
يوسف؛سواق انا ع حسابكم الززح....وجاي بيطلع بس وقفت مؤيد بحركه من يده وقرب ع الروشن
مؤيد:وين ماشي يانسيب
يوسف:لي صخر ولا ناسي انه صاحبي😅
مؤيد:ههههه اي فاتت عليا غير انزل نبيك في كلمتين
يوسف:طفى السياره ونزل مع مؤيد

المصوره:السلام عليكم
هاجر:وعليكم السلام
المصوره:هيا ياعروسه وقت ع الخشه ره
هاجر:وقفت ....خايفه نحس في روحي
روان:تخافيش ياحنى خافي لما يتكسر بابا دار النوم😂
هاجر:باااارده تحشمي
المصوره:ضحكت وبدت ادير لي هاجر في البث المباشر لين خشت للقاعه شوي شوي ❤️ودرجوها ع موسيقى تجنن تليق بي فخامة عروسه زيها بي الڤيلو والتاج الملكي يلي لابساته

مؤيد:اسمع ياغالي
يوسف:شنو
مؤيد:فتح التسجيل وكان هكي ✨✨✨

ساميه:لا بالله عليك متفضحنننيش😭
مؤيد:فهميني بسسسس شن تبي في واحد متزوووج ترااا؟!
ساميه:غلطه غلطه ومعاد نعاودها والله توصل لي خوتي يقتلوني بالله عليك
مؤيد:مش عااارف كيف بنستر عليك انا وزياده كاذبه ع يوسف ولد عمك وملصقه التهمه ع مرته
ساميه:تبكي ....من وين تعرف هاذا كله انتتت😭
مؤيد:انت اسمك ساميه م.....مطلقه صح ولا
ساميه:تبكي
مؤيد:نكلمممم فيك
ساميه:اي اي
مؤيد:وصلني انك تخوني في بنتت عمك مع راجلها صح ولا
ساميه:بالله عليك متحكي لي واحد اي شي تبيه نديره
مؤيد:وخري ع الراجل وحسابك معاي كيف ادخلي مرت يوسف وتتبلي عليها
ساميه:تعيط في تالفون ومؤيد سكر الخط

يوسف:واقف مصدوم وقدامه مؤيد
مؤيد:سكر فونه وحطه في

جيبه وطبطب بي خفه ع كتف يوسف ....مش بناتنا يلي يخونو رجالتهم حطها في بالك
يوسف:بلع ريقع جي بيتكلم بس قاطعه مؤيد
مؤيد:انا لا ريت ولا سمعت نضم امورك مع مرتك تبي تتكأد برا لبنت عمك
يوسف:هز براسه وهوا قاعد تحت تأثير الصدمه
مؤيد:مشي مع الرجاله ويوسف ركب سيارته وطلع وهوا يذكر في كلام روان وكلام راجل جميله اخته

🔥روايـــــــاتٌ بــــــــَنُــــــــووتِــةْ الــــشِـــيــــخْ🔥
🔥اروى الــــطــــــاهــــر المــــســـلاتــــٰــي🔥

قعمزت هاجر في الكوشه اخيرا وبدت المصوره تاخذلها في لقطات والزمزامات تخبط وناضو عادي المرر تعبى بي الناس يلي تشطح بدون وعي 😂👏🏻

وروان نحت كعبها وطاحت فيها رقيص مش مدوره حد ويوسف يتصل بيها وهيا ترقص 👏🏻

يوسف:نزل من السياره وجها ميتفسرش قعد قريب ربع ساعه واقف بروحه وساااكت لين وصلاته رساله من روان
روان:باش تجي تروح بيا اليوم نقصو عليا حوايج
يوسف:اتصل بيها بس لقاها مقفل وطلعا روان تلعب بي اعصابه وبس
ناصر:تي تعالا ياراجل الزكره وصلت
يوسف:سكر تالفونه ومشي مع الشباب خلا روحه عادي يضحك بس قاعد في حالة صدمه من يلي سمعه
رغم صدمته بس كان في شي فرحان داخله ان روان مدخلهاش ❤️

فرقو العشي وروان قعمزت لهذيك الصونيه مع البنات مخلت فيها حاجه😂وهاجر يناري متحنطه فوق الكوشه توزع في الابتسامات وبس لين اخيرااا بدت الالعاب الناريه وامالي العروس وصلو ❤️✨

_______

طلعت هاجر لبست كاب العرايس وطلعو معاها خلاتها وعمتها وشوي من بنات العيله ركبوها السياره مع صخر يلي طالع يقتتتل بي البذله ومشو
اما روان:ركبت مع يوسف ومشت ورا اختها وطول الطريق حتى كلمه لاااا

هاجر:طول الطريق قلبها بيطلع منها وحاسه انها مره تسخن مره تبرررد من التوتر والخوف وزادها صخر يلي متكلمش ولا دار شي غير انه علا صوت الاغاني في السياره وبس

وصلو لي حوش صخر وكانو مدايرين دخول بسيييط
قعمزو امالي العروسه شوي ضيفوهم ودارو شوط دربوكه يهبلللل وسلمو ع العروسه وروحو ❤️

ركبت هاجر مع افنان الشقه ....
هاجر:بي توتر .....وين صخر؟!
افنان:لوطه يسلم علي عمامي وصحابه تو شوي ويركب هدي روحك لو تبي تغيري ونساعدك عادي
هاجر:لاعادي خليني قاعد مشافنيش بي الڤيلو
افنان:تمام حبيبتي تبي شي؟!
هاجر:سلامتك صحيتي
افنان:سلمك❤️

_____________

في الطريق:-
روان:وين ماشي متبيش تروح بي امك؟!
يوسف:مشالهم بوي مبكري
روان:تمام
يوسف:جاي بيتكلم بس قاطعه صوت تالفونه وكان المتصل سلسبيل
يوسف رد ع الاتصال وروان تشبحله وتفصل فيه
روان:كان لابس بدله رسميه بس سروالها جينز طالع يهبل الحقير كأنه عريس 😭❤️

سلسبيل:كيف؟!
يوسف:تي اي ياناصر عندي موضوع اليوم بنحله تو نكلمك
سلسبيل:تمام نراجي فيك
يوسف:سكر الخط ودخل السياره للقراج ونزلت روان سبقاته خشت للحوش

___________

هاجر:استنيت دقيقه و2و10ومركبش !!!!ليا نصف ساعه بضبط مراجي ومجاش قعمزت وانا كل شوي نزداد خوف لين سمعت باب الحوش انفتح وفي اللحضه هاذي كأنه حد صب عليا اميه سخونه وقفت وانا نشوف للارض ونستنى فيه يخش علياا

روان:نحيت عبايتي من وحطيتها ع الصالون ..خشيت المطبخ شربت اميه وطلعت شكلاته فتحتها وبديت ناكل فيها بدون اهتمام لي يوسف

يوسف:قعد يتفرج عليها وحال فمه فيها كيف طالعه بي مكياجها وقفطانها مع الحنه لاركابها يلي زادت رجليها ويديها جمااال 🙊❤️
روان:جت عينها في عينه لقاته يشوفلها قامت حاجبها....في حاجه؟!
يوسف:في حجات ....نحا جاكيته ودخل المطبخ معاها

صخر:السلام عليكم
هاجر:قامت راسها....وعليكم السلام
صخر:ابتسم بسيف وهوا يقول.....مشاء الله وبي يحفضك
هاجر:ابتسمت....تسلم ويحفضك
صخر:خش لغرفة النوم نحا جاكيته وساعته ويشوف لي هاجر.....يتبع

باهت.
YOu nerer fail until you stop trying
https://t.me/Best_days7

#زواج_ثأر 7 (حقيقيه)

يوسف:قعد يتفرج عليها وحال فمه فيها كيف طالعه بي مكياجها وقفطانها مع الحنه لاركابها يلي زادت رجليها ويديها جمااال 🙊❤️
روان:جت عينها في عينه لقاته يشوفلها قامت حاجبها....في حاجه؟!
يوسف:في حجات ....نحا جاكيته ودخل المطبخ معاها

صخر:السلام عليكم
هاجر:قامت راسها....وعليكم السلام
صخر:ابتسم بسيف وهوا يقول.....مشاء الله وبي يحفضك
هاجر:ابتسمت....تسلم ويحفضك
صخر:خش لغرفة النوم نحا جاكيته وساعته ويشوف لي هاجر....

_________

روان:جت بتطلع من المطبخ لاكن حاصرها يوسف
يوسف:خليك
روان:قامت عيونها....شن تبي؟
يوسف:ابتسم وقامها حطها ع طاولة الاكل ووقف قدامها
روان:بصدمه غطت رجليها بي القفطان ....خيرك انت؟!
يوسف:امممم شن رايك نصفو حساباتنا اليوم
روان:حاولت تنزل بس يوسف كان واقف بين رجليها وهيا مقعمزه ع الطاوله ويوسف مش راضي يبعد
روان:اففففف به تزحزح من مكانك وكان تلي تصفي حاجه عندنا صالون وزوز ديار هكي كبرهم
يوسف:حط يديه ع الطاوله وكان قريب منها🙊.....
انا عجبني المكان هوا
روان:بلعت ريقها....به شن تبي
يوسف:رجع وقف...اءءء ممكن انا ضلمتك و....
روان:قاطعاته مصحح وجهك بعد العار يلي درته فيا كله وتقولي ممكن ؟!!!
يوسف:سكر ع سنونه بغيظ....به ممكن تقصري لسانك وتخليني نكلمك
روان:قلبت عيونها وسكتت
يوسف:راجل اختي وساميه حسابهم معاي بس المهم طلعتي مليكش دخل
روان:واو ابهرتني سراحه ها الحاجه الفزيعه يلي قلتها
يوسف:بعد شوي من عليها وهوا معصصصب وبحركه سريعه جبدها من رقبتها وباسها🙊❤️

صخر:حط القرواطه ع الطاوله وتنهد بعمق...اءءءء خوذي راحتك بدلي او نضمي امورك ندير دوره ونرجعلك
هاجر:رغم صدمتها بس ابتسمت وهزت براسها بدون متحكي...
صخر:طلع وسكر باب الدار واتجه لي الصاله وراسه ملخبط مش عارف كيف رح يتصرف في ليله زي هادي
اما هاجر قعدت واقفه في مكانها بصدمه من تصرف صخر كيف خلاها وطلع ومفيش اي علامة فرح كانت ع وجها 💔حطت الباقه ع السرير ونحت الطرحه وهيا تتأمل في روحها ع المرايه وتسأل داخلها...
هاجر:زعمى معجبتاش؟!!يمكن ميحبش المكياج ؟
او مرات متوتر من اجواء العرس
حطت يدها ع ضهرها يلي بلكاد توصل لي السريته وسحبتها وبدت تنحي في الڤيلو
هشت لحمام الغرفه غسلت جسمها بي غسول حلو ولبست روب الدخول مع شوية لوشن جسم فايح❤️
فكت التسريحه وخلت شعرها فلو مفتوح وخففت من المكياج الزايد ولبست بذلة الصلاة العرايسيه كانت بيضه ومطرزه❤️ ......وقفت قدام باب الدار حطت يدها ع مقبض الباب وهيا متوتره وخايفه تنفست بعمق وطلعت

هاجر:بصوت ناعم...صخر؟!
صخر:كان مقعمز ع الصالون وحاط راسه بين يديه واول مسمعها تنادي وقف ع طول ....نعم؟!
هاجر:ابتسمت ...نصلو؟😊
صخر:تت تمام نضم اموري بس
هاجر:اوكي نراجي فيك
صخر:خش لدار النوم طلع سروال توته وكنتيرا ✨بدل حوايجه وتوضأ
هاجر:قعدت واقفه نستنى فيه وقلبي ناغزني حسيت ان في شي وقعدت نفكر لو مقربش عليا بعد الصلاة شن ندير ؟!كيف رح يكون موقفي؟؟!قاطع صوت افكاري لما لقيته واقف قدامي ❤️
صخر:هي شنو؟!
هاجر:ناضت مع صخر وقف قدامها كبر وهيا وراه❤️

🔥روايـــــــاتٌ بــــــــَنُــــــــووتِــةْ الــــشِـــيــــخْ🔥
🔥اروى الــــطــــــاهــــر المــــســـلاتــــٰــي🔥

روان:بعد وقت طوووويل من البوسه دفاته بقوووووه لين لامس الدولاب وراه
يوسف:مسح فمه بيده وابتسم لما لقي روج روان عليه
روان:حطت يدها ع فمها ونزلت من الطاوله وهيا مساكه قفطانها بيدها الثانيه وشت لدار بدون متحكي ولا اي كلمه ❤️🔥
يوسف:قعد واقف في مكانه ويبتسم زي الاهبل وطبعا قاطعه في اللحضه الحلوه هاذي اتصال 📱

يوسف:ايوا
سلسبيل:حسيت من لما روحت روان ناويه ع شي
يوسف:شن قصدك؟!
سلسبيل:اساليب قديمه ورخيصه تستعمل فيها متع نغريه بي مكياجي وقفطاني
يوسف:حسيتك ناسيه ان روان مرتي وحلالي ؟!
سلسبيل:والله؟!!!!!كلامك تغير شنو بديت تميل ليها؟
يوسف:قعمز ع الكرسي ....شنو نميل انتي التانيه كلها شهور وتلقيها في حوش بوها
سلسبيل:اممم بعتلك صور ع الفايبر مريتهمش؟!
يوسف:معنديش نت اليوم يصير خير لا غضوا
سلسبيل:انلاااا دبر اليوم نبي نسهر معاك
يوسف:راسي مصددع بنرقد
سلسبيل:امممبه ع راحتك
يوسف:هي تصبحي
سلسبيل:باي
يوسف:سكر الخط وشاف لي الطاوله ابتسم لما اذكر البوسه ❤️❤️

روان:سكرت الباب وحطها يدها ع فمها ودقات قلبها متسااارعه اول مره يصير معاها شي زي هكي وبدت تدوي مع روحها 😂
روان:حححي عليا ياربي سامحني 😨...شنو ؟!لا هاذا راجلي عادي علاش ربي بيسامحني ....شنو راجلي حتى انا صدقت روحي وندمجت ها الخامر متع البنات هاذا والله لما نوريه خزززي

________

هاجر:كملنا الصلاة ونضت قبله ع دار النوم نحيت البذله متع الصلاة وساويت روحي قعدت متوتررررره قعمزت ع السرير وفتحت فوني نشوف في الصور لين خش عليا صخر وزااااادت دقات قلبي ❤️
صخر:خشيت الدار رجل توخر ورجل تقدم ✨حاولة نفتح معاها موضوع ممكن يخف

التوتر شوي
صخر:شن اديري
هاجر:حطت فونها وهيا ترعش....ولا شي نستنى فيك كنت نتفرج ع الصور تبع الحفله😊
صخر:به مليح كيف كانت الاجواء
هاجر:تجنن الحق تمنيتك خشيت صورنا ع الكوشه
صخر:عادي مهم خذينا لقطات داخل
هاجر:اي ......وانت كيف كانت الاجواء عندك
صخر:اءء تت تمام مليح
هاجر:دوم
صخر:دوم زهاك
هاجر:ابتسمت ....وساد بينهم الهدووء

قاطع الهدوء القاتل هاذا صوت تالفون صخر يشررين نصدمت هاجر منو يكون يتصل بيه في وقت زي هاذا وفي ليله زي هاذي
صخر:ارتبك وناض خذي فونه من ع الدرج وتنهد بملل لما لقاه ناصر

صخر:ها ناصر
ناصر:درتو العيب😂
صخر:قرن حواجبه ويدوي بجديه....تمام بعدين
ناصر:المهم بنسألك مرطبك الشفايف وين حطيته مبكررري الواحد يعطيكم حاجه ويندم
صخر:اصلا مدرتش منه قعد في درج السياره متع يوسف
ناصر:اففف🤦🏻‍♂️🤦🏻‍♂️به اقلب وجهك ودير العيب
صخر:سكر الخط وهاجر تشبحله

صخر:هاذا صاحبي راحت منه حاجه ويدور فيها
هاجر:ابتسمت ....اوكي مش مشكله
صخر:قام حاجبه ....حسيتك احلا من لما شفتك اخر مره
هاجر:خدودها حمر وتشوف لوطه
صخر:قرب منها شوي وقعد يحكي معاها ويبتسم وهوا يمسح علي شعرها لين ارتاحت هاجر لصخر ودارو العيب 💁🏻‍♀️😂

______

روان:لبست بيجامه مرسوم عليها سبونج بوب وقامت شعرها كعكه وقعمزت قدام المرايا تمسح في المكياج وتسحن في فمها 😂
روان:الخامر هاذا كيييييف يتجررررأ بسسس وووه😡بس صبرررررك عليا تو نوريك إلاما نكرهك في عيشتك .....وناضت سكرت ضي ورقدت ع السرير لاكن كل متسكر عيونها تجي قدامها صورة صورة يوسف🙊🙊

صالحه:مصلي ع النبي الحفله محلاها
مسره:اي بدات روان تجنننن طالعه امالا الحنه
ساميه:ليش روان غادي؟!
صالحه:هههههه تي اي ماهو اخت العروس كيف متكونش غادي ؟
ساميه:بي ضحكه مصطنعه...وشن جوها
مسره:مليح من بداية الحفله وهيا ترقص وتضحك
ساميه:دوم عليها يارب
مسره:سلممك
ساميه:سكتت وداخلها تسأل في روحها .....معقوله بعد مسمع يوسف ان روان تخون فيه مخليها عادي ؟وهيا جوها مليحح؟!في ان في الموضوع مستحيل

🔥روايـــــــاتٌ بــــــــَنُــــــــووتِــةْ الــــشِـــيــــخْ🔥
🔥اروى الــــطــــــاهــــر المــــســـلاتــــٰــي🔥

ثاني يوم🌤🌤🌤

روان:فتحت عيونها شوي شوي وتطلقها عيطه كببببيره لما شافت يوسف راقد جنبها
يوسف:عين مفتوح وعين مسكره....صبح يافتاح
روان:انت شنووو جابك هنايا هاااا؟!
يوسف:يتكسل.....والله حوشي ودار نومي وانا حرر
روان:طول عمرك تتمرقد في الصالووون اشمعنى رقدت هنايا اليوم
يوسف:ابتسم....مزاز
روان:معصبببه لوحت عليه الغطاء وناضت
يوسف:متشوفيش طوول للمرايا بالك تنخلعي
روان:قربعت الباب بصوت عالي وشافت لي روحها في المرايه لقت شعرها منكوووش وحالتها حاله

صخر:يحك في عيونه ومقعمز ع السرير شاف يمين يسار ملقاش هاجر ويسمع في صوت برا طلع من الغرفه وهوا لابس سروال بس ❤️.....شاف هاجر تحرك في القهوا ع النار وكانت لابسه روب وردي وقايمه شعرها

صخر:بصوت هادي....صباح الخير
هاجر:تلفتت...صباح الورد😊درت قهوا وامك بعتت فطور ❤️
صخر:نصلي ونجي
هاجر:اوكي نراجي فيك
صخر:رجع لغرفة النوم فتح فونه ولقي مسجااات رد عليهم وخش الحمام

______

يوسف:مقعمز يفطر
روان:طلعت من دار النوم لابسه سروال جينز وبلوزه قصيره بيضه قايمه شعرها ومدايره مكياج خفيف
يوسف:يشوفلها من تحت لتحت
روان:تتكلم بسيف....تسمسم بسرعه بنمشي حوش بوي
يوسف:قام حاجبه...تكلمي بأدب والا نحلف بطلاق ماتمشي
روان:حطت يدها في نصها...وووه عليا رعشت لاتربح مطلقنيش 😒بنخش نلبس عبايتي انا
يوسف:دوري من يرفعك
روان:ربعت يديها وقعدت تشوفله
يوسف:تبي تمشي؟🙃
روان:تنهدت بملل...اي نبي
يوسف:عطيني زي امس نرفعك
روان:تفو عليا انا يلي قاعده ندوي معاك ....وخشت الدار
يوسف:كمل فطوره وهوا يضحك ❤️

______\

عند هاجر كملو فطورهم وغسلت هاجر شوية الماعين متع الفطور

هاجر:تبخر في صخر وهوا لابس عربي😍🔥
صخر:خلاص ساد هكي
هاجر:تبتسم وببصاره....زيد شوي عشان مياخذوكش بلعين
صخر:بي انفعال....شن عين والتخريف الفاضي هوا ياااسر قلناااااا
هاجر:بلعت ريقها وهيا مصدومه في كلامه حطت المبخره بكل هدوء ع البار وخشت دار الضيوف
صخر:لبس وطلع وسكر باب الشقه وراه
هاجر:حسيت التكشيخه وسسط قلبي ووجعتني قريب بكيت بس مدورتش خليت روحي عاديه وقعدت نساوي في الڤيلو عشان نرجعه المحل

يوسف:واقف يبخ في العطر ويساوي في شعره بكل هدووء وبشويه عليه وهاجر قريب تتفجر مقعمزه تراجي
يوسف:بي استفزاز.....خيرك
روان:خيرني😒
يوسف:حسيت شعورك مضطرب
روان:مسحت يديها بوجها...صبرك يا الله بس ❤️
يوسف:هيا نوضي
روان:ناضت ووقفت ع المرايا تساوي في وشاحها بشوي عليها
يوسف:تي هيا
روان:قامت حاجبها....خيره شعورك مضرب؟!
يوسف:قام حاجبه....تردي فيها؟😂
روان:شن رايك انت ....وطلعت
يوسف:وراسك إلاما نتعبك صبرك عليا بسسس

🔥روايـــــــاتٌ بـــــــ

ـَنُــــــــووتِــةْ الــــشِـــيــــخْ🔥
🔥اروى الــــطــــــاهــــر المــــســـلاتــــٰــي🔥

هاجر:نضمت امور الشقه من حوست امس ووصلت عندي روان وامي وشوي من اقاربنا وركبت ام صخر وخواته سلمو عليا وبدو يجهزو للمحضر ❤️مكيجتني روان فالحه في مكياج غيرها بس في روحها لا😂ولبسوني العربي ❤️

روان:هي كملو عشان نساويلها قصتها
حنان:ان شاء الله
روان:وصلها مسج.....
يوسف:امتى بتروحي
روان:وعلاش تسأل خايف ترقد بروحك مثلا
يوسف:مستاحشك🔥
روان:ابتسمت لحضات بعدين رجع الوجه البارد...شوفلك وحده من الخامرات وخليها تونسك
يوسف: توا انتي موجوده لما تموتي ان شاء الله ندورهم
روان:يومك قبلي ان شاء الله نكفنك بيديا
يوسف:وندفنك بيديا تسحابي معندك يدين غير انتي يعني
روان:طير هي مش فاضيتلك
يوسف:يجيك يوم ياروان اصبري بس
روان:بدل مقاعد تفتفت معاي برا لي ساميه وراجل اختك الحقير ديرلهم حل
يوسف:معش عرف شنو يقول 😂....اصلا مدخلكش
روان:سكرت تالفونها ومعش بعتتله شي

______

روان لبست بدله بسيييطه بكل لونها مشماشي ودارت مكياج بسيط وخلت شعرها مفتوح ونزلت
بدي المحضر ووصلو المعازيم ❤️

في البدايه خشت هاجر بروحها خذتلها المصوره كذا لقطه وبعدين طلعت من الخيمه لبست الجلوه وخشت هيا وصخر ويديهم في بعض ❤️❤️
هاجر:كنت ماسكه يده بقوه شوي بس هوا كان راخيها 💔حسيت انه مش معدل حسيت كيف يده مش ماسكتني 💔بس قلت ممكن نتوهم
قعمزنا ع الكوشه وبدت المصوره تاخذ في كذا لقطه وهوا يبتسم بس حسيت انه مش من قلبه مع هاذا كله منبيش نشد في قلبي
طلع صخر وخشيت انا بدلت لبست قفطان كبيير وقعمزت نتفرج ع المعازيم وبدو توزيع العشي

روان:خيرك؟!
هاجر:خيرني؟!
روان:واضح جوك مش تمام شن في
هاجر:حاسه صخر مش فرحان كله يدير فيه بسيف كأنه يساير فيااا
روان:امالا تبيه شادك من الصبح لا الليل اكيد حبيبتي ميعرفكش هوا شوي شوي يحبك ويبدا كل شي من قلبه
هاجر:اي ممكن ....انتي شنو امورك مع يوسف
روان:الحمد الله زي الخرا
هاجر:ههههههه شنو صار
روان:ولا شي عادي مدوريش
هاجر:سلسبيل من بكري عيونها عليك
روان:استاحشتها خاطري نهدرز معاها هيا قاعده حاقده الهم
هاجر:فكيك من وجع الراس الزايد
روان:تنهدت ...اكيد

يوسف:مبروووك ياحبنا
صخر:بدون نيه....يبارك فيك
ناصر:درتو العيب 😍
صخر:بملل.....ناصر نوض اقلب وجهك من عزمك اصلا
ناصر:مدخلكش😒جاااوب درتو العيب ولا لا
يوسف:اي درتو ولا لا🙄
صخر:تنهد....اي
ناصر:خشششششششششي اخيرا واحد من الجواميس يلي عندي داااار ثمررره قعدت غير انت يا يوسف يامهزب 😂برا قعمز علي دعايات المصريه
يوسف:😒
ناصر:الحصاااان يساعد علي تقوية الضعف الجنسي لذا الرجال المفاجآه بسعر350زائد مصاريف الشحن الان تكبير ال،......
بوسف:به خلااااااص فهمنا
ناصر:هههههههه متشمت مش قادر صراحه
صخر:ابتسم ع حركات ناصر

🔥روايـــــــاتٌ بــــــــَنُــــــــووتِــةْ الــــشِـــيــــخْ🔥
🔥اروى الــــطــــــاهــــر المــــســـلاتــــٰــي🔥

تم المحضر وركبت هاجر بدلت حوايجها وقعمزت قدام المرايا تنحي في خراصاتها
صخر:ينحي في الزبون
هاجر:تعشيت؟!
صخر؛معنديش نيه
هاجر:تلفتت وهيا مقعمزه....خيرك؟صاير معاك شي؟
صخر:ويلي ميتعشاش لازم يكون صايرشي معاه؟ا...وخش الحمام

روان:خشت للحوش تخبط....تو شن تبي فياااا هي علاش مخليتنيش نبااات
يوسف:مزاز
روان:يامتخلف يامتع المزيتات اسمه مزاج صاني شي اقسم بالله غير كلمتني قدام خوتي بس كنهادا معبرتك ولا عدلت عليك
يوسف:خوذي راحتك في الدوه تو نوريك
روان:ننننننن😒

ترن ترن ترن
روان:خيرها هادي....الو
هاجر:تبكيييي....روان الحقيني بنمووووت
روان:بخوف....خيررررك شن في؟!
هاجر:مش مصددددقه ياروان قلبي بيوووقف😭
روان:تي تكلممممي...
هاجر:طلع يبي وحده تانيه وشكله بياخذها عليااااا
روان:خشت غرفة النوم وسكرت الباب....تبصرررري 😨من قالك
هاجر:حاط تالفونه في الشحن ونت مفتوح جيت فايته نشوف في الرسايل يوصلو فيه قريتهم بنموووت
روان:غير اهدي باش نعرفو نفكروو وين هوا؟!
هاجر:مسحت دموعها...في الحمام
روان:شن لقيتي مكتوب
هاجر:بصوت يرعش....كاتبه وينك حبيبي لاهي معاها؟
مسج ثاني كاتبه فيه امتى بيفوتو ها الشهور وتاخذني بس فديت وهلبااا مسجات يا روان 😭
روان:اسمعيييني ياغبيه معش تبكي
هاجر:شن بندير
روان:اهدي ومتبينيش انك شفتي المسجات خليك عاديه
هاجر:مسحت دموعها ....به؟!
روان:رقمها طالع؟!
هاجر:اي لان مش مسجلها
روان:تمام بكللل بري قبل ميطلع خوذي الرقم وخليه عندك
هاجر:وبعدين؟
روان:خليه يرقد وافتحي فيس ابحثي ع الرقم لو مدايرين بيه ايميل
هاجر:به؟!
روان:ديري يلي قتلك عليه وبكرا نكملك
هاجر:تت تمام
روان:تبكي ولا تقوليله نعدمممك خليك عاديه
هاجر:به خلاص
روان:سكرت الخط حطت التالفون ع السرير وهيا مستغربه من صخر كيف دار هكي؟!

هاجر:خذت الرقم وبعدت من جنب تالفون صخر
صخر:طلع من الحمام شاف هاجر تغطي في روحها ع السرير
صخر

ر:بترقدي؟!
هاجر:مدرقه عيونها....اي راسي مصدع من الاغاني
صخر:تصبحي ع خير
هاجر:وانت من اهل الخير
صخر:سكر ضي الدار وطلع وسكر الباب وراه

_____________

طق طق طق
روان:تلبس في قفطان النوم ....متدخلش
يوسف:فتح الباب ....حتى انا فاضي نطق
روان:ترتب في حوايجها ....شن تبي
يوسف:قررت نرقد هني اليوم وانتي دبري لعمرك
روان:انت دبر وين ترقد انا متعوده بي السرير
يوسف:رقد وتغطى بدون ميعدل عليها
روان😡😡حطت حوايجها في الدولاب ورقت ع الطرف الثاني من السرير
يوسف:سحب الغطاء كلللللله ع جيهته
روان:اشي الحقير
يوسف:ع اساس راقد😂
روان:خذت الغطاء كله وسكرت عيونها
يوسف مسحبش الغطاء ولا دار شي
روان:فتحت عيونها بتشوفه لقاته لاصق فيا
روان:نخلعت....ششششن تبي
يوسف:اششش خليك ساكته خير متشوفي وجهي الثاني
روان:.....

هاجر:نضت من ع السرير فتحت الفيس درت بحث ع الرقم وطلعلي ايميل بنت فتحته وهني كانت صدمتي....يتبع

#زواج_ثأر 8 (حقيقيه)

روان:نخلعت....ششششن تبي
يوسف:اششش خليك ساكته خير متشوفي وجهي الثاني
روان:.....

هاجر:نضت من ع السرير فتحت الفيس درت بحث ع الرقم وطلعلي ايميل بنت فتحته وهني كانت صدمتي

روان:يوسف اكسر الشر وخليني في حالي
يوسف:محلاك وانتي معصبه
روان:ابتسمت بي استفزاز....خلاص مش معصبه نحي من عليا
يوسف:لما تبدي مبستمه احلا 🤤
روان:نووووض من عليا والله نلم عليك الناس
يوسف:ضحك وهوا ماسك يدين روان....مصحك شنو بتقوليلهم راجلي راقد جنبي تعالو انقذوني
روان:تنفست بعمممق....اطلق يديا خلاص خوذه السرير بنطلع نرقد برا
يوسف:هز براسه بمعنى لا....خليك بنرقدو عليه انا وياك زي اي متزوجين عاقلين
روان:ضرباته بركبتها ع بطنه
يوسف:توجع ورخي يديها
روان:ناضت تجري طلع ووراها يوسف 😂
يوسف:والله الاما نشدك يادراه
روان:سكرت ع روحها باب الحمام وهيا داااهشه
يوسف:روان افتحي الباب متسكريش راسك
روان:تموووت ومنخليك تمسني يامتع البنات ياصايع
يوسف:حط يده في نصه ....متخلينيش نصحح وجهي نحرش فيك خوتك ونحطك في موقف بااااايخ
روان:برا ديرها ترااا
يوسف:خبط ع الباب بيده ورجع الدار
روان:قعمزت ع البانيو وقلبها يدق بسررررعه

هاجر:صدمتي في صخر ان يبي وحده كوم وصدمتي ان الوحده هاذي متزوجه وحامل كوم تاااااني كيييف؟!شخصية صخر مش نسونجي ومتع مدامات كيييييف هكي ؟!دورت في البروفايل متاعها كله متزوجه رسمي عندها ولد صغير جو السنه يمكن ومناشيرها كله متع حمل وتراجي في بيبي .
نااااااار ولعت فيا منو هاذي؟!كيف عندها ولد وحامل ومتواعدين بزواج .راااااااسي بيتفجر💔🔥
ضايعه مش فاهمه شي كل يلي درته اني بعتلها طلب صداقه وسكرت فوني وانا نبكي وطووول الليل مرقدتش

اما روان قعدت قريب لساعه3ونص في الحمام بعدها فتحت الباب شوي شوي وخشت لي غرفة الضيوف سكرت الباب بلمفتاح ورقدت

🔥روايـــــــاتٌ بــــــــَنُــــــــووتِــةْ الــــشِـــيــــخْ🔥
🔥اروى الــــطــــــاهــــر المــــســـلاتــــٰــي🔥

ثاني يوم🌤🌤🌤

هاجر:غسلت وجهي وكان واضح عليا البكي 💔عيوني منفوخات وحمممممر لميت شعري ولبست بجامه مستوره وطلعت المطبخ حطيت القهوا ع النار وقعدت واقفه جنب الغاز وسااااارحه
منتبهتش لين سمعت صخر ينادي
صخر:تي نكلممممم فيك خيرك
هاجر:فاقت ع روحها وسكرت الغاز والقهوا فاااضت عليه نزلت راسها وتكلمت....صباح الخير
صخر:صباح النوم ليا ساعه ندوي معاك
هاجر:عطاته بضهر وتنزل في الطواسي.....سرحت شوي نحطلك تفطر؟!
صخر:انتي كويسه
هاجر:وقفت وهيا عاطياته بضهر وحست غصصصه في قلبها.....اي تمام ليش؟!
صخر:يمسح في شعره بلفوطه....حسيتك ابصر كيف
هاجر:تاعبه من المحضر امس
صخر:مش مشكله ارتاحي وتي الفطور ع السريع طالعه انا عندي خدمه
هاجر:ان شاء الله

روان:فاقت علي صوت باب الحوش تسكر وعرفت ان يوسف طلع .
ناضت الحمام توضت وصلت الصبح خشت للمطبخ جعااانه بتموت
حطت الفطور ع الطاوله وقعمزت تاكل وتلفونها شرين

روان:صباحو
هاجر:صباح الهم
روان:شن صاير معاك
هاجر:صدمت عمرري يا روان طلعت متزوجه عندها ولد وحامل
روان:يكلم في مدامات قصدك 😨شيت طلع احقر من يوسف
هاجر:خيره يوسف؟
روان:فوتيه توا احكيلي شن اسم ايميلها؟
هاجر:اميرة زوجي لاكن اسمها مرام لان التعليقات كلهم ينادو فيها بإسمها
روان:به كملي
هاجر:اي مناشيرها ع ولدها وحملها بنموووت ياروان😭
روان:لا حبيبتي لا تموتي لا سو ديري يلي نقولك عليه بسسس
هاجر:شنو ؟!
روان:ابعتيلي رقمها
هاجر:بعتهولك من امس ع الفايبر
روان:تمام خليك ع الخط
هاجر:به
روان:فتحت كاشف الارقام وحطت رقم البنت وطلع الاسم
روان:مليح بكككل طلع اسمها مرام ال.....
هاجر:به كيف توا؟
روان:اول شي تعرفي عليها ديري روحك غالطه جو متع انتي مرام كنتي تقري معاي ودسكات هاذيكه بعدين ع اساس تشابه اسماء وتعرفي عليهاااا بس متقوليلهاش معلومات ع راجلك
هاجر:به؟
روان:دبري كيف تحصلي تالفون صخر وابحثي ع ايميلها شوفيه يطلعلك ولا لا
هاجر:علاش؟!
روان:ماهو يا هبله لو طلعلك ويكلم فيها معناها هوا حقير ومتع مدامات بس لو مطلعش معناها مدايرتله حضر ومتبيشي يعرف انها متزوجه لان مش معقوله عندها ولد وحامل وتقوله امتا يفوتو الشهور وتاخذني
هاجر:رسمي حق
روان:ديري يلي قتلك عليه بعدين ننتقلو للمرحله يلي بعدها
هاجر:كيف بنتحمل نشوووفه وهوا يخون فيا 😭
روان:بلا تمهتيك بنات تو يلي يسمعك يقول واخذين بعضكم علي علاقه من 1900وادريس الاول وانتم عقاب زواج ثأر 😒
هاجر:مطول لسانك راعي شعوري
روان:هي خلي نمشي ندير حاجه ناكلها قبل ميروح هذاك الحقير
هاجر:رااااجلك ياهمي احترميه
روان:ملقيت من نحترم بالله هي سكري
هاجر:سلامات
روان:سكرت الخط

ناضت هاجر جهزت الغدي كسكي بي البصله مع سلاطه عربيه ❤️وخشت دوشت وساوت روحها ✨

اما روان 😂خذت كل شي كيكات شكلاته شيبس اميه عصير حطتهم في دار الضيوف

________________

صخر:كيف مروح من الخدمه
يوسف:انزل عمس معاي

صخر:والله معندي خلوق بنرقد راسي نحس فيه مش عليا بكل
يوسف:بتسافر شهر عسل ولا بتقعد ماد وجهك؟
صخر:كان عندي حق شهر عسل راهو سافرت بروحي قداش لياااا
يوسف:😂😂😂😂
صخر:سافر انت مشاء الله خيركم هلبا
يوسف:ضربت في راسه واختفت الضحكه من علي وجهاا✨✨
صخر:هي متبي شي ياعديلي
يوسف:سلامتك يامبحبح
صخر:دار كلاكس وطلع بسيارته
يوسف:حط الحساب ع طاولة القهوا وطلع ركب سيارته وتالفونه يشرين
يوسف:يطلع في المفتاح....الوو
مسره:اهلين يوسف شن جو
يوسف:تمام
مسره:وين؟
يوسف:مروح تبي حاجه؟!
مسره:بنقولك خالتي هدى جايتنا اليوم قتلك ماما جيب روان تعشو عندنا
يوسف:ان شاء الله اسمعي مسره
مسره:نعم؟!
يوسف:جميله عندكم؟!
مسره:اي علاش
يوسف:لا شي سلميلي عليهم
مسره:يوصل ❤️
يوسف:سكر الخط ......

🔥روايـــــــاتٌ بــــــــَنُــــــــووتِــةْ الــــشِـــيــــخْ🔥
🔥اروى الــــطــــــاهــــر المــــســـلاتــــٰــي🔥

صخر:السلام عليكم
هاجر:تسقي في الغدي....وعليكم السلام
صخر:الغدي واتي ؟!ميت من الجوع
هاجر:اي لحضات بس
صخر:تمام ندوش ونجي
هاجر:به
صخر:خش لغرفة النوم خذي حوايجه ودخل الحمام
هاجر:سمعت باب الحمام مسكر سيبت يلي في يدها وقعدت تفتش في جاكيت صخر لين طلعت تالفونه فتحاته بي يدين يرجفو وللاسف طلع فيه رمز 💁🏻‍♀️رجعاته وين مكان ومشت للمطبخ وتفكر في طريقه تفتح بيها فيس صخر

طق طق طق
فرج:فتح الباب .اهلا اهلا يوسف تفضل
يوسف:خش وسكر الباب ....وين الصغار ؟!
فرج:مع امهم كيف وصلتهم حوش بوك توا
يوسف:ضرب فرج بوكس لي طاح🔥
فرج:مش مصدق يلي صار.....خيرك يووسف شن صارلك
يوسف:قام فرج من سوريته....اسمعني يانذذذل انا مش رح نفضحك قدام اختي ع خاطر الصغااااار اقسم بالله منبي الصغار يتشردو بس
فرج:بصوت يرعش....تي خيرك يا يويويو سف صلي ع النبي
يوسف:اللهم صلي وسلم عليه ....ولوحه ع طول يديه
فرج:جي طايح
يوسف:وربي نسمعك تشوفلها بس سامية الكلاب هياااا الاما ندبحك انت وياها وانا حدرتك
فرج:قعد يبلع في ريقه ويوسف طلع وسكر الباب وراه

__________

ع سفرة الغدي:-
هاجر:الحمد الله...وناضت
صخر:قام حاجبه...خيرك متاكليش؟!
هاجر:كليت يلي يسدني الحمد الله
صخر:نزل عيونه ع الغذي وبدي ياكل
هاجر:بتردد....اءء ص صخر عادي تعطيني الفيس متعك شويه؟
صخر:بدون ميشبحلها....وعلاش؟!
هاجر:ندور في صفحه متع ملابس بنهبل عليها وانا تالفوني فيه مشكله لما ندير بحث ع شي
يستاكه ويطلع من الفيس بروحه
صخر:فتح تالفونه دار حاجه فيه وفتح الفيس ....هاك
هاجر:صحيت
صخر:سلمك
هاجر:وقفت قدامه دارت بحث ع ايميل البنت ملقتاش 🤷‍♀️حاول مره واثنين وصح مطلعش نزلت ستار الفون عشان تسكر النت لقت رسايل منها ع الفايبر وكانت عباره علي :-
حبيبي في الليل منقدرش نكلمك اختي بايته عندنا وولدها راقد جنبي
وغيرهم وغيرهم من الرسايل وهكي عرفت هاجر ان البنت تكذب ع صخر

_____

روان:سمعت الباب انفتح خشت تجري لدار الضيوف وسكرت ع روحها الباب
يوسف:حط فونه والدخان ع المكتبه ووقف ع الدار يطق

طق طق طق
روان:شن تبي ؟
يوسف:اطلعي بلا لعب صغار اديري فيه
روان:وعلاش تبيني نطلع؟
يوسف:باش نلعبو لعب كبار😂
روان:نياهاهاها 😒
يوسف:امي عازماتك اليوم جايه خالتي وتي روحك باش نرفعك
روان:الله 😍
يوسف:اي انا بنخش ندوش نطلع نلقاك واتيه
روان:اممممبه
يوسف:مشي للحمام وهوا في داخله يقول....هبله

🔥روايـــــــاتٌ بــــــــَنُــــــــووتِــةْ الــــشِـــيــــخْ🔥
🔥اروى الــــطــــــاهــــر المــــســـلاتــــٰــي🔥

هاجر:تفضل صحيت
صخر:سلمك ...اءء لو تحبي نطلعو العشيه ندهورو
هاجر:ابتسمت...اي ياريت
صخر:تمام نخش نرقد شوي نريح راسي ونطلعو
هاجر:قربت منه بساته ع خده❤️...نوم الهنا
صخر:ارتبك في بعضه وخش الدار بدون ميحكي ولا كلمه حط راسه ع المخده بعد مبعت مسج لحبيبت القلب وفي نوم عممممميق

روان:لبست قونه كحله طووويله مع بلوزه ورديه ووشاح حرير وردي في الابيض في الاسود وشنطه وكندره بنفس اللون ❤️
يوسف:يسكر في ازرار سوريته ....كملتي
روان:وقفت ع باب الدار....اي
يوسف:ضحك....خايفه مني ع اساس
روان:وقت علينا😒
يوسف:يبخ في العطر متعه ....سيورك تجيني بروحك
روان:ليا 3سنين نسمع في نفس الكلمه وللاسف انت يلي تجري وراي هيا بلا فلفسه زايده وقت علينا
يوسف:حط العطر ع الطاوله ومشط شعره فوق وروان تتفرج عليه 😍🔥وطلعو مع بعض

__________

هاجر:غسلت اماعين الغدي وبخرت الحوش
خشيت الحمام دوشت ولبست سروال جينز علي بلوزه سوداء بسيطه وجففت شعري مع ميك تب خفيف عشان لما ينوض صخر نلبس عبايتي ونطلع طول
فتحت الفيس لقيتها قابله صداقي وفاتحه خشيت كلمتها وانا قلبي يرررررعش وهكي كانت المحادثه

هاجر:اهلين مرومه كيف الحال
مرام:الحمد الله منو؟!
هاجر:انا ايمان قرينا مع بعض في الثانويه نسيتيني
مرام:لا والله معرفتك منو ايمان
هاجر:انتي مرام ال.....ولا؟!
مرام:لالا وخيتي غالطه😂
هاجر:

هههههه سامحيني معليشي
مرام:عادي ولا يهمك
هاجر:وين تسكني وخيتي
مرام:انا في طريق المطار وانتي ؟!

وبهكي نفتحت باب هدرزه وتعرفو ع بعض اكتر واكتر

_________❤️

روان:خشت الحوش العيله سلمت عليهم كلهم ووراها يوسف
روان:ارتبكت وسلمت سلام جااااف مع ساميه وقعمزت
سليمه(خالت يوسف):شنو ياغزال شن مدايره فيك عروستك
يوسف:ابتسم ....البهادل والله
ضحكو كلهم
صالحه:لا عاد الا روان هاديه الله يبارك عليها
روان:شبحتله بنضره مستفزززه
يوسف:اخخخ وخلاص 😂
افنان:خلي انوض نديرلكم قهوا
روان:جايه معاك
ناضت افنان ووراها روان المطبخ ويوسف مقعمز جنب خالته وامه يهدرز

صخر:شنو واتيه؟!
هاجر:سكرت تالفونها....اي ملبس عبايتي بس
صخر:به نوضي هي
هاجر:خشت دارها تلبس في عبايتها وصخر مقعمز يربط في سبيدروه
صخر:هيااا
هاجر:سكرت باب الدار وطلعت مع صخر لي السياره

_______❤️

قعمزو كلهم يشربو في القهوا وناضت روان للمطبخ تعبي في الميه من الثلاجه شوي وحست بي حد خبطها ع ضهرها تتلفت تلقاها ساميه
ساميه:خشت المطبخ وسكرت الباب وكانو عيونها شرررررار وحققققد

هاجر:مقعمزه مع صخر في السياره وعيوني في التالفون وقفنا شوي في الاشاره الضوئيه بعدين طلعنا وفجآه نسمع صوت خبط قوووووي حسيت بي مرش خش في عيوني حسيت روحي انقلبت وانا في السياره هلباااا مرات نسمع في الناس تعيط ويقولو لا اله الا الله وانا نهمس بصوت ضععععيف وانادي صخرر صخرر ومش قادره نفتح عيوني لين فجآه معش نعلم بشي ....يتبع

#زواج_ثأر 9 (حقيقيه)

هاجر:مقعمزه مع صخر في السياره وعيوني في التالفون وقفنا شوي في الاشاره الضوئيه بعدين طلعنا وفجآه نسمع صوت خبط قوووووي حسيت بي مرش خش في عيوني حسيت روحي انقلبت وانا في السياره هلباااا مرات نسمع في الناس تعيط ويقولو لا اله الا الله وانا نهمس بصوت ضععععيف وانادي صخرر صخرر ومش قادره نفتح عيوني لين فجآه معش نعلم بشي ...

روان:حطت كوب الميه ع الدولاب....تفضلي؟!
ساميه:الحقد في عيونها....تسحابي روحك ذكيه لين خلاص يعنيي!!!
روان:بكل برود...هوا الحقيقه اي انا ذكيه لين خلاص كنهاذا منكشفكش قدام يوسف 💁🏻‍♀️
ساميه:يلي نحطه في راسي تشاو عليه واعرفي انك هنايا....اشرت ع راسها
ورح ندمرك وندمر زواجك هاذا يلي فرحانه بيه
روان:ربعت يديها وابتسمت....تفضلي دمري
ساميه:مسكت يد روان بقووه ....مش خاااايفه يعني
يوسف:وعلاش بتخاف؟!
ساميه:😨😨😨تجمدت في مكانها ومقدرتش حتى تلف
يوسف:اشر لي روان بي عيونه بمعنى اطلعي
روان:ضحكت بخفه وطلعت وسكرت الباب وراها

يوسف:قايم حاجبه وساميه واقفه قدامه ترعش لاكن موضحه انها قويه قدامه
ساميه:هاذي يلي قدامك حيه من تحت التبن ان....
يوسف:قاطعها وهوا يكشخخ....سكرررررري فمك ياكلبه يكون في علمك سكتت وفوتها ع خاطر اختي وصغارها وربي كنهاذا فضحت بيك ام الدنيا لاكن غير روحي حسابك مع خوك صلاح
ساميه:اهااا😨صلاح؟! لالا يوسف علاش
يوسف:ترا ضمي فمك من عليا واقسسسم بالله مزال تكلمي روان ولا اضايقيها حسابك عندددي انا بعدين مش خوتك ....وطلع وسكر الباب قبل متتكلم

🔥روايـــــــاتٌ بــــــــَنُــــــــووتِــةْ الــــشِـــيــــخْ🔥
🔥اروى الــــطــــــاهــــر المــــســـلاتــــٰــي🔥

هاجر:ااااااه وين انا
روان:مسحت دموعها.....هجوره يا قلبي الحمد الله ع السلامه
هاجر:وين انا ليش الضي مطفي
حنان:تبكي بدون صوت
روان:بلعت ريقها ووقفت بكي ....انتي بخير الحمد الله عيونك مسكرات شوي وتفتحيهم ع خير ياقلبي خليك هاديه
هاجر:حطت يديها ع عيونها تتلمس فيهم لقتهم مغطيات...صص صخر 😨صخرررر صخررررر وينه
روان:مسكت يدها ...اششش اهدي صخر بخير
هاجر:ناضت من ع السرير ....اااه وينه نبي نشوفه
حنان:يا بنتي خليك مرتاحه اطمني عليه بخير هوا
هاجر:نحت التغديه من يدها..... لالا نننبي نشوفه ارفعوووني 😭😭😭😭
روان:شافت لي امها ومسكت هاجر....تعالي معاي
هاجر:نزلت من علي السرير ومشت مع روان وهيا تتلمس متشوف في شي
روان:فتحت الباب وطلعت هاجر يلي تمشي ببطئ بسبب عيونها
ربيع:تيي ووووووين رافعتيها
روان:قريب تهبل باش تشوف راجلها مقدرتش نخليها
هاجر:ررربيع ربيع بالله عليك وينه صخر طمنوني
ربيع:تنهد بوجع علي حالة اخته ومسكها من يدها الثانيه ورفعها الاصانصير

______________
في الطابق الارضي :-

صخر:فتح عيونه شوي شوي وهوا حاس روحه في دوااامه والدنيا تلف بيه حط يده ع راسه وهوا يتألم
لين سمع صوت بوه جنبه
مهدي:الحمد الله ع السلامه
صخر:اخخخخ وين انا
ناصر:في المستشفى درت حادث شننيع مش عارف كيف طلعت حي الزح
مهدي:فنص في ناصر 😠
ناصر:قلت الحق😕
صخر:حاول ينوض لاكن توجع من كتفه يلي كان مجبس .....وين تالفوني ووووين؟!
مهدي:جابوهم مبكري تالفونك وتالفون مرتك متخافش
يوسف:اهدا يا برو الحمد الله ع سلامتك جاتك في كسرة يد خير من حاجه تانيه
صخر:ريح راسه ع المخده بدون ميرد علي حد وهوا يفكر في مرام وكيف بيوصل فيها؟!!!اما هاجر نهااااائي مخطرتش علي باله

طق طق طق

مهدي:تفضلو
ربيع:فتح الباب واشر علي هاجر
ناصر:اءءء خلي نطلع نجيب مرطب الشفايف متعي انا ....وطلع
مهدي:تفضلي تفضلي يابنتي الحمد الله ع سلامتك
ربيع ومهدي طلعو من الدار اما يوسف وقف جنب روان ع الباب وهاجر خشت تتلمس
صخر:جت عيونه ع هاجر ونصددددددم فيهااا 💔
وجها كله مخبش ويديها عيونها مغطيات بشاش ابيض ....ناض صخر قعمز وهوا مش عارف شنو يحكي
هاجر:قايمه يديها وتتلمس...صصصخر صخر وينك
صخر:مسكها من يدها وقعدت تقرب عليه لين وصلت فيه
هاجر:تتلمس في وجها ولحيته وتبكي....انت بخير صح؟!جاوبني تكلم نسمع صوتك
صخر:بصدمه...اي اي بخير انتي شن حاسه
هاجر:ضحكت ودموعها ينزلو من تحت الشاش الابيض....انا منشوف في شي لاكن يكفي سمعت صوتك انك بخير

روان:مسكره فمها بي يديها الاثنين وتتتتتبكي ويوسف لما شافها تبكي هكي وجعاته وحضنها ❤️
روان:في اللحضه هاذي نست من يكون يوسف وحضناته بقوووه وهيا مسكره عيونها وتبكي بدون صوت 💔
يوسف:خلاها روان في حضنه وطلع بيها من الدار وقعمز ع الكرسي متع الممر ويهدي فيها ❤️

__________

صخر:يمسح علي شعر هاجر....شن صاير فيك
هاجر:ماسكه يد صخر....مش فاهمه شي انا مسألتش ع حالتي اول مفقت سألت عليك طول توا بس قلبي تريح
صخر:سكت لحضات متعجب من الحب هذا كله يلي تحمله هاجر في قلبها بدون سبب؟!يعني حباته وخافت علي بطريقه هاذي بدون اي مقااابل
هاجر:ناضت من ع الارض وقعمزت جنبه ع السرير ....صخر متأك