✅ Ўзбекистон Республикаси Президенти сайловига 33 кун қолди.
—————
✅ До выборов Президента Республики Узбекистан осталось 33 дня.

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/SardorAbduqodirovich 🦅

Шавкат Мирзиёев Қозоғистоннинг Биринчи Президенти билан телефон орқали мулоқот қилди

Ўзбекистон Республикаси Президенти Шавкат Мирзиёев 20 сентябрь куни Қозоғистон Республикасининг Биринчи Президенти – Элбоши билан телефон орқали мулоқот қилди.

Ўзбекистон ва Қозоғистон ўртасидаги дўстлик, яхши қўшничилик ва стратегик шериклик муносабатларини ривожлантириш истиқболлари кўриб чиқилди.

Кўп қиррали ҳамкорликнинг бугунги юқори суръати мамнуният билан қайд этилди. Ўзаро савдо ва юк ташишлар ҳажми орти бормоқда, авиақатновлар тўлиқ тикланди. Иқтисодиётнинг турли тармоқларида кооперация лойиҳалари муваффақиятли амалга оширилмоқда. Ҳудудлараро алоқалар ва маданий-гуманитар алмашинувни янада кўпайтириш муҳим экани таъкидланди.

Афғонистондаги вазиятни ҳисобга олган ҳолда халқаро ва минтақа кун тартибидаги долзарб масалалар юзасидан ҳам фикр алмашилди.

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/SardorAbduqodirovich 🦅

Шавкат Мирзиёев БМТ Бош Ассамблеясининг 76-сессиясида сўзга чиқади.

Ўзбекистон Республикаси Президенти Шавкат Мирзиёев 21 сентябрь куни Бирлашган Миллатлар Ташкилоти Бош Ассамблеяси 76-сессиясининг юқори даражадаги умумсиёсий мунозараларида видеомурожаат билан сўзга чиқади.

Давлатимиз раҳбари халқаро ҳамжамиятга минтақа ва глобал кун тартибидаги долзарб масалалар, БМТнинг замонавий таҳдид ва хатарларга қарши биргаликда чора кўришдаги роли юзасидан ўз нуқтаи назарини тақдим этади ҳамда Янги Ўзбекистонни барпо этиш йўлида амалга оширилаётган ва ортга қайтмас тус солган чуқур демократик ислоҳотларнинг мазмун-моҳиятини очиб беради.

Ўзбекистон етакчисининг нутқида, муҳокамаларнинг мавзусини ҳисобга олиб, COVID-19 пандемиясининг ижтимоий-иқтисодий оқибатларини БМТ томонидан эълон қилинган «ҳеч кимни ортда қолдирмаслик» принципи асосида биргаликда енгиб ўтиш масалаларига тўхталиб ўтилади.

Ўзбекистон Республикаси Президенти тинчлик ва хавфсизликни мустаҳкамлаш, жаҳон иқтисодиётини тиклаш, барқарор тараққиётни таъминлаш, минтақада ва глобал даражада мулоқотни кенгайтириш, инсон ҳуқуқ ва эркинликларини илгари суришга, шунингдек, иқлим ўзгариши, атроф-муҳит ва биологик хилма-хилликнинг таназзулга юз тутиши, Орол денгизининг қуриши каби трансмиллий таҳдидларга қарши курашишга қаратилган қатор муҳим ташаббусларни илгари суриши кутилмоқда.

Давлатимиз раҳбарининг 2020 йил сентябрь ойида ўтган БМТ Бош Ассамблеяси 75-сессиясидаги нутқида илгари сурилган барча ташаббуслар халқаро ҳамжамият томонидан кенг қўллаб-қувватлангани ва бугун ўзининг амалий ифодасини топаётганини таъкидлаш лозим.

Уларни амалга ошириш доирасида, жумладан, пандемияга қарши самарали курашиш борасидаги чора-тадбирлар қўллаб-қувватланмоқда. Ўзбекистон Республикаси томонидан Пандемия даврида давлатларнинг ихтиёрий мажбуриятлари тўғрисида кодекс ишлаб чиқилган бўлиб, бу борадаги глобал саъй-ҳаракатларга мамлакатимизнинг ҳиссаси сифатида БМТ Бош Ассамблеяси томонидан расмий ҳужжат шаклида тарқатилди.

2021 йил май ойида БМТ Бош Ассамблеяси Оролбўйини экологик инновациялар ва технологиялар ҳудуди деб эълон қилиш тўғрисида махсус резолюцияни қабул қилди. БМТ шафелигида ташкил этилган Оролбўйи минтақаси учун Инсон хавфсизлиги бўйича кўп томонлама шериклик траст жамғармаси самарали фаолият юритмоқда.

Ўтган ҳафтада ЮНЕСКО билан ҳамкорликда Хива шаҳрида “Марказий Осиё жаҳон цивилизациялари чорраҳасида” халқаро маданият форуми муваффақиятли ташкил этилди.

2021 йил ноябрь ойида Тошкент шаҳрида БМТнинг Глобал аксилтеррор стратегиясини амалга ошириш бўйича Марказий Осиё давлатларининг Қўшма ҳаракатлар режасини бажариш натижалари ва бу борадаги ҳамкорлик истиқболларига бағишланган халқаро конференцияни ўтказиш режалаштирилган.

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/SardorAbduqodirovich 🦅

Ўзбекистон АҚШга 1,1 минг тонна, Германияга 3 минг тонна мева ва сабзавотлар экспорт қилган

Давлат статистика қўмитаси маълумотларига кўра, 2021 йилнинг январь-август ойларида Ўзбекистон қиймати 548,6 млн. AҚШ долларига тенг бўлган 948,6 минг тонна мева ва сабзавотлар экспорт қилган.

Ўзбекистон 2021 йилнинг январь-август ойларида мева ва сабзавотларни энг кўп экспорт қилган давлатлар:

Россия – 245,7 минг тонна

Қозоғистон – 435,5 минг тонна

Қирғиз Р. – 87,7 минг тонна

Хитой – 38,7 минг тонна

Украина – 23,3 минг тонна

Афғонистон – 21,2 минг тонна

Туркманистон – 19,1 минг тонна

Покистон – 18,7 минг тонна

Беларусь Р. – 10,1 минг тонна

Туркия – 7,1 минг тонна

Тожикистон – 5,8 минг тонна

Озарбайжон – 5,0 минг тонна

Эрон – 4,7 минг тонна

Германия – 3,0 минг тонна

БАА – 2,3 минг тонна

АҚШ – 1,1 минг тонна

Бошқалар – 17,6 минг тонна

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/SardorAbduqodirovich 🦅

Ўзбекистонда трактор ишлаб чиқариш 72,5 % га камайган.

Давлат статистика қўмитаси маълумотларига кўра, қишлоқ хўжалиги техникаси ишлаб чиқариш саноатида 2021 йилнинг январь-август ойларида 173 дона трактор ишлаб чиқарилган.

Трактор ишлаб чиқариш ўтган йилнинг мос даври билан солиштирилганда 72,5 % га камайган.

Ишлаб чиқарилган тракторлар сони (январь-август ойларида):

2019 йил - 983 дона

2020 йил - 630 дона

2021 йил - 173 дона


Эслатиб ўтамиз, 2021 йилнинг январь-август ойларида қишлоқ хўжалиги техникаси ишлаб чиқариш саноатида жами 383 дона култиватор ишлаб чиқарилган. Бу кўрсаткич ўтган йилнинг мос даврига нисбатан 43,1 % га камайган.

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/SardorAbduqodirovich 🦅

Ассалому алайкум!

Аллоҳ ҳар бир лаҳзангизни бахтга тўлдирсин! Бошлаган янги кунингиз хайрли, файзли, барокатли давом этсин!

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/SardorAbduqodirovich 🦅

Instagram|Facebook| YouTube|Telegram

1 ОКТЯБРДАН ДАВЛАТ ТАШКИЛОТЛАРИНИНГ 16 ТА ФУНКЦИЯЛАРИ БЕКОР ҚИЛИНАДИ

2021 йил 1 октябрдан давлат органлари ва ташкилотлари ҳамда маҳаллий давлат ҳокимияти органларининг 16 та назорат функциялари бекор қилинади. Бу ҳақда АОКАда “Тадбиркорлик субъектлари учун маъмурий ва солиқ юкини янада камайтириш, бизнеснинг қонуний манфаатларини ҳимоя қилиш тизимини такомиллаштириш чора-тадбирлари тўғрисида”ги Президент фармони ижроси бўйича ўтказилаётган матбуот анжуманида маълум қилинди.

“Тадбиркорлик субъектлари учун маъмурий ва солиқ юкини янада камайтириш, бизнеснинг қонуний манфаатларини ҳимоя қилиш тизимини такомиллаштириш чора-тадбирлари тўғрисида”ги Президент фармони билан 2022 йил 1 апрелгача тадбиркорлик соҳасида давлат назорати билан боғлиқ катта ҳажмдаги маълумотларни йиғиш, таҳлил қилиш ва қайта ишлаш имконини берувчи “Ягона давлат назорати” ахборот тизими ишга туширилиши белгилаб берилди.

Савдо-саноат палатаси аъзоси бўлган тадбиркорлик субъектининг фаолиятини текширишда ушбу тадбиркорлик субъекти розилиги билан Савдо-саноат палатаси ходимлари иштирок этиши орқали жамоатчилик назорати йўлга қўйилмоқда.

Текширишларни рўйхатга олиш китобининг ҳисоби электрон тарзда Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил томонидан юритилиши белгиланди.

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/SardorAbduqodirovich 🦅

САУДИЯ АРАБИСТОН ЭЛЧИСИНИНГ ЎЗБЕКИСТОНДАГИ МИССИЯСИ ЯКУНЛАНДИ

2021-йил 21-сентябр куни Ўзбекистон Республикаси Ташқи ишлар вазири Абдулазиз Камилов Саудия Арабистони Қироллигининг Фавқулодда ва Мухтор Элчиси Ҳишам ас-Сувайлимни мамлакатимиздаги дипломатик миссияси якунланаётгани муносабати билан қабул қилди. Бу ҳақда Ташқи ишлар вазирлиги Ахборот хизмати хабар бермоқда.

Томонлар сиёсий, савдо-иқтисодий, инвестициявий, маданий-гуманитар ва бошқа соҳалардаги икки томонлама муносабатларнинг бугунги ҳолати ва истиқболлари юзасидан фикр алмашдилар.

Учрашув давомида Элчининг 2017-2021 - йиллардаги самарали фаолияти қайд этилди. Таъкидланганидек, ушбу давр мобайнида Ўзбекистон ва Саудия Арабистони ўртасидаги ҳамкорлик изчил ривожланиб, мустаҳкамланиб борди.

Элчи, ўз навбатида, Ўзбекистондаги дипломатик фаолиятиниг амалий қўллаб-қувватлагани учун Ўзбекистон томонига миннатдорлик билдирди, дейилади хабарда.

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/SardorAbduqodirovich 🦅

Бош вазир ўринбосари Азиз Абдуҳакимов велосипедда: у давлат ташкилоти раҳбарларини 22 сентябрь кунини автомобилсиз кун қилишга чақирмоқда...

Туризм ва спорт вазири "Халқаро автомобилсиз кун" доирасида давлат идоралари ва маҳаллий органлар раҳбарларини шахсий намуна кўрсатишга чорлади. Бу ҳақда Туризм ва спорт вазирлиги Ахборот хизмати хабар бермоқда.

Маълумки, Вазирлар Маҳкамасининг "Аҳолининг соғлом турмуш тарзини қўллаб-қувватлаш ва жисмоний фаоллигини оширишга доир қўшимча чора-тадбирлар тўғрисида"ги қарори билан 22 сентябрь Ўзбекистонда "Автомобилсиз кун" деб эълон қилинган.

Шу муносабат билан Ўзбекистон Республикаси Бош вазири ўринбосари – Туризм ва спорт вазири Азиз Абдуҳакимов давлат идоралари ва маҳаллий органлари раҳбарлари, таниқли маданият ва спорт вакилларини шахсий намуна кўрсатиб, 22 сентябрь “Халқаро автомобилсиз кун” тадбирларида фаол иштирок этишга чорлади ва мурожаат билан чиқди:

“Халқаро автомобилсиз кун” муносабати билан давлат идоралари ва маҳаллий органлари раҳбарларини шахсий намуна кўрсатиб, 22 сентябрь “Халқаро автомобилсиз кун” тадбирларида фаол иштирок этишга чақираман. Шу билан бирга, илм-фан, маданият ва спорт соҳалари ходимлари ҳамда ОАВ вакилларини, қолаверса барча юртдошларимизни шу куни оммавий тадбирларда фаол иштирок этишга ҳамда бир кун давомида автомобил ўрнига велосипеддан фойдаланиш ёки пиёда ҳаракатланишга чорлаб қоламан. Автомобилсиз кун акцияси доирасида

#carfreeday_uzbekistan,

#shaxsiynamunakursat,

#avtomobilsizbirkun

хештегларидан фойдаланиб, янада кенг аҳолини қамраб олишни таклиф этаман. Зеро бу каби тадбирларни ўтказиш мамлакатимизда йўл харакати хафсизлигини яна-да такомиллаштириш, шаҳар аҳолиси ўртасида экологик маданият ҳамда соғлом турмуш тарзини тарғиб қилишни мақсад қилган. Жаҳон соғлиқни сақлаш ташкилоти ҳам ўз тавсияларида жисмоний фаолликни ошириш инфецион, юрак-қон томир, саратон ва қандли диабет касалликлар профилактикасида муҳим ўрин тутишини таъкидлайди. Шундай экан, фикримча, айни дамда дунёда пандемия билан боғлиқ вазиятда бундай акциянинг ўтказилиши айни муддаодир”, - дейилади мурожаатда.

Шу билан бирга, маълум қилинишича, 22 сентябрь куни мамлакатимиз ҳудудларида, маҳаллаларда яшовчи уюшмаган ёшлар ўртасида ҳам велосипед, скейт ва самокатларда учиш мусобақалари ташкил этилади.

Маълумот учун, ўтган йили ҳам Бош вазир ўринбосари аҳолини автомобилсиз кун акциясига қўшилишга чақирган.

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/SardorAbduqodirovich 🦅

1 ОКТЯБРДАН 38та МАҲАЛЛАДА “ЭЛЕКТРОН КУЗАТУВ МАСКАНЛАРИ” ТАШКИЛ ЭТИЛАДИ

“Маҳаллаларда жамоат тартибини сақлаш бўйича қўшимча чора-тадбирлар тўғрисида”ги Ҳукумат қарори (588-сон, 20.09.2021 й.) қабул қилинди.

Қарорга кўра, 2021 йил 1 октябрдан 2022 йил 1 октябргача маҳаллаларда барпо этилган айрим “Жамоатчилик назорати масканлари” (масканлар) негизида “Электрон кузатув масканлари” фаолиятини ташкил этиш бўйича эксперимент ўтказилади.

Эксперимент доирасида:

тадбиркорларга бериладиган масканлар ва уларнинг бинолари атрофида 6 квадрат метргача “Электрон кузатув масканлари” жойлаштирилади, қолгани тадбиркорлик учун 5 йил муддатга ижаранинг “ноль” ставкаси асосида берилади;

масканлар ижара шартномаси асосида бериладиган тадбиркорлар “E-auksion” платформасида электрон танлов ўтказиш орқали аниқланади;

ижара муддати тугагандан сўнг масканларнинг бинолари маҳаллага мулк ҳуқуқи асосида қолдирилади.

Шунга кўра, ҳудудларда тегишли 38 та маҳалладаги масканлар “Электрон кузатув масканлари” фаолиятини ташкил этиш учун тадбиркорларга ижара ҳуқуқи асосида берилади.

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/SardorAbduqodirovich 🦅

ЎЗБЕКИСТОН РЕСПУБЛИКАСИНИНГ ТАШҚИ САВДО АЙЛАНМАСИ ТАРКИБИ ҚАНДАЙ?

Давлат статистика қўмитаси маълумотларига кўра, 2021 йилнинг январь-август ойларида Ўзбекистон Республикасининг ташқи савдо айланмаси таркиби:

ЭКСПОРТ – 9,3 млрд. АҚШ доллари:

Саноат маҳсулотлари – 2,9 млрд.

Хизматлар – 1,6 млрд.

Озиқ-овқат маҳсулотлари ва тирик ҳайвонлар – 808,8 млн.

Кимёвий маҳсулотлар – 667,5 млн.

Минерал ёқилғилар ва мойлаш маҳсулотлари – 513,1 млн.

Турли тайёр маҳсулотлар – 512,2 млн.

Машина ва асбоб-ускуналар – 431,7 млн.

Ноозиқ-овқат маҳсулотлари – 349,6 млн.



ИМПОРТ – 15,7 млрд. АҚШ доллари:

Машина ва транспорт асбоб-ускуналари – 5,3 млрд.

Саноат маҳсулотлари – 2,9 млрд.

Кимёвий маҳсулотлар – 2,2 млрд.

Озиқ-овқат маҳсулотлари – 1,5 млрд.

Хизматлар – 1,0 млрд.

Турли тайёр маҳсулотлар – 925,3 млн.

Ноозиқ-овқат маҳсулотлари – 795,7 млн.

Минерал ёқилгилар ва мойлаш маҳсулотлари – 784,4 млн.

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/SardorAbduqodirovich 🦅

ЎЗБЕКИСТОН ГЛОБАЛ ИННОВАЦИОН ИНДЕКС РЕЙТИНГИДА 7 ПОҒОНАГА КЎТАРИЛДИ

20 сентябрь куни АҚШнинг Корнел университети, Франциянинг Insead бизнес мактаби ва Бутунжаҳон интеллектуал мулк ташкилоти Глобал инновацион индекс рейтингини эълон қилди. Бу ҳақда "darakchi.uz"га Инновацион ривожланиш вазирлиги Ахборот хизмати хабар бермоқда.

Ўзбекистон Глобал инновацион индекс рейтингида 132 давлат орасида 86-ўринни эгаллади. Бундан аввал мамлакатимиз рейтингда 2020 йил 93-ўрин ва 2015 йилда 122 ўринларни эгаллаган эди.

Глобал инновацион индекси 20 сентябрь санасида эълон қилган нашрининг номи “COVID-19 инқирози орқали инновацияларни кузатиш” бўлиб, ҳисобот COVID-19 инқирознинг глобал инновация кўрсаткичларига таъсирини баҳолайди.

Глобал инновацион индекс (The Global Innovation Index) 81 та кўрсаткичдан иборат ва улар иқтисодий ривожланишнинг турли даражаларида бўлган мамлакатларнинг инновацион ривожланишини тавсифлайди. Мазкур индекс икки субиндекс кўрсаткичларининг ўртача қийматидан келиб чиқиб ҳисобланади. Биринчи субиндекс инновацияларни жорий этиш учун мавжуд ресурслар ва шароитлар (Innovation Input) – институтлар, инсон капитали ва тадқиқотлар, инфратузилма, ички бозор ва бизнеснинг ривожланиш даражаси киради. Иккинчи субиндекс эса инновацияларни жорий этишда эришилган амалий натижалар (Innovation Input) – технологиялар ва билимлар иқтисодиётининг ривожланиши ҳамда ижодий фаолият натижаларини ўз ичига олади.

Мамлакатимиз инновацияларни жорий этиш учун мавжуд ресурслар ва шароитлар субиндексида ўтган йилги натижаларидан 6 поғона кўтарилиб 75 ўринни; инновацияларни жорий этишда эришилган амалий натижалар субиндексида эса 18 поғона кўтарилиб 100-ўринни эгаллади.

Рейтингга кўра, Ўзбекистоннинг дунё миқёсида кучли индикаторлари қуйидагилар: “Илм-фан ва муҳандислик соҳасида битирувчилар сони” - 7-ўрин, “Бизнесни йўлга қўйишнинг соддалиги” - 8-ўрин, “Меҳнат унумдорлиги” - 8-ўрин, “Капитални ялпи тарзда тўплаш” - 7-ўрин, “Таълим учун давлат харажатлари” - 28-ўрин.

Қуйи ўрта даромад гуруҳи давлатлари орасида Ўзбекистон 2021 йил 10-ўринни эгаллади. Мазкур гуруҳ мамлакатлари орасида Ўзбекистон институтлар, инсон капитали ва тадқиқотлар, инфратузилма, ва ички бозорнинг ривожланиш даражаси йўналишларида етакчи қаторларини эгаллаб турмоқда.

Глобал инновацион индекс рейтингида:
Швейцария — 1-ўрин,
Хитой — 12-ўрин
Россия — 45-ўрин,
Қозоғистон — 79-ўрин,
Қирғизистон — 98-ўрин,
Тожикистон — 103-ўринни эгаллади.

Инновацион ривожланиш вазирлиги тегишли давлат бошқарув органлари ва идоралари ҳамда халқаро ташкилотлар билан яқин ҳамкорликда сўнги йилларда Ўзбекистоннинг халқаро майдондаги нуфузини ошириш ва Глобал инновацион индекс рейтингида ўрнини яхшилашга қаратилган салмоқли ишларни амалга ошириб келмоқда. Натижада, мамлакатдаги инновацион фаолиятда туб ижобий бурилишлар халқаро ташкилотлар томонидан мунтазам тарзда эътироф этиб келинмоқда. Рейтингнинг бу йилги сонида мамлакатимизнинг Ўрта Осиё ва Жанубий Осиё давлатлари ичида 4-ўринда эканлиги таъкидланган.

Ўзбекистоннинг халқаро майдондаги нуфузини ошириш ва инновацион ривожланишда миллий ўлчамларни тўғри белгилаб олиш, мамлакатнинг халқаро миқёсда инновацион ривожланишини таъминлаш учун 2019-2021 йилларда Ўзбекистон Республикасини инновацион ривожлантириш стратегияси қабул қилинган ва ундаги асосий вазифалардан бири этиб 2030 йилга қадар республикамизни Глобал инновацион индекс баҳолаш рейтингида етакчи 50 та давлат қаторига киритилиши қатъий белгилаб берилган.

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/SardorAbduqodirovich 🦅

“Йирик шаҳарларда, вилоятлар ва туманлар марказларида туну кун фаолият юритувчи савдо ва хизмат кўрсатиш объектлари жойлашган ҳудудларда жамоат хавфсизлигини таъминлаш бўйича қўшимча чора-тадбирлар тўғрисида”ги Ҳукумат қарори (587-сон, 20.09.2021 й.) қабул қилинди.

Қарорга кўра, савдо ва хизмат кўрсатиш объектларининг 24 соат мобайнида туну кун фаолият юритишга доир жамоат хавфсизлиги бўйича соддалаштирилган талаблар ўрнатилади. Бунда Ички ишлар вазирлиги, Миллий гвардия, Фавқулодда вазиятлар вазирлиги томонидан:

йирик шаҳарларда, вилоятлар ва туманлар марказларида ташкил этиладиган савдо ва кўнгилочар кўчаларда қўшимча патруллик йўналишлари ва постлар ташкил этилади;

хизматга жалб қилинган нарядларнинг зичлигини оширишни назарда тутган ҳолда мавжуд куч-воситалар тақсимотига тегишли ўзгартиришлар киритилади;

тадбиркорлар мол-мулкини қўриқлаш, ҳар хил фавқулодда ҳолатларнинг олдини олиш бўйича қўшимча чоралар кўрилади.

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/SardorAbduqodirovich 🦅

ҚИРҒИЗИСТОН ВА ЎЗБЕКИСТОН ТАДБИРКОР АЁЛЛАРИНИНГ МИНТАҚАВИЙ ИҚТИСОДИЙ САЛОҲИЯТИНИ МУСТАҲКАМЛАШГА БАҒИШЛАНГАН БИЗНЕС-ФОРУМ ЎТКАЗИЛДИ

Ўзбекистон парламенти делегацияси аъзолари Бишкек шаҳрида расмий ташриф билан бўлиб турибди. Бу ҳақда Сенат Матбуот хизмати маълум қилди.

Ташриф доирасида Олий Мажлис Сенати Раиси бошчилигидаги делегациямиз “Қирғизистон ва Ўзбекистон тадбиркор аёллари мулоқоти” халқаро бизнес-форумида иштирок этди.

Қирғизистон ва Ўзбекистон тадбиркор аёлларининг минтақавий иқтисодий салоҳиятини мустаҳкамлаш учун уларнинг барқарор мулоқотини шакллантириш мақсадида ташкил этилган тадбирда вазирликлар, халқаро ташкилотлар, бизнес бирлашмалари, фуқаролик жамияти вакиллари, тадбиркор аёллар ва ОАВ вакиллари ҳам иштирок этди.

Форумни очар экан, Ўзбекистон Олий Мажлиси Сенати Раиси Танзила Нарбаева Қирғизистон ва Ўзбекистон Тадбиркор аёлларининг бундай кенг форматдаги ва икки мамлакат вакиллари делегациялари иштирокидаги мулоқоти илк бор ўтказилаётганини, шунингдек мазкур бизнес-форум хотин-қизларнинг иқтисодий ҳуқуқ ва имкониятларини кенгайтириш бўйича икки томонлама ҳамкорликни ривожлантиришда янги саҳифа очиб беришини таъкидлади.

— Ўзбекистон Марказий Осиё етакчи аёллари мулоқотида раислик доирасида ҳам минтақавий, ҳам икки томонлама форматларда тадбиркор аёллар ўртасидаги амалий ҳамкорликни ривожлантириш ва мустаҳкамлашга катта аҳамият беради, — деди Танзила Нарбаева.

Форум давомида тадбиркор аёллар учун янги имконият ва истиқболлар яратиш, Марказий Осиё мамлакатлари учун иқтисодиётнинг муҳим йўналишларида малакаларни мустаҳкамлаш, мамлакат ва минтақавий даражада тадбиркор аёлларни бирлаштириш, иштирокчи мамлакатлар тадбиркорлари тажрибасини намойиш этиш ҳамда ўтказиш ва бошқа масалаларга алоҳида эътибор қаратилди.

Ўзбекистон ва Қирғизистон ўртасидаги савдо-иқтисодий ҳамкорлик жадал ривожланиб бораётгани таъкидланди. Ўтган беш йилнинг ўзида икки томонлама товар айланмаси деярли ўн баробар ўсди ва 2020 йил якунига кўра 900 млн доллардан ортиқни ташкил этди.

— Ўзбекистонда аёллар тадбиркорлигини рағбатлантириш ва қўллаб-қувватлашга алоҳида эътибор қаратилмоқда, — деди Танзила Нарбаева. — 2020 йилда тадбиркор аёллар сони 172,4 мингга етди. Мамлакатнинг ҳар бир ҳудудида Хотин-қизлар тадбиркорлик марказлари фаолият кўрсатмоқда, уларда ҳар йили 30 мингга яқин аёлга тадбиркорлик, касб-ҳунарга қайта тайёрлаш ва ишга жойлашиш бўйича амалий ёрдам кўрсатилади.

Устав капитали 96 млн АҚШ доллари бўлган янги ташкил этилган Хотин-қизларни қўллаб-қувватлаш давлат мақсадли жамғармаси доирасида тадбиркор аёлларнинг лойиҳаларини имтиёзли кредитлаш дастури ишга туширилди.

Форум Марказий Осиё етакчи аёллари мулоқоти доирасида Марказий Осиё ва Афғонистон тадбиркор аёллари ўртасидаги ҳамкорликни ривожлантириш бўйича қабул қилинган “Йўл харитаси”да белгиланган вазифалар бажарилишига кўмаклашиши таъкидланди.

Ушбу тадбир парламентлараро, савдо-иқтисодий ҳамкорлик, шунингдек, икки мамлакат ўртасида юксак даражада аҳил қўшничилик, стратегик ҳамкорлик ва минтақада аёллар тадбиркорлигини ривожлантириш бўйича илгари эришилган келишувларни мустаҳкамлайди. Иштирокчиларнинг бой тажрибаси эса хотин-қизларнинг иқтисодий ҳуқуқ ва имкониятларини кенгайтириш соҳасидаги мақсад ва вазифаларни амалга ошириш йўлидаги саъй-ҳаракатларни мустаҳкамлашга хизмат қилади.


Иштирокчиларнинг фикрича, Форум барқарор иқтисодиёт учун энг яхши амалиёт яратишда тадбиркор аёллар ўртасидаги мамлакатлараро ва минтақавий ҳамкорликни янада ривожлантириш учун асос бўлади.

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/SardorAbduqodirovich 🦅

ЎЗБЕКИСТОНДА 4-10 ОКТЯБР КУНЛАРИ "КЕКСАЛАР ҲАФТАЛИГИ" ЎТКАЗИЛАДИ

Бу ҳақда АОКАда ўтказилган брифингда Маҳалла ва оилани қўллаб-қувватлаш вазирлиги масъул ходими Фарҳод Эшмўминов маълум қилди.

Вазирлар Маҳкамасининг “Кекса авлод вакилларининг жамиятдаги ўрни ва ижтимоий фаоллигини янада ошириш чора-тадбирлари тўғрисида” ги қарорига асосан ҳар йили октябрь ойининг биринчи ҳафтасида юртимиз миқёсида “Кексалар ҳафталиги”ни ўтказиш белгиланган.

Шунга кўра, жорий йилнинг 4-10 октябрь кунлари “Кексаларни эъзозлаш, уларга ҳурмат-эҳтиром кўрсатиш — халқимизга хос эзгу фазилат” ғояси остида мамлакатимизнинг барча ҳудудларида “Кексалар ҳафталиги” ўтказилиши режалаштирилмоқда.

Ушбу ҳафталик доирасида жойларда қатор маънавий-маърифий, спорт, ободонлаштириш ва хайрия тадбирлари ўтказилиши белгиланган.

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/SardorAbduqodirovich 🦅

Ўзбекистонда 100 та уй хўжалигига нечта енгил автомобил тўғри келади?

Давлат статистика қўмитаси уй хўжаликлари танлама кузатувлари маълумотларига асосан, 2021 йилнинг январь-август ҳолатига 100 та уй хўжалигига ўртача 50 та енгил автомобил тўғри келмоқда.

Маълумот учун:

2010 йилда - 21 та

2015 йилда - 42 та енгил автомобил тўғри келган.

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/SardorAbduqodirovich 🦅

Республикада кичик тадбиркорлик субъектлари сони қанча?

Давлат статистика қўмитаси маълумотларига кўра, 2021 йил 1 cентябрь ҳолатига кўра (фермер ва деҳқон хўжаликларисиз) фаолият кўрсатаётган кичик тадбиркорлик субъектлари сони 462 303 тани ташкил этган.

Бу 2016 йилнинг мос даври билан солиштирилганда 2,2 баробарга ошган.

Йиллар кесимида мамлакатимизда фаолият кўрсатаётган кичик тадбиркорлик субъектлари сони:

🔸2016 йилда – 209 220 та

🔸2017 йилда – 231 147 та

🔸2018 йилда – 253 179 та

🔸2019 йилда – 318 304 та

🔸2020 йилда – 383 901 та

🔸2021 йилда – 462 303 та

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/SardorAbduqodirovich 🦅

Йирик инвестиция лойиҳасини амалга ошириш учун энг яхши таклифлар танлаб олинади

Ҳукумат қарори (592-сон, 21.09.2021 й.) билан Йирик инвестиция лойиҳасини амалга ошириш учун энг яхши таклифни танлаб олишнинг маъмурий регламенти тасдиқланди.

Маъмурий регламентга кўра, йирик инвестиция лойиҳаси дейилганда қиймати камида 10 миллион АҚШ доллари эквивалентидаги инвестиция лойиҳаси тушунилади.

Лойиҳани амалга ошириш учун энг яхши таклифлар Ташқи савдо, инвестициялар, маҳаллий саноатни ривожлантириш ва техник жиҳатдан тартибга солиш масалалари бўйича Ҳукумат комиссияси томонидан танлаб олинади.

Лойиҳа доирасида:

қишлоқ хўжалигига мўлжалланган ерларда – фақат қишлоқ хўжалиги ишлаб чиқариши учун қишлоқ хўжалиги мақсадларида;

қишлоқ хўжалигига мўлжалланмаган ерларда – қонунчилик билан тақиқланмаган ҳар қандай фаолиятни амалга ошириш мумкин.

Якка тартибдаги уй-жой ва кўп квартирали уйлар қурилишини назарда тутувчи лойиҳалар йирик инвестиция лойиҳаси ҳисобланмайди ва кўриб чиқилмайди.

Танланган ерга бўлган ҳуқуқнинг бозор қийматидан кам қийматдаги йирик инвестиция лойиҳаси бўйича таклифлар кўриб чиқилмайди.

Бўш турган ер участкаси бўйича ҳужжатлар йиғма жилди Кадастр агентлигининг Давлат кадастрлари палатаси томонидан “YERELEKTRON” AAT орқали тайёрланади.

Талабгор йирик инвестиция лойиҳасини амалга ошириш бўйича фақат ДХМ ва ЯИДХП орқали ариза билан мурожаат этади.

Ариза ДХМ орқали тақдим этилганда БҲМнинг 1 баравари (270 минг сўм) миқдорида йиғим ундирилади.

ЯИДХП орқали мурожаат этилганда бу миқдор 243 минг сўмни ташкил этади.

Ишчи орган (Инвестициялар ва ташқи савдо вазирлиги) ариза ва ҳужжатларни 3 иш куни ичида кўриб чиқади.

Камчиликлар аниқланмаса, лойиҳа Ҳукумат комиссиясига киритилиб, 10 иш кунида концептуал жиҳатдан кўриб чиқилади.

Лойиҳани амалга ошириш мақсадга мувофиқ деб топилган тақдирда, Давлат кадастрлари палатасига бўш турган ер участкасини аниқлаш бўйича сўров юборилади.

Давлат кадастрлари палатаси сўров келиб тушган кундан бошлаб 20 иш куни ичида электрон шаклда ер участкаси бўйича ҳужжатлар йиғма жилдини тайёрлайди ҳамда ваколатли ташкилотлар билан келишилади.

Йирик инвестиция лойиҳасига муқобил таклифлар Ишчи органнинг расмий веб-сайтида эълон берилган кундан бошлаб 60 кун давомида (60-кун соат 24:00 гача) қабул қилинади.

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/SardorAbduqodirovich 🦅

2021 йилнинг январ-август ойлари якуни билан республиканинг ташқи савдо айланмаси 24 963,7 млн. АҚШ долларини ташкил этиб, 2020 йилга нисбатан 383,1 млн. АҚШ долларига ёки 1,6 % га кўпайди.

Бундан ташқари:

Хитой – 4,8 млрд., экспорт – 1,6 млрд., импорт 3,2 млрд. АҚШ доллари

Россия – 4,5 млрд., экспорт – 1,3 млрд., импорт 3,2 млрд. АҚШ доллари

Қозоғистон – 2,5 млрд., экспорт – 736,7 млн., импорт 1,7 млрд. АҚШ доллари

Корея – 1,2 млрд., экспорт – 32,4 млн., импорт 1,2 млрд. АҚШ доллари

Туркия – 2,1 млрд., экспорт – 1,1 млрд, импорт 1,0 млрд. АҚШ доллари

Қирғиз Р. – 598,9 млн., экспорт – 490,2 млн., импорт 108,7 млн. АҚШ доллари

Германия – 471,8 млн., экспорт – 37,1 млн., импорт 434,8 млн. АҚШ доллари

Афғонистон – 443,9 млн., экспорт – 441,9 млн., импорт 2,0 млн. АҚШ доллар

Туркманистон – 418,1 млн., экспорт – 120,5 млн., импорт 297,6 млн. АҚШ доллари

Украина – 387,6 млн., экспорт – 121,6 млн., импорт 266,0 млн. АҚШ доллари

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/SardorAbduqodirovich 🦅

Ўзбекистонда шакар ишлаб чиқариш ҳажми бир йилда қарийб 3 баробарга ошган.

Давлат статистика қўмитаси маълумотларига кўра, 2021 йилнинг январь-август ойларида мамлакатимизда 384,4 минг тонна шакар ишлаб чиқарилган.

Шакар ишлаб чиқариш ҳажми ўтган йилнинг мос даври билан солиштирилганда 2,7 мартага ёки 239,9 минг тоннага ошган.

🔺𝕂𝕒𝕟𝕒𝕝𝕚𝕞𝕚𝕫𝕘𝕒 𝕆𝕓𝕦𝕟𝕒 𝔹𝕠'𝕝𝕚𝕟𝕘➖⬇️
https://t.me/SardorAbduqodirovich 🦅