#Назорат
#СамарқандВилояти
#БулунғурТумани

Ушбу тадбир телевидениеда ёритилади.

ИССИҚХОНА — мавсумдан ташқари даврларда маҳсулот етиштириш ва очиқ дала учун кўчатлар ўстиришга хизмат қилади. Иссиқхоналар сабзавот экинларини етиштириш учун қулай бўлибгина қолмай, балки турли касаллик ва зараркунандалар қишлаб қолиши ва кўпайиши учун ҳам макон ҳисобланади. Шундай экан, касаллик ва зараркунандаларга қарши доимий карантин назорати тадбирларини ўтказиш мақсадга мувофиқдир.
Албатта, бундай ҳолатларни олдини олиш ва ўсимликларни соғлом ривожланиб, сифатли ва мўл ҳосил бериши учун уларни доимий назоратда ушлаш керак бўлади.
✴️ Мана шундай назорат ишлари вилоятимизнинг барча шаҳар ва туманларида жойлашган иссиқхоналарда мунтазам ташкил этилмоқда.
✴️ Жумладан, Булунғур тумани “Гулзор” маҳалласида жойлашган “Янги ирганакли” қишлоғида истиқомат қилувчи Холдоров Шерали аканинг иссиқхонасида бўлдик. Иссиқхона майдони 2 сотихдан иборат бўлиб, помидорнинг шифобахш қора Ф1, Банан помидор,Олтин гумбаз номли киви помидори,Қулупнай помидор дарахти,Волшебная арфа Ф1, Буян сариқ, Қора мавр,қўзиқорин таъмли бойимжон ҳамда бойимжоннинг Ф1 зумрад дурагайи парваришланаётганига гувоҳ бўлдик.Бу иссиқхонада ҳар бир ҳосилга кирган помидор ўзгача таъм, шакл ва рангга эга.
Туманнинг “Янги ариқ” маҳалласида жойлашган “Янги ариқ” 2 гектарли иссиқхонасида эса 1 гектар 80 сотих майдонга нави “Мулстарт”бўлган бодринг ҳамда 20 сотихга “ Ламия” навли помидор ўсимликлари парвариш қилинмоқда. Бодринг ҳар бир теримида 4-5 тонна маҳсулот беради. Ушбу маҳсулотлар ички бозор расталарини тўлдирмоқда.
✴️ Иссиқхонада доимий карантин назорат тадбирлари ўтказилиб, уларни зарарлайдиган касаллик ва зараркунандаларга қарши ўсимликлар карантини инспекторлари ва агроном энтомологлари томонидан керакли тушунча ва тавсиялар бериб келинмоқда.

Самарқанд вилоят ўсимликлар карантини ва ҳимояси бошқармаси ахборот хизмати

Каналга қўшилинг 👇👇

https://t.me/Samkarantin

🌐 https://www.instagram.com/samkarantin99?r=nametag

🌐 https://www.facebook.com/profile.php?id=100073345246541

🌐 https://youtube.com/channel/UCeMdD5Tkf193unqC6ShdWbA

#СамарқандВилояти

ЁНҒИН ХАВФСИЗЛИГИ ҚОИДАЛАРИГА РИОЯ ЭТИНГ!

☝️Ўзбекистон Республикаси Вазирлар Маҳкамасининг 2019 йил 9 сентябрдаги “Аҳолини фавқулодда вазиятларда ҳаракат қилишга ва фуқаро муҳофазаси соҳасида тайёрлаш тартибини такомиллаштириш тўғрисида”ги 754-сон қарорига мувофиқ ҳар ҳафтанинг чоршанба кунлари ташкилотларда ва маҳаллаларда аҳолининг фавқулодда взиятларнинг олдини олиш ва ёнғинлар профилактикаси бўйича тайёргарлигини ошириш тадбирларини ўтказиш белгилаб қўйилган.
✅ Шу муносабат билан, Самарқанд вилоят Ўсимликлар карантини ва ҳимояси бошқармасида юқоридаги қонун ижросини таъминлаш мақсадида 2021 йилнинг 1 декабр куни Самарқанд шаҳар фавқулодда вазиятлар бошқармаси ходими иштирокида “ Ёнғин хавфсизлигини олдини олиш бўйича” бошқарма ходимлари ўртасида профилактик ёнғин хавфсизлиги қоидалари талабларини тарғиб қилиш ҳамда бу борада фуқароларнинг билим кўникмаларини ошириш мақсадида семинар ташкил этилди. Мазкур семинарда Самарқанд шаҳар фавқулодда вазиятлар бошқармаси катта лейтинанти Санжар Умаров маърузаси билан иштирок этиб, ходимларни ёнғин хавфсизлиги қоидалари билан таништириб ўтди. Ёнғиннинг олдини олишга доир ўтказилаётган тадбирларнинг мақсад ва вазифалари ҳақида тушунтиришлар бериб, ёнғиннинг пайдо бўлиш сабаблари, ўчириш воситаларининг ишлатилиш тартиби, ёнғин содир бўлганда дастлаб нималарга эътибор қаратиш зарурлиги ҳақида гапириб, ҳаётий мисоллар орқали мавзу доирасида керакли маълумотларни айтиб ўтди.
🔥 Мутахассис томонидан Самарқанд шаҳар ҳудудида содир бўлган ёнғинлар ва уларнинг оқибатлари, ёнғин келиб чиққан ҳолатларда бирламчи ёнғин ўчириш воситасини ишлатиш ҳамда, 101 телефон рақамларига зудлик билан қўнғироқ қилиб, ўт ўчирувчиларни чақириш зарурлиги ҳақида тўхталиб ўтилди. Маълумки, қиш мавсумида ҳаво ҳароратининг кескин пасайиб кетиши билан фуқароларимиз томонидан хонадонларни иситиш мақсадида, ҳар хил турдаги иситиш ва газ ускуналаридан фойдаланишга бўлган эҳтиёж кундан-кунга ошиб боради. Бу эса ўз навбатида ёнғин ва техника хавфсизлиги қоидалари талабларининг бузилиши натижасида хонадонларда табиий газ ва ҳаво аралашмасининг чақнашига, фуқароларнинг ис газларидан заҳарланиб қолиш эҳтимоли ошишига олиб келиши мумкин. Семинарда ушбу ҳолатларнинг олдини олиш бўйича олиб борилаётган тадбирлар ҳақида гапирилди. Таъкидланганидек, афсуски, барча ҳолатдаги бахтсиз ҳодисаларнинг асосий сабабчиси инсоннинг ўзидир.
🔥 Бундан ташқари, кейинги пайтларда электр энергиясидан нотўғри фойдаланиш ҳам ёнғинлар келиб чиқишига сабаб бўлаётганлигини, айтиб ўтди. Бундай воқеалар барчамизни куз-қиш мавсумида лоқайд бўлмасликка чақиради, албатта.
✅ Санжар Умаров хавфсизлик қоидалари ҳақида гапириб, сўзлари якунида шундай деди: “Ёнғин хавфсизлиги қоидаларига риоя этиш, келиб чиқиши мумкин бўлган ёнғинларнинг олдини олиш доимий масъулият талаб қиладиган вазифадир. Шундай экан, ана шу масъулиятни дилдан ҳис қилиб, сиз нафақат давлат ва шахсий мол-мулкингизни асраб қолган, балки яқинларингиз ҳамда фарзандларингиз хавфсизлигини ҳам таъминлаган бўласиз. Зеро, ёнғинни ўчиргандан кўра, унинг олдини олган афзал”.

Семинар якунида иштирокчиларининг қизиқтирган саволларига маърузачи томонидан тегишли жавоблар берилди.

❗Маълумот учун! Самарқанд шаҳрида 11 ой ичида 154 та ёнғин содир бўлган, унда 1 нафар фуқаро тан жароҳати олган, ис газидан эса 8 киши заҳарланиб вафот этган.

Самарқанд вилоят ўсимликлар карантини ва ҳимояси бошқармаси ахборот хизмати

Каналга қўшилинг 👇👇

https://t.me/Samkarantin

🌐 https://www.instagram.com/samkarantin99?r=nametag

🌐 https://www.facebook.com/profile.php?id=100073345246541

🌐 https://youtube.com/channel/UCeMdD5Tkf193unqC6ShdWbA

Кулгу вақти

https://t.me/SamTvr