✔️ Endi za'faronni Janubiy Koreyaga ham eksport qilish mumkin

🇰🇷Koreya Respublikasi Hayvonlar va o‘simliklar karantini agentligi bilan olib borilgan chora-tadbirlar natijasida za’faron (Crocus sativus) eksportiga fitosanitar ruxsat olindi.

🛒 Ma’lumot uchun, bugungi kunda O‘zbekistondan Koreya Respublikasiga mahalliy meva-sabzavotlarni eksport qilish uchun olingan fitosanitar ruxsatlar soni 50 taga yetkazildi. Bular:

🍒 yangi (xo‘l) mahsulotlar: gilos, anor, sarimsoqpiyoz, piyoz, sabzi, lavlagi, ukrop, aysberg salati, rukkola, rayxon, petrushka, selderey, rediska, koriandr, yashil no‘xat, karam;

🥔 quritilgan mahsulotlar: anjir, o‘rik, mayiz, olxo‘ri, olma, nok, nektarin, qovun, olcha, gilos, achchiq qalampir, piyoz, sabzi, pomidor, kartoshka, bulg‘or qalampir, kovul, ukrop, aysberg salati, rukkola, rayxon, yalpiz, petrushka, selderey, za’faron;

🫒 dukkakli mahsulotlar: yeryong‘oq, mosh, loviya;

🥭 boshqa mahsulotlar: tozalangan grek yong‘og‘i, xandon pista, bodom, shirin o‘rik danagi, achchiq o‘rik danagi, kunjut.

💐 Zaʼfaron ko‘plab foydali hususiyatlari bilan mashhur: ovqat hazm qilishni yaxshilab, ishtahani ochadi, undan oshqozon, yurak, jigar, nafas olish aʼzolari va asab tizimini mustahkamlashda, buyrakni tozalashda, ogʻriqni qoldirishda, tinchlantiruvchi, peshob, oʻt va ter haydovchi vosita sifatida foydalaniladi.

Zaʼfaron dorishunoslik sanoatida keng foydalanilib, sharq tabobatining 300 dan ortiq dori-darmonlari tarkibiga kiradi.
Shu bois bugungi kunda ushbu o‘simlikka AQSH, Xitoy, Janubiy Koreya, Yevropa va boshqa ko‘pgina davlatlarda talab yuqori.

🔔 Za’faron eksport qilish istagida bo‘lgan tadbirkorlar diqqatiga!
Za’faron eksportini amalga oshirish uchun quyidagi talablar amal qiladi:

🔸 mahsulot zararkunandalar, tuproq va begona o‘tlar urug‘laridan holi bo‘lishi;

🔸 fitosanitariya choralari bo‘yicha xalqaro standartlarga (ISPM-7 va ISPM-12) muvofiq fitosanitariya sertifikatiga ega bo‘lishi lozim.

#export #zafaron

🔰 karantin.uz 📱Facebook 📱Instagram📺Youtube ✖️Twitter