ـ🎵💌

أعدل الناس و أزينهم خجل ..
و أغلى من الناس في وقت الزعل ..
و أجمَل اللي حصل لي و ماحصل ..
لو تحبيني .. هذا يكفيني ..

قالت : ألو ..
وصِحت : بكثر هذا التعب ، مشتاااااق
للي ما سألوا ..
قالت : وبالنبره حِزن
كل ليله بـ غيابك إحن
و ضحكاتك بـ قلبي .. كلّوا
قلت : إصبري يعدّي اللي كان
ويوّرد بـ عيني الزمان ..
وأجيج مع واقع حلو
هي ضحكت وانا سهيت
وبقلبي .. بـ حرقه دعيت
يا رب أبي واقع حلو :(

ترى مازلت أحبك حتّى وحنا بعاد
ياخوفي منّك ، وعليك ياخوفي

أبيك تحِس فيني بس مالله راد
ماراح تحس لين تمْر بظروفي

واذا ماحن لي قلبك "شسوّي عاد" !؟
مابكْفوفي سوا تلويحة كْفوفي

ـ🌸

حَتّى على كُبر انكساري تبسَّمت
ما ودي أكسِر خَاطِر اللي كسرني ..

حبيبي القاسي متى قلبك يلين ؟
و متى نحقق بـ الحياة الأماني ؟

صرنا بعد حلو الليالي !! غريبين
و صارت سوالفنا ( روابط أغاني ) !

حبيبي القاسي متى قلبك يلين ؟
و متى نحقق بـ الحياة الأماني ؟

صرنا بعد حلو الليالي !! غريبين
و صارت سوالفنا ( روابط أغاني ) !

ـ
مصيرك يا الجروح اللي كبرتي فـ الصدر تبرين
ومصيرك يا الكلام اللي ورى صمت الأفا تنقال !

ما قدرت أكون و إنتي ترخصين الحب هادي !
صعب اشوف اللي بنيت بـ ديرة الأحلام طايح

قلت انا مسافر عن عيونك بعيد .. وكان عادي
ما سألتيني : متى ؟ أو ليه ؟ و لّا وين رايح ؟

حبيبتي ،
تلاشى من قلبي الشغف
تخيّلي !
حتى لو أسمع ضحكتك
حتى الأغاني و القصيد
و أشيائي اللي كنت أحب !
ما عادت تشدّ إنتباهي
للأسف.

-🎵

حسايف الحزن يغشى وجهك الطاهر ..
و الورد في وجنتك حرام تغريقه

قفلت بابي .. عن ( الزوّار )
قبل أجمل العمر / يذبل بي

ساكت .. ورى بالي المحتار
و ( الشعر ) دايم سبب غُلبي

خذني :
صباح
و وطن
و أسرار
ولّا إترك الليل / يرحل بي

وشلون ألومك على اللي صار ؟
اللوم كله على ( قلبي ) !

‏                 ↓˓❁⸀ء
‏
‏
وش ﺣﻴﻠﮧ النعسان و القلب صاحي 
‏فاقد حضور انسسان بالحيل يغليہ .

-💌

‏اختلافي .. بالنزاعات الأليمه
‏بين ظني فيك ولا في ظنونك

ماقرت عيني رسايلك القديمه
‏بعد ماقرّت على الفرقى عيونك

ـ✍🏼💌


أنا حلمي .. أكون بـ يوم ( نص دينك )
ولو حتى بغرفة .. من غصون ، وريش !

‏⁧ 🎵💔

‏على الله و الكلام اللي يمرّ البال بـ غيابك
‏كلامٍ كل ما ودّي أقوله ! " ينكسر صوتي "

‏،
‏
‏استأذنك واشوف قلبك على خير
‏حيرتني ما بين جزرك و مدك

وان خافت أشواقك طوال المشاوير
‏" مسافة الاحساس " واكون عندك

ـ✨✨


إن كُنتَ مثلي للأحبة فاقِدًا،
أو في فؤادك لوعة وغرامُ"

قِِف في ديار الظاعنين ونادِها ..
يا دار ما صنعت بكِ الأيامُ…

‏ـ🌸💫


ما ندمت إلّا على إسرافي بحبك
وما ولهت إلّا على "نفسي قبل"

ـ🎵💌

لا تنازل
إنت لك حق تباهى بالكلام
لا تخلّي بينك و بين الحياة :
جدار عازل
وكل ما مرّت بدربك بنت حلوة !
قول انا شاعر،
و غازل

ـ✍🏼🎵


تعبت : أتذكّرك .. وأوقف على الماضي !
مِثل : ما أخذتني منّي.. "ترجّعني" !
✨💌

ـ✨💌


أراكَ عليّ أقسَى الناسِ قلباً
َ ‏وَلي حالٌ ترقّ لهُ القُلوبُ

حَبيبٌ أنتَ قل لي أم عدوٌّ
ِ ‏ففعلُكَ ليسَ يفعلهُ حَبيبُ