سؤال و جواب ....من زميلكم 🙏🏻🔥

كذبة أبريل 🤥
***********
كذبو علينا وقالو خلص التاسع وبالثانوي بترتاح
كذبو علينا بالثانوي وقالو خلص البكالوريا وبالجامعة بترتاح
وهلق رح يكذبو عليكن ويقولو خلص الجامعة واتخرج وبترتاح

من تجربتكم السابقة كنتو عم ترتاحو أكتر بعد كل مرحلة ولا عم تنتقلو لمرحلة أصعب وجزء فيه مسؤلية اكتر ومحتاج اهتمام أكتر ؟؟؟
أكيد الشغل والضغط والتعب رح يزيد مع الانتقال لل ال Level التالي من الحياة ( نفس مبدأ الالعاب كل مرحلة أصعب من الي قبلها) ..
صدقني مرحلة مابعد التخرج والانتقال لسوق العمل مانها سهلة بالشكل الي انتو مفكرينو ( خدوها مني انا عم احكي معكن من هنيك .. انا من المستقبل تبعكم 🙋🏻‍♂️)

ولكن
مع كل مرحلة عم تنتقل عليها انت خبرتك عم تزيد ومستواك عم يرتفع وقدرتك ع تجاوز الصعاب والمهمات الصعبة كمان عم تزيد ... ومتل مابصير بالالعاب الي فيها مراحل انو وقت بتكون بمرحلة وبتجمع قلوب حياة أكتر بس تنتقل ع الليفل الاعلى بتزيد قدرتك ع التحمل وبترتفع خبرتك بالمستوى التالي...
كمان بالحياة هيك بصير ف هلق انتو بهالمستوى الجامعي الي رح تشوفوه تحدي كبير بالنسبة لخبرتكم المتواضعة ومعلوماتكم البسيطة بس بتقدرو تجمعو امكانيات كبيرة وتسهلو ع حالكم المرحلة القادمة بتقدرو تطورو من خبراتكم وبتقدرو تدعمو حالكم بالعلم والفهم والتقدم والاستثمار بنفسك وبعقلك وعلمك
لحتى تلاقي نتيجة سعيك بعملك بالمرحلة القادمة من الحياة 🙏🏻💚

لا تخلي حدا يكذب عليك ويقلك هاد المجال مالو سوق
لا تخلي حدا يكذب عليك ويقلك المادة الفلانية صعبة ومابتترفع
لا تخلي حدا يكذب عليك ويقلك انا ماعم ادرس خلص مافي داعي تدرس بتترفع دورات
لاتخلي حدا يكذب عليك ويقلك ركز ع مواد الجامعة وبس تتخرج بتتعلم شي مجال لانو مارح يكون عندك وقت
لا تخلي حدا يكذب عليك ويقلل من شغفك وطموحك وحلمك ويكسر منكم ومن اجتهادكم

وانتو كمان لاتكذبو ع حدا ولاتلعبو دور سلبي بالمواضيع

هي المرحلة فرصتكم لحتى تستثمرو بنفسكم
لانو بس تتخرجو مو كلكم رح تتخرجو بنفس السوية العلمية وكل مين على قدر اجتهادو ..
القرار بإيدك 🙏🏻
انت اختار صورتك المستقبلية للتخرج🔥

فقرة معلومات عامة:🔥
English:
ماهو الفرق بين (Image و Picture و Photo ) ؟

هم الـثلاثة معناهم بالعربي "صورة " لكن بالانجليزية يوجد فرق كبير بين 3 كلمات
▪️ كلمة ( Photo ) مثلا👇🏻
معناها صورة، لكن (صورة متصورة بـالكاميرا) فقط .
وطبعا جاءت من كلمة ( photograph - تصوير ضوئي ). يعني أي حاجة ما متصورة بكاميرا لا تسمى Photo
مثال:
- This is my class photo*. I'm the one in the middle.
الترجمة: هذه صورة فصلي . أنا في الوسط ..
▪️ أما كلمة (Picture) 👇🏻
فهي كلمة أشمل.. نستطيع استخدمها مع الصور والرسومات وحتى الصور اللي بالكاميرا أيضا ..
مثال :
- Take a look at this picture* and see if you recognize anyone.
الترجمة: انظر الى هذه الصورة وشوف لو تعرف أي احد.
▪️ أما كلمة (Image )👇🏻
فهي تعبر عن صور الخيال بس.
جاءت من (Imagination- او خيال). مثل صورتك امام الناس (انطباع الناس عنك)، أو مثلا صورة في ذهنك.
ويمكن ان تستخدمها ايضًا مع الصور اللي تراها على الكمبيوتر، أو في المرآة لأنها تعتبر صورة خيالية غير حقيقية..
وكذلك تكثر استخدامها مع الصور الفنية
مثال:
- The poem is full of images
الترجمة: القصيدة مليانة بالصور (صور جمالية طبعا )

مسا الخير جميعًا 🙏🏻💚
علمكن شي بينعمل بالبرمجة بتستفادو منو بحياتكم اليومية ؟؟
اذا عندك مجلد ع اللابتوب وبدك تخفيه بدون ماحدا يقدر يشوفو بدون كلمة السر الي انت بتعرفها
كيف بتخفيه ؟😎😎
شوف الفيديو 👇🏻

وهاد ملف السورس كود الي كان بالفيديو 👇🏻👇🏻

هي طريقة قفل الملفات للمحترفين متلكن 😎
بس اذا اجا حدا محترف متلكم بتنكشفو بس مو بسهولة يعني بيقدر يخمن انو هون في ملف مخفي اذا عرفتو تعملو تمويه 😂

سؤال من زميلكم :
الجواب:
هي بقا انت وهمتك
وقت بتفوت عالمعلوماتية الكلية بتعطي الاساس للكل وبتعلم الكل كيف يشتغلو ويطورو من نفسهم
بس اذا انت ماشتغلت ع حالك صدقني رح تتخرج ومارح تلاقي شركة توظفك ومارح تقدر تفوت بسوق العمل
لهيك الموضوع قرار بإيدك مو من الكلية ,مع الكلية لحالا مستحيل تقدر تشتغل بسوق العمل بدون ماتطور حالك
مواد الكلية مارح تأهلك لهالموضوع والكلية كلها مو مهمتها تأهلك لسوق العمل هاد شغلك انت
الكلية بتعطيك الاساس وبتدلك ع الطريق وانت بتفوت فوتك..🔥🔥

مسا الخير جميعا 💚💚🙏🏻
من فترة عملنا جلسة تعريفية ومقدمة الى البرمجة وال problem solving وحكينا شوية حكي كتير مهم لطلاب السنة الاولى ...
في بعض الاشخاص حضرو وفي قسم ماقدر يحضر
ف ان شالله بعد العيد رح نعيدها للاشخاص الي ماقدرو وحابين يحضرو
الي حابب يحضر يعلق ع هالمنشور بعد اذنكن لنعرف العدد وحطو مجال الوقت المناسب الكن للحضور
الجلسة مجانية و اونلاين وعن طريق الgoogle meet 🙏🏻

لما حدا يجي يقلي كيف بدي اتعلم لصير ويب ديفيلوبر وهو لسا ماتعلم اساسيات البرمجة وماتعلم التفكير والمنطق البرمجي صح 🙂🙂

ملاحظة :
بالجلسة الي رح نعملها بعد العيد رح احكي عن هالموضوع بتفاصيلو🙏🏻
كونو جاهزين 🙏🏻🔥🔥

كل عام وانتو بألف خير يارب🙏🏻🎉
ينعاد عليكم يالخير والصحة والعافية جميعًا وان شالله بشوفكم أفخم المبرمجين بالمجال ومنشوفكم بيوم من الايام بأهم المطارح🙏🏻🔥💚

كيف تتقن البرمجة؟💻🤔

أفضل حل لحتى تتقن أي شي بالحياة هو انك تمارسه يوميا 🙋🏻‍♂️
اي شي بالحياة بتحولو لعادة من عاداتك اليومية رح يجي يوم وتتقنو بأحترافية...
طيب اذا كان ماعندك وقت ومانك فاضي كل يوم شو نعمل ؟

بكتاب "Atomic Habits" وهو من أعظم كتب تطوير الذات بيعلمك كيف تبني أي عادة بالحياة بقاعدة الدقيقتين✌🏻

القاعدة الاولى: الاستمرارية.

تخيل معي: طائرة على وشك الإقلاع من لوس أنجلوس إلى نيويورك، ولكن الطيار يغير مسارها بمقدار ضئيل 3.5 درجة فقط. هذا التغيير البسيط، الذي لا يكاد يُلاحظ، ينتهي بالطائرة في واشنطن العاصمة بدلاً من نيويورك! مما يوضح لنا كيف أن التغييرات الصغيرة يمكن أن تؤدي إلى نتائج كبيرة مع مرور الوقت.

يعني انت كـ مبتدئ متوقع متوقع انك بحاجة لانجازات ضخمة لحتى تحترف
بس بالحقيقة انت بحاجة بس للكثير من الخطوات الصغيرة المستمرة فقط

الاستمرارية ياجماعة صدقوني الاستمرارية شيئ مرعب
قادر انو يحولك نظام يومك كلو بس تستمر ع عادات معينة
كلنا منقضي ساعات باليوم ع الفيس والانستا والريلز ( ملاحظة انو الريلز اكبر ضرر بالحياة وبعدين بحكيلكن ليش)
وين المشكلة اذا خصصت من يومك نصف ساعة للبرمجة بالايام الي مانك فاضي فيها ؟
طب خيي مو نص ساعة خليها ربع ساعة
اي والله ربع ساعة ماتفكر انها مابتعمل شي ( تأثير الفراشة)
هاد باليوم الي انت مانك فاضي فيه وبس تكون فاضي قعود أكتر
وصدقني الاستمرارية أمر هام جدا جدا جدا
بيعلم عقلك انو هاد الامر من حياتي اليومية ,وبيخليلك كلشي تعلمتو دائما على اتم الجاهزية لانو العقل بيعرف انك كل يوم عم تستخدم هاد الشي ف مابيخليك تنساه
مابتسأل حالك كيف شوفير السرفيس قادر يسوق ويشرب شاي ويحكي مع الي جنبو ويلم الاجرة من الركاب ويتذكر مين دفع ومين لأ؟
مع انو اذا بتجيب واحد عم يتعلم سواقة جديد اذا بتحكي معو او بتشغل غنية بيقلك سكوت شوي ماعم شوف بدي ركز😂
الموضوع كلو بالاستمرارية
الشي الي انت متعود عليه كل يوم وبتحولو لعادة من عاداتك (وبتعطيه ساعة من ساعاتو 😂)رح يصير جزء منك بحيث انك تصير تعملو بدون ماتفكر حالك اصلا عم تصرف أي جهد..🔥

يتبع...

كيف تتقن البرمجة؟💻🤔
الجزء الثاني:

بتعرفو شو أهم جزء بالموضوع ؟
انو دائما بداياتكم رح تكون بلا نتائج واضحة يعني مارح تلاقو فيها شي ملموس و "جيمس كلير" بكتابو Atomic Habits بيسمي هي المرحلة بـ "وادي خيبة الأمل" يعني رح يجي واحد منكم بيوم من الايام يقلي انا صرت بعرف كتير أفكار بالبرمجة وفهمانها بس اذا بتطلب مني اكتب كود مارح اعرف او مافي نتائج واضحة ع هالموضوع هاد...
هون بدي بدي ياكم ماتيأسو وتستمرو لانو بس وصلتو لهي المرحلة معناها انتو قطعتو شوط لابأس به وهي مرحلة رح تمر ع الكل اجباري وجيمس كلير حطكن بالصورة من البداية وقلكم انو هي مرحلة من مراحل التطوير والتقدم متلا متل الي قبلها ومتل الي جاي بعدها
استمرو وماتاكلو هم رح تتجاوزوها لهي المرحلة ووقتها رح تحس حالك كأنو عندك قوة خارقة ورح تصير اي مسألة برمجية بالنسبة الك متل تحدي ممتع مليان حماس وطاقة بالنسبة الك ورح تصير كتابة الاكواد امر سهل وممتع وجميل وتجي تقلي حليت الكود واشتغل معي وانت حاسس بجرعة كبيرة من الدوبامين🔥🔥🔥🔥

لذلك رح نحكي هلق بالنقاط الرئيسية الي حكا عنها جيمس كلير بقاعدة الدقيقتين:

1-بناء عادة :
لحتى تبني أي عادة لازم تستمر ع تكرار حلقة العادة وهي حلقة تكرارية لازم تنعاد بشكل يومي وبتتألف من 4 مراحل:

الاشارة: هي انك تحط تنبيه او تذكير الك او اي شي يعتبر بمثابة اشارة لتذكيرك بالعادة

الرغبة: هي انك تكون عنجد عندك رغبة بالقيام باالامر.

الاستجابة: هي لما انتو بتردو ع الاشارة الي اجتكن برغبة فبتتولد الاستجابة وبتروح بتفتح لابتوبك وبتبلش تكتب كود او تحل شي تمرين

المكافأة: هي الشي الي لازم يحصل عليه العقل لحتى يحس بالانجاز و نشوة الشي يلي عم عملتو (وبحب خبركم انو بالبرمجة المكافأة رح تلاقوها بس يشتغل معك الكود صح هون رح تحس بمتعة عظيمة😁🎉)

2-الوضوح أهم من الحافز:
المشكلة الي ممكن تواجهكم مو انو انتو ماعندكم حافز اتجاه هي العادة .. المشكلة بتنشأ لما ما تكونو واضحين بشأن اهدافكم
يعني مابيمشي الحال حدا يقول انا بكرا رح اتعلم برمجة لازم تقول انا بكرا رح فيق الصبح اعمل كاسة متة واقعد ساعتين اكتب كود وحل تمارين برمجة
او بكرا بعد ما ارجع من الجامعة رح اتغدى واقعد ساعة حل التمرين الفلاني..

فـ قاعدة الدقيقتين في بناء العادة هي الحل لحتى توصلو للاحتراف وممنوع تحطو اهداف غير واقعية
يعني ماحدا منكم يجي يقول انا رح بلش هلق اتعلم والشهر الجاي رح اعمل ابليكشن للموبايل هاد شي غير منطقي بالمرة الاهداف لازم تكون واقعية...
وبيأكد جيمس كلير على أهمية البدء بخطوات صغيرة وسهلة، مثل تخصيص دقيقتين فقط في اليوم للنشاط الذي ترغب في تحويله إلى عادة. على سبيل المثال، إذا أردت أن تبني عادة قراءة الكتب، ابدأ بالقراءة لمدة دقيقتين يوميًا، ثم زد الوقت تدريجيًا. هي الطريقة يتساعدك على تحقيق أهدافك بدون الشعور بالإرهاق أو الإحباط.

صباح الخير
التسجيل ع الصفوف اليوم
ماحداا ينسىى 🙏🏻

طريقة التسجيل على الصفوف:

https://www.youtube.com/watch?v=PeNNMDTIRU0

مسا الخير🙏🏻
اذا عملنا الجلسة بكرا المسا اي ساعة بيناسبكن أكتر ؟🔥😎
6-8
8-10
7-9
9-11