طلاب معهد الحاسوب TIC
هاد رابط كروب الواتس... الكل ينضم عليه
https://chat.whatsapp.com/Cv0LdkFiO2R9NONAkyGDvA

طلاب تقانة المعلومات BAIT
هاد رابط كروب الواتس... الكل ينضم عليه
https://chat.whatsapp.com/CcdCGQphuFQ0n7XUulO41O

🔥المسابقة البرمجية ICPC 🔥

الي مابيعرف منكن انو بعالم البرمجة عنا كل سنة بصير مسابقة برمجية دولية ع مستوى العالم
مسابقة رائعة وقوية وحماسية و اجواء بتنقلك لعالم تاني مختلف تماما عن هالعالم كلها اجواء فرح واحتفالات ومعسكرات وغيرو يعني فيكن تقولو كأس العالم تبع البرمجة 💻🌎...
بلشت المسابقة بعالم البرمجة تنطلق سنويا من عام 1970 بدعم من أكبر شركات التكنولوجيا والمعلوماتية...
فكرة المسابقة بأنو في فرق بتشترك كل فريق مكون من 3 طلاب ومعهن كوتش مدرب ( متل فريق كرة القدم)
ومعهن كومبيوتر واحد
بينعرض ع الفرق عدد من المسائل البرمجية والي بيحل هي أكبر عدد من المسائل بأقل وقت ممكن هو الفائز
وطبعا بيكون بالترتيب يعني الفريق الي بيخلص قبل هو الاول
الهدف أنك تحل أكبر عدد من المسائل البرمجية بأقل زمن ممكن...

طبعا كل سنة بيتم افتتاح المسابقة بالجامعات السورية وبيشكلو الفرق وبيعملو تحديات تصفيات بين بعض والي بيضل منن بيتأهل للمرحلة التالية يلي بتكون ع مستوى سوريا ( بأنو يلعب مع الفرق المتأهلة من باقي الجامعات السورية وغالبا بتصير بمدينة دمشق)
وبيلعبو التصفيات ع مستوى سوريا وبيطلع قسم وبيضل منن بيتأهلو للمستوى التالي ع مستوى الدول العربية كلا والي غالبا بتصير الفعالية بمصر وطبعا الي بيتأهل من هي المرحلة بيلعب مع فرق من العالم كلو وبيجتمعو بإحدى الدول ....

طبعا هي المسابقة ممكن اي طالب جامعة بأي سنة يشترك فيها مافي الها شروط ابدا ومو شرط تكون خاتم لغات البرمجة كلها لأ فيك تكون شاطر بلغة وحدة بس مامهم اي لغة لأنو الاساس لهي المسابقة هي انك تكون شاطر بال problem solving وحل المشاكل الي عرفت عنها بالجلسة الي اخدناها من فترة
وانك تعرف تستخدم البنى والتقنيات الموجودة بالبرمجة لتصميم خوارزمية لحل المسألة ...
طبيعة المسائل المطروحة: تضم المسابقة مسائل متنوّعة وواقعية وتتناول مشكلات يمكن أن تواجهنا في حياتنا اليوميّة. حيث يكون عدد المسائل حوالي العشر وهي متسلسلة الصعوبة فمنها السهل ومنها الصعب جداً، وهنا يأتي دور المتسابقين في إيجاد الخوارزميات المناسبة للحل وكتابتها بإحدى لغات البرمجة المسموح بها في المسابقة C++ ،C ،Java

تشكل المسابقة فرصة لاختبار قدرات المتسابق على:

العمل تحت الضغط (وقت قصير، مسائل تتدرج بالصعوبة، إمكانيات محدودة).
تنمية القدرة على تنسيق الجهد مع باقي أعضاء الفريق.
تنمية التفكير المرن والقدرة العالية على التحليل المنطقي.
كما توفر الميزات التالية:
الحصول على شهادات معتمدة عالمياً.
توفير لقاءات للطلاب في المرحلة الجامعية بأهم شركات القطاع المعلوماتي وقطاع الاتصالات مما يسمح لهم بالتواصل مع سوق العمل ومعرفة متطلباته واحتياجاته.
رفع سوية الخريجين بشكل عام ورفع سوية المعرفة البرمجية والتقنية بشكل تراكمي لدى المتسابقين وضمن الجامعات عاماً بعد آخر.
المسابقة البرمجية من أهم المسابقات العالمية في مجال المعلوماتية ومدخلاً للاعتراف العالمي بشهادات الجامعات التي تشارك فيها.

الاشتراك بالمسابقة الها فوائد كبيرة ع الصعيد الشخصي والمهني بالمستقبل
وبكتير سنوات فرق من الجامعات السورية كانو ياخدو ترتيب من الاوائل ع العالم...

ان شالله بيجي يوم ومنشوفكم من أهم الفرق بهي المسابقة العظيمة 🔥🔥🔥

لحتى تفوتو ع هالمسابقة بقوة مطلوب منكم تتعلمو اساسيات البرمجة والتفكير الصحيح والمنطق والفهم البرمجي وحل المشاكل
البرمجة مو مجرد انو يلا منفتح ومنكتب كود
البرمجة تفكير وفهم واسلوب لحل المشاكل وهاد الشي بيجي بالتدريب
ومو كل مين تعلم اساسيات اللغة ف صار بيعرف يبرمج لانو الاساسيات وطريقة كتابة الكود مجرد ادوات بتساعدنا لنوظف فكرنا ونوظف طريقتنا بحل المسألة لنحولها لبرنامج حاسوبي...
تعلمو اساسيات منيح وتعلمو تفكرو متل المبرمجين واشتركو السنة الجاي بالمسابقة وان شالله بتوصلو للنهائيات 🔥🔥🔥

موقع من أهم المواقع للتدريب ع مسائل برمجية
https://codeforces.com/
ان شالله بس بلشتو تتعلمو الاساس وبعد ماتدرسو البرمجة 1 بتصيرو قادرين تحلو مسائل ع هاد الموقع ورح يفيدكم كتير 🔥🙏🏻

🔴من كم يوم سألني زميلكم سؤال انو شو رأيك نستبدل نظام تشغيل اللابتوب من وبندوز ل لينوكس ؟
ف قبل ما جاوب ع هالسؤال وجب عليي توضيح كم نقطة...
🟡نظام التشغيل OS هو السوفتوير الي بيأمنلي ادارة الموارد والبرامج الي عم استخدمها مع الحاسب يعني هو عم يلعب دور الوسيط بيني وبين الهارد وير باللابتوب..
بدون نظام التشغيل الجهاز بصير مجرد قطع الكترونية مالها اي فائدة بالنسبة الي ومابقدر اتعامل معها لانها قطع مادية ممافيني اعمل فيها شي
🟢ال Operating system هو الي بيشتغل وسيط بيني وبين هي القطع ل اقدر اتعامل معها
ومتل مابتعرفو بتختلف انظمة التشغيل من جهاز لاخر ومن نسخة لاخرى
عنا مثلا بالنسبة للموبايلات نظام تشغيل اندرويد الي مدعوم من شركة غوغل ونظام تشغيل IOS الي بيكون بالاجهزة الي جاي من شركة ِApple
ومتل مابتعرفو كل نظام تشغيل الو برامجو الخاصة يعني مثلا البرنامج الي بنزلو ع موبايلي السامسونغ الي نظامو اندرويد مابقدر نزلو نفسو ع موبايل ايفون كل نظام الو نسخ مختلفة واصدارات مختلفة من البرامج
يعني صح في واتس اب للاندرويد وللايفون بس هنن مو نفس النسخة وبيختلفو لانو هاد مصمم ليشتغل ع نظام اندرويد وهاد مصمم ليشتغل ع نظام ios

🔵"يعني هلق انا اذا بعتت الواتس والفيس من موبايلي ع اللابتوب مابيشتغل "؟
"طيب كيف هيك واللابتوب احدث من الموبايل"؟
لا تضحكو 😅 عادي انسألت هالسؤال من قبل وطبيعي الواحد مايكون بيعرف والجواب أكيد لأ مافيني لأنو ومادخل التطور الفرق انو اللابتوبات عنا اغلبها بتجي مع نظام تشغيل مدعوم من شركة مايكروسوفت اسمو windows وهاد اشهر نظام تشغيل بالعالم ولكن ليس النظام الوحيد
في عنا انظمة شهيرة تانية متل نظام لينكس Linux
🔺ميزاته :
يتميز النظام بسرعته الكبيرة بالنسبة لأنظمة التشغيل الأخرى.
يتميز بأنه مستقر لا يتطلب إعادة التشغيل بصورة متكررة.
يتمتع نظام لينكس بأدائه العالي وسهولة استخدامه.
نظام موثوق بصورة أكبر من الأنظمة الأخرى.
يمكن من خلاله استعمال القرص الصلب بصورة كاملة
يعتبر من أكثر الأنظمة أمانا وأقل عرضه للخطر.
يتواجد على الانترنت بشكل مجاني.
يتميز بمرونته وسهولة تثبيته على أجهزة الحاسوب.

🔻سلبياته :
يحتاج النظام فترة طويلة حتى يتم العمل عليه.
لا يتيح برامج تجارية كبرامج معالجة الكلمات ومتصفح الانترنت وبرامج الألعاب.
يضم أدوات صعبة عن بقية الأنظمة الأخرى.
يحتاج هذا النظام إلى فترة طويلة حتى يتم إتقانه وتعلمه.

⚫️طبعا نظام لينكس نظام قوي واقل عرضة للخطر والتهديدات الامنية وفيه ميزات قوية بتساعد المبرمجين والي بيشتغلو شبكات وأمن سيبراني وغيرو من الامور لأنو هون بيهمن الزمن كتير وبيهمن السرعة الخارقة وبتفرق معهن اجزاء النانو ثانية بتنفذ الخوارزميات وقصص طويلة بلا مافوتكن بدواماتها...😂

"يعني هلق انا مافهمت بتنصنحي نزلو بدل الويندوز ولا لأ؟"
لينكس يعتبر أصعب ك تعلم ولحتى تستفاد من ميزاته كاملة بدك فترة طويلة لتفهم كلشي فيه وبدك تكون عنجد انت محتاج هي الميزات والا ف مافي داعي تنزله
لانو في كتير برامج رح تحتاجها مارح تقدر تستخدمها متل برامج الوورد والاكسل والباوربوينت الي هيه من شركة مايكروسوفت ف مارح تنزل معك ع اللينكس بس في برامج شبيهة فيها بس انت مو مضطر تفوت بهالقصة ممكن تحتاج برنامج او بالكلية تشتغلو ع برنامج مانو مبرمج منو نسخة ل لينكس وتقعد تدور ع برنامج شبيه الو وتعاني وماتلاقي او اذا لقيت ماتعرف تشتغل عليه وماتلاقي حدا يعلمك لانو مو كل العالم بيستخدمو لينكس...

لذلك صديقي خليك ع الويندوز صديق الجميع والكل متعود عليه وبيستخدمو ومبسوطين معو ومافي داعي حاليا تقلب نظام التشغيل ممكن ان شالله مع الايام اذا شفت انك محتاج الميزات تبعو بمجال عملك تنزلو اما هلق ف مابنصحك ابدا 🙏🏻🙏🏻
وبالتوفيق للكل 🙏🏻💚

صديقي انت اسأل جماعة الايفون اديش بيتعذبو لينزلو برامج لانو الاقلية عنا الي بيستخدمو ايفون...
لانو الاشهر (ع الاقل ع مستوى سوريا ) هو نظام الاندرويد

ف مابالك لو استبدلت الويندوز ب لينكس ؟
الي مافي الا 2 بالمية من الناس بيستخدموه ؟
فحاليا انت ما رح تقدر تتماشى مع الكلية والامور والمشاكل الي بتطلعلك ومافي الا 2 بالمية من الناس بيستخدموه لانو الجزء ال 87 % عندن نظام ويندوز ورح يعلموك ع اساسو

عن شو بدنا نحكيلكم اليوم ؟🔥🙏🏻

سؤال من زميلكم بالكلية :

الجواب :

كلامك صحيح أفضل لغة للمبتدئين هي لغة ال C++
وتاني ترتيب بتجي عندك ال C شارب و ال java
طبعا رغم انو برأيي ورأي الكثيرين ال c++ هي الافضل ك بداية بس هاد مابيعني انو مافيك تبلش من السي شارب
فيك تبلش من السي شارب وفيك تعمل اساس جيد وقوي
وبعدين فيك تنتقل لأي لغة تانية بعدها
بس ابدا مابنصحك تتعلم أكتر من لغة بنفس الوقت
يعني انت هلق عم تتعلم سي شارب مافي داعي تضيع حالك بلغة تانية تعلم اساسيات البرمجة باستخدام السي شارب و وتعلم اسلوب التفكير البرمجي
البرمجة مو مجرد لغة ونفتح ونكتب كود ويلا خلص خلصنا...
والي بيتعلم اساسيات اللغة بس ف ما اسمو مبرمج
البرمجة اسلوب تفكير ومنهج ومنطق
وبس تعلمت هالشي مارح تفرق معك اللغة لانو اللغة مجرد اداة وتقنية لتحول افكارك لبرنامج
وبس فهمت السي شارب وتعلمت الفكر البرمجي فيك تتعلم أي لغة تانية بسهولة كتير كبيرة
مثلا انا اذا علمتك كيف بيتم تشكيل الجملة باللغة الانكليزية
وقلتلك اكتبلي بالانكليزي جملة لعب أحمد بالكرة
وقلتلك الكلمات Ahmad ولعب play والكرة ball
مابتعرف تشكلها ؟؟؟

والبرمجة هيك انت بس تعلمت الفكر البرمجي مابقا بتصير تعلم اللغات التانية عائق بالنسبة الك
بتصير بتتعلم شو الكلمات الي بتنكتب فيها لتقوم بمهمة معينة وبتقدر تكتب برنامج فورا بكل سهولة وبدون مشاكل

مثلا انت اتعلمت تعليمة الطباعة ةتعلمت ايمت وليش بستخدمها لهالتعليمة وعرفت انو تعليمة الطباعة بالسي شارب مثلا هيه:
Console.WriteLine("hello");
ف انت بس تجي ع لغة تانية فورا بتقلي شو شكل تعليمة الطباعة هون ل اطبع جملة ؟
بقلك مثلا بال C++
بتكتب
Cout<<"hello";
وانت طبعا رح تعرف تستخدمها فورا ومارح يكون عندك مشكلة معها لانك بتعرف الاساس والفكر البرمجي كيف ماشي ف كلشي بيضل مطلوب منك انك تتعلم شو الكلمات الي بتقوم بالعملية الفلانية بهي اللغة وبيمشي الحال
لهيك خليك ع السي شارب وركز امورك منيح فيها وتعلم تفكر مثل المبرمجين وبس تتأسس منيح انتقل ع اللغة الي بدك ياها رح تلاقي الامور مافي أسهل منها...
بالتوفيق يارب💚💚🙏🏻

شكل تعليمة الطباعة بأكتر من لغة
javaScript
python
Java
C++
Assemply

مع التنويه انو الجافا غير الجافا سكريبت لغتين مختلفات
والاسمبلي هيه لغة منخفضة المستوى (لغة المعالج)

سؤال و جواب ....من زميلكم 🙏🏻🔥

كذبة أبريل 🤥
***********
كذبو علينا وقالو خلص التاسع وبالثانوي بترتاح
كذبو علينا بالثانوي وقالو خلص البكالوريا وبالجامعة بترتاح
وهلق رح يكذبو عليكن ويقولو خلص الجامعة واتخرج وبترتاح

من تجربتكم السابقة كنتو عم ترتاحو أكتر بعد كل مرحلة ولا عم تنتقلو لمرحلة أصعب وجزء فيه مسؤلية اكتر ومحتاج اهتمام أكتر ؟؟؟
أكيد الشغل والضغط والتعب رح يزيد مع الانتقال لل ال Level التالي من الحياة ( نفس مبدأ الالعاب كل مرحلة أصعب من الي قبلها) ..
صدقني مرحلة مابعد التخرج والانتقال لسوق العمل مانها سهلة بالشكل الي انتو مفكرينو ( خدوها مني انا عم احكي معكن من هنيك .. انا من المستقبل تبعكم 🙋🏻‍♂️)

ولكن
مع كل مرحلة عم تنتقل عليها انت خبرتك عم تزيد ومستواك عم يرتفع وقدرتك ع تجاوز الصعاب والمهمات الصعبة كمان عم تزيد ... ومتل مابصير بالالعاب الي فيها مراحل انو وقت بتكون بمرحلة وبتجمع قلوب حياة أكتر بس تنتقل ع الليفل الاعلى بتزيد قدرتك ع التحمل وبترتفع خبرتك بالمستوى التالي...
كمان بالحياة هيك بصير ف هلق انتو بهالمستوى الجامعي الي رح تشوفوه تحدي كبير بالنسبة لخبرتكم المتواضعة ومعلوماتكم البسيطة بس بتقدرو تجمعو امكانيات كبيرة وتسهلو ع حالكم المرحلة القادمة بتقدرو تطورو من خبراتكم وبتقدرو تدعمو حالكم بالعلم والفهم والتقدم والاستثمار بنفسك وبعقلك وعلمك
لحتى تلاقي نتيجة سعيك بعملك بالمرحلة القادمة من الحياة 🙏🏻💚

لا تخلي حدا يكذب عليك ويقلك هاد المجال مالو سوق
لا تخلي حدا يكذب عليك ويقلك المادة الفلانية صعبة ومابتترفع
لا تخلي حدا يكذب عليك ويقلك انا ماعم ادرس خلص مافي داعي تدرس بتترفع دورات
لاتخلي حدا يكذب عليك ويقلك ركز ع مواد الجامعة وبس تتخرج بتتعلم شي مجال لانو مارح يكون عندك وقت
لا تخلي حدا يكذب عليك ويقلل من شغفك وطموحك وحلمك ويكسر منكم ومن اجتهادكم

وانتو كمان لاتكذبو ع حدا ولاتلعبو دور سلبي بالمواضيع

هي المرحلة فرصتكم لحتى تستثمرو بنفسكم
لانو بس تتخرجو مو كلكم رح تتخرجو بنفس السوية العلمية وكل مين على قدر اجتهادو ..
القرار بإيدك 🙏🏻
انت اختار صورتك المستقبلية للتخرج🔥

فقرة معلومات عامة:🔥
English:
ماهو الفرق بين (Image و Picture و Photo ) ؟

هم الـثلاثة معناهم بالعربي "صورة " لكن بالانجليزية يوجد فرق كبير بين 3 كلمات
▪️ كلمة ( Photo ) مثلا👇🏻
معناها صورة، لكن (صورة متصورة بـالكاميرا) فقط .
وطبعا جاءت من كلمة ( photograph - تصوير ضوئي ). يعني أي حاجة ما متصورة بكاميرا لا تسمى Photo
مثال:
- This is my class photo*. I'm the one in the middle.
الترجمة: هذه صورة فصلي . أنا في الوسط ..
▪️ أما كلمة (Picture) 👇🏻
فهي كلمة أشمل.. نستطيع استخدمها مع الصور والرسومات وحتى الصور اللي بالكاميرا أيضا ..
مثال :
- Take a look at this picture* and see if you recognize anyone.
الترجمة: انظر الى هذه الصورة وشوف لو تعرف أي احد.
▪️ أما كلمة (Image )👇🏻
فهي تعبر عن صور الخيال بس.
جاءت من (Imagination- او خيال). مثل صورتك امام الناس (انطباع الناس عنك)، أو مثلا صورة في ذهنك.
ويمكن ان تستخدمها ايضًا مع الصور اللي تراها على الكمبيوتر، أو في المرآة لأنها تعتبر صورة خيالية غير حقيقية..
وكذلك تكثر استخدامها مع الصور الفنية
مثال:
- The poem is full of images
الترجمة: القصيدة مليانة بالصور (صور جمالية طبعا )

مسا الخير جميعًا 🙏🏻💚
علمكن شي بينعمل بالبرمجة بتستفادو منو بحياتكم اليومية ؟؟
اذا عندك مجلد ع اللابتوب وبدك تخفيه بدون ماحدا يقدر يشوفو بدون كلمة السر الي انت بتعرفها
كيف بتخفيه ؟😎😎
شوف الفيديو 👇🏻

وهاد ملف السورس كود الي كان بالفيديو 👇🏻👇🏻