لما حدا يجي يقلي كيف بدي اتعلم لصير ويب ديفيلوبر وهو لسا ماتعلم اساسيات البرمجة وماتعلم التفكير والمنطق البرمجي صح 🙂🙂

ملاحظة :
بالجلسة الي رح نعملها بعد العيد رح احكي عن هالموضوع بتفاصيلو🙏🏻
كونو جاهزين 🙏🏻🔥🔥

كل عام وانتو بألف خير يارب🙏🏻🎉
ينعاد عليكم يالخير والصحة والعافية جميعًا وان شالله بشوفكم أفخم المبرمجين بالمجال ومنشوفكم بيوم من الايام بأهم المطارح🙏🏻🔥💚

كيف تتقن البرمجة؟💻🤔

أفضل حل لحتى تتقن أي شي بالحياة هو انك تمارسه يوميا 🙋🏻‍♂️
اي شي بالحياة بتحولو لعادة من عاداتك اليومية رح يجي يوم وتتقنو بأحترافية...
طيب اذا كان ماعندك وقت ومانك فاضي كل يوم شو نعمل ؟

بكتاب "Atomic Habits" وهو من أعظم كتب تطوير الذات بيعلمك كيف تبني أي عادة بالحياة بقاعدة الدقيقتين✌🏻

القاعدة الاولى: الاستمرارية.

تخيل معي: طائرة على وشك الإقلاع من لوس أنجلوس إلى نيويورك، ولكن الطيار يغير مسارها بمقدار ضئيل 3.5 درجة فقط. هذا التغيير البسيط، الذي لا يكاد يُلاحظ، ينتهي بالطائرة في واشنطن العاصمة بدلاً من نيويورك! مما يوضح لنا كيف أن التغييرات الصغيرة يمكن أن تؤدي إلى نتائج كبيرة مع مرور الوقت.

يعني انت كـ مبتدئ متوقع متوقع انك بحاجة لانجازات ضخمة لحتى تحترف
بس بالحقيقة انت بحاجة بس للكثير من الخطوات الصغيرة المستمرة فقط

الاستمرارية ياجماعة صدقوني الاستمرارية شيئ مرعب
قادر انو يحولك نظام يومك كلو بس تستمر ع عادات معينة
كلنا منقضي ساعات باليوم ع الفيس والانستا والريلز ( ملاحظة انو الريلز اكبر ضرر بالحياة وبعدين بحكيلكن ليش)
وين المشكلة اذا خصصت من يومك نصف ساعة للبرمجة بالايام الي مانك فاضي فيها ؟
طب خيي مو نص ساعة خليها ربع ساعة
اي والله ربع ساعة ماتفكر انها مابتعمل شي ( تأثير الفراشة)
هاد باليوم الي انت مانك فاضي فيه وبس تكون فاضي قعود أكتر
وصدقني الاستمرارية أمر هام جدا جدا جدا
بيعلم عقلك انو هاد الامر من حياتي اليومية ,وبيخليلك كلشي تعلمتو دائما على اتم الجاهزية لانو العقل بيعرف انك كل يوم عم تستخدم هاد الشي ف مابيخليك تنساه
مابتسأل حالك كيف شوفير السرفيس قادر يسوق ويشرب شاي ويحكي مع الي جنبو ويلم الاجرة من الركاب ويتذكر مين دفع ومين لأ؟
مع انو اذا بتجيب واحد عم يتعلم سواقة جديد اذا بتحكي معو او بتشغل غنية بيقلك سكوت شوي ماعم شوف بدي ركز😂
الموضوع كلو بالاستمرارية
الشي الي انت متعود عليه كل يوم وبتحولو لعادة من عاداتك (وبتعطيه ساعة من ساعاتو 😂)رح يصير جزء منك بحيث انك تصير تعملو بدون ماتفكر حالك اصلا عم تصرف أي جهد..🔥

يتبع...

كيف تتقن البرمجة؟💻🤔
الجزء الثاني:

بتعرفو شو أهم جزء بالموضوع ؟
انو دائما بداياتكم رح تكون بلا نتائج واضحة يعني مارح تلاقو فيها شي ملموس و "جيمس كلير" بكتابو Atomic Habits بيسمي هي المرحلة بـ "وادي خيبة الأمل" يعني رح يجي واحد منكم بيوم من الايام يقلي انا صرت بعرف كتير أفكار بالبرمجة وفهمانها بس اذا بتطلب مني اكتب كود مارح اعرف او مافي نتائج واضحة ع هالموضوع هاد...
هون بدي بدي ياكم ماتيأسو وتستمرو لانو بس وصلتو لهي المرحلة معناها انتو قطعتو شوط لابأس به وهي مرحلة رح تمر ع الكل اجباري وجيمس كلير حطكن بالصورة من البداية وقلكم انو هي مرحلة من مراحل التطوير والتقدم متلا متل الي قبلها ومتل الي جاي بعدها
استمرو وماتاكلو هم رح تتجاوزوها لهي المرحلة ووقتها رح تحس حالك كأنو عندك قوة خارقة ورح تصير اي مسألة برمجية بالنسبة الك متل تحدي ممتع مليان حماس وطاقة بالنسبة الك ورح تصير كتابة الاكواد امر سهل وممتع وجميل وتجي تقلي حليت الكود واشتغل معي وانت حاسس بجرعة كبيرة من الدوبامين🔥🔥🔥🔥

لذلك رح نحكي هلق بالنقاط الرئيسية الي حكا عنها جيمس كلير بقاعدة الدقيقتين:

1-بناء عادة :
لحتى تبني أي عادة لازم تستمر ع تكرار حلقة العادة وهي حلقة تكرارية لازم تنعاد بشكل يومي وبتتألف من 4 مراحل:

الاشارة: هي انك تحط تنبيه او تذكير الك او اي شي يعتبر بمثابة اشارة لتذكيرك بالعادة

الرغبة: هي انك تكون عنجد عندك رغبة بالقيام باالامر.

الاستجابة: هي لما انتو بتردو ع الاشارة الي اجتكن برغبة فبتتولد الاستجابة وبتروح بتفتح لابتوبك وبتبلش تكتب كود او تحل شي تمرين

المكافأة: هي الشي الي لازم يحصل عليه العقل لحتى يحس بالانجاز و نشوة الشي يلي عم عملتو (وبحب خبركم انو بالبرمجة المكافأة رح تلاقوها بس يشتغل معك الكود صح هون رح تحس بمتعة عظيمة😁🎉)

2-الوضوح أهم من الحافز:
المشكلة الي ممكن تواجهكم مو انو انتو ماعندكم حافز اتجاه هي العادة .. المشكلة بتنشأ لما ما تكونو واضحين بشأن اهدافكم
يعني مابيمشي الحال حدا يقول انا بكرا رح اتعلم برمجة لازم تقول انا بكرا رح فيق الصبح اعمل كاسة متة واقعد ساعتين اكتب كود وحل تمارين برمجة
او بكرا بعد ما ارجع من الجامعة رح اتغدى واقعد ساعة حل التمرين الفلاني..

فـ قاعدة الدقيقتين في بناء العادة هي الحل لحتى توصلو للاحتراف وممنوع تحطو اهداف غير واقعية
يعني ماحدا منكم يجي يقول انا رح بلش هلق اتعلم والشهر الجاي رح اعمل ابليكشن للموبايل هاد شي غير منطقي بالمرة الاهداف لازم تكون واقعية...
وبيأكد جيمس كلير على أهمية البدء بخطوات صغيرة وسهلة، مثل تخصيص دقيقتين فقط في اليوم للنشاط الذي ترغب في تحويله إلى عادة. على سبيل المثال، إذا أردت أن تبني عادة قراءة الكتب، ابدأ بالقراءة لمدة دقيقتين يوميًا، ثم زد الوقت تدريجيًا. هي الطريقة يتساعدك على تحقيق أهدافك بدون الشعور بالإرهاق أو الإحباط.

صباح الخير
التسجيل ع الصفوف اليوم
ماحداا ينسىى 🙏🏻

طريقة التسجيل على الصفوف:

https://www.youtube.com/watch?v=PeNNMDTIRU0

مسا الخير🙏🏻
اذا عملنا الجلسة بكرا المسا اي ساعة بيناسبكن أكتر ؟🔥😎
6-8
8-10
7-9
9-11

اصدقائي الجلسة للاسف مارح نقدر نعيدها ( لانو هي الاعادة ) ولا رح نقدر نسجلها
ف الي بحب يحضر يعلق ع البوست السابق🙏🏻🔥

جلسة تعريفية بالبرمجة بكرا🔥
⏰ 8:00-10:00
الموقع: 🟢🟡🔴Google Meet
رج ابعت الرابط قبل ربع ساعة⏱
( الدعوة عامة )🙏🏻

مسا الخير ياجماعة
ماحدا ينسى بعد ساعة تكونو جاهزين 🔥🔥🔥

الي رح يحضر يتفاعل ع الرسالة السابقة 🔥🔥

دقيقتين ورح نبلش

اديش بنبسط بس شوف عالم منقطعين عن الجامعة والدراسة سنوات طويلة ممكن أكتر من 10 سنين وبنفس الوقت عندن شغف وطموح وهمة انن يرجعو ويكملو ويشتغلو ع حالهن بالوقت الي الطلاب الصغار الي ما انقطعو عن الدراسة ولا سنة ماعم يدرسو ولاعم يشتغلو ع حالهن والطموح عندهن 0% والي كتير وضعهن بيزعلني...

القرار بإبدك ياصديقي
انت بتقرر وين بدك تكون بعد كم سنة وشو الصورة الي حابب ترسمها لحالك 🔥🙏🏻

شو لغات البرمجة الي صح او من الافضل انك تبلش مسيرتك فيهن ؟؟

وليش مو بايثون ؟😁🙋🏻‍♂️

أفضل لغة برمجة لتبدأ فيها مسيرتك البرمجية وتكتسب القدرات والمهارات اللازمة تكوين الفكر والمنهج البرمجي هنن حسب رأيي بالترتيب:
✅ 1- C++
✅ 2- C#
✅ 3-Java

بلش بأي لغة منن مافي مشكلة ولكن اوعك تبلش مشوارك بالبايثون😁🚫
و أوعك تدرس لغتين بنفس الوقت ❌⛔️

البرمجة مانها لغة البرمجة هيه فكر وطريقة تفكير ومنهج كامل من الاساليب بحل المشاكل الحاسوبية
يعني لحتى تقول عن حالك مبرمج لازم يكون عندك المخ والفكر البرمجي مو انك بتعرف ال syntax تبع شي لغة

اما بالنسبة للغات هنن مجرد ادوات لتحويل فهمك للبرمجة ومخك البرمجي لحل عن طريق تعليمات حاسوبية
يعني اللغة مو هي البرمجة بحد ذاتها اللغة هي خطوة من خطوات البرمجة , اللغة مجرد اداة لتساعدك لحتى تحول افكارك لتعليمات وتحل المشكلة...
متل السيف بالنسبة للمحارب⚔️
المحارب عندو مهارات القتال وبيعرف كيف يقاتل بالمعركة 🗡🛡
بس بيستخدم السيف كسلاح وأداة بتساعدو 🦸🏻‍♂️🙅🏻‍♂️
ولو عطيت هالسلاح لشخص ماعندو مهارة المحاربة فـ مارح يستفاد منو الا بشي بسيط جدا لانو مابيعرف يحارب فيه🤦🏻‍♂️

كيفكن شبيبة ؟🙋🏻‍♂️
بلشتو محاضرات؟ وشو حضرتو ؟
ومين بلش يتعلم برمجة ؟😎🔥