នៅថ្ងៃទី២៧ ខែមិថុនា ឆ្នាំ២០២៤ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និង​នវានុវត្តន៍ ក្រោមកិច្ចសហការ និងការគាំទ្រពីភាគីអូស្ត្រាលី បានសម្ពោធដាក់ឱ្យ​ដំណើរ​ការប្រព័ន្ធឌីជីថល និងវិបផតថលសម្រាប់ការចុះបញ្ជី និងផ្តល់អាជ្ញាប័ណ្ណសម្រាប់សហគ្រាសធុនតូចនិងមធ្យម សិប្បកម្ម និងរោងចក្រ។ គំនិតផ្តួចផ្តើមនេះជួយសម្រួល​ដល់ការចុះបញ្ជីអាជីវកម្ម​ដោយជំនួស​នីតិវិធីដែលធ្វើ​ដោយ​ដៃ កាត់បន្ថយតម្រូវការនៃការជួបអ្នកផ្តល់សេវា កាត់បន្ថយពេលវេលាស្នើសុំ និងសម្រួលការទូទាត់ប្រាក់។

ពិធីសម្ពោធដាក់ឱ្យប្រើប្រាស់ជាផ្លូវការនេះត្រូវបានធ្វើឡើងក្រោមអធិបតីភាព ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ រួមជាមួយថ្នាក់ដឹកនាំរាជរដ្ឋាភិបាល និង​អង្គទូតនានាជាច្រើន ក្នុងឱកាសនៃការប្រារព្ធទិវាជាតិសហគ្រាសធុនមីក្រូ តូច និងមធ្យម លើកទី១។ ពិធីនេះ​ក៏មានការចូលរួមពីសហគ្រិន តំណាងសមាគមធុរកិច្ច ក្រសួង-ស្ថាប័ន និងដៃគូអភិវឌ្ឍន៍ជាច្រើនផងដែរ។

ព័ត៌មានលម្អិត៖ https://shorturl.at/C4XbZ

Telegram | Facebook | Instragram | Website | Tiktok | Youtube

NISTI Newsletter, May 2024 ❤️

លទ្ធផលនៃដំណើរស្វែងរកជើងឯករ៉ូបូតកម្ពុជា
សាកលវិទ្យាល័យចំនួន ៥ ស្មើនឹង ៩ ក្រុម បានបង្ហាញពីនវានុវត្តន៍រ៉ូបូតរបស់ពួកគេ និងប្រកួតប្រជែងយ៉ាងស្វិតស្វាញ ក្នុងស្មារតីមិត្តភាព នៅក្នុងព្រឹត្តិការណ៍ «ការប្រកួតរ៉ូបូតថ្នាក់ជាតិលើកទី១១ ឆ្នាំ២០២៤» ដែលត្រូវបានធ្វើឡើងនាថ្ងៃអាទិត្យ ទី១៤ ខែកក្កដាកន្លងទៅនេះ នៅសាលដំរី នៃពហុកីឡដ្ឋានជាតិមរតកតេជោ ជាមួយវិញ្ញាសារ «ប្រមូលផលស្រូវ»។
ពិធីបើកជាផ្លូវការនៃព្រឹត្តិការណ៍នេះធ្វើឡើងក្រោមអធិបតីភាពឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ
និងពិធីបិទក្រោមអធិបតីភាព ឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន និងឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ដ្រ បច្ចេកវិទ្យា និងនវានុវត្តន៍ ។
ជាលទ្ធផល ក្រុម ITC-02 មកពីវិទ្យាស្ថានបច្ចេកវិទ្យាកម្ពុជា បានដណ្ដើមយកពានរង្វាន់ចំណាត់ថ្នាក់លេខ១។ រីឯលេខ ២ បានទៅលើក្រុម NPIC 02 នៃវិទ្យាស្ថានជាតិពហុបច្ចេកទេសកម្ពុជា, និងលេខ ៣ បានទៅលើក្រុម NPIC 01 មកពីវិទ្យាស្ថានជាតិពហុបច្ចេកទេសកម្ពុជា។ ក្រុមជ័យជម្នះទាំង ៣ នឹងតំណាងឱ្យប្រទេសកម្ពុជាក្នុងការប្រកួតអន្តរជាតិនៅប្រទេសវៀតណាម នាខែសីហាខាងមុខ។
ប្រភព៖ ក្រសួងព័ត៌មាន