السلام عليكم مساء الخير
الحمدلله اختبرت الخميس وطلعت درجتي ولله الحمد جبت ٨٣ ما شاء الله تبارك الله 🌸🌸🙏🙏

بكتب طريقة مذاكرتي وتجربتي مع الاختبار افادة لغيري
اولاً طريقة مذاكرتي
للمعلومية قبل شيء انا متخرجة بتخصص صحي ودارسة انقلش فالتحضيري ف عندي لغة من قبل ومستواي بين B1-B2، اعتمدت بالتأسيس بشكل كبير على قناة ستيب بدون تعقيد وبعض مقاطع عايد وبعض الاشياء اللي ما افهمها اشوف لها شرح ف يوتيوب وقوقل، اول شيء مسكت القرامر بعدها مقاطع الاستماع اللي بنفس القناة والريدنق شفت له مقطعها اللي عالاسئلة ومقطع عايد المجاني بعدها الايام الباقية قسمت فيها النماذج كنت اخذ تقريبًا ٣ نماذج باليوم للريدنق والقرامر، الريدنق احفظه والقرامر احل الملف اللي مو محلول وبعدها اراجع حلي واشوف اغلاطي، اما الاستماع كنت كل يوم اسمع مقاطع فاليوتيوب مستوى intermediate عشان اذني تتعود على الفهم واخر الايام راجعت فيها القواعد من ملخص انا مسويته لروحي وراجعت الريدنق كله والاكثر مكرر وذاكرت الاكثر تكرار للاستماع


تجربتي مع الاختبار
للامانة مو افضل شيء، اختباري كان ١٢:٤٥ وصلت قبلها بساعة عشان اصلي ولمن دخلت والمراقبة تفتشني جتها مراقبة ثانية تقولها ستيب كم قسم؟ فيه وحدة اختبرت تقول ما جاها ليسننق خير شر وخلصت الاختبار كله قرامر وريدنق وهنا خفت وبديت اتوتر الصدق بس حاولت امسك نفسي ودخلت وجات المراقبة شغلت لي الاختبار وبديت اقرا التعليمات وجات فقرة التست حقت الصوت وانا مركبة السماعات وطولت الصوت لاخر شيء وكان للامانة واضح وعالي ف تطمنت شوي تالي بدا الاختبار الفعلي يا جماعة الصوت قصير قصير اقصر من التست مع اني مطولته كله وتخيلوا كنت اسمع صوت المكيف اكثر من المقطع ف رفعت يدي وناديتها قلتلها قصير قالت هذا اعلى شيء تبين اجرب لك كمبيوتر ثاني؟ وفتحت لي الكمبيوتر اللي جنبه بس كان اقصر موت من الاول قلتلها اللي قبل اعلى قالت شسوي طيب هذا اعلى شيء حاولي تحلين احين وجيت بحل عالكمبيوتر الثاني علق الكمبيوتر وما يضغط نهائيييييًا ف غيرت مكاني وودتني لكمبيوتر ثالث وضليت فيه وحاولت اضغط بالسماعات على اذني عشان صوت المكيف والحمدلله عدى وبالنسبة للاسئلة ما جاني ولا شيء من الاستماع المكرر كلها جديدة علي بس حاولت احل باللي فهمته اغلبها كانت واضحة الا اثنين يمكن + الكلام مو سريع والنطق واضح وبعضها عليها سوال وبعضها سوالين وبعضها ثلاث اسئلة
اما الريدنق جاني كله تجميعات ماعدا ثلاث قطع وحدة تتكلم عن العنف والثانية عن الفشل والثالثة مدري عن ايش تتكلم لان ما لحقت اقراها ولا افهمها شفتها والاختبار باقي عليه ٢:٠٠ دقيقتين بالضبط وتفاجأت فيها وحليتها بالنية
وللاسف تمنيت عرفت هالاشياء قبل الاختبار ف بنبه عليها عشان لو فيه احد ماكان يدري مثلي ينتبه
١- كل قسم بالاختبار (ليسننق، ريدنق ، قرامر) يجي بثلاث اقسام والوقت برضو مقسم على ثلاث بينهم
انا للاسف ماكنت ادري ولمن قربت نهاية القسم الاول ليسننق كنت يمكن فالسؤال الثامن والوقت عطاني تنبيه انه باقي اقل من ٥ دقايق ف كنت احسب انه للقسم كامل وانا بالثامن يعني باقي اكثر من نص القسم ما حليته وبس باقي خمس دقايق وقعدت اسكب واحل واعدي قبل ما يخلص المقطع للاسف وتالي لمن خلصت السؤال العاشر تغير عداد الوقت ف عرفت انه مو توتال لا مقسم وتمنيت عرفت قبل

٢- صفحة الاختبار مو مكتوب فيها انتي فالسؤال رقم كم من اصل كم فقط فالزاوية اليمين فيه تعداد لرقم الصفحة فقط وليس الاسئلة
في احدى الاقسام من الريدنق جاني قطعة عليها مفردات وقطعة ثانية عليها سؤالين او ثلاث ف استانست لمن شفتهم وحليتهم بسرعة وطول الوقت قاعدة اراجعهم عشان اضمنهم ولمن باقي ٥ دقايق بس عالاختبار حطيت التالي عساس بنهي القسم الا تفاجأت بقطعة زيادة عليها سؤالين وجديدة للاسف ف ماقدرت اقرا ما يمدي وحليتها بالنية شفت اكثر شيء ارتحت له بالاختيارات وحطيته 💔💔🥰🙌 ف نصيحة لا تستانسون اذا شفتوا شيء من التجميعات وتوقفون عنده حلوا بشكل سريع اللي تعرفونه واللي ماتعرفونه حلوا الاجابة الاقرب وحطوا عليه علامة وحطوا التالي التالي لين يوديكم لصفحة المراجعة هنا تضمنون انه خلصت اسئلة القسم وما تتفاجأون لما يبقى دقيقتين مثلي

- القرامر للامانة كان من اسهل الاقسام وكثير تكرر علي من التجميعات وما واجهت صعوبة فيه الا ف سؤال ماذكر شفته بالتجميعات كان معطيني Never …….. وبعدها تكملة الجملة الخيارات كان فيها I have eaten و have I eaten هذول احترت بينهم لمن بحثت عنها لقيت ان ادوات التكرار لو جات ببداية الجملة نستعمل حركة المقص بين الفاعل والفعل ف تكون have I eaten وبس والله

بالتوفيق للجميع وفالكم الدرجات اللي ترضيكم يارب 🙌🙌🙌🌼🌟

السلام عليكم
توي طلعت من الاختبار

الاستماع :

اليزابيث
ايكيا

الريدنق :

مايك
ستريس
عدوانيه الاطفال
اعلان المزارع
رسم بياني عن المغرب الي فيه ٨٠٠


الصراحه شوي جبت العيد فالريدنق لكن الحمدلله احس حليت ولو شوي

القرامر : قسم بالله مدري وش اقول

شكرا شكرا للحساني ولجميع مشرفين القروب واحد واحد

جاني اول عشرين سؤال من نموذج 51 نسخ لصق بنفس الترتيب ونفس مكان الاجوبه وكل شي ماشاء الله ❤️

لحد يتعدى تجميعات الحساني نصيحه اقسم بالله انهذلت ماشاء الله
لان القرامر جايني بالترتيب نفس الملف ونفس ترتيب الاجوبه حتى !!!

نصيحتي لكم عطو الاختبار حقه وذاكرو كويس من التجميعات
ولاتنهون المذاكره لين تذاكرون المكرر والمسرب قبل اختباركم لانها كنز

اختبرت اليوم
بالنسبه الليسينينق كان متوسط
جا نصه تقريبا او اقل من الاكثر تكرار بس الباقي جديد

الريدينق
جا من التجميعات وزياده اربع قطع جديده تقريبا
جاني قطعه عن اطباء الاطفال واطباء ثانين نسيت مين
وعليه سؤالين اسئله
الاول كان عن الشي المشترك بطبيعه شغلهم(والاجوبه كانت يسوون بحوث او يشخصون mental health وغيره)
والثاني عن اماكن عملهم

وقطعه ثانيه جديده علي كانت اسئلتها عن ليش بعض الناس يخطؤون اكثر من غيرهم
وسؤال ثاني ايش الفايده من انك تتعلم من اخطائك واخطاء الناس
الاجابات كانت كلها منطقيه كان لازم
اقرا بس ماكان عندي وقت

والثالث عن obesity و Anorexia
عليه ثلاث اسئله
السوال الاول كان وش المشترك بينهم وحطيت الجينات والضغوط النفسيه
السوال الثاني جاوبتان كلهم يؤدون لامراض القلب
السوال الثالث
جاوبت ان كان متعارف ان الي يصابون فيه wealthy people
بس مدري عن صحة اجوبتي
(القطع هذي جديده علي الي يلقاها يرسلها عشان الاستفاده)

القرامر
كان نفس التجميعات وافكارها تكرر كثير ان الفعل ينكتب لحاله بعد make و let وكذا
وجا عن but يعني however
و for و since
وغيره بس كان مقارب للتجميعات

دعواتكم🤍

السلام عليكم ورحمه الله
اختبرت اليوم ستيب ٧ سبتمبر
أنا داخل الاختبار مذاكر ملف المكرر ريدنق و وتسريبات آخر أسبوعين ونماذج القرامر كامله
ومكرر لسينق الاختبار ولله الحمدالله ٨٠فالميه من الي ذاكرته مع العلم تراني احفظ الريدنق والليسنق لان مستواي بلانجليزي سيىء جدا



الليسنق:جاني ١٢ سوال من المكرر
الي هم القسم الأول كامل ١٠ اساله وسؤالين من القسم الثاني بعض المقاطع الي أتذكرها:
ال بيسافر ذهابب وعوده ٣ اساله
ببسي سؤالين
التنمر سؤالين
التقنيه فالسيارات الجديده سؤلين
والي بيقدم ع وظيفه سؤالين الي وحده منهم إجابتها بيزنس افس مكان المحادثه

الباقي ماتذكرها لكن يوم حسبت بلاختبار نفس ماقلت ١٢ سوال من المكرر

الريدنق :
ذاكرت المكرر والتسريبات حقت آخر أسبوعين فقط جاني حول ٣٠ سوال من ٤٠ من الي ذاكرت
تقريبا قطعتين او ثلاث مامرت علي
بعض القطع الي أتذكرها
الفوبيا الغريب أنا تكررت علي مرتين في قسمين مختلفين بنفس الاساله

النحل
النفايات البلاستيكيه
جات قطعه عن لغه الإنسان مثل كذا مامرت علي
ايجابيات وسلبيات الطاقة النوويه
رسمتين بيانيه من ملف الرسوم
محفوظات حقوق النشر
قطعه الأرض الجديده الي بالنموذج الأخير محطوطه تحت مهيب من ضمن الاساله ف النموذج محطوطه ملاحظه تحت
يمكن جاء شي ماتذكرتها لكن فوق٣٠ سوال تقريبا من الي أنا مذاكره




القرامر:
القسم الأول ٢٠ سوال نسخ لصق نموذج ٥١ ،٤٤ حساني اول ٢٠ سوال بنموذج بنفس الترتيب
القسمين الآخرين منوع من النماذج
جاني ٣ اساله كلها إجابتها might والكلمه الداله like و٤ اساله تقريبا قاعده if


وهذا الي تذكرته ودعواتكم اني اجيب +٧٥