أليوم اختبرت 5 أوقست الساعه 10am

يجمماعه الريدنق واللسننق اول عشرين سؤال نفس مودل 51
بعدها يحط قطع ثانيه بس ماطلع من التجميعات

بالنسبة للريدنق جتني قطعة الأنفلونزا الأسبانيه ركزوا عليها جت لأغلب المختبرين هذا الأسبوع

واللسننق صراحة ماجاني من التجميعات شي
الا سؤال

ليش صنع الآبتوب والأجابه كانت For US Army
وايش العيب اللي فيه انو كان ضخم جدًا


أدعولي اجيب 52+

5 أغسطس

الصدق ما ذاكرت كثير مع الاجازه ذاكرت ملف واحد تجميعات يوليو وما فادني مرة

بكتب بشكل عام اللي اتذكر ما اعرف اسماء القطع

الاستماع
استطلاعات
شي عن الاقتصاد - تكررت كثير الشهر الي راح
في صف يسال عن عدد صفحات ورقم الصفحة وكذا
ما اتذكر كثير بس اغلبها مباشره وبسيطه

القطع (جا قطع كانت طوال بس الاسئله ما تتعدى ٤ وبعضها حتى بس سؤال واحد)
النار ومايك
اتوقع الحرب الباردة اتذكر كلمة cold war واتحاد سوفيتي كوريا وفيتنام شي زي كذا
السلوك السيئ للابناء
قطعة عن كلاس وش شرحوا من قبل ووش بيشرحون وتفاصيل كثير مرة
شي عن الحرارة والاحتباس
قطعه عن انواع العينات او اختبارات شي كيميائي
وفيه بعد خلايا وهرمونات
تقديم على وظيفة residential guardians
ما اتذكر القطع بس اتذكر الاسئله
جا صور واكمل النص باللي يناسبه
وترتيب جمل
القرامر
كان اسهل مما توقعت بس تكرر فيه الزمن الثالث بأكثر من صيغة فيه الجمل الشرطيه وفي الpassive voice وحتى جا مباشر

وهذا اللي اتذكر
ويارب نقفل عليه 🙏🏻❤️

انتبهوا من مجموعة اسمها كذا كذا المناطق

تابعة لحرامية يمنين باسم وجدان

و التحويل البنكي باسم واحد يمني

انتبهوا منهم و اخرجوا من مجموعتهم

التجارب اللي يكتبونها عن المناطق كلها كذب

و الدليل ان التجارب بحسابات وهمية

كله كذب في كذب

و ما عندهم نماذج
كلها نفس المجاني و يضحكون عليكم


ما له دخل المكان بالنماذج
هي نماذج و تختلف من شخص لآخر
اللي يجي لغيرك ممكن ما يجيك
لازم نذاكر كل شيء

و نفس الشيء ماريا حرامية و نصابين
و تعلم خطأ و عندهم أخطاء في التجميعات و ياكلون مال حرام و غيرهم من النصابين فانتبهوا

لا تحولون لاحد فلوس

انتبهوا من مجموعة المناطق، فقد لاحظنا أنهم يقومون بسرقة التجارب المنشورة في قناتنا ثم ينسبونها لأنفسهم بهدف جذب الطلاب للاشتراك لديهم.

نؤكد أن التجارب الأصلية تُنشر أولًا في قناتنا، وأي جهة تنقلها دون ذكر المصدر فهي تضلل الطلاب وتستغل جهود غيرها لمصلحتها.

حسبنا الله ونعم الوكيل في كل من ينسب لنفسه ما ليس له، ونسأل الله ألا يبارك لمن يبني نجاحه على سرقة جهود الآخرين

درجتي في الاختبار ٨٠
شكراً للجميع على تعاونهم

هذي تجربتي للي حاب يستفيد كلها ذاكرتها من الحساني فقط


اول شيء تاسست قرامر ذاكرت كل القواعد بالتفصيل وبعدها تدربت على النماذج كلها احل الغير محلول وتراجع اخطائي

بعدين بدات بالقراءه ذاكرت النماذج من ٤٠ - ٤٩ ونموذج ٥١
وبعدها الاكثر تكرار، اذا عندكم وقت ذاكرو كل النماذج

بعدين الاستماع ذاكرت الاكثر تكرار بس و الصدق ماذاكرت كويس كان عندي شغل وقتها وهو اعتقد اكثر شيء نقصت فيه لان ما ركزت عليه مره
دعواتكم لي

اختبرت اليوم والله سهل من ناحيه القرامر والريدينق اذا انت مذاكر صح وتختم كل النماذج اما من ناحيه الاستماع الصدق ما ذاكرته ولا تدربت عليه وكان أصعب قسم ولا الباقي نسخ لصق الريدينق حفظظظ وربط و القرامر فههم وأكثر شيء نموذج 51 وذاكرو المكرر

الدرجه 89
نماذج الحساني تكفي مع تطوير نفسك في اللغه للإختبار ولحياتك كامله بالتوفيق للجميع شكرا للحساني على الشغل الي قاعد يقدمه وكيف انه قلل علينا التكاليف عشان نجتاز الاختبار ❤️

السلام عليكم ورحمة الله وبركاته
الحمدلله جبت فوق التسعين مع العلم انه ثاني اختبار لي الاول كنت جايبه بالخمسين
مذاكرتي عباره عن شهر واسبوع تقريبا اربعين يوم

بدات بالقواعد واعتمدت على الشروحات الموجوده بقناة استفسارات STEP وكانت يعني بمثابة مراجعه سريعه وفكرة عامة
ثم دخلت على تجميعات الحساني نماذج القراءة ونماذج القواعد واستخدمت جداول المذاكرة الموجودة بالقناة

بعدها خلصت نماذج الاكثر تكرارًا

بعدها تدربت بقناة الكويزات

🔻هذا فقط للقرامر والريدنق الاستماع ذاكرت بالبداية وحسيت مقدور عليه وسحبت عليه🔻
يعني بالاخير انت تحدد وتعرف مستواك وكم تحس تحتاج وقت

شكراً جزيلًا للاستاذ عبدالله الحساني والقائمين على القناة نماذج الحساني ممتازة وتغني عن أي مصدر آخر لان الريدنق ماطلع منهم وشال عني جزء كبير من الاختبار

الحمدالله توها طلعت درجتي جبت 80% بفضل من الله ثم نماذج عايد
اولاً كانت مدة مذاكرتي 3 شهور مع التسويف 🥲
بلبداية تأسست قرامر وكانت تاسيسه كويس بالحيل لكن يحتاج لك مراجعه كل شوي لان المعلومات كثيرة وبعدها تدربت على كامل نماذج وكنت بلبدايه اجيب 3-5 اخطاء وكل ماتدربت اكثر قلت الاخطاء

ومن ناحية الريدنق اصدق كنت محتار هل احفظ ولا افهم للعلم كان مستواي اقل من المتوسط بشوي وسمعت كثار كثارر يقولون نماذج عايد نسخ لصق واخذت على كلامهم وقمت احفظ سوال وكنت اخذ يومياً نموذجين الي ٣ لان انا من طبيعتي حفظي بطئي وكذالك نقطة مهمه ترا كنت اراجع النماذج كلها بنفس اليوم
يعني مثلا انا امس وصلت الي نموذج 25 اراجع كل النماذج الي ورا بعدها ابدا بالجديد يعني كانت مراجعتي مستمرة يومياً
وكذالك ترا بختباري جتني حول الـ4 قطع جديدة ماهي من نماذج عايد وحدة سهله والباقيات شوي صعب

ومن ناحية الليسنق هاذا الي انغدرت به هو مهارة المفروض انت تطورها من نفسك مو تحفظ وهاذا اكبر غلط انك تحفظ نماذج الليسنق عادي انا اقولك بأخر اسبوع من اختبارك احفظ النماذج بس لاتعتمد عليها حاول تاخذ احتياطاتك وتطور من المهارة

وفالكم التوفيييق 🫡🫡

اختباري كان اليوم

الليسننق ما اعرف اذا جاني من النماذج لكن صراحة حسيت اني خبصت في اسئله ال main idea ما اعرف التكنيك لحل هالاسئله فركزوا مره عليها والباقي سهل

الريدنق تبوا تسمعوا نصيحة شخص اختبر مرتين مره ذاكر وحاول يحل ومره حفظ؟ احفظوا الريدنق ما يعتمد ابداً على قد ايش انت شاطر وتتكلم انقلش لانك مربوط بوقت قليل وجهد قليل نصيحتي احفظوا واربطوا حتى لو جاكم جديد راح يكون الاغلب في النماذج وتحلون بسرعه لانكم حافظين ويصيرون تاخذون وقتكم في القطع الجديده
وجاني من النماذج ومن حفظي كثير وفيه برضو جديد مدري اذا فيه في الملف بس ما مر عليا


القرامر اكثر قسم حرام تنقصون درجة فيه
ركزوا على if
ومصدر الفعل

والاهم من هذا كله التوكل على الله ولا تتوترون

والله يوفقكم جميعاً ويوفقني معاكم ويرزقنا اعلى الدرجات في الدنيا والاخره

الحمدلله نزلت درجتي ٨٤
اول محاولة
مذاكرتي اقل من شهر وما كانت
افضل شيء بس اكثر شيء فادني ختمت البلاي ليست تبع ستيب بدون تعقيد وفادتني بالقواعده مره
بالنسبة للتدريب كنت تقريبًا كل كم يوم اختبر على القواعد بقناة التدريبات
والنماذج كمان اتدرب عليها
الريدينق من تجميعات الحساني اغلبه كان
باذن الله بعيده ابغى اعلى من كذا
بس مره استفدت من قنواتكم الله يكتب اجركم ويجزاكم خير الجزاء جميع القائمين عليها ❤️

توني طلعت من شوي من الاختبار
الحمدلله على كل حال
الليسنق جاني البيتزا اللي في نموذج 51
واليزابيث وايكيا

الريدنق حقيقه حطيت طاقتي ع النماذج الاخيره وتقرير الاسبوع اللي ينزل للريدنق باقي شوي ماكملته ولا جاني شيء من اللي ذاكرت
وانا بالطريق ذاكرت تسريبات اليوم قطعة البيتزا جاتني
والرسمات برضو

القرامر برد شوي خاطري
ع الفهم حلو وسهل اغلب شيء قاعدة if واختاري الجمل الصحيحه والكبيتل
دعواتكم +50

السلام عليكم
اختبرت اليوم الظهر
جات اسئلة كثيرة من نموذج. ٥١ نسخ لصق
القرامر تقريباً جا من النموذج ١٥ سؤال
الباقي ممكن من النماذج لاني ماغطيتها كلها
المسموع : واضح مو صعب للأمانة

اختبرت الصبح جات الريدنق اناتومي اتوقع كذا اسمه. وسيوكولوجي والجيولوجيا وكانسر والرسوم البيانيه حقت الحراره الي فيها طوكيو اما لسننق ايكيا هذا الي اذكره

الحمدلله درجتي فوق ٧٠+
مصادري عايد قرامر وريدنق
ليسنق الاكثر تكرار من قروب وليسنق مودل ٥١
خلصت ريدنق وقرامر كامل
وراجعت الحمدلله