السلام عليكم ورحمة الله
الحمدلله نزلت درجتي بستيب وحبيت اشارك تجربتي مع الطلاب بحكم انها اول مره اختبر فيها، مستواي كويس من اول ومتعودة اسمع كثير وكمان اقدر اقرأ سطور طويلة بس ما شفت موضوع القراءة فادني باختبار ستيب مثل الاستماع ف طريقة مذاكرتي كانت تأسيس لاستراتيجيات القراءة بعدها تدريب وحفظ بشكل كامل للنماذج كل هذا من عايد والباقي النماذج من الحساني، واخذت وقتي الصراحة يمكن شهر واسبوع مع القرامر طبعًا، نجي للقرامر تأسست من عايد برضو وبعدها مريت على كل نماذج القواعد كل اللي ما كنت احله احط عليه علامه واراجع اغلاطي بعدين وافهم ليه اخطأت فيه، الاستماع ماكنت اسمع ولاشيء طول المدة غير الاشياء اليومية اللي متعودة اسمعها بس كتدريب لا الين قبل الاختبار باربع ايام تدربت من الموقع esl-lab اعتقد اسمه وكان كويسس مره وسهل الصراحة

نصيحتي في أثناء الاختبار وقت الاستماع اقرا السؤال بفهم واقرا الخيارات بعدها لو صعب عليك تستذكر سؤال كامل خل تركيزك على كلمه مفتاحيه ووقت الاستماع لا تتشتت اسمع بدون ما تناظر بالشاشة كثير
وقت القراءة، لو في قطع جديدة عليك خلها بالاخير وحل اللي تعرفه من التجميعات عشان تتفرغ للقطعة الجديدة وتفهم ، لما جتني قطع جديدة كنت اقرا بعيني القطعه وباحيان كثير كنت اقراها بتركيز وهذا شيء يمكن ما يعتبر كويس لأني انزنقت بالوقت كل واحد يشوف اللي يناسبه
القرامر جدًا سهل الحمدلله لو تدربتوا كثير بيكون زي الموية
وقبل اختباركم راجعوا اسئلة اللي قبلكم بتتكرر لكم بنسبة كبيرة وشكرًا على القناة المفيدة والله يوفقكم يارب ويرضيكم🙏🏼