احياناً نبتسم رقم الضروف ونضحك رقم الحزن الذي يعيش داخلنا فقط لكي ننسا ما جرى ونعيش فقط على أمل بسيط تركته الحياه لنا هل يا تراى هاذ الأمل سوف يجعلنا نعيش بسعاده ام انه مجرد وقت وسوف ينتهي بنى المطاف لا زلنا نشعر فقط بوجود امل بسيط نأمل أن نعيش فقط،
《شخص مجنون 》

في فكري احاول السيطره على نفسي واحاول إيجاد نفسي في اي شيئ الليله كنت لا ارئ من حولي اتعرفون الضياع انا كنت ضاعاً هل هناك من يجدني كنت أحاول مساعده شخص ما لأجل ضحكته ولأجل ان يكون بخير وبعدها قال شخص انت هوه السبب وانت لا تعلم ماذا حدث كنت فقط تنوي المساعده كنت شخص نضيفاً وعندما سمعت مال قال عنك وجدت صرخه داخلي وبكاء شديد وتمسح الدموع وهيه لا تتوقف حينها فكرت ان كل شي حولي كان يعاشرني لأجل غايه وبعدها حاولت ان اتمالك نفسي فبدت نفسي بلنهيار ماذا عساي ان افعل وانا في وسط البحر تائهن لا أعلم أين اذهب أردت الغرق لكني فكرت هناك شخص سوف يبقى وحيداً وهوه بحاجتي فتحملت كل شي لكي فقط يكون بخير وبعدها طلبت من ربي وصليت ركعتين حتى أتى الفرج لا اعلم كيف ولكن رئيت كل شي كان بخير وليت كل شي يكون بخير فليس لدي الطاقه على تحمل كل هاذا فلا أعلم ما يجري في المستقبل،
《كتابات مجنون》

الأفكار تتشتت ولا اعرف من أين ابدي كيف للحزن ان ينتهي داخلي وكيف للحياه ان توقضني من حلماً قد طال وقته اهاذا شعور مؤقت ام ان الشعور الذي داخلي يكبر تمالكت نفسي ودمع جرى اسمع صوتاً داخلي مرعباً صوت انساناً حزينا صوت انساناً لا يعلم ما به
اهاذا بسبب ما يمر به ام انه قد دخل في سجن الحزن هل نحكم عليه مؤبداً ام انه سوف يخرج كيف لي أن أعلم هل حزني مؤقتاً ام حزني دائماً ام ماذا هل لي بالقليل من الابتسامه التي تملئ وجهي فقط لدقائق قليله لا اريد شيئ فقط ابتسامه مؤقته كنت اضن نفسي اني نجوت لكني دائماً في العتمه كيف يخرج الانسان من غابه في الليل هل هناك طريق ام كيف يخرج الإنسان من بحرا وهوه في وسطه هل هناك من يجيبني على سوالي لا أعلم انا حقاً في سجن الحزن وداخلي مليئ بسواد كلما حاولت ان اخفف عما في داخلي
كان السواد يغطيه من جميع جهاته هل لي بضحكه صغيره لا أعلم،
《كتابات مجنون》

لا أعلم ما هوه شعوري الان بين ضحكه ع خدي وبين دموع التي تجري من عيني وبين انكساري وبين عودتي الحزن والفرح في نفس الوقت ام ماذا كيف يبكي الشخص من حديث يجري بينه وبين شخص آخر ما هاذا الشعور الذي تسبب في تشتت أفكاري ماذا يصنع القلب وماذا يقول العقل فأنا بينهما حاولت ان اجد جواب عن ماذا يجري ولماذا كل هاذا لم أجد شيئاً فقط عيني ذابله وانا اضحك اهو الحزن الذي يجعلني ابتسم ام الفرح الذي يجعل عيني تغرق بدموع التي لا تتوقف حقاً لا أعلم انا ضائع بين عقلي وقلبي إلهي انت الذي تحقق كل المعجزات هل هناك معجزه آخرئ لني بحاجه معجزه لكي أعلم ما الذي يجري هناك صراعاً داخليا وانا في حيره من أمري ما هاذا الشعور وماذا افعل كيف لي أن أخوض حرباً بين ذالك القلب المنكسر وبين هاذا العقل الذي لا يتوقف عن الافكار أود أن أنام ولكن هل النوم مهربي حاولت ان اهرب وحتى النوم هرب مني ما هاذا الاختبار يا إلهي حقاً أود البكاء إلى أن يتوقف الصراع الذي داخلي و أود الانتحار لكنه ليس وسيله وحتماً انه ليس وسيله لذالك الصراع سوف اصبر وان الذي جعلني في هاذا الوضع هوه الذي قادر على أن يحل أمري ويجعلني في الطريق الصحيح إلهي انت الذي تعلم بكل شي وانا إليك ارجو أمري.هلوسه.
《كتابات مجنون 》

احياناً نلاقي شخص ونتحدث عن حياتنا معهه وهوه يجري بلحديث ويتكلم معك كأنه كان يعرفك من زمان بعيد ويبدي يتكلم عن حياته وكل ما يدور حوله بحيث انه يقوم بوصف كيف يدخل إلى بيته وما الأشياء التي عاشها مع شخص هوه لا يعرفه فقط تحدث معه لدقائق قليله هنا قلت هناك الكثير ممن يودون الكلام إلى أن لا يتوقفو كأنهم يريدون التحدث عن كل شي في حياتهم كأنها قصه والشعور يكون جميل ولكن لدقائق فقط لا أعلم كم شخص بحاجه الى ان يتكلم عمى في داخله كأن الجميع في داخلهم حزناً كبيراً فاكونو مع الذين يحدثونكم عن حياتهم طيبين لا تخدعوهم بكلامكم الكاذب وشكرا♡
《كتابات مجنون 》

اكو انسان يغلط والغلط جبير ويروح ما يبرر ويرجع وره سنين يبرر عن الي صار بس يبرره بجذب طبعا هلشي حيكون موقت وجذب نهايته تكون مو حلوه انو انت تستغبي شخص المقابل غلط مدام انت نيتك صافيه ويا احجي كلشي بصراحه ولا تحاول تقنعه بجذبك لن انت اصلا ما مقتنع بجذب مالتك شون تقنع شخص المقابل حاول تحجي الحقيقه مهمى تكون ضروف ع اقل حته لو ميعذرك المقابل تكون انت ما مجذب علي وللي يحبك راح يسامحك وهلشي الصحيح يعني كنصيحه دائما احجي الصراحه وبلا لف ودوران لن نهايه مو حلوه لا بحقك ولا بحق شخص الي جذب علي مقصود#
《كتابات مجنون》

الضروف هواي ناس من تكله ليش ما تسئلون يكلولك ضروف اني بس اريد أعرف ضروف شنو الي تخلي شخص شهر وشهرين ما يسئلون يعني حته الي مسوي عمليه هم تخلص والي مدعوم هم يطيب الي عنده فاتحه هم تخلص وهوه حته الفاتحه صارت بلنترنت حتمال كم يوم يسوون الودي رصيد دزه لأهل الميت كلشي يصير بلعراق العضيم ومن تسئله تكله شنو هاي ضروف يكلك ما اكدر اكول خاصه شنو ضروف الي خاصه هيه الضروف الي ماكو مجرد عذر يخلقه المقابل وهاذ بسبب يمى هوه ميريد يحجي وياك لن ملك او لكه غيرك لهاذا سبب ما فارغلك ومن الشخص الثاني لبسه اجاك هلشي طبيعي يصير اني شفت لقطه بمقطع فيديو طلع من العمليه يكلهم اريد حبيبتي احجي وياها يعني هوه اكو أصعب من هاذ الضرف؟ ما توقع بس هوه اليريدك يصير دم بنص وريدك ع كولت خضير هادي الله يرحمه من الاخير من تمل من شخص طكهه بوجه وكله مليتك وروح بطريقك افضل الك واله لن العمر مو طويل ان شاء الله اعمار الكل طويله بس الحياه هيج حتمال بلحضه تنتهي ونت ما تدري بنفسك تره حته بيوم الاخره يحاسبونك ع اذيه غيرك يعني مو عبالك تجي تضحك ع فلان وتروح يوم القيامه راح رب العالمين ياخذ حقه انت عليمن مطول موضوع ختصر من بدايه وكله بريني ذمه وشوف حياتك وشكرا.
《كتابات مجنون》

نحجي شوي ع موضوع انو احنه مخيرين او مسيرين شوفو احنه ثنينهم يعني اكو اشيا احنه مسيرين بيهه واكو اشيا احنه مخيرين بيهه مثلا انت متكدر تختار امك وابوك او انت متكدر ما تنام او ما تاكل او ما تتنفس هواي اشيا انت مسير بيهن الاشيا المخير بيهن هواي مثلا انت تكدر تختار وظيفتك وعملك بس لازم تكون مجتهد بي انت تكدر تصادق منو يعجبك وتكدر تحب منو يعجبك يعني اكو اشيا احنه مسيرين بيهه واكو اشيا احنه مخيرين بيهه وانت تختار نفسك الصح وكل انسان يتعب ورا راحه حاولو درسون وتجتهدون حته تحصلون مستقبل ولحد يكلك ماكو تعين او شي باجر عكبه تصير وتنفتح لو اي وضيفه مهم عندك شي يسندك وهاي كنصيحه♡
عفكره محظر قصه بس افرغ اكتبه هلمره شي جديد
《شخص مجنون》

ما زلنا نستيقض على تلك الأحلام التي لا تتحقق لكننا نحاول أن نسعى دائما للوصول
لكننا نحاول فقط وسوف نبقى نحاول حتى الوصول إلى ما نريد الأحلام لا تتحق ان لم نسعئ خلفهئ قد نتعب وقد نهلك وقد نسقط مره او أخرى ولكن في الاخير سوف نصل إلى ما نريد قد خلقنا في هاذه الدنيا من أجل أن تبقى ذكرى طيبه لنا فلا تحطمون شخص أو تجرحون مشاعر احد حاولو أن تكونو بسيطين مع الجميع فالله يحب من تواضع النصيحه لنفسك قبل الآخرين كن لنفسك سند ولا تعتمد على احد فلكل راحلون،
《شخص مجنون》

قصه اليوم الي واعدكم بيه:

تكول القصه يوم من الايام اكو مجموعات تواصل شباب وبنات هيج دردشه وتعارف يكول : الشاب دخلت بنيه بلكروب شخصيتها تخليك تهتملها بحيث كلامها دقيق ومن ترد على رساله ترد ع كد السؤال مثلاً شونج؟تمام انتَ شونك؟هيج يكول :اني نعجبت بهاي البنيه قررت اراسلها مره مرتين حاولت تحاجيني خاص ما حاجتني يكول مره دخلتله بعذر انو اريد اغادر الكروب لان مليت وهيج شي يكول هيه سئلت ليش ؟ جاوبتها وكتلها لان انتي ما جاي تشوفيني كالت : شون يعني ما جاي اشوفك ؟كال : من احجي وياج برسميه تحجين كالت وشنو يعني احجي وياك هوه هاذ الحجي الي بلمجموعه رسمي ، بدأ الشاب يحجي شوفي اني ما اريد اكلج حبيتج او شي بس يعني اني اريد مجرد اكون بس صديق ، البنيه ما قبلت كالت صديق بالكروب فقط الشاب يكول اني شايف هواي بنات بشكل هواي اول مره تلفت انتباهي بنيه وما تعبرني يكول البنات هنه يجن ويراسلني اني ما اراسل بنيه بس هلبنيه كلش عجبتني بقيت احاول اتقرب منها يوم يوم ، مره واحد تجاوز عليها بالمجموعه حظرته هيه رجعت راسلت وسئلت ليش حظرته كله هيج ما عجبني يكول هنا بديت اسولف وياها ونحجي اجيت اكله نسولف اتصال بس كلت مو وقته خليه بعدين بمرور الوقت صرت اعرف البنيه شيئاً فشيئاً البنيه عده اخت وأخ واحد زغير حجتلي عن حياته وعن الصعوبات الي تمر بيه البنيه كلمه عمري ما تكول حياتي ما تكول يكول سئلته ليش ما تكولين عمري تكول هيج ورجعت سئلته نفس سوال كالت الكلمه غاليه من اكول لشخص عمري يعني هلشخص فعلا اني مستعده انطي عمري ويئما هاذ يكون ابوي او امي او اخوي او زوجي يعني او حبيبي يكول بقيت اسهر وياها وهملت نفسي لدرجه انتضر رساله منه دزهه حته احجي وياها البنيه اسلوبه مختلف وكلامه مو مال مراهقين كلش حلو وغريب من تحجي وياك انتَ بعالم ثاني فبديت اترك الأشياء الي مو زينه بحياتي والتهي بيها بحيث انام اكعد افكر بيها .
.. يتبع البارت 2 …

نكمل:

فصراحه كلش البنيه دخلت كلبي وني حسيته قريبه عليه من كل النواحي. بس هيه بعد تشمل الحض اذا اكو حض وياها او لا طبعا اكو صديقي حجيتله ع البنيه سولفلته عليه بس ما توقعت صديقي يطلع شخص وصخ البنيه كامت شوي شوي تخليني اتعرف عليه ازيد وضلينه نحجي تصالات بشكل مو طبيعي طبعا هيه بلكروب كتله هاذ صديقي وهوه اعز اصدقائي مره غبت راحت سئلته عليه صديقي كلله يجوز عافج لن هوه يوميه ويه بنيه صراحه ما توقعت صديقي هيج البنيه نصدمت من كلام صديقي اني جان عندي ضرف فما كدرت افتح انترنت وبقه صديقي يسولفله ع اشيا الي اني مسويه بس هلشي بالماضي مهم رجعت ثاني يوم البنيه ختفت ما شفته بعد لا بلكروب ولا بلخاص سئلت صديقي كتله هم اجت سئلت عليه كال لا ما سئلت ومر الوقت وعده ما يقارب شهر فتحت البنيه انترنت بس ما راسلتني شفته بكروب سويتله رد مره مرتين ما ترد دزيتله بلخاص وكتله شنو صاير اني شمسوي وهيج انتي متردين كالت اذا ممكن منحجي خاص بعد اني بنيه ما ناسبك
سئلته مره مرتين ع سبب مقبلت جاوب وهيه تراسل صديقي وتحجي ويا صديقي يريده تعوفني حته ياخذه وضل يحجي عليه يمه البنيه ما راسلتني ولا سألتني ع شي عده شهر وع نفس الحال ما تغير اي شي يوم من الايام الفجر اجتي خاص كالت عادي اتصل وتصلت ضلت ساكته متحجي وني ما حجيت شي غفت ع تصال وثاني يوم رجعت نفس الحاله
هيه تريد تحجي بس متريد تخرب بيني وبين صديقي المهم هم عده سبوع ورجعت كالت اتصل وهم تصلت ضليت احجي وياها وسولفله عن حياتي وعن الاشيا الي اني سويته وكتله اني حبيتج يعني ما دورت وياج شي مو زين واني اريدج بس كوليلي السبب الي خلاج تتغيرين حجتله السالفه كله كاله صديقي مو معقوله هيج يحجي من جهه صديقه ومن جهه حبيبته هوه كله الي وصلج الحجي هوه مضبوط بس هلشي قبل ما عرفج اما بعد ما عرفتج اني تركت كلشي وره ضهري كالت المفروض تحجي ماضيك مو اسمع من غيرك كاله حقج بس فتره الي حجينه بيه قليله والوقت مجان يسمح انو احجيلج عن اشيا تافه مريت بيه مهم رجعت علاقتهم كل سابق يعني زينه صديقه يحاول يخرب بينهم يدخل بنات بكروب يتحارشن بي وهيه تضوج
سوه محادثه ولفقهه علي والبنيه شافت المحادثه وعافته هنا شاب بده ينهار ويتعصب لدرجه انو وصل مرحله ميطيق انسان يحجي ويا بشكل مو طبيعي خرج من كروب. وسد حسابه ومسح البرامج ولا بقه برنامج احد يتواصل ويا اكو صديق ثاني اله بس هاذ شوي غبي راحت هذيج سئلته ع حبيبه كله سد البرامج كلهن كلتله تواصل ويا ع وتساب او اي برنامج هذاك يدز رسايل ويصور لهاي البنيه كالتله خابره ع رصيد لو انتحر راح الولد خابر حبيبه ع رصيد وكله بلموضوع رجع فتح البرنامج وتصل عليه وهيه تبجي تكله مكدر عوفك💔 طبعا الولد ختنك بشكل مو طبيعي وكله اني ما غلطت ولا سويت غلط ولا راسلت بنيه هلشي صاحبي لفقه اليه واني ما مسوي اي شي من هاذ الموضوع المهم رجعو سويه ورجع الوضع طبيعي مره الايام ثنيناتهم التقو وشافه بلواقع وهنا الشاب قرر يغير كلشي بحياته وبده يئاسس حياته حته يتقدم يخطبها بيوم الي يجي يريد يخطبها البنيه تخونه وشاب يعرف بهلشي طبعا شعور مينوصف بلكتابه شعور شاب اهله يعرفون ويجي يكول لهله خانته صعبه الشخص الي تعبله سنين يروح بهل سهوله حاول يوصل اله حته يسئله عن سبب ولمن سئلهه منو شخص تكله حبيبي القديم الي خانه ويه صديقته رجعت ويا جاوب الشاب وكله توقعت كلشي بس مال طلعين أوصخ شخص قابلته ما توقعت هيج للسف راح شاب منكسر ومخنوك ومراً ايام ع هاي الحاله هوه ميخرج من البيت.

يتبع البارت3

قبل ما كمل القصه اكو شي مريت بي اليوم
صراحه حلمت بشخص هلشخص بعيد ما اعرف ليش حلمت بي بس جان الحلم كلش حلو من بعد سنين اني احلم بي هسه ما ادري ليش حتمال شخص مو زين او صاير ويا شي
ان كان هوه مو زين فادعو الله أن يكون بخير وبصحه جان شي حلو اخر مره شفته شي قبل شهور جان زين بس اني ما مفكر بي ليش حلمت بي ما ادري اتمنى ان يكون كل شي بخير وان يكون الشخص بخير ربي احفضه بحفضك لا أعلم ما الذي جرئ لكن انا ادعو اليه من قلبي وان كان قد رحل لكن يبقى له مكان في عالمي كل من يشاهد ارجو دعاء♥︎
《شخص مجنون》

.نكمل

بدا الشاب انو ينهار وره فتره تعرف ع بنيه بكروب البنيه كلش حبابه البنيه جانت كلش زينه ويا بقت تحجي ويا فتره الولد بده يغير من نفسه ويرجع لحاله الطبيعي رجع الولد بعد فتره لشغله وبده يهتم بنفسه تعدلت نفسيته وعده شهر الولد تغير وصار كلش زين هاي البنيه الي وكفت ويا صارت صديقته البنيه تهتم بي وتسولف ويا وهوه يحجيله ع كل شخص يراسله بنات او ولد البنيه تتقبل الموضوع كانو شي عادي طبعا الولد بقه يحجي ويه بنات ويضحك عليهن بسوالف الحب ويجي يكول للبنيه هاي بلي يصير ويا البنيه تنصحه انو يبتعد عنهن كال اله انو وين يروح يضوج يقضي وقت وياهن طبعا الولد طلع ويه البنيه وشافه بلواقع يكول اول مره اشوفه جانت كاعده بسياره وياي بلخير يكول لابسه كمامه شالت الكمامه يكول جنن بس هيه صديقتي يعني معندي شي وياها مو زين
يكول طلعنه وفترينه وكعدنه مطعم بعدهه رجعنه للبيت هيه لبيتهم وني لبيتنه واحنه نسولف بليل كتله انو من شفتج ردت ابوسج بس ستحقرت نفسي سئلت ليش كال لن انتي صديقتي ومريد ضلمج وياي البنيه ثقت بلولد بشكل مو طبيعي الولد بقه ع حاله يفتح كامرات ويه بنات ويصير اشيا فهمتوهه تعبانه يعني مهم طلع ويه بنيه ثانيه وصار الي صار البنيه صديقته تعرف بهلشي مر وقت طويل البنيه عده قصه هم حبت ولد وخانهه بس الولد ما متقرب منهه يعني بين قوسين ما منطيته شي مو زين يعني بس شوف فا تاركه الولد وخاينه وهيه حجت هلشي للشاب طبعا شاب صار يحترمه هواي ويقدره ويخاف عليه ومن تحتاج شي ميقصر وياها وعرفه ع اهله وإخوانه وأمه مره شهر ونوب طلعو سوه هيه البنيه اجته من محافضه لمحافضه كذالك دخلو مطعم وبده واحد يشاقه ويه ثاني جانت طلعه كلش حلوه شاب صح يحب البنيه بس كصديقه ميريد يدخل علاقه وياها لن يعرف نفسه مراح يكمل وهوه يريد اشيا البنيه متسويهه او يخاف يطلب منهه تقريبا هيج طبعا الولد كال للبنيه انو هوه كلش ضايج ومخنوك كالت تعال لفلان مكان اشوفك طلع الولد لمحافضه ثانيه راح يشوف البنيه بعد ما شافهه جان يرحون بسياره لزياره فبطريق جان جو كلش حلو البنيه التفت ع شاب والهوه يجيب عطره الشاب ما تحمل وباسهه البنيه نخرست ومحجت شي رجع للبيت ورجعت كذالك بليل حجو تصال هيه سئلته ليش هيج سويت كال الشاب ما اعرف بس العطر جذبني وهيج سويت كالت وهسه شنو كال ما اعرف بس حبيت هلشي جان كلش حلو البنيه كالت انت تريدني ومتخذلني طبعا شاب يخاف عليه دخلو علاقه بس شاب يخاف ومتردد بدو يطلعون كل شهر ومره عافت اهله ع موده هلشاب سوت البنيه كلشي ع موده الولد راد يخطبهه بس اخت البنيه شوي مو زينه وهيه متحبهه وهنا المشكله بس هوه لو متقدم جان نطو لن البنيه امه متوفيه وابوه ينطيه بس مهم شاب كد المسئوليه طبعا شاب حجه ويه اهله بس اهله ما وافقو الشاب راح وخطب بنيه غيره وهنا خانه والبنيه ضلمه هواي ونكسر بخاطرهه طبعا هم الولد ما توفق بالزواج وطول شهر وطلك يعني الله ما وفقه عرفت البنيه بهاذ الشي البنيه رجعت للولد وسولف ويا وتسئله ليش هيج سويت كال شاب مو بيدي هلشي صار إجباري والبنيه تأكدت انو الشاب جان مو بيده والبنيه وره فتره نخطبت والله وفقهه وتزوجت وجت للولد برته ذمه طبعا الولد هنا رجع وحيد يا ترى شراح يسوي بعدين...

يتبع بارت4
《شخص مجنون 》

اسف علتأخير
التكمله:

بدا الشاب يوعى على نفسه كعد ويه نفسه يشرح اغلاطه هو بشنو غلطان لگه نفسه غلطان بهوايه اشياء مثلا هو يضحك على بنات الناس ويوعدهن بلزواج وبعدين يخلف هو مااسس حياته بشكل طبيعي هنا بدا يقرر انو يبني حياته على اشياء صح بدا من عمله وبدا يهتم بنفسه وبشخصيته وبدا شوي شوي يطور بنص الطريق جان يتعب ويشوف نفسه وحيد قرر انو يرجع للتواصل بس بشكل خفيف يعني ميتعمق بلموضوع دخل مجموعة تعارف ويبدا يتشاقه ويه هذا و ويه هذاك مر الوقت وكانت الساعه الواحده ليلاً كان وحيداً و ممل نوعاً ما ذهب الى مالكين احدى القنوات ليقوم بنشر يوزره (معرفه) حتى يجون بنات يسولفون وياه وبنفس الليله تعرف على ثلاث واحده منهنّ تكلم معها اتصال كانت الفتاة غير مؤدبه تكلم معها ثم قامت بحظره بقن ثنين والثانيه تحدثت قليلاً وراحت
الاخيره استمر بينهم التواصل بينهم كل يوم ومره على التواصل بينهم مدة شهر بدات الفتاة تشعر بلحب للشاب لان كانو كل يوم يتحدثون اليوم بأكمله بدأ الشاب بلتقرب منها وكان شعوراً جميلاً الشاب سأل الفتاة هل تحبينني؟ لم تقم بلجواب حاول الشاب ان يجعلها تعترف وقال لها ان حبيبتي السابقه قد عادت فتغير صوتها قال الشاب لماذا تغير صوتكِ قال انتَ ستهملني وقالت ماردك انتَ عليها قال الشاب لااعلم انتِ ما رأيك؟ سألت الفتاة هل تحبها اجاب الشاب نعم أحبها ارتبكت الفتاة وكانت تتلعثم بجوابها
قال الشاب اجيبيني على سؤالي وسيكون جوابكِ هو الذي قد يجعلني اقرر فقالت ماهو السؤال قال: هل تحبينني؟
اجابت وهي خائفه: نعم ولكن خوفي من خسارتك كان سبب لعدم افصاحي عن مشاعر الحب الذي اجتاحتني قال الشاب كنت اعلم ولم يحدث اي مما قلت لكِ فقط كانت غايتي هي اعترافكِ بمشاعركِ تجاهي تطورت علاقة الفتاة بلـ الشاب وكان الشاب مهووساً كالـذي ادمن صوتها أبىٰ الشاب الاستغناء عنها ولو للحظات تحدث مع عائلته ولكن ابوه رفض حاول الشاب مع ابوه لعدة شهور
ومرت ست شهور
عندما رأى والده أصراره قام بلموافقة ولكن الصدمه ان الفتاة قد خانته مع حبيبها السابق وهنا انصدم الشاب ودخل في حالة نفسيه وبدأ بتعاطي المـ.ـخـ..ـدرات وبعدها اصابه الجنون قامو عائلته بأخذه للمستشفى ونام يوماً في تلك المشفى وعلمو انه يتعاطى وقد اخذو الي مركز اعادة تأهيل المدمنين ولم يتعدى ثلاث ايام وبعدها وجدوه منتحراً

والى هنا تنتهي قصة الشاب.
(شخص مجنون)

احببتك فضلمتني الم يؤلمك قِلبك عندما تركتني
اتعلم ماهوه شعوري كأنني معاق ولقد قتل ابي امام عيني واعتدو ع امي امام عيني  اتعلم كيف كان شعوره هذا لمعاق فقط اشعر ولو لدقائق قليلة كيف كان شعوره هوه هذا الشعور الذي جعلتني اعيش به عندما تركتني هل يكفيك هذا الوصف ام تريد المزيد .

(شخص مجنون)

حاول قد ما تكدر تحتفض بلورده الي عندك لن اذا فقدتها حته تلاكي الاحسن مستحيل حتلاكي لن اذا ما لكيت ورجعت ع ورده نفسه تلكه غيرك أخذها اذا انسان جان زين وياك وفجئه تغير في احتمال ضروف جعلته يتغير يعني مو شرط لكه غيرك دنيا بيه ضروف هواي حاولو تتمسكون بلورده الي عدكم لن اذا خسرتوها وعرفتو قيمته بعد الخساره ماكو فايده بعد اكو خسارات ما تتعوض باملاك الدنيه كلهه واكيد اني مجاي اقصد الورد مال حديقه انتم فهمتو المقصد،
《شخص مجنون 》

نحن لم نخطأ يوما ما لقد كان الأمر خارج عن ارادتنا فقط كنا في ذالك الوقت لسنا بقادرين على أن نكمل للطريق فقد كان طريق متعباً وانا لا أخاف ان اخسر نفسي بل خفت ان اخسرك لقد سمعت الكثير ممن يقولون سوف يتركك ويذهب وكنت لا أصدق هاذا وفي يوم قد حصل هاذا فخسرتك وخسرت نفسي انا قد عشت ايام سوداء في غيابك لعلك تعلم ما حدث حينها لو قتلتني لكان افضل من تركك الي فقد تركتني وحيداً،.
《شخص مجنون 》

اكو مرات تصير اشياء انت ما متوقعها ماكو شخص يعرف شراح يصير مو شرط اليحبك ٢٤ ساعه يدللك لا يجوز ما يكدر يجوز يحب انت تهتمله يجوز انت تريد شي هوه ميكدر يقدمه الإنسان مو كلشي يكدر يسوي لليحبه إلى يكدر علي يقدمه إذا شخص تحبه لازم تنطي اني واصل مرحله روحي ما اطيقهه النفس إلى اتنفسه احسه يضيق بصدري اني بحياتي منمت مرتاح بحياتي مضحكت نفسي كدام الناس اني الإنسان المرتاح بداخلي اني انسان مكسور ومحطم ششوفين كاعد وساكت لو ايدي ع خدي جاي اتعب بشكل مو طبيعي لدرجه انو اذا واحد غثني بحجايه عيوني يدمعن انتي شنو عبالج اني هيج سعيد مو سعيد اني الله شايفه بعيوني نوم ما نام مثل البشر ٢٤ ساعه حياتي مليانه تعب وتفكير وقلق وكل هاذ اني قليل من الي أمر بي وشعور الانكسار إلي بداخلي منو عوضه منو اهتمله منو فكر بيه فكر شنو اريد شحب شكره شنو اني محتاجه بشنو اني افكر منو فكر كال خلي اجي اتشاقه ويا اضحك ويا شو كلما اتصل اني إلي احجي واني إلي اضحك المقابل مجرد يضحك وما يشوف اني بداخلي الف هم خليني ساكت تره اني شفت اشياء صعب ع شاب يشوفهه بعمري وين اكو شاب عمره ٢٥ دخل وهوه بحياته ما طالع سفره أو متونس او مرتاح شنو شفت بحياتي
تره مجرد قلق نفسي وأرباكات داخل عقلي اني اراسل ما اعرف شنو ادز شنو اسولف صرت شيكلولي اي وصار وتدلل وما اعرف شنو المقابل الي يريده شنو مثلا اني رسول منزل من السما شكول يصير ماكو هيج اني بشر حالي حال اي انسان بس اني تعبت بشكل مو طبيعي اني اذا سولف إلي بداخلي مو دموع ينزل دم من عيوني شنو شايفتني مرتاح كلش هيج عمي ضحكه إلى اضحكه بلكوه إذا شوي رتاحيت يبين اني مرتاح المقابل يكلك شوف مرتاح ما عليك هم واني بدقيقه افكر يوم كامل بحيث الأفكار تتلخبط براسي صرت ما اهتم ما ابالي شنو عبالج هاذ من لا شي اني تأذيت من اقرب ناس إلى تعيرت من اقرب ناس الي شنو يعني شسوي مثلا لازم كل واحد اخلي تاج ع راسه وأكعد اخدمه ما عندي هيج اني اريد إلي يسندني إلي من اوكع هوه يتجيلي اريد شخص يفهمني يكعد وياي يكلي شبيك شنو ضارك شنو تريد منو مضوجك منو غاثك ليش هيج تردون شخص مجرد يكون ع مزاجكم هوه هاذ إلي يحب ازرب بلحب إذا هيج من قواعد الحب انو تشوف الي تحبه بخير مو بخير مو كلمه تنكال لا من تسئل من كل كلبك مو شخص عابر هاذ شخص تريده دوم اكعد ويا احجي سولف خلي يفضفضلك يحجيلك إلي بداخله شنو يريد بلكي من يسولف وياك يرتاح اما انت تكضيهه علي اي تمام هاهيه وتعدي وهاي فتره وكلنه نمر بيه والدنيا اختبار هنه هذني اكو واحد ميعرفهن اكو واحد ما مر بيهن بس لا لازم هوه يتحمل كلشي ويجي بلوجه الحسن وضحكه ع وجهه ويكعد يسولفلج ويضحكج وهاذ كله ع مود شنو ميخسرج يعني هوه جاي يخسر نفسه جاي يخسر نومته جاي يسهر بحيث عيونه مليانه نعاس وهوه يكعد يسولف وياج ليش لخاطر ميعوفج وحيدج وانتي كل هاذ معاجبج وع لحظه تتغيرين وتكليله بيباي عن أي حب تحجين أو عن أي اهتمام الاهتمام ما ينطلب ولشي إلي ينطلب ماله قيمه المبادره تكون من شخصين شخص إلي يهتملك اهتمله والي ما يهتملك يروح الله ويا تره كلنه تعبانين ماكو شخص مرتاح بس اكو ناس دا تتحمل فوك طاقتها وكل هاذ ويجي يسولف كانو ما صاير شي إلي بداخل الشخص محد يعرفه بس اكو ناس تبين بعيونها التعب تره واصل مرحله نفسي ما اعرفه منو يمكن اذا احد سئلني ما اعرف عن شنو اجاوب وإذا احجي للصبح ما خلص مجرد كلام هاذ مراح يغير شي الحمد لله وبالتالي ما النه أمل غير بس برب العالمين راح يجي يوم ويعوضنه عن هذا التعب الله مينسه احد وشما ذنبت وكثرت ذنوبك ارجع لربك قوي نفسك بنفسك لتنتظر المساعده من احد لأن محد يفيدك ومحد ينطيك من صحته وشكد ما نوصل مرحله من اليأس لازم نتذكر انو الله موجود وكلشي ممكن يتصلح ع أي لحظه واحنه هم بشر مو جهاز آلي تجينه اوقات نتعب ، نبجي ، ننهار ، نحتاج ننعزل عن العالم ، نكعد وحدنه نرتب نفسنه ، وهذا من حق كل انسان .
(يُكفيكَ أنك مازِلتَ تُحاول مِن أجل نفسك ، حتى وإن لَم يَعلم أحد ما تمرُ بهِ ✨).
{شخص مجنون}

عن الحب اتحدث،
في وقتنا كم من العلاقات التي تمر علينا وكم أشخاص من الممكن أن نقع في حبهم الكثير يقول يمكنك أن تحب الجميع ولكن حب عن حب يختلف والآخرون يقولون الحب لشخص واحد وهوه الحبيب الذي سوف نقضي حياتنا معه انا اقول الحب للجميع هاذ العباره أنسب فانحن نحب أهلنا وأصدقائنه يعني مو شخص واحد متعدد اما ان كان حب الذي من خلاله نؤسس عائله فهاذا مختلف يصادف اننا قد أحببنا شخص لدرجه اننا لا نستطيع التخلي عنه ويوما ما هاذ الشخص قد رحل من الذي سوف يهدئ من الحزن الذي نمر به الأشخاص المقربين الذين نحبهم وننضر إليهم كأنهم فقط أشخاص ليس لهم اهميه ولكن هم الأساس هم من يعطونا النصيحه احيانا شخص ما قد يحبك وانت لا تبالي وهاذا الشخص يقوم بنصيحتك وانت فقط تستمع دون تطبيق وفي يوم من الايام تكتشف ان نصيحه هاذا الشخص كانت صحيحه وتقول ليتني استمعت إليه لما كان الحال هاكذا تمضي الايام ويأتي نفس الشخص وأيضا يقوم بنصيحتنا ونحن أيضا نستمع ولكن علينا التطبيق ماذا لو أحببنا هاذا الشخص ماذا لو فقدنا هاذا الشخص هاكذا سوف يكون تفكير هنا نحن نتمنى أن لا نفقده مره اخرئ هناك الكثير ممن قد نحبهم وهم لا يبالون لنا ومن يحبونا نحن لا نبالي ولكن علينا أن نحب من يحبنا ونعطيه الفرصه لكي يكون في حياتنا حتئ لا نندم علئ خسارته كل منا لديه ما يخفيه في داخله ولكن لو هناك شخص قد سمع ما في داخلنا من الممكن أن ينسينا البعض من الألم أو الهم الذي داخلنا فأن كان هناك شخص في حياتكم ترونه يستحق هاذه التضحيه فلا تقومون بخسارته فهناك أشخاص لا تعوضك عنهم الدنيا بأكملها،
{شخص مجنون}

عن الشعور اتحدث،
نستصعب أحيانآ للشعور الذي يراود أنفسنا من حيث الاسئله التي تدور في عقولنا وليس لها جواب احيانا لا نفهم ما في داخلنا من شعور عندما نحب شخص ما أو عند الحديث مع شخص عزيز علئ قلوبنا لا نعرف من أين نبدي تصعب علينا الكلمات فنقف صامتين والمقابل لا يعلم ما يحدث في عقلنا نحن نحاول أن نشرح الشعور الذي نمر بهه ولكن لا نعرف كيف نبدي هل نهرب ام نلجئ لشخص آخر هاذا الشعور قد قام بتحطيمنا فقد استصعب الحديث احيانا عن القلق الذي يراودني أو عن الأمل الذي أحلم به أو عن الحياه التي افكر بها ماذا لو فقدت نفسي؟ ماذا لو فقدت شخص أحببته ماذا أن رحل الاسئله التي ليس لها جواب كيف يمكنني اني أجد جواب يريح صدري أو عقلي التفكير قد اتعبني بشده نحن نعلم أننا انخلقنا في امتحان وكيف سنجيب علئ الاسئله التي في تلك الورقه المحطمه داخلنا نحن لم نفهم وحاولنا أن نفهم ليس الئ القليل من الراحه لكي نفهم ام ماذا اليئس الذي يحاول السيطره علئ أفكارنا أو الأمل الذي نراه جميل أم ماذا ام الشخص الذي نحب أن يكون معنا خل سوف نتركهه ونذهب بعيدا ام اننا سوف نكمل طريقنا معهه تشتت الأفكار وتجمعها في عقلي صعب ولكن ليس مستحيل فأنا ما زلت احاول ان احافض علئ نفسي وعلئ من أحب هل يا ترئ هوه أيضا يحاول أليس القلوب التي تحب بعضها تشعر بل اخرئ لماذا الشعور يجعلنا في قلق هل الخوف من الخساره ام الخوف من القادم أيضا لا نعلم فنحن في طريق مضلم وليس هناك أي ضوء نذهب إليه إلهي إن كان طريقي مضلم فأنت النور في طريقي وانت المستعان،
{شخص مجنون}

عن الصداقه اتحدث،
يوم من الايام الله يرزقك بإنسان تتمنئ كل لحضه بحياتك تقضيه ويا وتتمنئ تشاركه بكلشي تحب تسولف ويا تحب تسهر ويا تحب تحجيله عن يومك وتحب تسمع حجيه تحس انو اليوم يمشي بسرعه من تحجي ويا تحب هوه يشكيلك إذا صار ويا فد شي تحب تشاركه أحزانه وأفراحه تحب تخلي ينسه الهموم إلى بداخله وتحسسه انو انت سند إله تغير حياتك ع موده وتغير من تعاملك الطبيعي ويا وتفرقه عن الكل كانو انت متشوف غير هلشخص احيانا ترسمه بخيالك وتذكر ابسط الأمور ويا وتحسه شي حلو وتتمنئ هلشي مو مؤقت انت تريده فقط يكون وياك مو مهم شنو موقعه المهم هلشخص يحجي وياك يراسلك يسئل عنك يشاركك بكلشي بحياتك انت تثق بي لدرجه انو تمشي ورا ونت مغمض توصل مرحله من الثقه العميا مرات عقلك ميختار بس كلبك يختار ومرات عقلك يختاره بس كلبك ميختاره وتصادف مرات الاثنين يتفقون انو كلبك وعقلك يختارونه هنا انت تحس بلرتياح يم هاذ شخص من يراسلك تحس بسعاده ومن يغيب عنك دقايق تفتقده تحس انو يومك ماله طعم كانو شي بيومك نقص واحله شي من تصبح بي كلمه منه تكفي انو هوه يكون موجود ومن يسئلك انت كلبك يرجف علي من تشوفه يمك ويحجي وياك واذا غاب لحضه تضل تنتضر منه رساله هلشعور حلو بنفس الوقت هوه يسندك ويخليك متفائل بكلشي بحيث انت لو مهمئ صار وياك أمور تضوجك من يراسلك انت تنسئ كل هاي الأمور وتكعد تحجي ويا وتسولف عن يومك بتفصيل إله ونت متعرف ليش جاي تسولف من تصفن تكول شنو هل صديق إلي تلكه بي هاي صفات كله لن اكو هواي ناس نكول عنهم أصدقاء بس هم جذب يدورون عليك الزله فا من تصادق شخص انضرله من كل جوانبه وفتهم معنئ الكلمه الي يكوله حته تعرفه هل هوه صديق فعلا ام هوه مجرد شخص عابر وهلشي يكفي فا اختارو الشخص الصح بالوقت صح ونصيحه خليك طيب ويا بكل وقت حته لو يضوجك تعال وحجيله هوه اكيد راح يبرر موقفه وهيج مراح تضوج منه ولا تخسر شخص مثله أن شاء الله  كل شخص نضيف الله يرزقه بشخص مثله يكونله كلشي،
{شخص مجنون}