لاتصدق اللي بقلّك إنك قادر تتخطّى كلام الناس؛ وبكل سهولة بينتسى
الكلام متل ماقادر يشفي قادر يخذل
كلمة قادرة توصلك للسما وكلمة بتدفنك بسابع أرض
أديش في كلام أنقذ مرضى، وكلام زرع بالنّفس طاقات وأمل، كلام رجع للرّوح الشغف
وأديش في كلام حطّم وخيّب ظنون وآمال، صوّر النّهاية بأول المشوار..
أديش في ناس نامو وبقلبن غصّة كان سببها كلمة
تركوا مطارح..تركوا مبادئن وأفكارن، ويمكن تركوا نفسن!
أديش في عظماء دفعتن كلمة..
أديش في تعبانين حضنتن كلمة وطبطبت على قلوبن
وأديشن كتار المشتتين..اليئسانين التايهين، وناطرين كلمة تحلّي المرّ كلو.

دائمًا وأبدًا حاول تنتقي كلامك، أسلوبك، تجرّب أثر الكلمة عليك
دائمًا قوّم هالكلام..حاول تحكي صح، تحكي كلام خفيف عالعقل، هيّن عالقلب.
كلام متل نسمات الهوا ودفا الشمس، متل الصّبح متل الغنيّات🕊🌼