❤❤#معادلة_صعبة_الجزء_الثاني❤

اااخ يا مايا تركيها ع الله ! والله عم تمل ولأنها ما بتمشي ولا بتتحرك بتعصب
مايا : لا تزعلي حبيبتي الله يشفيها يارب وبتصير تمشي وبتبطل تمل ولا تعصب بس انتي صلي عالنبي وادعي ربنا يشفيها

نجوى : رح نضل نحكي هون ؟ اعمليلنا فنجانين قهوة وتعالي من زمان ما قعدت معك

راحت مايا عملت القهوة ورجعت .. وهي مو على بعضا ..

مايا : وين راااااح ؟؟ ليش كزب علي شو عم يعمل ؟

نجوى : حكيتي شي ؟

مايا : لا

نجوى : شبك عم تهزي برجلك ومتلبكة كل هالقد هههههه اهدي شبك

مايا : لك اااااخ كان ناقصني انا بس

نجوى : طيب لا تعصبي مشان يلي ببطنك احكيلي شبك ؟

مايا : ماما ميساء خدي اختك وادخلو لجوا على غرفتكن

ميساء : حاضر ماما

مايا : قلتيلي اليوم الكريسماس ما هيك ؟ والكل معطل ! الا جوزي فاق وصارو يستعجلوه مشان يروح عالشركة

نجوى : عنجد عم تحكي ؟

مايا : اي والله شفتي ؟

نجوى : والله ما عم اعرف شو قلك .. بس يعني .. ما بعرف ما بعرف انا لازم روح فوفو لحالا فوق تأخرت عليها

مايا : ابقي عيديها ها

نجوى : اي اكيد انشالله يلا سلااام

مايا : الله معك

طلعت على بيتا وضلت مايا عم تروح وتجي بالبيت و هي عم تطلع كل ثواني بالساعة .. اجا ربيع بعد ما خلص موعد دوامو ..

مسحت مايا دموعا بسرعة واستقبلتو متل دايما

مايا : جيت حبيبي ؟

ربيع : اي جيت

مايا : كيف كان دوامك ؟

ربيع : مممم شو هالسؤال ؟

تنهدت مايا بقهر .. لمعت الدمعة بعيونا واتنفست مشان تقدر تواجهو بدون اي مشاكل ..

مايا : ميري كريسماس حبيبي !

ربيع : ليش متى الكريسماس خير ؟ وبعدين شو النا فيه صلي عالنبي يا ميوش

مايا : لا نحنا ما النا في .. بس شوف التاريخ .. مو كأنو اليوم عطلة ؟

ربيع : اووووف مايا اووووف

مايا : ادخل لجوا بدل تيابك وغسل وارتاح شوي .. و هلأ بحضرلك غدا وبعمل كاسة شاي بعدين بنحكي بالموضوع

ربيع : لوين رايحة .. ( مسكا من ايدا وشدا لعندو ) صح ما في دوام بس وحياتك ما تزكرت الا بس طلعت .. وعرفت انو البنات رح يرجعو ورح تعرفي انو عطلة .. بس ما في شي من يلي ببالك

مايا : اترك ايدي .. وبعد عني

ربيع : طيب ما بدك تعرفي وين كنت ؟

مايا : ازا بدك تكزب علي ما بدي اعرف

ربيع : طيب

سكت ربيع وما حكى شي .. وهي ما ناقشتو ولا سألتو شي دخلت عالمطبخ حضرت الغدا وعملت شاي وطلعت نادت لميساء وماسة وغدتن بس ما اكلت معهن

ربيع : كلي مايا شبك ؟

مايا : مو جاي عبالي

ربيع : مايا شبك ؟ ما عاد في ثقة بيناتنا ؟

مايا : لو ما بوثق فيك ما كنت انا هون اصلا ( ابتسمت )

ربيع : طيب لا تنسي انك عم تاكلي عن روحين .. انتي والبيبي لهيك كلي ازا مو كرمالك كرمال البيبي يلا حبيبي كلي

مايا : عم قلك ما بدي .. مااااا بدي هففف ياه

قامت دخلت على غرفة النوم .. بدلت تيابا وهي عم تبكي ..

ربيع : لوين رايحة ؟

مايا : بدي اتنفس شم هوا جديد شوف بشر حاجتي عايشة بين 4 حيطان ما عم شوف شي من الدنيا

كانت ما عم تسيطر على مشاعرا وكلاما .. هرمونات الحمل مع الزعل من تصرف ربيع اللي مو مفهوم وما الو اي مبرر .. حست بالضغط النفسي يلي خلاها تفقد السيطرة على تصرفاتا بهاللحظة ..

ربيع : يعني رح تتمشي ؟

مايا : اي .. مشان الله تركني روح اتنفس شوي

ربيع : حاضر .. روحي

طلعت مايا من البيت و تمشت بالشارع .. حاولت تاخد نفس عميق اكتر من مرة ..

مايا : معقول عم يخونني ؟ يعني لأني ما جبتلو صبي وحتى يلي ببطني بنت مل مني وصار يخونني .. بس والله البنات حلوات وحنونات وبيجننو انا عندي ضفر بناتي بيسوا الدنيا كلا .. معقول تجوز علي ؟ اي يمكن اصلا امو بتضل تنق عليه مشان يتجوز ويجيه صبي .. يا الله مو بإيدي شو اعمل بحالي !! بحبو بجنون والله بموت ازا شفتو مع غيري ( اخدت نفس وغمضت عيونا ) يااااااارب ساعدني

رجعت عالبيت دخلت ما حكت ولا كلمة .. قعدت معهن ومسكت موبايلا وشغلت حالا بالتصفح والحكي مع رفقاتا لحتى اجا الليل ونامو بناتا ..

مايا : وهلأ صار فينا نحكي

ربيع : اي تفضلي احكي

مايا : ليش كزبت علي .. مع مين عم تخونني ؟

ربيع : لا اله الا الله

مايا : طيب خدني على قد عقلي

ربيع : مايا .. تصبحي على خييييير

فتل وشو للجهة التانية وسكر عيونو وما عاد حكى شي .. تسطحت وحطت ايدا على بطنا وصارت تبكي بحرقة بدون صوت .. حس عليها ربيع رفع حالو عن التخت وقرب عليها

ربيع : ميمي .. ميوشتي .. مايا حبي لا تبكي

مايا : تركني بحالي .. اصلا انا ما عاد عجبتك وصرت كل يوم تقلي صرتي مزاجيه وساعة بتبكي وساعة بتضحكي وبطلت تحبني بعرف هالشي اي وبدك صبي لهيك عم تخونني ويمكن متجوز علي .. اي اكيد متجوز علي لكن شلون رح تجيب الصبي

ربيع : لك من وين عم تجيبي هالتخاريف هي شبك انتي عملتيني متجوز وبدي صبي وبخونك شو هالحكي هاد .. قومي غسلي وشك حاج بكي

مايا : بعد عني تركني تركني💔

ربيع : حاضر مايا .. حاااضر

مايا : وما هامك زعلي عطول تركتني زعلانه ونمت ؟💔💔

ربيع : طيب شو اعمل ؟ موت حال

ي ؟؟ 🙂🙂

#معادلة_صعبة_الجزء_الثالث_والرابع_والخامس_والسادس

ما قلتلك ما رح تصدقيني خلص رح تفهمي كلشي والله رح تفهمي كلشي🙂

مايا : متى ؟😕

ربيع : لما الله يريد وهلأ نامي واتركيني نام حاج بكي❤

مايا : اي سيد ربيع ( بعصبية ) نااام نااام واتركني موت اصلا ما بيهمك💔💔

ربيع : حبيبتي .. بتعرفي انك بطلة العالم بالنكد على قولة حبيبنا اللزم تامر حسني ؟؟🙂🙂

مايا : ( هية وعم تبكي ) طالع كل كرهك الي وحقدك عليي اي طالعن😭😭

ربيع : انا حاقد .. و خاين .. وبكرهك .. وشو كمان ؟ اي وكزاب .. ممممم شو ضل ؟😕

اتطلعت عليه بزعل وهي عم تمسح دموعا💔💔

مايا : ولاشي خلص تركني بدي نام❤

ربيع : لا والله ما بتركك بدك تقعدي معي ونلاقي حل لهالمشكلة .. انا بتشكي فيني يا مايا ؟😕

مايا : انت يلي كزبت بالأول .. مين الرقم يلي دقلك مسجلو نقطة ونجمة .. عفكرة انا شفتو عالنمبر بوك وطلع رقم بنت اسما لارا .. وليش طلعت من البيت على اساس عالشغل ؟

ربيع : هففف .. عم خونك منيح هيك حبي ؟ يلا ناااامي ولا قلك انا طالع انا رح نام بالصالة برا

قعدت مايا تفكر وتفكر .. طلع الضو وهي بعدا ما نامت .. وعم تفكر ! ( طيب عنجد نحنا وضعنا يا دوب عم ناكل ونشرب شلون رح يتجوز علي اضرب انا شو جدبة )

تاني اليوم المسا .. دق موبايل مايا من رقم مجهول ..

مايا : الو

مجهولة : الو مرحبا

مايا : اهلين مين ؟

مجهولة : ما دخلك مين بس ديري بالك على جوزك عم يخونك .. ومو مع وحدة مع كتار

مايا : بالله وانتي مين مشان تحكي هيك عن جوزي ؟

مجهولة : قلتلك ما دخلك .. بس جوزك بيخونك .. وحتى موعد دوامو بيقلك ياه غلط هو بيطلع من شغلو 4 ونص بيجي عندك عال6 ونص

مايا : وشو عرفكككككك ؟

سكرت الخط وما عرفت مين هي .. قعدت عالأرض وصارت تضربا بإيديها و تصرخ ( من وين طلعتيلي انتي كماااان من وييين )

ميساء : ماما شبك ؟ ليش عم تبكي ؟ ( مسحتلا دمعتا بإيدا الناعمة ) احكيلي شبك ؟

مايا : ولا شي روحي من هون

ميساء : طيب ما عاد ننسى انو في عطلة وعد .. وما عاد نطلع عند خالتو نجوى بدون ما ناخد اذنك

مايا : اااااااااااااخ بطنيييييييي مشاااان الله يا اميييي اااااااااااااخ

ميساء : مامااا شبك مامااا

مايا : روحي روحي نادي لجارتنا نجوى روحي اااااخ

طلعت ميساء دقت على نجوى ...

ميساء : خالتو مشان الله افتحي ماما تعبانة كتير

نجوى : اي اي شو في ؟

ميساء : الله يوفقك تعالي معي ( مسكت ايدا وشدتا ) تعالي شوفي ماما شبها

نزلت نجوى تركض عن الدرج .. وصلت شافت مايا وهي عم تصرخ وتبكي من الوجع طلبتلا الإسعاف بسرعة

تاني يوم الصبح .. فتحت عيونا واتطلعت بالمكان الملون بالبياض .. حاولت تتزكر شو صار معا .. الدنيا عم تفتل فيها وما عم تركز بأي شي صار معا و جابا لهون ..

مايا : انا ولدت ؟ بس انا بالشهر السابع ! معقول بنتي صارلا شي ؟ الجرس وين اي ليكو ( مسكت الجرس ودقتو ) يا رب ما يكون في شي مو منيح يا رب

الممرضة : الحمد لله عسلامتك

مايا : الله .. الله يسلمك وينا بنتي ؟

الممرضة : بنتك متل القمر وبتجنن وما فيها شي .. انتي بشو حاسة ؟ فيكي شي ؟

مايا : الحمد لله بخير انا بس احلفي انو بنتي منيحة وما فيها شي

الممرضة : والله بنتك ما فيها شي حبيبتي ..

مايا : جوزي هون ؟

الممرضة : لا .. كان هون وراح

مايا : بسيطة

طلعت الممرضة من عندا وصارت مايا تتصفن بالسقف و تتلفت بعيونا بكل الغرفة و تتزكر بأول ولادة لألها شلون اهتم فيها .. شلون دللا وبقي بجنبا .. فتحت عيونا ونزلت دموعا على مخدتا .. حست بإيد عم تمسك ايدا .. التفتت كان ربيع بجنبا وعم يمسك ايدا ..

مايا : ليش جيت ؟ بكير !

ربيع : مممممم بكير ؟ وليش جيت ؟ من متى بتحكيني بهالطريقة ؟

مايا : والله هي الطريقة يلي عندي ياها

ربيع : ماشي يا مايا مااااشي .. اعملي وكتري

مايا : طبعا ما حد خبر اهلي اني ولدت ؟

ربيع : لا ما حد خبرن ما دخلن اصلا

مايا : وانت ما دخلك كمان

ربيع : لك شبك ؟ شببببك ؟؟

مايا : دقلي لأهلي بدي اطلع لعندن

ربيع : ليكن بالطريق رح يوصلو خبرتن من شوي

مايا : تعرف شي انا تعبانة وما عم يهمني شي الا سلامة بنتي .. ما بدي شي من هالدنيا الا سلامتا

ربيع : مايا رح اسكت .. ما رح ناقشك بس معاملتلك هي رح تندمي عليها بعدين بوعدك رح تندمي

مايا : عم تهددني ؟ شو رأيك اكبس هالزر وخليهن يطالعوك برا ؟ تعبانة انا ما بيسوالي الزعل

ربيع : لهون وصلنا ؟ من كم يوم كنا احلى زوجين بالدنيا عم نضحك ونمزح وضمك وبوسك وعاملك متل طفلتي المدللة واليوم اعداء عم تطلعي بعيوني بتحدي !

مايا : ربيع .. جيبلي البنات من عند نجوى .. بدي اطلع من هون لبيت اهلي .. ولا تخليني شوفك بعد هيك .. انت خاين .. ليك شو بدي قلك ! دوام الشركة بيخلص 4 ونص مو 6 ونص ! مممم انت بتستغل اني ما بطلع من البيت وما بعرف حدا ولا بعرف شي مشان تستغفلني !

ربيع : .....

مايا : شو شبك سكتت احكي .. احكي لك احكي اااخ

ربيع : حياتي فيكي شي ؟ موجوعة ؟

رفعت عيون

ا واتطلعت بعيونو ونزلت دمعتا....

تفاعلو دخيل عينكن❤
#معادلة_صعبة_الجزء_الرابع❤

مشان ما يصير فيي شي مشان الله روح من هون ولا تخليني شوفك💔

ربيع : حاضر❤

طلع من الغرفة وعم يمسح على وجهو بعصبيه ويشد على اسنانو من القهر ..

فاطمة : شبك ابني شو في ليش وشك مخطوف كل هالقد ؟

ربيع : منيح انكن جيتو رح روح جيب البنات واجي بدا تطلع من المشفى وتروح لعندكن

فاطمة : غريب .. كنت اترجاها تجي لعنا مشان نهتم فيها بفترة نفاسا وما تقبل .. ليش هالمرة بدا تجي لعنا !!

ربيع : مرت عمي .. اتفاهمو معا انا ما عاد احكي شي لأنه ما حد رح يسمعني ولا حد رح يفهمني .. لهيك خدوها بلا ما نقعد بوش بعض ونبقى نتخانق كل شوي❤❤

فاطمة :لا في شي غلط .. انتو ما بتبعدو عن بعض .. بس رح فوت شوفا .. والي كلام معكن بس تروق من ولادتا ..💚

ربيع : لا تزعليها ولا تضغطي عليها بالحكي .. لو سمحتي💔💔

فاطمة : ماشي ولا يهمك❤

دخلت فاطمة لعند مايا و قعدت جنبا .. اتطلعت عليها كانت صافنة وما عم تحكي شي ..💜

فاطمة : جوزك كتير خايف عليكي لهيك قلي اخدك معي مشان دير بالي عليكي

مايا : هههه طيب🙂🙂🙂

فاطمة : شبك ؟ صاير شي ؟😕

مايا : خدوني عالبيت .. بس يجيبلي بناتي مشان ناخدن معنا
🙂
فاطمة : راح يجيبن❤

بعد ساعتين ...

مايا : امي بدي نام .. لا تخلي حد يجي لعندي .. ولا بدي احكي مع حد عالموبايل

فاطمة : ولا حتى جوزك ؟

مايا : هيهيييي علينا اصلا هاد بالزات ما بدي شوفو ولا احكي معو .. ممكن تتركيني نام ؟

فاطمة : خلص لا تعصبي ارتاحي ارتاحي

سكرت الباب وطلعت .. سكرت مايا عيونا وصارت تتزكر المكالمة يلي اجتا قبل ما تولد ..

مايا : طيب مين هي يلي حكت معي وشو هدفا ؟ ( مسكت موبايلا واتطلعت عالرقم ) ما بتزكر عمري بحياتي شفت هالرقم .. بس كيف اخدت رقمي وحاكتني ؟

غفيت ونامت .. فاقت بعد كم ساعة كانت اختا نايا بجنبا ..

نايا : فقتي ؟

مايا : اي .. لك شبني كتير تعبانة اااخ

نايا : لأنك ولدتي بكير مو بموعد ولادتك .. بس اول مرة تصير معك !

مايا : اي والله اول مرة

نايا : طيب شو صاير معك ؟ ليش زعلانة من ربيع ؟

مايا : اوووف لا تجيبيلي سيرتو

نايا : لك لييييش شو صاير ؟

مايا : ( تبكي ) كان يعاملني متل الأطفال .. كنت اتدلل عليه .. وحاول خلي ينسى انو عمري 30 سنه .. وهو فعلا نسي عمري لدرجة انو استغفلني بطريقة غبية و طلع بيخونني !

نايا : بيخونك ؟؟!!

مايا : اي .. انا شكيت فيه من يوم الكريسماس كانت عطلة وخلاني انسى انو عطلة وطلع ورجع بنفس موعد دوامو .. رغم انو البنات راحو عالمدرسة ورجعو عطول .. طلعو لعند جارتي نجوى لعبو مع بنتا المشلولة ونزلو هنن ونجوى لعندي شربت معي قهوة وطلعت

نايا : لك لا تحاولي تقنعيني .. ربيع بيموت عالأرض يلي بتمشي عليها .. قال يخونك قال هههههه مجنونة

مايا : لك دقتلي بنت وقالتلي انو بيخونني كمان وانو بيخونني مع الف وحكتلي انو بيكزب علي موعد دوامو بينتهي 4 ونص مو 6 ونص

نايا : عنجد ؟ اعطيني الرقم رح اعرفلك مين صاحبتو

مايا : جد عم تحكي ؟

نايا : اي لكن نسيتي اني كنت اشتغل بشركة اتصالات والي معارف كتير هنيك ؟

مايا : سجلي عندك

بنفس اليوم بالليل .. عم تتأمل بنتا الجديدة لمياء .. وعم تبكي وتتزكر اول ليلة نامت بيناتن هي وربيع ميساء شلون كانو فرحانين وعم يتخانقو مين يبوسا اول ..

مايا : اشتقتي لبابا ؟ وانا كمان اشتقتلو هو مو بس جوزي هو كل حياتي .. بس ليش هيك عم يعمل معنا ؟ ليش خرب بيتو ومشي ورا الشيطان ؟

نايا : مايا .. مايا .. شوفي بنتك عم تبكي

مايا : اي اي يلا يمكن بدا ترضع

نايا : رضعيا

مايا : لك ما عم تشبع ما بعرف ليش !

نايا : غريب .. لا يكون ما في بصدرك حليب ؟

مايا : اي والله طلع ما عم ينزل حليب لك ليش هيك !! يا ربي شو اعمل هلأ

نايا : اي اكيد من الزعل .. طيب شو لازم نعمل هلأ خبر ابي يطلع يجيب حليب من الصيدلية ؟

مايا : لا شو ابي .. دقي لربيع خبريه

نايا : بربك ؟ بدك هلأ دقلو ؟ بهالوقت ؟

فاطمة : شبها عم تبكي بنتك ؟

نايا : بدا ترضع

فاطمة : اي رضعيها

نايا : ما في بصدرا حليب

فاطمة : وشو الحل ؟

مايا : خلص امي دقي لربيع واحكيلو يجيب حليب لبيبي عمر يوم

فاطمة : طيب دقيلو انتي انا ما رح دق لحدا بهالوقت ( اتطلعت بنايا وغمزتلا مشان ما تدق )

نايا : وانا كمان ما رح دق لحدا بهيك وقت دقيلو انتي

مايا : هلأ هيك يعني ؟؟ مااااشي

نايا : يلا دقي

مايا : ما بدي ( ابتسمت ) خليها تجوع وتبكي من هون لشهر ولا تحكو مع ربيع ولا تفكروني مستعدة احكي معو .. واحد حقير و خاين ..

فتلت وشا للجهة التانية .. وصارت تبكي اكتر من اول .. كتمت صوتا وصارت تنزل دموعا متل النار

نايا : امي انا ما عاد اتحمل رح احكي معو

غمزتلا فاطمة مشان تلحقا عالغرفة التانية ..

فاطمة : احكي معو .. وافهمي منو كلشي مستحيل ربيع يزعلا انا ما عم صدق الظاهر في سوء تفاهم

نايا : ليش مو انتي تحكي ؟

فاطمة : لا انتي احكي وخبريني شو ب

يقلك

راحت نايا على غرفتا .. سكرت الباب ودقت لربيع ..

نايا : مرحبا
ربيع : اهليييين بنت حماي

...يتبع❤تفااعلو❤دخيل ربكن
#معادلة_صعبة_الجزء_الخامس❤

ا هلا خير في شي البنات بخير ؟ و مايا بخير ؟

نايا : كل شي تمام الحمد لله بس بتقلك مايا لازم تجيب هلأ علبة حليب لعمر يوم لأنه يعني شو بدي قلك ما عندا حليب من الزعل راح

ربيع : لا اله الا الله

نايا : محمد رسول الله .. خبرني خيي شو في ؟ قال انت خنتا ومدري شو .. بس قلت لازم اسمع منك

ربيع : هههههه اااخ يا اختي .. رح قلك اختك وهمت حالا اني عم خونا لأني كنت ناسي انها عطلة الكريسماس و كان عندي مشوار .. اتصل فيني الشب يلي بدو يروح معي المشوار وانا قلتلا انو عم يستعجلوني بالشغل .. بس خليها مفكرة اني عم خونا بلا ما تزعل اكتر

نايا : لوين المشوار ؟

ربيع : احلفي ما تخبري حد بالشي يلي رح قلك ياه

نايا : والله ما رح احكي

ربيع : انا من فترة قلت لمايا انو زاد دوامي وصار لل6 ونص مشان اقدر روح مشوار .. وكان مشواري لعند .. لعند .. لعند رفيقي عالمخبر وحللت دم

نايا : لحظة انت ما قلتلي ولا شي مفهوم يعني كنت بدك تروح عالمخبر تحلل دم ؟ وليش ؟

ربيع : ( غص بدمعتو من القهر ) معي سرطان دم و رفضت اخد كيماوي رغم انو رفيقي يلي عندو مخبر هو تبرعلي بتكاليف علاجي كلا بس رفضت .. مشان ما تحس مايا على شي بس اجت العطلة ونسيت انو عطلة ورفيقي عندو مخبر وكنا متفقين روح لعندو حلل الدم و اتحجج بالدوام بس هيك صار .. ورفيقي دقلي من موبايل مرتو الله يسامحو اخدتو هي و كشفت طلع معا انو رقم بنت وعلى هالأساس توهمت اني بخونا وما عادت تطيقني .. احسن مشان ما تزعل بس موت

نايا : ( تبكي ) عنجد عم تحكي ؟؟

ربيع : هلأ بجيب الحليب وبجي بتعرفي وين في صيدليات 24 ساعة ؟

نايا : ( عم تمسح دموعا ) حليب ؟ اي صح خلص هلأ بفيق ابي يجيب .. بس عفكرة مايا مو بس مشان العطلة في رقم دقلا وطلعت بنت وقالتلا انك عم تخونا .. وانو دوامك بيخلص 4 ونص بتروح عند بنات وهيك حكي يعني مو بس مشان انك كزبت عليها وطلعت عأساس مداوم وكانت عطلة .. عقلا مو صغير هالقد

ربيع : وانا بقووووول شبها مايا !

نايا : ولدت ولادة مبكرة من الزعل والحليب نشف من الزعل هي بتحبك كتير وبتغار عليك كتير وانت بتعرف هالحكي منيح

ربيع : انا ما عاد بدي تحبني .. ما بدي تزعل على موتي

نايا : هسسسس بلا هالحكي .. انا بنصحك تخبرا كلشي .. لأنه هي رح توقف معك لو تعرف الحقيقة بس هيك رح تكون ضدك .. ولا تخبرا شي هلأ تركا لبعد بكرا لأنه رح اعرف مين الرقم يلي بيدقلا مشان يفرق بيناتكن .. ما رح اسكت ابدا

ربيع : هيك قولتك ؟ بس خايف تتعزب اكتر

نايا : لا يا اخي هي رح توقف معك انا متأكدة لأنها بتحبك كتير

ربيع : طيب ربع ساعة وبجيب الحليب

نايا : خلص هلأ بفيق ابي يطلع يجيب

ربيع : لا لا يلا هلأ ربع ساعة وبكون عندكن

طلعت نايا من غرفتا وهي عم تمسح دموعا ..

مايا : لهلأ عم تحكي معو ؟ البنت ماتت وهي عم تبكي شو عم تطقو حنك كل هالوقت ؟

نايا : احكي معي منيح شو بدي كون عم حبو مثلا ؟

مايا : يمكن ! وقفت عليكي يعني ؟

نايا : لاااا انتي اكيد صار لعقلك شي

بعد يومين ...

نايا : مايا بتعرفي مين هي البنت ؟

مايا : لك هي جارتنا نجوى

نايا : عنجد عم تحكي ؟

مايا : اي والله لك شو جاب صورتا لعندك ؟؟

نايا : هاي صاحبة الرقم يلي دقلك وقلك انو جوزك بيحكي مع بنات وانو دوامو بينتهي عال4 ونص .. عرفتي مين يلي عم يفرقكن ؟ اليوم جابلي المعلومات رفيقي و بعتلي هويتا كاملة كمان اسما وعمرا وكلشي

مايا : ....... بس معا حق هو خاين وهي نبهتني منو

نايا : بربك جد عم تحكي ؟؟ لك جوزك هاد جوزك شبك ؟ ابو بناتك لك اقعدي معو افهمني منو لك ناقشيييييه

مايا : ما في بيني وبينو كلام .. بدي اتطلق

نايا : ( اتطلعت عليها بعصبية ) غبيييية .. غبيييية

قامت من مكانا وطلعت من الغرفة ..

بنفس اليوم بعد ساعات ... وصل مسج عالواتس اب لمايا من ربيع كلا رموز تعبيرية

💖+👪=😅
👪_💖=😭

ربيع : حلي هي المعادلة ..

صفنت شوي بالموبايل ترددت ترد او ما ترد ... ردت عليه

👈💑+💔=😭
🕒_👭👪=💔😢
💔💔💔💔💔💔

مايا : هيك معادلة بدا هيك حل ..

رد ربيع وهو عم يبكي ويمسح دموعو

👈💔+🤒😷=💉💉

مايا : ( بخوف ) لحظة لحظة اول معادلة حبنا وانا وانت وبناتنا سوا بتفرح معنا وبدوننا بتحزن .. وانا رديت عليك قلبي مكسور منك بس اخر شي عم تقلي قلبك مكسور لأنك مريض او تعبان او تعبان بفراقي ؟ فهمني

كانت عم تكتب وترجف وحست في شي مو طبيعي

ربيع : وفي معادلة تانية .. حبنا بدون ثقة ما بيكمل ! وراحت الثقة ما ضل شي مشان نكفي حياتنا سوا براحة وهدوء .. وانا اي مريض وسامحيني ازا نزلت دمعتك وجرحتك بس ما حكيت مع بنات ولا تعرفت على بنات ولا حبيت غيرك ولا خنتك .. سامحيني لأني كزبت عليكي بس ما كنت بدي زعلك واكسر قلبك

( تم الحظر )

بلا وعي قرر يقطع كل التواصل معا .. بلا مايفكر بشي .. قرر الفراق

بلحظة ..

صفنت مايا .. وصارت تتزكر بس حست انو مريض ..

مايا : حبيبي ليش وشك تعبان ؟ شبك

ربيع : ما بعرف .. بس د...يتبع❤❤

#معادلة_صعبة_الجزء_السادس_والأخير❤

خ كتير وحاسس راسي رح ينفجر

مايا : حبيبي خليني حس حرارتك

قربت شفايفا على جبينو باستو شوي شوي .. رفعت حالا شافتو عم يضحك

مايا : شبك ليش عم تضحك ؟

ربيع : ازا كنت تعبان فأنا هلأ احسن انسان بالعالم لك انا طبت ما فيني شي

مايا : هههههه الحرارة احسن شي قياسا بالتم ازا ما عنا ميزان ونحنا ما عنا ميزان لهيك حسيت حرارتك بتمي لأنه بيعطي درجة الحرارة المزبوطة

شدا لعندو ولف ايدو ورا راسا وصار يمرر اصابعو بشعراتا

ربيع : ازا متت بتزعلي ؟

مايا : ربيع بلا هيك حكي بتعرفني ما بحبو .. الله يخليلي ياك يا قلبي وما يحرمني منك ابدا

نايا : مايا وين صافنة ؟

مايا : نايا .. اقرأي شو كتبلي .. وحظرني

نايا : ( نزلت دمعتا وضمتا ) تعالي .. لا تبكي كلشي رح يكون منيح ..

مايا : انتي بتعرفي شي ؟

نايا : اي بعرف انو مريض بس ما حبيت خبرك

مايا : شو معو ؟ خبريني مشان الله

نايا : اتطلعي فيني ( مسكت وش مايا بإيديها واتطلعت بعيونا ) لا تبكي ( مسحتلا دمعتا ) ربيع بحاجتك روحي لعندو .. ما خانك ولا بيعرف يخونك .. وكلشي كان تدبير من جارتك .. هو كان يطلع من الشركة بكير مشان الفحوصات ويوم العطلة كان عندو فحوصات بمخبر رفيقو .. يعني ما عمل شي ابدا .. لا تظلميه ارجعيلو وابقي جنبو ولا تتركي

كانت عم تحكي معا و مايا تهز براسا وتبكي ..

مايا : شو معو ؟

نايا : بس تروحي لعندو اسأليه .. بس اوعك تقسي عليه .. هو عمل كلشي مشانك انتي لأنه بيحبك وما بدو تزعلي .. كوني قوية

تنهدت مايا بوجع وبكت بصوت عالي ..

مايا : خبري ابي يجي ياخدني على بيتي

اخدت مايا بناتا ورجعت على بيتا .. دقت الباب قام ربيع فتح الباب وبس شافا تفاجئ .. تلبك ما عرف يحكي

مايا : ادخلو حبيباتي بوسو البابا وروحو على غرفتكن لحتى ناديلكن

ربيع : مايا ؟ انتي رجعتي ؟

ضمتو مايا وصارت تبكي ..

مايا : ليش فيني استغني عنك انا ؟ فيني اتخلى عنك انا ؟ انت كل حياتي انت عمري .. بس لحظة وبرجع

تركتو وطلعت لعند نجوى دقت الباب بعصبية ..

نجوى : مايا ؟؟ الحمد لله عسلامتك

مايا : ممممم الله يسلمني منك ومن اشكالك ويبعدكن عني وعن بيتي وجوزي وبناتي .. بدك تفرقي بيني وبين جوزي يا حقيرة ؟

نجوى : شو عم تحكي انتي انا ما بعمل هيك شي

مايا : مممم .. تحكي وتعترفي ليش عملتي هيك ولا جيب جوزك واهلك يفهموني شو قصتك ؟؟ ليكي هويتك معي ومو بس معي ومع اختي يعني لا تفكري تكزبي بحرف معي ادلة وتسجيلات صوت على كييييف كيفك

نجوى : ....... اي انا كنت غار منك ومن بناتك اي انا بغار من تعامل جوزك معك ليش بيدللك هيك وجوزي من السنة للسنة بيقلي حبيبتي ؟؟ ليش اه احكيلي ليش ؟

مايا : شفتي ما احلاكي وانتي عم تعترفي انك حقيرة .. تفو عليكي يا حيوانة تفوو .. بتعرفي اذا لمحتك عم تطلعي على جوزي او تحكي معو ؟ رح تندمي .. لسانك هاد رح قصو وطعميكي ياه

اتطلعت عليها بقرف ونزلت لبيتا .. شافت ربيع بعدو مصدوم انها رجعت .. صافن وعم يفكر

مايا : يعني صفنتك هاي شو ؟ مبسوط لأنك شفتني ولا لا ؟ بدك ارجع عند اهلي كنت مرتاح ؟؟

ربيع : مبسوط لأني شفتك .. بس فعلا المعادلة صعبة !

مايا : صعبة .. بس مو مستحيلة

قربت لعندو قعدت على ركبتا وسندت ايديها على رجليه واتطلعت بعيونو ..

مايا : انا معك .. ما في شي صعب ولا في شي مستحيل .. شو هي هالمعادلة الصعبة ؟

ربيع : قلبك قلب طفلة .. تتحملي عذابي ومرضي ليش ؟ وازا طبت وهالشي مستحيل رح تشكي فيني وما رح نعيش مرتاحين لأنه الثقة بيناتنا انهزت

مايا : لا .. مين قال ؟ انا عرفت كلشي وهلأ طلعت لنجوى مسحت فيها الأرض هي سبب كلشي نحنا فيه حتى ولادتي المبكرة بسببا .. وانا جيت لهون مشان نلاقي حل للمعادلة سوا .. انا وانت + بناتنا + الأمل بالله = فرح وسعادة ابدية

بعد نص ساعة ..

مايا : حبيبي شو معك انت ؟

ربيع : ما خبرتك نايا ؟

مايا : لا

ربيع : معي ( غص بدمعتو ومسح وشو بإيديه ) سرطان دم

بس سمعت مايا كلمة سرطان دم .. حست قلبا وجعا و نفسا ضاق بس ما بينت شي .. حاولت تسيطر عالرجفة يلي بصوتا

مايا : رح نتعامل معو متل اي مرض بيحتاج علاج .. رح نروح عمشفى وانت رح تبلش علاج وانا رح بلش ادعيلك وشوف كيف الثقة بالله رح تخليك تطيب ويطلع المرض كلو منك

ربيع : علاج ؟ رح اتعب و ...

مايا : هسسسسس انا معك .. رح ضل معك .. ورح تعيش ونربي بناتنا سوا .. بس قول يا رب

ربيع : .....

مايا : قول ياااااارب

ربيع : يااااااااااااااااارب

بعد يومين بلش ربيع بالعلاج الكيماوي .. و مايا ما عاد فارق القرآن ايدها .. وعلى طول تدعي ربنا يشفيه .. وتبكي بحرقة ..

بعد 8 شهور ....

مايا : يلا حبيبي اتصل برفيقك بدي اعرف نتيجة التحليل

ربيع : تصدقي خايف .. خايف الجواب ما يعجبك .. خايف تزعلي وتبكي وتنقهري

مايا : غمض عيونك لكن

ربي

ع : ليش بالله ؟

مايا : غمضن بس

غمض ربيع عيونو وتنهد وابتسم ابتسامة هادية ..

مايا : تيرارارا .. هاااي النتائج راح ابي جابا من المخبر اليوم
ربيع : وليش مبسوطة ؟ ( فتح عيونو على اخرن ) مايا انا طبت ؟ احكيلي انا طبت شي ؟؟

مايا : اي اي لك رفيقك قال لأبي الدم ما في اي مرض .. ولا كأنو عمرو صار معك شي

ربيع : عم تمزحي ما ؟

مايا : لأ والله اتصل برفيقك واسألو ازا بدك

ربيع : ( يبكي ) الحمد لله يا رب الحمد لله

بعد يومين ...

ربيع : يلا مايا خدي اغراضك وارجعي لعند اهلك .. ما بيلزمني مرتي تشك فيني وأي حد يلعبلا بعقلاتا ويخليها تقلي خاين .. ما في ثقة بيناتنا ومعادلة الحب بدون ثقة مستحيل تنحل

مايا : ربيع بس انا ...

ربيع : شو عم قول ؟ نفذي

مايا : لهالدرجة المعادلة صعبة ؟ وما بتنحل !

ربيع : اي

قامت مايا والدموع عم تملي عيونا .. مشان تاخد اغراضا وتروح لعند اهلا

ربيع : بس ليكي .. يعني ازا بستيني رح تنحل المعادلة بسرعة

مايا : ( اتطلعت فيه وضحكت وركضت عليه وضمتو ) بحبك بحبك بحبك الله يخليلنا ياك وما يحرمنا منك

ربيع : وين البوسة ؟ لسا ما انحلت المعادلة بوسيني هون ( اشرلا على خدو )

مايا : وهيك انحلت ؟

ربيع : اي خلص .. نحنا ما بنستغني عن بعض .. نحنا انخلقنا لبعض يا مجنونتي الحلوة

#النهاية❤❤❤ عطوني رأيكون بلقصة❤❤

في قصة تاني بلش نزلا ولا شو بس مو ليوم عبكرة🌸❤❤

الجزء الأول
الكاتبة صديقت الصفحة ياسمينة جزء ١ ٢ ٣ ٤ اسا جزئين بعد ساعة بنشرهن
ــــــــــــــــــــــــــــــــــــــــــــــــــــــــــــــــ

مرحبا، أنا ياسمين، عايشة مع امي و ابي و البهيمة شمس اللي هي أختي صيدلانية قال يعني🙂، لازقتلنا بالبيت عمرا 26 سنة و لهلق ما تجوزت وخلصتني منا🤷🏻‍♀️😂
عمري 21 سنة و لوني المفضل الأزرق لأنو بيعطيني طاقة إيجابية 🙈🦋، طالبة جامعة ، أدب عربي 😕✌
بحب أفلام الكرتون كتير و أكتر شي سبونج بوب و سالي، و بحب افلام الآكشن و المطاردة و الأفلام البوليسية🌚🤦🏻‍♀️، رح تعرفو القصة كلها هلأ 😅
بالبداية:

ــــ
شمس: لك هاتي الريمووووت😡
ياسمين: مافي جاية سبونج بوب بدي اتفرج عليه! 😭
شمس: لك ياسمين لعمى بقلبك قد الشنتيرة صار عمري 21 سنة و لهلأ بتتابعيلي سبونج بوب الأهبل، الله لا يكبرك مأصغر مخك

/فاتت الأم<سمر> /

سمر: لك الله يعدمني ياكن انتو الجوز شو عقلكن عقل نملة، وانتي ياسمين خانم قاعدة عم تلاطشي بأختك و نسيانة موعد الجماعة؟؟🤦🏻‍♀️😡

ياسمين: شو؟ مين؟ كيف؟، أنو جماعة أمي!!😳🌚🙂

سمر: لك يضرب حظي ع هيك تخلفة هباب🌚💔، جاييكي خطابين يا بنت الـ،،،،،،،

ياسمين: قولي والله 😳، خطابين؟، الي انا؟؟، لا يكونو مخربطين😜😹😹

سمر: يا مصبر يا رب، شمس ناوليني الشحاطة بنتي 🙂👞

ياسمين: اااااااااه الخطابين ما غيرون 😂😂، لما جبتي سيرة الشحاطة تذكرت 😂✌

و قامت ياسمين تظبط حالا، مع انو احب ما ع قلبا انو تضل عايشة بلا جواز، و تضل صارعة اهلا بالكرتون و مين ما طلع توصيه ع شيبس و خاربة ميزانية العيلة بالأكلات الطيبة🤦🏻‍♀️

لبست فستان سماوي مزهر بالأبيض و فردت شعراتها العسليات و عملتهن ع الڤير و حطت عليهن بكلة فراشة ناعمة لونها فضي، و تمكيجت مكياج خفيف و حلو و اجت لتظبط الآيلاينر نعوجت ايدها نفخت و قالت يلا بلا اصلاً مافي احلى من خلق ربي😂😂

و طلعت لتسلم ع الجماعة و هي عم تقول بقلبها، يعني مالقو غيري، هي شمس ياخدوها الا، انا ما خرج جواز و تضحك😂😂

ضيفت القهوة و هي عم تطلع بأم العريس

ام العريس <هنا>

هنا: بسم الله ما شاء الله، ربي يحميكي يا عروستنا متل الملايكة سبحان الذي خلقك ع هالجمال😍❤

سمر: "بقلبها"، لكا لو شفتيها و هي عم تتخانق ع سبونج بوب شو بتساوي😂😂🤦🏻‍♀️

قعدت ياسمين، شافتها ام العريس المبتلي 😂، سألتها عن دراستها و اهتماماتها و دردشو شوي و شربت هنا فنجان القهوة و مشيت

سمر: شو ياسمينتي شو رأيك ظريفة ما؟،

ياسمين: و أنا شو دخلني فيها شو بدي اتجوزها الا، بدي شوف خلفتها 😜🙊

سمر: أي انضبي انضبي و روحي عمليلك شي شغلة بتنفع

بقى ياسمين ناطف قلبا على ما تشوف عريس الغفلة بدها تعرف شكلو طولو عيونو كيف شعرو كيف، رح تجن شو بدها تعمل لتعرف شكلو؟، فاتت شمس حاملة كاستين عصير

شمس: بقوووووسة😂🙈
ياسمين: يبعتلك حمى الهي نقزتيني يا بهيمة!!😭😨
شمس: بشو صفنان يا حلو؟؟🙄
ياسمين: بدي اعرف شكلو 😫
شمس: ع أساس ما بدك تتجوزي يا بعدي!!😒🌚💔
ياسمين:لك سيبك منو هاد حكي جرايد يا بيب😜😂

فكرو هالشمئرينتين كيف بدهن يشوفوه

ياسمين: ما عم يطلع معي شي 😕
شمس: شو رأيك اتسحب ع غرفة ابوكي و أمك و آخد موبايل البابا و جبلك الرقم منو؟

ياسمين: فالحة😒، يخربيتك شو هالمخ اللي عليكي منين بدك تعرفي أسمو أنتي؟
شمس: آآآ، أنـ ، أنا، سمعت الحديث و عرفت انو اسمو عمر
ياسمين: امممم، يلا لكان يا فالحة، قومي لنشوف جيبيلي الرقم

شمس قامت شوي لبرى و رجعت

ياسمين: شو يااا ما طولتي شو هالسرعة هي
شمس: لك مسكي هلأ الرقم و لا تعلكي كتير
ياسمين: طب بدقلو هلق؟؟،
شمس: اوعى بيكون نايم!!
ياسمين: شمس! 😒، الساعة هلأ 9 بعدين شو عرفك انتي اذا فايق ولا مدفوس؟؟
شمس: اااا، قلت بيكون من جماعة الكليات و بينام بكير
ياسمين: أي لا تقولي!😡
شمس: خلص شبكي عصبتي، نفلقي شو ما بدك تعملي عملي
و طلعت برات الغرفة تكمل السهرة مع اهلا
#يتبعالجزء الثاني
ــــــــــــــــــــــــــــــــــــــــــــــــــــــــــــــــــــ

سيفت ياسمين الرقم عندها، و قوّت قلبها و بعتتلو ع الواتس آب

ياسمين: مرحبا

بعد شي خمس دقايق...
عمر: أهلاً، مين معي؟
ياسمين: ترددت شوي بعدين بعتت أنا ياسمين
عمر: أهلين ياسمين، كيفك، شو أخبارك
ياسمين: انا تمام الحمدلله، انت كيفك و كيفا خالة هنا
عمر: تمام نحنا بخير، بتسلم
ياسمين: الله يسلمك و يسلمها
عمر: انا بعتذر لأن ما اجيت مع أمي، بس قلت قعدة نسوان شو بدي ساوي معن
ياسمين: أي ولا يهمك مو مشكلة
عمر: شو رأيك بكرا تخلصي محاضراتك و بعزمك ع فنجان قهوة؟؟ بكافيه |..............|
ياسمين: اوك بقبل العزيمة بس مو ع قهوة، ع ميلك شيك شوكولا 🙈❤
عمر: أي مو تكرم عينك شو كم ياسمينة عندي
ياسمين: تسلم، يلا لكان تصبح على خير
عمر: وانتي من أهلو أم السوس 🥰

تاني يوم الصبح

فاقت ياسمين و لبست بنطرون أسود، مع كنزة سودة و جاكيت أزرق، ملاحظين طبعاً انو كل

عد منا ع وجه الكرة الأرضية كلها و الزلاغيط و التسفيق حواليها زادو من بهجتها لدرجة انها مو قدرانة توصف حالتها
صارو يطلعو و يتفسحو و من مكان لمكان
ياسمين: أنا أسعد انسانة بالكون، صح عرفتك ع الطريقة التقليدية بدون ما يصير بيناتنا حب، بس انا فعلاً من أول لحظة عرفتك فيها لهلأ حبي الك عم بيزيد

أما هو حس حالو مو مرتاح معها قد ما هي مرتاحة معو، و قال يمكن الحب بيجي بعد الزواج، قلا: يلا يا هبولتي امشي نروح ع الملاهي و هي هون صارت تنط من الحماس و هو يقول يا ربي صبرني قبل ما انجلط🤦🏻‍♀️😅
لعبو و تسلو و مضو وقت حلو سوا و وصلها ع البيت، قالتلو: تصبح على خير يا أحلى صدفة بعمري🙈🥰💙
قلا: وانتي بخير😍

#يتبعالجزء الرابع
ـــــــــــــــــــــــــــــــــــــــــــــــــــــــــــــــــــــ

يوم العرس

فاقت الخمخومة من النوم الساعة 12، أجت امها تهد عليها
سمر: لك ياسمين بدك تجلطيني يا بنتي المفروض كنت نطلع من البيت ع الـ9 كرمال نجيب الفستان و نطلع ع الكوافيرة مشان تظبطلك منظرك، لك ااااااااخ منك بس حتى بأهم يوم بحياتك بتنامي للضهر لك شو بدي اعمل معك

فاقت ياسمين متل المصروعة
ياسمين: لك شوووووفي شو صاير و اذا نمت يعني بقوم الصبح و عيوني منفخين ضليت متسطحة مشان يظبط منظري ما روح متل الغولة ع الكوافيرة،
سمر: اي خلصينا حاجزين عندا من الـ10 و حضرتك مخمودة
شمس: صباح الخير يا عروستنا الحلوة، خدي عملتلك عصير برتقان، شربيه بسرعة قبل ما تلبسي
ياسمين: شو منين هبطت المحبة شموستي 🌚😂 ولا لأنو آخر يوم ألي هون ف حبيتي تعمليلي عصير مع السلامة 😂
شمس: هيك شي 😂😂، اخيراً الله رح يرحمني من لسانك اللي أطول منك🤦🏻‍♀️😜

قامو لبسو و طلعو

و عمر يا عيني عم يوزع الكروت و عم يظبط القاعة و خلص مع الناس و اتفق مع المعازيم و ضل شي ساعة عند الحلاق و راح لبس لبدلة و هي بعدا عند الكوافيرة، خلصو ع الستة سبعة تقريباً و أجا عمر كرمال يستلم العروس من الكوافيرة للصالة و وسط حشد هائل من المعازيم و الزلاغيط و الأغاني و الطبل اللي عم تخبط خبط براسهن ركبها بالسيارة المزينة و عملا عراضة اصلية و الناس تمشي بهالسيارات و تزمر و تزمر و هي مو مصدقة اللي عم يصير مبسوطة و الأرض ما عم تحملا من شدة الفرح، وصلو ع الصالة و رقصو حتى هي هدتو غناية " مهم جداً وجودك في تفاصيلي، مهم جداً بأغانيي و مواويلي، وغيرك يا حبيبي مو مهم عادي" و هو يضحكلا و هي تضحكلو

قعدو محل ما بيقعدو العرسان و صارو يشوفو الناس كيف فرحانة فيهن و عم ترقص و مبسوطة، فجأة ياسمين بتضرب عينها ع شمس و بتلاقيها عم تضحكلو لعمر و عمر عم يضحكلا ، عملت حالا مو شايفة و قررت ما تخرب بيتها بإيدها، سكتت، بس بعد شوي لقتو قايم، سألتو لوين؟ قلها: راجعلك و راح، إجت امها تتصور معها هي و حماتها، بتضرب عينا مرة تانية لتشوف عمر ليش تأخر، بتلاقيه مع شمس عم يحكو و يضحكو هون ما قدرت تتحمل حالا و كانت رح تبكي بس خبت دموعها بين ما توصل ع البيت لتحاسبو، خلص العرس و صار وقت الروحة ع البيت سلمو ع أهلن و بوسو ايديهن و راسهن ودعوهن و انطلقو ع بيتهن ، ع الطريق
ياسمين: شو عمر مبسوط؟
عمر: أكيد حياتي في حدا بيكون معو هالقمر و ما بينبسط
ياسمين: قصدك في حدا بيكون مع شمس و ما بينبسط
عمر: شو قصدك ياسمين؟؟ فهميني؟؟!
ياسمين: قصدي واضح متل عين الــ،،، وسكتت

وصلو ع البيت

فاتت غيرت تيابها و خبت وشها باللحاف و صارت تبكي، و هو فات فكرها نايمة، ما حب يزعجها، طلع ع البلكون يدخن و رجع غير تيابو و نام

#يتبع الخامس وسادس بعد شوي بنشرهن

لبسها متعلق بالأزرق لأنو لونها المفضل متل لون الكاتبة اللي هي أنا😂🙈💙
، المهم، حطت مكياجها الخفيف و ضبت شعرها كعكة بس مو مرفوعة، خلتها بسيطة مشان تبان راكزة قال يعني😂، و أخدت شنتايتها السودة حطت جنب ع كتفها و لبست كندرتها الكعب و طلعت "زمكة متل الكاتبة كمان"😂✌🤦🏻‍♀️

سمر: بسم الله 😳 هي بنتي ولا أنا خرفت؟
ياسمين: لا لا بنتك لسا ما خرفتي مامي😜🙂
سمر: انو غريبة يقلبي مالك بالعادة تتطقمي 😒
ياسمين: طيب شكلك بدك تتخانقي ليكي شمس مدفوسة قومي تخانقي معها لقلك انا بدي اطلع رايقة 🌚🙂
و طلعت من البيت
سيدرا: ياسمين قديش الواحد بدو يستناكي يعني تضربي مأبيخك أي، رح تخلص المحاضرة يا بنت الحلال وينك لهلأ
ياسمين: لك اييييييييييييييييييي، عملتيلي موشح هلأ شو صرلك انبحتي عليي مشي مشي
فاتو ع المحاضرة متأخرين فتقلعو 🌚، قعدو بالكافيتيريا، طلبت المفجوعة برچر و بطاطا و بيبسي و سلطة روسية
سيدرا: يعدمني ياكي الهي في حدا بياكل هيك أكل من على بكرت الصبح؟؟
ياسمين: خيتو عم آكل من عندك أنا 😂😂لا تندحشي كرمال الله تركيني رح موت من الجوع
سيدرا: تسطفلي فوق ما قلبي عليكي و آكلة همك
ياسمين: هلأ كلي هوا و تركي همي ع جنب😂

أكلت أم بطن كبيرة، و فاتت ع باقي محاضراتها خلصت و طلعت ع الكافيه اللي دلا عليه عمر ، دخلت....

هون هون لوحلا بأيدو، صفنت بمكانا لوهلة عم تحكي مع حالا: يا الله شو هاد؟!!، شلل، كان طويل و شعرو أسود، دقنو خفيفة، عيونو شهل متل العسل بالنعناع، لبسو مرتب قرب لعندا و هي مو صحيانة 😂 تقول مو شايفة شباب بحياتها، صحاها صوتو الحنون
عمر: ياسمين وين شردتي؟
لقتو واقف معا قالت: لا ولا شي خلينا نقعد
قعدو و طلب هو فنجان قهوة و طلبلا الـميلك شيك شوكولا اللي قالتلو عليه
عمر: أكيد أمي قالتلك عن شغلي و عمري و كل هالشغلات
قالت بقلبها: بس ما حكتلي أنك بتشل😍 و ابتسمت ابتسامة خفيفة
و دردشو مع بعض و قالتلو كل شي بيتعلق فيها و هو حكالها الاجزاء اللي أمو ما حكتلا ياها متل اكلتو المفضلة و غنيتو المفضلة و لونو المفضل و مطربو المفضل، طبعاً هي التفاصيل الصغيرة فكرتها أمو تافهة و ما رح تدقق ياسمين عليها بس ع العكس تماماً ياسمين بتحب التفاصيل كتير و مو هبلة متل ما الناس مفكرتا، يمكن هي بتحب افلام الكرتون و دايرتها جنان بس هي بالحقيقة عقلا بيوزن بلد ، فجأة ياسمين بتصرخ: اااااااااخ بطني يا أمي رح مووووت😭😭😭😭😭
قام عمر متل المجنون: ياسمين، ياسمين ردي عليي شبك ياسمين!!!!!!!!
حملها بين ايديه و أخدها ع المستشفى
انتظر و انتظر
طلع الدكتور
عمر: طمني دكتور كيف وضعها؟
الدكتور: لا تخاف منيحة منيحة عملنالا غسل معدة، كانت متسممة، آكلة شي خالصة مدتو او شي مو نضيف بس هلأ وضعها منيح
فات لعندا ع الغرفة
عمر: ياسمين، كيفك منيحة انتي؟؟
ياسمين آخ، بطني عم توجعني، اففففف
عمر: لكا يا مفترية حدا بيفطر أكل جاهز ع الصبح؟😅
ياسمين: والله انا لما بجوع باكل الأخضر و اليابس، و صارو يضحكو
ياسمين: مليت!!، شغلي التلفزيون
عمر: بتأمري، ع شو بدك ع الأخبار؟
ياسمين: أخباااار؟؟😂😂 حطلي ع سبيستون هلأ بتجي سالي 😍🥺
عمر: ههههههه شو هاد!! معقولة انتي؟ عم تتفرجي ع سالي؟
ياسمين: أي عندك مانع 🙄😒
عمر: أنا،لا اعوذ بالله😅 براحتك عيني

أنا قصة انسااان، انا جرح الزماااان، انا سالي سالي 😭😭
طلع عليها لقاها بتبكي
عمر: موجوعة، فيكي شي؟😥
ياسمين: ليك يا حرام كيف عم تعاملا آنشة مينشن 😭💔والله لدق بخوانيقا لما شوفا🥺😔
عمر: "بقلبو " استغفر الله العظيم شبها هي ليش هيك مولدنة؟؟!! الله يسامحك يا أمي ع هالبلوة 🤦🏻‍♀️🙄
دق لأمها و قلها انها بالمستشفى و أجو اهلا قعدو معها و هو راح، يجيب ورقة خروجها من المشفى، لحقتو شمس ع اساس تجيب منو الورقة

#يتبعالجزء الثالث
ــــــــــــــــــــــــــــــــــــــــــــــــــــــــــــــــــــــ

فاتت المسا سمر لعند ياسمين

سمر: أي ياسمين أول شي اللي عملتيه اليوم ما بيصير وهو انك تطلعي تشوفيه بعد الجامعة و ما تقليلي 😒 بس يلا معلش، كيف لقيتيلي عمر؟ 😏
ياسمين: توب!، اسلوبو حلو و راقي تصرفاتو حكياتو شكلو، كلشي فيه حلو، و الله شكلي رح وافق😂
سمر: يعني نقول مبروك؟ 🥰
و زلغطي اذا بدك 😇
سمر: يي تؤبري قلبي الهي و أخيراً عشت و شفتك عروس يا عيوني انتي، ضمتها و صارت تبكي، مسحتلا ياسمين عيونها و باستلا راسها و قالتلا: لا تبكي شبنا مانك بعزا أمي😂
قالتلا: تضربي الملافظ سعد😒
ياسمين: اي ها هي أمي اللي بعرفها بهدلي يا نبع الحنان😂😂
و قامت سمر لعند جوزها لتبشرو بإنو المحروسة ام كرش موافقة
و بعد ما عرفو الجماعة اخدو موعد من اهلا و اجو ليطلبو ايدها رسمي
عمر: عمي أنا طالب ايد كريمتك ياسمين ع سنة الله و رسولو و بالمهر اللي بيناسبك و البيت جاهز و كلو تمام
و وافق ابوها و لبسو الدبل و حست ياسمين و هو عم يلبسها الدبلة بأنها مالكة العالم بحالو و مافي حدا اس