لا , حبيبتي منّا كاملة !!

لمّا بدّا تحكيلي قصة .. لازم لـ توصلّي الفكرة
كل شوي تقلي ( يعني كيف بدي اشرحلك ؟! )

ما بتعرف تحس بـ شي .. وتعبّر عنه صح
ع كتر ما طريقتا غلط .. صاير معها ألف مشكلة

لا , حبيبتي منّا كاملة !!

إن سمعت شي غنية حزينة .. بلاقيها عم ترقص عليها
وممكن كتير إنها تدّمع ع شي غنية المفروض إنها بترقص

بتخلق المشاكل من حيثُ لا تعلم .. ولا أحد بيعلم -_-

فينها تقدّر وتستوعب أكبر المواضيع
بس ع الصغيرة .. بيعصلج مخّا .. يعني بيوقّف .. بيكربّج

وتبلش بقا .. :
ليش هيك عملت ؟!
يعني شو كان قصدك ؟!
ااه .. اي صدقتك
احلف .. يلا يلا .. مستعد تحلُف ؟!

لا , حبيبتي منّا كاملة !!

فيني لاقيها بلا مكياج , بـ ربطة شعر , و بيجامة ( لما نكون مبسوطين )
وفيني شوفها متمكيجة وبأحلى تياب وراجعة من الكوافير (لما نكون متزاعلين)

عنيدة , مزاجية , عصبيّة , رايقة , رومانسية وقت بدّا , وغبيّة بـ ذكاء !!

لا , حبيبتني منّا كاملة !!
بس لمّا بتغيب عنّي .. بيغيب عنّي كلشي

ببلش اترك دقني تطول .. بهمل تيابي .. بزعل ع كل غنيّة بتفرّح
ببلش ضيع بـ إحساسي .. ما بعرف شو بدّي .. وبعصّب ع ولا شي

يمكن ؟! أو أكيد ؟!

أنا يلي ما بكمل .. من دون حبيبتي الـ منّا كاملة

من بين كل الناس يلي موجودين بحياتك
في شخص واحد بس بيعرفك.

بيعرفك وحافظ ملامحك.
بيقدر يقرا احساسك بدون حكي، بيقدر يعرف شعورك من نظرة ...

شخص بتكون قدامو كتاب مفتوح ..
بيفهمك، بيعذرك بدون تبرير، بيحبك بدون جهد ...
حافظ طبعك وبيعرف طبيعتك ولهفة عفويتك وعصبيتك.

شخص واحد بس يلي بتكون معو حقيقي ...
بدون أقنعة، بدون حواجز ... بدون ما يكلفك عناء الشرح وتعب التوضيح، بتحكي قدامو يلي بيطلع ع بالك بدون ما تحسب ألف حساب
بتعمل يلي بيريحك بدون خوف، بدون قيود
شخص واحد بس بتقدر تسميه #الروح ❤