راحتي وكل دنياااي💜💜💜💜

الانسان ما فيه يحب بأسبوع ولا بشهر ولا حتى بسنة ، الحب بدو مشاكل ، بدو أزمات ، بدو تعب ، بدو فترات سيئة و مواقف بشعة ، بدو عشرة طويلة ليصير حب ..
يعني باختصار "الحب يبدأ عندما ينتهي الحماس"
ما فيك تقول انك بتحب البحر و انت واقف ع الشط .. لازم تنزل ع البحر ،
تعوم فيه ، تضربك الموجات ، تبلع مي مالحة ، تجرح رجلك بالصخر ،
تشوف العتمة اللي بالقاع .. لما ترجع ع الشط رح تشوف البحر بشكل مختلف ،
ما بقا رح تشوفو مثالي ، انت شفت عيوبو و ظلامو و غضبو ، يا أما رح تكره البحر ،
يا أما رح تضل تحبو بكل شي فيه لهفة البدايات مو حب ، و اللي ما غاصو بالبحر .. ما حبّو !♥️

الشي البشع بالمحادثات الكتابيّة إنّو مافي نبرة صوت ولاتعابير وجه...لما تتزاعل إنت وحدا بتحبّو مابيقدر يشوف رجفة إيديك وإنت عم تكتبلو ، ولادموعك وإنت عم تقلّو روح ..ولاعيونک يلي عم تقلو ضل..
مشاكلكن يلي بتخلق ب محادثة إنهوها ب نظرة عين ، ب لمسة إيد ، ب ضحكة ، بس أوعكن ، أوعكن تنهوها ب محادثة !💛

_شو من شان يلي شتاق للحدا 🥺✨💜

••

_دعنا نحب بعض كألحرب، أما نتنصر أو نموت ♥️🗞.

هِي كَانت نَظرة وَ لَم تمُر بـِ سلام💜🦋

لك لما شافها زعلانة قلها:
خلص اضحكي وما بدي شوفك زعلانة
يعني خلص ارجعي لطبيعتك لبساطتك وضحكتك يلي بتاخد قلبي
لأني بتعب معك اذا بتضلي هيك ♥

وهي لما شافتو زعلان قالتلو:
شدلي حالك بدي ضل اتكي عليك لآخر يوم بعمري
ممنوع تتعب وممنوع كتفك يميل
انت سندي وانت كلشي
وانت الشي الوحيد الحقيقي بحياتي ♥

الحب_قوة .♥🤭

حُبّ كبير :

_للناس اللي بتشوفهم من أوّل مرّة وتحس وكأنّه إلك عمر معاهم .

_للضحكة الصّادقة اللي بتشق طريقها وسط دموع الحزن .

_للحظة اللي بكون فيها الشخص اللي بقلبك عم يتأمّلك من بعيد بلا ما يحسّسك بهالشي وأنت شايفو بلا ما ينتبه .

_للكلمات الحلوة اللي بتنحكالك بلا مناسبة .

_للكيك بجميع نكهاته .

_للوقت اللي بتدعي فيه بشي مُعيّن وبتلاقيه بنفس الوقت تحقّق وصار .

_للحظة اللي بتحكي فيها أنت وحدا قريب منك نفس الكلمة .

_للصدفة اللي بتجمعك بحدا مُعيّن وبتلتقي عينك بعينو وبتجمعكن الضحكة لتسبق خطواتكن تجاه بعض .

_لصوت فرقعة البوشار وريحته .

_للكلمات اللي بيحكوها الأطفال بأول لحظات تعلُّم النطق .

_لغيوم الأمل اللي بتمطر عليك بعزّ أوقات اليأس .

_للحنيّة بصوت مروان خوري والإحساس بأغاني عمرو دياب وفضل شاكر .

_لليالي الصّيف والمشاوير والجمعات الحلوة فيها .

_لضحكة المَحبوب واللهفة الكبيرة لتفاصيلها .

_لوقت الغروب والهدوء اللي فيه .

_للمحادثة اللي بتكون لساعات طويلة بينك وبين حدا بلا ما تتمنّى تخلص .

_للناس اللي بخبرونا بنجاح مواد معيّنة بلا ما ندرسها أو نتوّقع ترفّعها .

_للناس العقلانية الطيبة اللي بِكون نقاشها بوعي وفهم، مليان حُبّ ولطف وامتِنان .

_لروائح العطر جميعها .

_للعيون بكل ألوانها لمّا تسطع عليها الشّمس .

_لذكرياتنا اللطيفة اللي بتخطر ع بالنا بلا سبب .

_للناس اللي بتخبرنا عن الشغلات الحلوة فينا وبتذكّرنا بمميّزاتنا وبتتحملنا بكل حالاتنا بدون أيّ مُقابِل .

_للورد الجّوري والياسمين البَلدي والتّوليب .

_للمعة العيون لمّا تفرح .

_للفُرات وريحته ولهجة أهله .

_لجملة " تسوى/ تسوين قلبي " لما تنقال بحُبّ ولهفة

_للشُرفات العالية والقعدة عليها بالليل .

_للطمأنينة اللي تنتابنا بعد لحظات السّجود والدّعاء لله .

_لكل حدا يسعى ويحاول إنو يقرّبنا من الله ويوصلنا لإلو بأبسط شي مُمكن✨🌼

مرحبا..كيفك !🌸
استغربت مني ما ؟ كيف عم أبعتلك بعد كلشي صار بيناتنا
معلش لاتدقق وقراء رسالتي بدون ماتمل من طولها ..

مبارح نمت متأخرة كالعادة .. سهرانة مع صور حدا ماعم يرضى يطلع مني
دخل لقلبي بلا مقدمات وقلبي اتعلق فيه بلا مايعرف مين هو
أكيد عرفت مين هالحدا ! بلا ماقلك مين مو ..؟

فقت وعيوني منفخة من البكي والسهر ومتل مابعمل كل يوم فتحت على ألبوم عملتو بعد مارحت أنت ..
هالألبوم جمعت فيه كل صورك مع كم تسجيل صوت من بداية علاقتنا لحد ما انتهت بالنسبة الك ..
قعدت أسمعهن لكفي يومي بشوية سعادة عم اعطيها لحالي لما ضل مكتئبة
ولحتى مثّل ع حالي وع العالم يلي حواليي اني نسيتك واتجاوزتك ..

"بس قلي كيف فيني اتجاوزك وتفاصيلك كلا معلقة بذاكرتي ؟
كيف فيني أنساك وأنا عم نام على صورك وأصحى على صوتك ..!"🌻

فتحت خزانتي لألبس وأنزل أتمشى شوي
اتذكرت رسالة قديمة منك ..
فتحتها لأقرأ حبك لألي بحروفك يلي اشتقت شوفها ..
كنت كاتبلي حكي كتير وخاتمو بهالجملة :
"مارح اتركك ليوّقف قلبي "

"شكلو وقّف قلبك عن حبي بس
وراح يدور على حب جديد لحتى يعيش.

سكرت الخزانة ولغيت مشواري
وين بدي روح ؟
وكل مكان بيذكرني فيك ."🌸

_أنا كل يوم بكتبلك كلشي صار معي أحداث ومواقف لاني تعودت تشاركني كلشي وماعم أتقبل فكرة بُعدك عني .

أنا أسفة .. يمكن أخدت من وقتك كتير ..
وخليتك تتأخر ع الحدا يلي أخد مكاني من جديد ..
بعرف مارح يحبك متلي .. بس دخيلك حافظ عليه ولاتكسرلو قلبو متل ماكسرت قلبي ..💜🌸!

#عم اشتقتلك ..🥺💛

"لم تكن أمي يوماً ما امرأة عادية، ففي كل المرات التي قابلتني الدنيا بمواقفها الموحشة وجها لوجه كنت أختبئ في ظهر أمي وأطل عليها بكل قوتي " أنا معي أمي " ، وحينما داهمني اليأس حاربته بأمي، وفي كل المرات التي حالفني بها النجاح أتحاشى الدنيا وأهلها وأرى انعكاس فرحتي بعين أمي، وكل حب في حياتي أستصغره حينما أقارنه بحب أمي، وصداقتي الأولى والأزلية كانت مع أمي ، وفي كل مرة أقف على عتبة الخوف أستظل بظل أمي ، وفي كل مرة أقف أمام إنجاز صنعته لا أتذكر أن أحد يستحق الذكر سوى أمي، وفي كل المرات التي إبتسمت لي الدنيا كان سببها دعاء أمي .💛

آثار الحبوب بوجهك شي طبيعي ، الهالات السودا شي طبيعي ، لون بشرتك يلي مو موحد شي طبيعي ، وزنك الزايد أو نحفك شي طبيعي طالما إنو مارح يضرك ، شعرك الكثيف أو الخفيف شي طبيعي ، طولك أو قصرك كمان شي طبيعي ، الشي الوحيد يلي مو طبيعي هو إنو يكون في إنسان وقح وسطحي بحياتك يحددلك شكلك ومواصفاتك...💙

#أنتي_حلوة_كيييف_ماكنتي 😌

- مافي شغلة بتقوي البنت غير #أبوها ، و مافي شغلة بتكسرها غير أبوها ، هو المسؤول الأول و الأهم عن صحتها النفسية

البنت اللي شبعانة من حضن أبوها مافي زلمة بالدنيا بيقدر يكسرها 👌!

الأب هو مصدر الثقة و القوة و الأمان
الأب تفاصيل صغيرة كتير بس جواها حياة

حب الأب بيعطي مناعة للبنت ضدّ حقارة العالم و بحسسها إنها شبعانة حنان و مش محتاجة تتنازل لأي حدا

#الأب_هو_السند#

كون ع ثقة:
⭕ لما ما بيقدروا يكونوا متلك رح يحكوا عليك ..
⭕ اغلب يلي بحياتك بيدفعوا دم قلبن ليشوفوك واقع، لهيك قلل ناسك وكتر من الأصايل ..
⭕ الحسد صفة رئيسية بالمواطن العربي، لهيك استعين ع قضاء حوائجك بالكتمان ..
⭕ اذا بتشعل أصابعك العشرة للناس مارح تقدر ترضيهن، لهيك طنش ع كلشي بالحالتين رح يشهروا فيك ..
⭕ لما تكبر ويكبر اسمك رح يجي ناس صغار يحاولوا يطلعوا ع كتافك بافتعال مشكلة معك أو بالتشهير فيك، إياك ترد لأن الرد ع الصغير بكبروا ..
⭕ الخير ما ببين بالناس، لهيك اعمل خير وما تنطر مقابل، يمكن ينردلك بالسوء من نفس الشخص ..
⭕ لا تعطي فرصة تانية لصديق خانك، الصديق يلي بيطعنك مرة بيطعنك ١٠٠ مرة ..
⭕ ومن يتق الله "هذا الشرط" يجعل له مخرجاً ويرزقه من حيث لا يحتسب "هذا الوعد" .. كون ع ثقة إذا حققت الشرط رح تنال الوعد ⁦❤️⁩

بتعرف شو ، انا مش زعلانة لانو تركنا !
بالعكس مرتاحة ، فعلياً نسبة التفاهم بيننا كانت يا دوب 40% ورغم هالنسبة الضئيلة حاولت افهمك و تفهمني وحاولنا نعمّر شي حلو بيننا ، يمكن النصيب خذلنا ويمكن مشاكلنا تفاقمت بس رغم كلشي انا مرتاحة،
مرتاحة لانو صرنا بعاد واخدنا قرارنا بشكل حضاري بعكس علاقتنا الي صارت ابداً مش حضارية!

وصلنا لمرحلة بشعة كتير من النقاشات الهادية لردات الفعل الحادة والمليانة تجريح،
مرتاحة لأنو رح نام الليلة بدون ما ابكي، يمكن زعلانة ويمكن رح اشتقلك بس ما بتوقع كون بحبك او حتى انت !
و لو في امل يكون بيناتنا حُب ما وصلنا لهي المرحلة بعلاقتنا..

بعترف انو فشلت كمّل معك ، عندك قدرة على تحملي قد ما زادت عصبيتي بس للاسف ما كنت تفهمني ، يمكن كنت تسايرني لحتى روق وبالاخر ما عاد قدرت تتحملني اكتر وما بلومك صدقني بعرف اني نكدية وحساسة وبحبك بقصد كنت حبك بأنانية،

بس الفشل مش شغلة بشعة هالقد، فشلنا سوا يمكن يعلمنا نختار صح، نعرف نواجه ظروفنا صح ، نفهم الي حولينا صح ، ممكن الفشل يكون دافع لبداية احسن، ما بتوقع بقدر اكرهك بس بطلت حبّك،
ليضل في شي حلو بيننا للذكرى، كان لازم نوقف هون ونحافظ على هالذكرى بصورة حلوة نحكيها لولادنا بالمستقبل
لما يكون كل حدا فينا بمكان تاني مع شخص تاني،

ويمكن زعلنا يطول انا وياك وما اقدر انساك ، ويمكن ما يطلع بايدي افهم الشعور ، ويمكن ما تتذكرني ، وتنساني و ادبل بالشتا ، بس كل الي بعرفو هالمرة خسرنا بعض .!

#فشل_علاقة 🖤