الا ليت في كل ليلة يعود كل شيئ على ما كان في الزمان
ليس من اجل النقاش ولنقار
بل لاجل اثبات انني ما زلت موجودة في ذاكرتك
ولاجل اعادة القوة الي وإثبات وجودك بجانبي

الا ليت وجودك دائم في حياتي
لكانت كل هموم الكون ابتعدت من كل مكان وجدنا فيه
الاياليت ....

كتير شغلات ما منقدر نحكيها .ولا حتى نكتبها كتابة ...
لازم تضل بقلوبنا ..

مجبور قلبي يكون اقوى من الحجر.
على الرغم من انو مشاعرنا حساسة وع كلمة بتنزل دموعنا ..

هناكَ شخصٌ ما في هذا العالم لا ينام قبلَ أن يتخيّل وجهك، تفاصيلك الصغيرة، الشّامة التي تكرهها على وجهك وطريقتك في الكتابة.
يفكّر كل يوم ماذا سيَفعل عندما تأتي وكيف سيسعدك، ينام كلّ يوم ويتخيّل كيف سيحضِّر لحفلةِ عيدِ ميلادك وهل ستحبّ أفكاره الغريبة في انتقاءِ الهدايا
يفكّر في وضعية الصور عندما تكونان معاً وكيف سيعترف بحبه .
هناك شخص على هذه الأرضِ سيخترع ردّات فعل لك، يتمنى لو أنّه يعثر عليك،
شخص يُحب انتماءاتك وأفكارك، حكمتك في الحياة وردّات فعلك السّريعة عندَ الغضب.
أحدهم في هذا العالم ينتظرك ويفتقدك جداً، كلّ ليلة يدعو الله أن يتعثّر بك في الصباح.
لا تكن كئيباً وتفعل كلّ هذا بنفسك..سيأتي في يومٍ ما ويكون ممتناً للحياةِ بوجودك 💚

حبيت😍
من فترة كنت طالعة بالسرفيس وفي واحد قاعد جنبي عم يحكي مكالمة مع خطيبتو ، و عم يسايرها بالحديث " ولك منشاني ، طيب منشان خاطري ، بحياتي عندك ، بترجاكي خلص " و صوتو عالي ومسموع يعني .. و انا عم قول بيني وبين حالي " هاد اش بدو منها ؟ وع ايش عم يترجاها هيك ؟" الفضول موتني بصراحة !!

شي غريب ، شب طول وعرض ومو هامو شكلو قدام الناس اللي قاعدة وفي شباب ورانا عم يتهامسو عليه وعلى اسلوبو مع البنت وطريقة كلامو ..

المهم ... عم يحكي معها وبدون أي مقدمات قلا " صوتك المبحوح من البكى هاد وجعلي قلبي ، صح أنا خطيبك ولسا مالي الحق أني اسأل أبوكي ليش مزعلك ، بس انا مافيني خليكي تنامي زعلانة ... وأنا بموت فيكي .. طيب ليكي عشر دقايق وبكون تحت بيتكن ... جايبلك معي شوكولا ومحارم منشان تمسحي دموعك " .. وصار يضحك ويراضي فيها .. رجع قلا بضحكة " الله يخرب بيتك ع بيت أبوكي ... كل الي بالسرفيس سمعانين حكيي .. بس بتعرفي معلش .. المهم بحبك "❤
قربت منو وهمستلو بدانو الله يخليكن لبعض ويجمعكن قلي حاربت مشانا كل الدني لوافقو اهلا عليي والحمد لله الاسبوع الجاية عرسنا صدقوني فرحت اكتر منو والله 💛

#الخلاصة : الحنية ، الحنية يا جماعة ، أقسم بالله بتراضي أي حدا حتى لو كان حجر وبتجبر بخاطروا وبحكيك وفعلك رح يطمن ويحس بالأمان ، وهاد شب وما همو أي شي ولا حتى شكلو قدام الناس وهمو الوحيد يعرف شبا و يراضيها حتى لو على حساب نفسو !
" هي الناس الي قلبها نضيف وأبيض ونادر أنك تلاقيهن ، هي الناس الي حرام تموت "!
لاتكونوا قاسيين وخلي عندكن حنية .. حنية تغمر كل الأرض ❤