اسمين: شو هي شاطرة، حطيلي ببرونة بالمرة
الممرضة: سدي بوزك وليه انا بورجيكي، رح علمك كيف تحكي بإحترام تاني مرة
ياسمين: وليه بعينك قليلة ذوق على مين يفلتني عليكي لطحبشك طحبشة و علمك الأدب
نادت الممرضة لأربع ممرضات و قالتلهن كتمولي صوتها لهالمجنونة و ثبتوها منيح، و ضربت ياسمين إبرة بالوريد
حاولت تصرخ بس ما قدرت، ثواني و ارتخى جسمها ع الأخير و ما عادت تقدر حتى ترمش بعيونها نزلت دموعها و غابت عن الوعي.

فاقت بس كان الدنيا ليل الساعة شي 3 بالليل، الدنيا عتمة بس في فتحة طالع منها ضو، طلعت حواليها مافي حدا و هالمرة مانا مربوطة متل قبل، في بإيدها مصل، شالتو و حاولت تمشي شوي شوي، ع الهسي كرمال ما حدا يحس قامت و وقفت عند الباب، لتسمع اذا فيه صوت، تنفست براحة هوووف الحمدلله يا رب، فتحت الباب شوي شوي، و صارت تركض بأسرع ما فيها لحد ما خبطت بجهاز صدمات كهربائية محطوط عند باب الخروج من المشفى، طلع صوت هبد قوي و صحى الحراس بس هي من حسن حظا كانت سريعة كتير صارت تركض و تركض لحد ما قدرت تطلع من الحديقة و هي راكضة فاتت برجلا قزازة لأنها كانت حفيانة كرمال ما تطالع صوت، و رجلا تنزف و تنزف و هي تحاول توصل ع البيت، الباب كان مفتوح، وقفت سمعت صوت ضحك، هالضحكة مو غريبة عليي، قربت راسها ، شافت شمس و عمر عم يضحكو ، سمعت اختا عم تقول: ييي قديش شربتها حبوب هلوسة مع العصير هلأ، وهي خلصنا منها و ما بقى نشوفها و رح تطلع من المصحة منكون تجوزنا و تضحك، و تقول: الممرضة عملت معنا واجب لا تنسى تعطيها حلوانها، قربت منهن و قالتلهن: براڤو! لعبتوها صح انتي وياه، ما توقعت هيك شي منكيا شمس، مو انتي اللي كنتي تدافعي عني قدام أمي و انتي اللي كنتي تعمليلي الصندويش ع المدرسة؟ و تلعبيلي بشعراتي و تغنيلي " يلا تنام يلا تنام لدبحلك طير الحمام، روح يا حمام لا تصدق بضحك على سوسو لتنام" 😭 و انتي اللي كنتي تلعبيني و تمشطيني، ليش هيك عملتي فيي؟ ، مو انتي كنتي تقليلي ما رح جوزك، رح خليكي عندي و احبسك بقلبي و ممنوع تطلعي منو 😭، ليش هيك عملتي يا اختي، ردت شمس: انتي أخدتي مني كل شي شايفة اللي عملتلك اياه؟؟ ما حدا عملي ياه، ما حدا دللني قدك مع اني اول بنت الهن و مع هيك تجوزتي و انتي طفولية و عقلك صغير، و انا العاقلة الراكزة محدا اجا ناحي ولا حبني، قالت ياسمين: لك انا شو ذنبي😭😭 انا ماني عدوتك انا اختك، و انت استاذ عمر ما كان فيك تطلب ايدها قبل ما تاخدني الي ما كان فيك تاخد الراكزة؟؟ ، اللي عقلا بيوزن بلد، الحنونة، الكبيرة، المربية، اختي و صديقتي و رفيقة دربي و أمي التانية، ليش لصير انا ضحية لزوج خاين و اخت حقيرة😔😭 الله لا يسامحكن يا كلاب، الله ينتقم منك و منها لك انا بكرهكن، بكرهكن، بكرهكن و اغمى عليها

شمس: ياسمين، ياسمين، لك ياسميييين ، قومي يا غبية مين بتكرهي مين هيك عم يعذبك بالحلم لألعن ابوه😂😂🤦🏻‍♀️
ياسمين: شوفي شو صار؟؟
شمس: اي قومي قومي نمتي و انتي عم تتفرجي ع سبونج بوب 😂🤦🏻‍♀️
ياسمين: و عمر وينو؟؟!
شمس: مين عمر لك بيب ما عرفتينا😏🙂
فاتت سمر
سمر: وليك ياسمين الله يعدمني ياكي قومي الجماعة ناطرين😡🤦🏻

أي أي😂 متل ما توقعتو بالضبط طلع حلم و مو أي حلم طلع كلو أكشن بس اتطمنو اذا بيطلع جدي من قبرو ما رح اتجوز بعد اللي شفتو🤷‍♀️🙂😂

لا تتزوجي إلا عن حب .. 💙

مشان بس ينكسر ضفرك ما تستحي تبكيّ قدامو و تقوليلو انو صرلك فترة بتربي فيهن مشان هالمناسبة و بس قربت انكسر ..

مشان بس يرجع ع البيت و يرميّ تيابو بكل مكان و يركض للصالون مشان يحضر مباراة ما تنفقع مرارتك منو و تلعني الزواج و يومو ..

مشان لما تجي تتصوري ما يقلك شيلي من ايدك .. لا بيوقف حدك و بيتصور معك 😍

مشان بس تطلبي منو غراض مستعجلة عليهن و يرجع يقلك و الله نسيت 😑 ماتحرقيه وتخبي رمادو تحت السجادة ..

مشان بس يصحيكي من نومك الصبح لأنو مو ملاقي فردة الجرابات تبعتو يلي هي قبالو بالزبط بس هو من العجلة مو شايفها ما تقومي ترتكبي جريمة فيه .. 😅

مشان بس ما يجيكي نوم تصحيه و تقليلو انو مو نعسانة ولازم يسهر معك لتنامي مو تقلقي من ردة فعله .. 😌

مشان لما تحرقي الطبخة ما يلعن هاليوم ، و بكل بساطة بتعملو غيرها او بتاكلوها غصب او بتمشوها زيت وزعتر ..😂

مشان وقت تمرضي عادي تتركي البيت مو مرتب .. و بس يجي هو
يساعدك و بتخلصو الترتيب بسرعة 😻

خدي واحد يوقف معك بالمطبخ مع انو بعمرو ما عملها بس لأنو بحبك وقف معك ❤️

خدي واحد ما تخجلي تعليّ صوتك و انتي بتغني بالسيارة وقت تطلع الغنية المفضلة إلك 🙈🎶🙊

مشان لما يجو ولادكن ما يكرهو الحياة ، ما يقرفوا من الزواج و ساعتو ، مشان يعيشوا بحب و يتعاملو مع كل الناس بحُب .. 💜

لانو #الحُب هو الشي الوحيد يلي بخليكي تتقبلي كل هالتصرفات بدون ما يرتفع ضغطك و تموتي .. 💙

طب الجرة عَ تما .. بتطلع البنت لـ إما ..!!

إلا جرتي لما طبيتا عَ تما .. طلعتلي صبية جبرتني إركع وبوس بطن إما
كانت صبية غير الصبايا .. بتشبه إنعكاس الشمس عَ المرايا
قلبي عقلي عيوني وأنا .. وقعنا قدام سحر أنوثتها ضحايا ..!!

عصفور بـ اليد .. أحسن من عشرة عَ الشجرة ..!!

ويلّي متلي لما شاف اللي متلها .. ماعاد بده العصفور بـ اليد ولا العشرة ..
يلّي بيشوف عيونك يا إنتي .. بـِ اللاوعي بينسجن فيهن وماعاد بيغروه كل العصافير .. ولا حتى الشجرة ..!!

لحاق البوم بيدلك عَ الخراب ..!!

وأنا اليوم لحقت قلبي .. قام وصلني عَ المكان يلّي إنتي فيه
وقعت بـِ حُبك ومش ذنبي .. متل ما بتعرفي القلب بـِ عمرنا ماكان إلنا سلطة عليه ..!!

الباب اللي بيجيك منو ريح .. سده و ستريح ..!!

وأنا لما فتحت بابي .. كان ضيفي .. جمالك
حواسي الخمسة هربوا مني .. وتعلقوا متل شمة عطر بـِ شالك

صرت محتار بـ أيَ متل لازم أوصف حُبي إلك
فيني إركعلك أنا وكل الأمتال بـ محبس عشق إزرعه
بـ إصبعتك .. وكون إلك ?!
ــــــــــــــــــــــــــــــــــــــــــــ
يحيى محمود خليفة