اتطلع بعيونا و قلا ..
تمنيت حدا يحبني متل ما بتحبيه ! 💔
شوف حالي بعيون حدا متل ما بترسميه بعيونك ..
تمنيت تتحول نار غيرتي منو لنار حب تجاه حدا غيرك و بتشبه يلي بحسا معك 💔
تمنيت يصير في حدا بحياتي و حبو نص الحب الي بحبك ياه ..
و اسمع حكياتا عني متل حكياتك عنو .. 💔
تمنيت انقسم ع حالي
اكرهك و حب ..
اطلع من ظل مشاعري تجاهك ..
و اسكن وطن بيشبه وطنك يلي عاطيتيه ياه الو ..
تهديني نفس الأغاني الي بتغنيلو ياها انتي .. 💔
تمنيت قلك بحبك بلا ما انزع حياتك .. و بعدا روح ما بعرف لوين .. 💔
كنتي عذرتيني .. أو كنتي يمكن فهمتي ..
شو يعني اني بحبك الك و قلبك هالغبي معو !

وشو صعب تسمع الشخص الي بتحبو يحكيلك عن الي بحبو ! 💔👌

- يا بنتى جايلك عريس ..
_ انا مش موافقة يابابا
.......
موبايلى رن الساعة 4 الصبح وكنت نايمة .. لقيته رقم مش متسجل فسبته .. رجع رن الساعة 5:30 وسبته برضوا مردتش .....
لما صحيت فكرت ان ممكن يكون حد من صحباتى لاني جبت موبايل جديد فالاسماء مش متسجلة .. فرنيت مردش رنيت
3 مرات ومردش جيت الساعة 9 بالليل رن رديت ..
- الوو
_ .....
- الوو
_.....
-هو في اي طيب مش فاهمه ، طب مين ؟
_.......
- اي طيب !!
سمعت صوت انفاس حد ومحدش رد فقفلت ..
تاني يوم ف نفس المعاد الفون رن الساعة 4 بس المره دي رديت - طيب لو سمحتم انا نايمة دلوقت فممكن
تسيبوني اذا تكرمتم .. وقفلت مرنش تاني

جه الساعة 9 بالليل الرقم رن تاني .. تقريبا ظابط ع
نفس المواعيد رديت
-ايوون ، هنسكت قد اي المرادي طيب علشان اعمل حسابي؟
_.....
- انا بسأل ليه مانا عارفه ان محدش هيرد !!
_......

- طب والله احسن ان مفيش حد بيتكلم غيري و انا
اصلا رغاية ، اتكلم انا بقي بما انك انت او انتي بتحبوا تسكتووا كده ... اليووم ده فضلت اتكلم حوالي ساعتين واسأل اسئلة واستنتج الرد بتاعها من غير ما اي حد يرد فعلاً والله كأني بكلم نفسي ...
- طيب انا هقفل لاني مش فاضية للاسف سلام .. وقفلت
كان غريب ان الرقم لما بقول اني مش عاوزه اتكلم او مش فاضية و بقفل مبيتصلش تاني ، بس هي حاجه كويسة لاني كنت فعلا محتاجة اتكلم مع حد معرفهووش .. اللي هو بتكلم و الطرف التاني سامع وبس .. مش مستنيه نصايح ولا
كلام ولا اي حاجه الصمت كويس جدا
بقي روتين يومي اني اكلم نفسي مرتين ف اليوم 4
ودي بقول اني نايمة واقفل و 9 ودي بتطول جدا

- اول اسبوع في الكلية و المفروض اجهز و كده بس اعتقد اني هروح اول يوم واعيط بس واروح ، عارف .. هو عارف لان اعتقد ان مفيش بنت هتتصل و تسكت كده اصل احنا رغايين اوي وبنفتح مواضيع م الهوا ،
المهم .. عارف انا فعلا هروح اعيط وبس ،مش عارفه يعني لي اروح .. بخاف جدا من اول مره ف كل حاجه دي .. انا مش منعزله ولا متوحدة والله بس جبانة جدا ،
بتعود عالناس و بعدين انا اللي ببعد عنهم لانهم بالوقت اكيد هيبعدوا .. اللي هو بخاف اخسرهم فاروح خسراهم .. بس عارف .. انا بحب اسم ورد جدا جدا ، وبحب اللي يقولهولي و بحب اسم احمد ودي حكاية طويلة اووي ، ياريت اسمك احمد و الله ..احمد كان دايما يجبلي ورد
.....
- خدي ياورد
_ده ورد
- ايون
_طعمه حلو ؟
- هو بيتاكل ؟
_ يبقي تجيب حاجة بتتاكل!
.....
المهم المفروض اروح بكره الكلية ومش هروح و بس كده خلاص .. انا هقفل دلوقت لاني عاوزه انام جدا .. سلام
و قفلت ... اسبوع وهكذا مبسمعش غير صوت انفاس وبس معرفش مين ولي بيكلمني ويعرفني اولا ، بس مش مهم ..
انا بتكلم وبس اصلا مش عاوزه حد يكلمني عاوزه حد يسمعني ولقيت .. الساعة 9 راجعة تعبانة جدا
فوني رن - اهلين ، روحت النهاردة الكلية .. يووم كان ممل ممل يعني ، عيط وانا راجعه بس محدش لاحظ ، لو القطر مكانش موجود كنت ممكن مروحش اصلا بس مشكلته بيبقي زحمة .. شوفت كمية ناس ملزقة النهاردة وكمان وانا راجعه واحد كان قاعد قصادي هو معملش حاجه بس لحظت انه كان بيبصلي كل شوية ودي حاجة عادية علشان متقولش اني مهووسة وكده حتي نور صحبتى اخدت بالها وقالتلي بس الغريب ان لما نزلنا فضل واقف لغاية ما ركبت وروحت ..انا حاسه اني شوفته قبل كده هو بصراحة مش وحش ده حلو جدا ..مكونتش متابعة يعني بس لفت انتباهي والله لان دي مش اول مره يكون موجود و كده مش اكتر . نسبنا م ده كله "انا بحب نور صحبتى جداً "، اعتقد انها لو مش معايا ف الكلية دي كنت هحس اني غريبة اووي ، ولوحدي وحاجه وحشه جدا لا لا الحمدلله انها معايا
..........
_ نووور
_نعم
-عاوزه احكيلك حاجة ؟
_احكي ...
وحكيت !
_متعرفيش مين ؟
-لا
_شاكه ف حد؟
-لا
_ رد قبل كده طيب؟
-لا
_طب وبعدين طيب؟
-معرفش بتكلم عادي وكأني بكلم نفسي
_مش خايفه طيب يطلع حد مش كويس ،ويأذيكي ف الاخر باللي بتحكيهوله؟
-بثق فيه
_بتثقي فيه؟!!
-ايوه !
_حبيتيه؟!!!
- حبيته؟!
_مش مرتاحة يا مريم !
-خوفتيني !
_هتكملي ؟
-مش عارفه
_عاوزه تكملي ؟
-مش عارفه
_يارب صبرني ، حرام يا مريم وبعدين خايفه تحبيه وف الاخر يبعد ، خايفه تتعلقي بيه والله .. ربنا يستر ،شوفي هتعملي اي وابقي عرفيني ولازم تقرري
.....
نور خوفتني بكلامها ده،انا ازاي سمحت لقلبي بانه يتعلق بحد ،انا بكلم ولد وانا عارفه انه حرام ،و..ويمكن لان هو كان دايما ساكت وانا بس اللي بتكلم مخوفتش م حكاية اني اتعلق ويبعد ،انا فعلاً اتعلقت ..انا هبعد
روحت صليت ونمت ،من غير ما اكل حتي نمت وصحيت الساعة 8:54 بالليل المفروض ويتصل ..كنت قاعدة متوترة وخايفه وتايهه ومش عارفه انا عايزة اي !!
الساعه ... 9 ... موبايلى رن ...فضلت باصه ومتنحه لغايه ما فصل رن 3مرات وروحت قافلاه ...
بننزل الكليه 3ايام ف الاسبوع ، منزلتهومش ولا نزلت التدريب ولا روحت الكورسات مروحتش ف حته ،مخرجتش م الاوضه اصلا و الفون مقفول
عدي اسبو

ع مكونتش بكلمه بس كنت بكتب جوابات ،جوابات كتير ،بكتبله هو وانا معرفش اسمه حتي ،بتخيله ..شكله وهو بيضحك وهو مضايق وهو بيعاتبني شكله ف كل حالاته ، .وجه يوم السبت ..انا تعبت انا ادمنت صوت انفاسه بس ،مبسمعش غيرها وكان كفايا و...وهو وحشني ..يالهوي !؟ وحشني ؟؟ انا حبيته صح ؟
بس ازاي احب حد معرفهوش خالص كده ،معرفش اي حاجه عنه ولا صوته حتي .. بقيت بدعي بيه ..انا ايه حصلي !!
وكان لازم افتح الفوون وفتحته
كانت الساعه 8:55
خمس دقايق كانوا بالنسبالي خمس سنين ..الساعة 8:40 الفون فصل شحن ..فصل قبل ما يرن كنت هعيط
لا لا عيط رغم اني مكونتش هرود طب لي!!.. ونمت نمت وانا بعيط!
صحيت ع صوت ماما
-مريم ،قومي كلمي بابا عاوزك
_حاضر ياماما ..
قومت غسلت وشي وروحت
خبط ع الباب بالراحة واستأذنت وصلني صوت بابا
-ادخلي يا مريم واقفلي الباب وراكي ..
دخلت وانا باصه ف الارض وقعدت قدامه
-بصي ياحببتي ،انتي دلوقتي كبيرة وعارفه مصلحتك ،انا طبعا مش هضغط عليكي في حاجه ..دلوقتي في واحد متقدملك وهو مبدئياً محترم وابن ناس و...
بابا بيتكلم وانا تنحت بعد جملة واحد متقدملك دي انا توهت ..واحد اي ،خلاص مكونتش سامعه حاجه م اللي قالها ،افتكرته ..انا مش عارفه انا هقدر اتقبل ان يبقي ف حد ف حياتي غير الشخص ده ،خوفت وقلبي رجف ..فوقت ع صوت بابا وهو بيقول
-..وهو هييجي بكره علشان يقعد معاكي انتي قابليه لو ارتحتي خير وبركه ولو مرتاحتيش يبقي كل شئ قسمة ونصيب ..
روحت اوضتي وانا تايهه ..بفتكر كلام بابا واعيط روحت بسرعة ع الفون لقيته 15% كلمت صباح..
-طب اهدي طيب يا مريم متعيطيش
_يا نور انا مش قادرة ..انا تايهه وقلبي بيوجعني انتي..انتي فهماني !،قوليلي اعمل اي ؟
-طيب بصي بطلي عايط ،بكره اقعدي معاه ولو معجبكيش ارفضي وبس كده
_طب ..طب وهو يانور
-هو اي يا بنتي دي حاجه وهمية وبس ،اكيد مش هتوقفي حياتك ع حاجه زي كده فوقي بقي ..دلوقتي روحي نامي علشان تصحي فايقه كده وابقي صلي استخارة مقدماً ..
_حاضر
وقفلت
صليت استخارة ونمت
صحيت تاني يوم وانا مرتاحة نوعاً ما ..حاسه براحة غريبه اي نعم متوترة بس مرتاحة
جه الوقت اللي هييجي فيه
كنت انا لبست درس ازرق وخمار سماوي
بابا ندهني دخلت وانا وشي ف الارض ..كنت مكسوفة جداً وكنت مرعوبة اكتر
سلمت وقعدت جمب بابا
ومبصتش حتي اشوفه بس جذمته حلوة ..
جذمته حلوة ؟!
اي الهبل اللي انا في ده ،ده وقت جذم بس !؟
بابا فضلت يتكلم مفوقتش غير ع صوت بابا وهو بيقول طيب انا هطلع علشان تعرفوا تتكلموا براحتكوا ..وقعد ف الصاله اللي قصادنا
مبصتلهوش ..مش قادرة ارفع عيني ،حاسه اني هعيط وبس لا لا تقريبا عيط
فضلنا ساكتين ربع ساعة ،هو متكلمش ولا انا اتكلمت بيبصلي وانا باصه ف الارض وهموت م رهبه الموقف
لغاية ما اتكلم
-ورد
لقيتني تلقائياً برفع راسي وببصله باستغراب وانا بردد
_ورد!!
-مش بتحبي الاسم ده برضوا ؟
_عرفت ازاي؟!
وفجأة افتكرت اني شوفته قبل كده ،ده ..ده بتاع القطر ..ايوة هو اللي عيونه فيها لمعه ،عيونه مميزة كفيلة تخليني اعرفه ..
_انت ..انا ..انا عارفااك ،انت بتاع القطر
ضحك ضحكة خفيفة وقال
-واي كمان ؟
_اي عرفك اني بحب اسم ورد ؟
مردش ،سكت شوية واتنهد ولسه كان هيتكلم
-ند...
_لحظة! ...،ده انت !
بصلي باستغراب ومتكلمش ؟
_مكونتش بترود ليه ،ليه كنت بتسبني اتكلم وبس ؟
-انتي كنتي محتاجة تتكلمي ،وانا كنت عاوز اسمعك بس ..وده اللي حصل
_جيت لي؟ ،علشان بعدت !؟
-كده كده كنت جاي بس ببعدك انتي انا تعبت ،ساعتها بقيت هتجنن قافله الفون ومبتنزليش الكلية مش عارف اطمن عليكي كنت بسمع صوتك وانتي بتكلميني كل يوم كان يكفيني انك تتكلمي وبس والايام اللي كنتي بتروحي فيها الكلية كنت بنزل مخصوص علشان اشوفك وانتي فجأة بعدتي فجيت انا عارف اني غلط م الاول وندمان ع الطريقة وسامحيني .. بس انا كده كده كان لازم اجي وجيت اهو
-جيت علشان عاوز تتكلم ؟
_ممكن علشان عاوزك تسمعيني
-يعني علشان تتكلم بس ؟
_ انتي مستعدة تسمعيني باقي عمرك ؟
-بس انت مبتتكلمش انت بتسكت بس
_مستعدة تسمعي سكوتي ؟
-بحب اسمع سكوتك ..
بص ف عيوني جامد وضحك
ساعتها بس افتكرت اني قاعدة قدامه وهو في بيتنا وبيكلمني وشي احمر وبصيت ف الارض
بابا دخل
"هاا ،اقول اي"
ضحكت وبصيت ف الارض
-امممم ،متقدملك من سنتين وانا موافق
بصيت لبابا وتنحت
_من سنتين؟
-ايون
نعرفه من وهو عنده 10سنين بحكم انه ابن صديقي العزيز وكنتي بتلعبي معاه وانتو صغيرين بس هو سافر وافتكر انك كنتي عيطي شهرين وانتي بتقولي احمد هييجي امتي يابابا كل يوم ورجع من سنتين وباباه فاتحني ف الموضوع
كنت حاسس انك هتوافقي لما فاتحتك رفضتي قبل ما اكمل كلام بس هو قالي سبني احاول انا وبعد الحاح شديد وافقت

فخلصي يابنتي الواد بقاله سنتين مستني ،اقوله اي ؟!
قعدت متنحه قدام بابا بصيت لاحمد اللي كان قاعد بيبصلي ومبتسم ،
سنتين ،وو..وده احمد ،احمد اللي كان بيقولي ياورد واحنا صغيرين ع