SOULMATES 🖤

في هلبا حاجات عشوائية ، تحرر فيا من شعور انعدام الرغبة في اي شي في دنيا 🕯 ")
نمشي في شارع طويل في حي شعبي معبي محلات وناس وزحمة وصغار نتأمل كل شي الاصوات الالوان نسمة البرودة وملامح الناس ، الدرابيك والشقاقات الي قدام العطرية والرجالة وهما طالعين من الجامع بعد صلاة العصر 💭 ، براكة الخضرة وريحتها الفايحة ، ومحل الحلويات وشكل التورتات الي يشهي ورا مرش المحل 🎂والكعك المالح والبكلاوة والمقروض 🥟 ،

نمشي للجامع في رمضان لصلاة التراويح بعد ما نكمل غسل اماعين الفطور ونتمشى اني وبنات الجيران ع طول طريق الجامع ونشوفو الناس الي ماشية تحلي يومها الرمضاني بلقاء طويل مع ربي ♥️، نسمة البرودة نجوم الليل وهلال رمضان 🌙 مفيش زي هديك التمشاية ،

لمة الخميس في حوش جدي ، مع العيلة كلها الهدرزة والضحك القهوة والحلويات والشاهي وخبزة الخضرة في الكوشة الي نطيب فيها خصيصاً لجدي قديش غالية عليه وعيونه يضحكو اكتر لما نديرلها زيتون وبصل اخضر 🥦🥨 ، وفي الليل العشي "شربة" احلا شربة ندوقها في حياتي من يدين خالتي ديما تبدع فيها وقديش نتمناها ما تكملش 🍜 ،

لمة لفطور مع صحباتي في الكلية وحدة تجيب الجبنة ووحدة الزعتر ووحدة زيت الزيتون وماننسوش في الهريسة العربية ولوسة حنينة حسنة والزيتون وطرمس الشاهي ☕ نحبو الفطور هذا لما نبدو مع بعض كمية الحب فيه تشبع وبزيادة 💓💭 ،

يوم شتي ومطر ونسمة مصقعة نقعمز بحدا الدفاية وطاسة الكاكاو ولا لحليب والشاهي وكتاب وبطانية 🌸💭 قمة في الدفئ الروحي .

مروه 🌈

11 views21:48

SOULMATES 🖤

Forwarded from WAXES 🖤 (WANES ELAGORY)

حين افترقنا لم أشعر بالحزن بقدر ماشعرت بالغرابة، كل شيء صار غريباً علي، حتى وجهي الذي أراه وألمسه كل يوم. أحسست بأنني كنت أرى العالم معك من زاوية واحدة، وحين رحلت، أكتشفت أن هنالك زوايا اخرى، أكثر ظلاماً وبرودة

6 views•, 21:57