እስኪ ረጋ ብለን
እስቲግፋር እናድርግ 🫶

ዐብደላህ ኢብኑ ዑመር (ረ.ዐ) እንዳስተላለፉት፣
ረሱል (ﷺ) ትከሻዬን በመያዝ እንዲህ አሉኝ፦

"በዱንያ ላይ እንደ (እንግዳ) ወይም እንደ መንገድ አላፊ ሁን።
ኢብኑ ዑመርም (በዚህ ሐዲስ ተጽእኖ) እንዲህ ይሉ ነበር፦  ምሽት ላይ ከደረስክ ንጋትን አትጠብቅ (ዛሬን ነገ አታድርግ)፣ ንጋት ላይ ከደረስክ (ምሽትን አትጠብቅ)። ከጤንነትህ ለበሽታህ፣ ከህይወትህም ለሞትህ (መልካም ስራን) ያዝ።

☘️ሶሂህ አል-ቡኻሪ (6416)

ዛሬ  በዱኒያ ላይ ስራ እንጅ ሒሳብ የለም

ነገ በአኸራ ሒሳብ እንጅ ስራ የለም

ብልጥ ሰው ከሒሳብ በፊት ኸይር ስራን ይሰራል!!💪

𝐐𝐮𝐫'𝐚𝐧 𝐅𝐨𝐫 𝐘𝐨𝐮𝐫 🫀𝐏𝐚𝐫𝐭 5

የዚክር ትሩፋት

ከአቡ ሁረይራ (رَضِيَ ٱللَّٰهُ عَنْهُ) ተይዞ እንዲህ ይላል፦

﴿جاءَ الفُقَراءُ إلى النبيِّ ﷺ، فقالوا: ذَهَبَ أهْلُ الدُّثُورِ مِنَ الأمْوالِ بالدَّرَجاتِ العُلا، والنَّعِيمِ المُقِيمِ يُصَلُّونَ كما نُصَلِّي، ويَصُومُونَ كما نَصُومُ، ولَهُمْ فَضْلٌ مِن أمْوالٍ يَحُجُّونَ بها، ويَعْتَمِرُونَ، ويُجاهِدُونَ، ويَتَصَدَّقُونَ، قالَ: ألا أُحَدِّثُكُمْ إنْ أخَذْتُمْ أدْرَكْتُمْ مَن سَبَقَكُمْ ولَمْ يُدْرِكْكُمْ أحَدٌ بَعْدَكُمْ، وكُنْتُمْ خَيْرَ مَن أنتُمْ بيْنَ ظَهْرانَيْهِ إلّا مَن عَمِلَ مِثْلَهُ تُسَبِّحُونَ وتَحْمَدُونَ وتُكَبِّرُونَ خَلْفَ كُلِّ صَلاةٍ ثَلاثًا وثَلاثِينَ﴾

“ድሆች (ምስኪኖች) ወደ ነቢዩ (ﷺ) ዘንድ በመምጣት ሀብታሞችና የገንዘብ ባልተቤቶች በገንዘባቸውና በሀብታቸው ትልቁን ደረጃና ማይቋረጥ የሆነውን ፀጋ (ጀነትን) ይዘውብን ሄዱ (በለጡን)፤ እኛ እንደምንሰግደው ይሰግዳሉ። እንደምንፆመው ይፆማሉ። ነገር ግን እነሱ የገንዘብ ትሩፋት አላቸው፤ በእሱ ሐጅ ያደርጉበታል፣ ዑምራ ያደርጉበታል፣ ጂሃድ ያደርጉበታል፣ ሰደቃ ያወጡበታል አሉ። የዚህን ጊዜ ረሱል (ﷺ) እንዲህ አሉ፦ ታዲያ አንድን ጉዳይ አልነግራችሁምን? ያን ነገር ከያዛችሁት እናንተን የቀደማችሁ የሆነን የምትደርሱበትን፣ ከእናንተ በኋላ አንድም የማይደርስባችሁ የሆነን፣ እናንተ ካላችሁበት ነገር ሁሉ በላጭ የምትሆኑበት፣ እናንተ የሰራችሁትን የሰራ ካልሆነ በሰተቀር የማይደርስባችሁ የሆነን። ግዴታ ከሆኑ ሰላቶች በኋላ ሰላሳ ሶስት ጊዜ፦ ቱሰቢሁን (አላህን ታጠሩታላችሁ)፣ ወትህሚዱን (አላህን ታመሰግኑታላችሁ) ወቱከቢሩን (አላህን ታልቁታላችሁ)።”

(📚ቡኻሪ 843 ሙስሊም 595 ዘግበውታል)

ረሱል (ﷺ) እንዲህ ብለዋል፦

﴿المؤذِّنُ يُغفَرُ لهُ مدى صوتِه، ويُصدِّقُه كلُّ رَطبٍ ويابِسٍ ولهُ مثلُ أجرِ مَن صلّى معَه﴾

“ሙአዚን ድምፁ በሚደርስበት ልክ (ወንጀሉ) ይማርለታል። እርጥብም ሆነ ደረቅ ነገር ሁሉ እውነትነቱን (በቂያማ ለት) ይመሰክርለታል። ከእርሱ ጋር የሰገደም ¹ ሰው አጅር (ምንዳ) ተመሳሳዩን ያህል ያገኛል።”

(📚ሶሂህ አተርጊብ፡ 234)

¹ የሰጋጆች ምንዳ እኩልነት፡ ሙአዚኑ ሰዎችን ወደ ሶላት በመጥራቱ ምክንያት መጥተው ከእርሱ ጋር የሰገዱትን ሰዎች ያህል አላህ ተመሳሳይ አጅር ይሰጠዋል። ይህ የሚሆነው የሰጋጆቹ አጅር ምንም ሳይቀነስ አላህ ከራሱ ችሮታ ለሙአዚኑ ተጨማሪ እኩል አጅር ይሰጠዋል። ምክንያቱም “ወደ በጎ ነገር ያመለከተ ሰው የሰሪውን ያህል ምንዳ ያገኛል” የሚል የኢስላም መርህ ስላለ ነው።

ረሱል (ﷺ) እንዲህ ብለዋል፡‐

አንዲት ሴት ለባሏ ስለ ጓደኛዋን ነገር መንገር የለባትም ስለመልኳና ባህሪዋ አብራርታ ልክ እንደሚመለከታት አድርጋ መግለፅ የለባትም''
📕ኢማሙ ቡኻሪይ 142 እና ኢማሙ ሙስሊም 375 ዘግበውታል''