وبكرا مافيه اختبار الجمعه السبت نبدا ننزل ملفات اليومية شهر اكتوبر

ذاكرت تجميعات سمارت شهرين قبل اختباري والايام اللي قبلي بنفس الشهر اللي اختبرت فيه
برضوه نزلت ملف الاسئله المكرره وذاكرتها
ووكلت الامر كله لله

وكان الاختبار متنوع الصراحه شي ماذاكرته وشي ذاكرته وشي ماعرف عنه شي لكن مشيت على نظام الاستبعاد بالحل

وقد ماقدرت حاولت اريح نفسي وابعد عن التوتر قبل واثناء الاختبار اللي الله كاتبه بيصير كنت مسلمه الامر كامل لرب العالمين



(واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك، ولو اجتمعوا على أن يضروك بشيء لم يضروك إلا بشيء قد كتبه الله عليك، جفت الأقلام ورفع الصحف)

وعقبال الجميع اسأل الله لكم التوفيق جميع يارب العالمين

الحمدلله عديت ب+700
اختبرت في ابها يوم10

بديت مذاكره من بداية الامتياز ولكن كانت متقطعه

ذاكرت غيث بشرح اسلام باليوتيوب يوم كان مجاني

وجلست شهور ماعاد ذاكرت شي
ورجعت شديت ودخلت دورة أحمد السيد تأسيس ومن ضمنها شرح لملف غيث كامل وشرح لملف سعيد والحمدلله طلعت بتأسيس كويس

بعدها بديت بملخصات حمود عشان معلوماتي تثبت كلها

بعدها اشتريت من سمارت شهرين ماقبل اختباري
واخذت ملف الاداره حق سمارت

وبرضو ملف الاكثر تكرارًا من سمارت وكان رهيببببب وجا منه كثييييير مررره

والملفات اليوميه لشهر اختباري

وبرضو ملف الأمراض

وبرضو ادرب نفسي على الاسئله احاول احل عدد كبير قدر الإمكان

وبرضو من بداية مذاكرتي لين نهايتها وعندي دفتر مخصص للنوتات اكتب فيه كل شي مهم سواء قوانين او معلومات انساها او معلومات متكرره او معلومات مهمه وذا الشي فادني كثيييير بليلة الاختبار راجعته والحمدلله كل شي كان كويس

اخيرًا التزمو بالدعاء وصلاة الوتررر

والاختبار كان سهل جدًا جدًا جدًا بشكل غير متوقع تقريبًا الاختبار كله من التجميعات ماعدا شي بسيط جديد


وبالتوفيق لكم ولاتسمعون كلام احد ان الاختبار صعب وكلام فاضي

الاختبار سهل للي مذاكر بفهم وتركيز🙏🏻

وبرضو من ناحية الاختبار انه يجيكم وتجميعات او لا الصدق كله حظ وبالنهايه نفس ماقلت لكم الاختبار سهل للي مذاكر سواء جا من تجميعات او لا حتى لو اسئله جديده

موفقين وفالكم الpass💫

انا تجربتي غيرر غير مختلفة وللحين مو مصدقة اني باس من اول مره الحمدلله صارت لي ظروف وكل مرة أأجل
رحت الاختبار تقريبًا مواصلة ماقدرت انام من التوتر وجاني من غيث وسمارت رفيو بس ما احس كثير الاغلب ادارة وكيف تتصرف الممرضه بهذي الحاله ووو
اهم شيء حاولو تتدربوووون على اسأله كثيرةة لان الوقت بالنسبة لي كان ضيق لدرجة والله يمكن اكثر من ٢٠ سؤال حطيتهم كلهم سي وعشوائي ومو قادرة اركزز من النومممم نامو كويس مادري كيف نجحت
عليكم بالالحاح بالالحاح بالدعاء فعلاً الدعااااء يصنع المعجزات الّحو بالدعاااااء
لاتستهينون بالدعاء والله وانا اختبر قاعدة افكر بالاعادة وكيف بعيده بس سبحان الله نجحت الحمدلله ادعو لي بالوظيفه

الحمد حمداً كثيراً مبارك نجحت من المحاولة الثانيه والله طلعت من الاختبار قلت ماراح اعدي اختباري الاول اسهل وماعديت كيف هذا لكن لطف ربي لا تيأسون والنفسيه والمعنويه خلوها عاليه علشان تذاكرون كويس ذاكرو اداره فهمت اداره امورك ماشيه الي فادني ملف اداره سمارت مع اني ما لحقت اختمه لكن رهيب دخلت دورة احمد السيد وإسلام ولو يرجع فيني الزمن بكتفي ب احمد اسرع ويشرح من قلب اختباري الثاني رحت مو خاتمه بعض المصادر لان عندي اساس من اول ف ركزت ع سمارت شهري انسو الاختبار يجي نسخ لصق بالكثير ٥٠ سوال الباقي كثر مصادر ومصطلحات علشان تعرف تستبعد بوقت قصير تقرا الاجوبه بدون سوال وتميز وتستبعد ولا تطول فترة المذاكره لان تبدا المعلومات تدخل ببعض وتنسى الافضل شهرين او شهر ونص اساسيات المذاكره غيث/ سعيد/ سمارت اداره / سمارت شهرك وشهر قبلك كافي وجداً غير كذا تشتت
واهم نقطه نصيحة من قلبي لا تروحون الاختبار مواصلين لو ايش ما صار ممكن ماعديت من اول محاوله لاني مليت بسكشن الثاني وصرت م اجمع وأقراء السؤال بدون تركيز واحل عشوائي ابي افتك تعبت واي سؤال ما تعرفونه حطو عليه علامه وارجعو بعدين الاكل ونوم ضروري واختباري كان بحايل

السلام عليكم ورحمة الله وبركاته

نجحت الحمدلله كانت المحاولة الثانية بسكور عالي، وحبيت أكتب لكم خطتي لعلها تفيد أحد.

المحاولة الأولى:
ذاكرت تقريبًا 3 شهور، ودخلت دورة أحمد السيد وإسلام الحايك، وبصراحة استفدت منهم جدًا، خصوصًا في ترتيب الأفكار وفهم طريقة الأسئلة.
دخلت الاختبار وجبت درجة قريبة جدًا من النجاح، وهذا الشيء خلاني أعرف نقاط ضعفي وأركز عليها أكثر بالمحاولة الثانية.
بعدها بدأت أراجع وأحل من أكثر من مصدر، ومن الأشياء اللي استفدت منها:

• ملف غيث
• زهراء
• سعيد إدارة
• إيمان غير المكرر
• تجميعات سمارت مهمه مره فادتني اليوميه و الشهريه و ملف الاكثر تكرار وملف الاداره والصور المكرره
• تجميعات سعيد
Nurse Plusو
• وقبل الاختبار بأسبوعين تقريبًا ركزت على مراجعة حمود ووتين

الأهم بالنسبة لي كان الفهم وعدم الاعتماد على الحفظ فقط، ومع كثرة الحل تبدأ طريقة الأسئلة تتضح لك أكثر.

وأخيرًا وأولًا: الحوقلة وصلاة الوتر 🤍
“لا حول ولا قوة إلا بالله” كانت معي دائمًا، والتوكل على الله والدعاء شيء ما أستغني عنه.

لا تستصعبون الاختبار، وإذا ما توفقتوا من أول مرة لا يعني إنكم ما تقدرون.
أنا أول محاولة كنت قريبة
من النجاح، وبالمحاولة الثانية الحمدلله وصلت 600.
ما على الله عسير، شدوا حيلكم وتوكلوا على الله، وإن شاء الله ربي يكتب لكم النجاح من أوسع أبوابه

وأهم شيء من تجربتي: لا تفقدون الأمل بالله أبدًا

يمكن تتأخر النتيجة، ويمكن تمر بمحاولة ما تكون مثل ما تمنيت، لكن هذا ما يعني إن الله ما كتب لك الخير. أحيانًا التأخير يكون لحكمة، وأحيانًا الطريق الصعب هو اللي يوصلك للمكان اللي تتمناه.

توكلوا على الله، وخذوا بالأسباب، وخلوا قلوبكم معلقة بالله قبل أي شيء.
كثروا من الحوقلة، وأكثروا من الدعاء، ولا تستهينون بصلاة الوتر.

وذكّروا أنفسكم دائمًا:
لا إله إلا الله، ولا حول ولا قوة إلا بالله. 🤍

اسعوا، اجتهدوا، ادعوا، وتوكلوا على الله… والباقي على رب العالمين. 🤍

ما دام الله معك، لا تفقد الأمل.

رجاء خاص مختبرين اليوم
ربي يوفقكم يارب
اي احد اختبار اليوم ويتذكر الاسئلة يكتب لنا على الخاص @SNLESamrt
او على الشات https://t.me/SNLESmartReview


بلييز اي احد بيكتب بشات يكتب لي خاص وبعده حولوا لل قروب الشات عشان مايضيع اسئلة 🌷

بنزل اليوم ملف ساعه 9 باذن الله

اسئلة اليوم 🌷

ملخصات أنا مسويهم
انشريهم لهم لاتنسوني من دعواتكم

رجاء خاص مختبرين اليوم
ربي يوفقكم يارب
اي احد اختبار اليوم ويتذكر الاسئلة يكتب لنا على الخاص @SNLESamrt
او على الشات https://t.me/SNLESmartReview


بلييز اي احد بيكتب بشات يكتب لي خاص وبعده حولوا لل قروب الشات عشان مايضيع اسئلة 🌷

بنزل اسئلة اليوم ساعه 9:30 باذن الله