🌨နှင်းဝေသွန်းဖြိုး မျက်ရည်မိုး🌨
Snowy Night : Timeless Love / 七夜雪 (2024)

မင်္ဂလာပါ souler လေးတို့ရေ... 

ဒီတစ်ခေါက်မိတ်ဆက်ပေးချင်တဲ့ ဇာတ်လမ်းလေးကတော့ TianShan ဂိုဏ်းရဲ့တပည့်တစ်ဦးဖြစ်တဲ့ အရည်အချင်းရှိပြီး ထိန်းသိမ်းရခက်တဲ့ဓားသမား Huo Zhan Bai ရဲ့ဇာတ်လမ်းလေးတစ်ပုဒ်ပဲဖြစ်ပါတယ်...❄️

တစ်နေ့မှာ Huo Zhan Bai က သူ့သူငယ်ချင်းရဲ့သားအတွက် ဆေးဝါးတွေရှာဖွေနေရင်း ဆေးတောင်ကြားရဲ့သခင် Xue Zi Yue နဲ့တွေ့ဆုံခဲ့ပါတယ်...နှစ်ဦးသား အနိမ့်အမြင့်အတက်အကျ​တွေ ကြုံတွေ့ပြီးနောက်မှာတော့ Hue Zhan Bai ဟာ Xue Zi Yue ကိုတဖြည်းဖြည်းနဲ့ချစ်ကျွမ်းဝင်လာမိသွားတဲ့အခါ...

ဝါသနာကိုယ်စီရှိကြတဲ့ လူနှစ်ဦး အချင်းချင်း ယှဉ်ပြိုင်ရင်း ရင်းနှီးတဲ့သူငယ်ချင်းတွေဖြစ်လာခဲ့ပေမဲ့ ကိုယ်စီသယ်ပိုးထားရတဲ့တာဝန်ဝတ္တရားတွေကြောင့် သူတို့ရဲ့အချစ်ကို ထုတ်ဖော်ပြသနိုင်ပါ့မလား...အချစ်ခရီးလမ်းကို အတူလက်တွဲပြီး လျှောက်လှမ်းသွားနိုင်မလားဆိုတာကို ဇာတ်လမ်းလေးကနေတစ်ဆင့် အတူတူစောင့်မျှော်ကြည့်ရှုကြရအောင်ပါ...

(အညွှန်းရေးသားသူကတော့ Sunny ဖြစ်ပါ
တယ်)

Native Title: 七夜雪
Starrings: Joseph Zang & Li Qin
Genres: Romance, Wuxia, Fantasy
Episodes: 32
Aired: Oct 9-2024,-?
Original Network: CCTV; iQiyi

#ReviewBySunny
#SnowyNightTimelessLove
#七夜雪
#SoulKingdom

🌒 လမင်း၌တည်သော အမှောင်ခြမ်း🌒
Darkside Of The Moon / 黑色月光 (2024)

မင်္ဂလာပါ Souler လေးတို့ရေ... ဒီနေ့မှာတော့ ခံစားမှုအနိမ့်အမြင့်မျိုးစုံနဲ့ ရင်တမမကြည့်ရှုရမဲ့ "Darkside of the Moon" ဆိုတဲ့ဇာတ်လမ်းတွဲလေးနဲ့ မိတ်ဆက်ပေးချင်ပါတယ်...

- ဇာတ်လမ်းအညွှန်း -

လွန်ခဲ့တဲ့ ၁၈ နှစ်က Bao Ke လုပ်ငန်းစုရဲ့ အမွေဆက်ခံသူဖြစ်တဲ့ Jiang Ji Jun နဲ့ Kuang Yong Yuan ဟာ Yu Man Yue နဲ့ညီမဖြစ်သူကို အတင်းအဓမ္မပြုကျင့်ခဲ့ပါတယ်...

ဒါကို ဖခင်ဖြစ်သူ Jiang Zhe Xian ဟာသူ့ရဲ့အာဏာနဲ့ ရဲဖြစ်သူတွေကိုလာဘ်ထိုးပြီး သူ့သားရဲ့အပြစ်ကိုဖုံးကွယ်ထားခဲ့တဲ့အပြင် Yu Man Yue ရဲ့အဖေကိုပါ စွပ်စွဲပြီးထောင်ချခဲ့ပါတယ်...

ပိုက်ဆံရှိအသိုင်းအဝိုင်းကို မကျော်လွန်နိုင်တဲ့ Yu Man Yue တစ်ယောက် အဲဒီအချိန်မှာ လက်‌လျှော့ဖို့ကလွဲပြီး ဘာမှရွေးစရာမရှိဖြစ်ခဲ့ရပါတယ်...

သို့ပေမဲ့ ၁၈ နှစ်ကြာပြီးတဲ့နောက် အတောင်အလက်စုံလာတဲ့ Yu Man Yue တစ်ယောက် Jiang မိသားစုကို လက်စားချေဖြုတ်ချဖို့ ပြန်ပေါ်လာခဲ့ပါတော့တယ်...

၁၈ နှစ်ကြာ ရင်ထဲမှာတောက်လောင်နေခဲ့တဲ့ အမုန်းတရားတွေနဲ့ လက်စားချေလိုစိတ်တွေ ဖုံးလွှမ်းနေတဲ့ Yu Man Yue တစ်ယောက် Jiang မိသားစုကို ဖြုတ်ချနိုင်သွားမလား... လက်စားချေဖို့ကြိုးစားရင်း ဘယ်လိုအခက်အခဲတွေရင်ဆိုင်ရမလဲဆိုတာ သည်းထိတ်ရင်ဖိုစောင့်ကြည့်ရမဲ့ "Darkside of the Moon" ဆိုတဲ့ဇာတ်ကားလေးကို SoulKingdom Channel မှာကြည့်ရှုခံစားနိုင်ပါပြီနော်...😘

(ဇာတ်လမ်းအညွှန်းရေးသားသူကတော့ Hikazu ပဲဖြစ်ပါတယ်)

Native Title: 黑色月光
Starrings: Tavia Yeung & Kris Lam
Genres: Thriller, Drama
Episodes: 25
Duration: 45min
Airs: Oct 9, 2024
Original Network: TVB Jade Youku

#ReviewByHikazu
#DarksideOfTheMoon
#黑色月光
#ChineseDrama
#SoulKingdom

🌿𝙏𝙝𝙚 𝙍𝙞𝙨𝙚 𝙊𝙛 𝙉𝙞𝙣𝙜- 锦绣安宁 (2024)🌿
မေတ္တာကြိုးတို့ ထုံးနှောင်ရာ💕

သီးခြားစံအိမ်တော်တစ်ခုမှာ ကြီးပြင်းလာတဲ့ လော့မိသားစုရဲ့သမီးငယ် "Luo YiNing"၊
သူမဟာ အိမ်တော်ရဲ့တင်းကျပ်တဲ့စည်းမျဥ်းစည်းကမ်းတွေကို ဘယ်တုန်းကမှ လိုက်နာလေ့မရှိတဲ့ သခင်မလေးပေါ့။
သူမဟာ သူမရဲ့ဝမ်းကွဲအစ်ကို(၃)ဖြစ်သူ "Luo Shen Yuan"ရဲ့အနိုင်ကျင့်ခံရမှုတွေကို သည်းမခံနိုင်သူဖြစ်ပြီး အစ်ကိုဖြစ်သူကို အကြိမ်ပေါင်းများစွာကူညီပေးခဲ့ပါတယ်။
အချိန်ကာလတွေ ကြာလာခဲ့ပြီး တစ်ရက်မှာ လူတကာရဲ့ဖိနှိပ်ခံဖြစ်သူ "Luo Shen Yuan"က စာပေပိုင်းရော ဓားရေးပိုင်းမှာပါ ထူးချွန်တဲ့အကြောင်းကို သူမ သိသွားခဲ့ပါတယ်။

"Luo YiNing"ဟာ နှလုံးသားရေးရာမှာ နာကျင်မှုခံစားရပြီးနောက်ပိုင်းမှာ သူမကိုယ်သူမ အိမ်တော်ရဲ့ချုပ်ချယ်မှုတွေကို မခံချင်တော့ပါဘူး။အဲဒါကြောင့်ပဲ လွတ်မြောက်ဖို့ ကြိုးစားရင်း သူမကိုယ်ပိုင်အင်အားကို အသုံးချပြီး ဆိုင်တစ်ဆိုင်ဖွင့်လှစ်ရင်း အမှီအခိုကင်းမဲ့စွာ နေထိုင်ခဲ့ပါတယ်။

တစ်ဖက်မှာလည်း "Luo ShenYuan"က သူ့ဆရာဖြစ်သူ သေဆုံးမှုနောက်ကွယ်က အမှန်တရားကို စုံစမ်းနေခဲ့ပါတယ်။"Luo ShenYuan"ရဲ့အကူအညီနဲ့ "Luo YiNing"ဟာ သူမမွေးမိခင်ကို သတ်ခဲ့သူကို အပြစ်ပေးနိုင်ခဲ့ရုံသာမကဘဲ ဆိုင်ကိုလည်း ကောင်းစွာစီမံနိုင်ခဲ့ပါတယ်။
"Luo ShenYuan"ကလည်း သူ့ရဲ့ထူးချွန်မှုတွေကို သိထားတဲ့ "Luo YiNing"ရဲ့အကူအညီနဲ့ နန်းတွင်းစာမေးပွဲတွေကို ဖြေဆိုနိုင်ခဲ့ရုံမက အောင်မြင်မှုဟာလည်း တစ်စတစ်စ ရရှိလာခဲ့ရင်း နှစ်ဦးကြားက မေတ္တာပန်းတွေဟာလည်း ပွင့်လန်းလို့လာခဲ့ပါတယ်။

"Luo ShenYuan"ဟာ နန်းတွင်းစာမေးပွဲဖြေဆိုအောင်မြင်ပြီးနောက်မှာ ဆရာဖြစ်သူရဲ့သေဆုံးမှုနောက်ကွယ်က အဖြစ်မှန်ကို ဘယ်လိုဖော်ထုတ်မလဲ၊"Luo YiNing"ကလည်း "Luo ShenYuan"ကို အမတ်ချုပ်တစ်ယောက်ဖြစ်လာအောင် နောက်ကွယ်ကနေ ဘယ်လိုတွေ ကူညီပံ့ပိုးသွားမလဲဆိုတာ ဒီဇာတ်လမ်းလေးထဲမှာ စောင့်မျှော်လိုက်ကြရအောင်ပါ🧡

• Native Title: 锦绣安宁
• Also Known As: Long Life Long Street , Chang Jie Chang , Shou Fu Yang Cheng Shou Ce , Jin Xiu An Ning , 首辅养成手册 , 長街長 , 长街长
• Starring: Zhang WanYi,Ren Min,Ci Sha,Nine
• Director: Mai Guan Zhi
• Screenwriter: Zhu Qi, Mo Yan Shang, Qiu Ting
•Genres: Historical, Romance, Drama
• Episodes: 40
• Air: Oct.10.2024

#锦绣安宁
#TheRiseOfNing
#TheSoulKingdom