"Dolzarb 60 kun" tadbiri doirasida Surxondaryo viloyatining Sherobod tumanida joylashgan Surxon davlat qo‘riqxonasi hududida viloyat Favqulodda vaziyatlar boshqarmasi, Sherobod tumani Favqulodda vaziyatlar bo‘limi, Davlat xavfsizlik xizmati Chegara qo‘shinlari, Milliy gvardiya, Hududiy elektr tarmoqlari korxonasi hamda Surxon davlat qo‘riqxonasi xodimlari hamkorligida o‘rmon hududlarida yuzaga kelishi mumkin bo‘lgan favqulodda vaziyatlarni bartaraf etishga qaratilgan o‘quv-amaliy taktik mashq o‘tkazildi.
Mashq davomida shartli ravishda yuzaga kelgan o‘rmon yong‘inini bartaraf etish, yong‘inning keng hududga tarqalishining oldini olish, kuch va vositalarni tezkor safarbar etish hamda hamkor tashkilotlarning o‘zaro muvofiqlashtirilgan harakatlari amaliy jihatdan sinovdan o‘tkazildi.
O‘quv-amaliy taktik mashq davomida ishtirokchi xizmatlarning o‘zaro hamkorligi, tezkor harakatlarni muvofiqlashtirish hamda favqulodda vaziyatlarga tayyorgarlikni yanada mustahkamlashga qaratilgan amaliy ko‘nikmalar oshirildi.

"Dolzarb 60 kun" tadbiri doirasida Surxondaryo viloyati Favqulodda vaziyatlar boshqarmasi xodimlari Surxon davlat qo‘riqxonasi mas'ullari bilan hamkorlikda "Surxon-Beshbuloq" hamda "Neftchi" bolalar oromgohlarida keng qamrovli profilaktik tadbirlar o'tkazdi.
Tadbirlar davomida oromgohlarning yong'in xavfsizligi holati atroflicha o'rganilib, hududlarda yong'in xavfsizligi talablariga rioya etilishi, birlamchi yong'in o'chirish vositalarining shay holati, evakuatsiya yo'laklari hamda elektr xo'jaligining texnik holati nazorat qilindi.
Shuningdek, oromgoh rahbariyati va mas'ul xodimlarga favqulodda vaziyatlarning oldini olish, yong'in sodir bo'lgan taqdirda to'g'ri va tezkor harakat qilish, shuningdek, bolalarning xavfsiz dam olishini ta'minlash yuzasidan amaliy tavsiyalar hamda qo'shimcha yo'riqnomalar berildi.
Surxondaryo viloyati Favqulodda vaziyatlar boshqarmasi tomonidan hamkor tashkilotlar bilan birgalikda yozgi sog'lomlashtirish maskanlarida xavfsizlikni ta'minlashga qaratilgan profilaktik tadbirlar izchil davom ettirilmoqda.