⬛️ အာဇာနည်နေ့အထိမ်းအမှတ်အနေဖြင့် ရန်ကုန်တွင် စစ်အာဏာရှင်စနစ်ဆန့်ကျင်ရေးလှုပ်ရှားမှုပြုလုပ်

၂၀၂၄၊ ဇူလိုင် ၁၇

စစ်ကောင်စီတပ်များ လုံခြုံရေးတင်းကြပ်နေသည့်ကြားမှ ရန်ကုန်မြို့တစ်နေရာတွင် ယနေ့ ဇူလိုင်လ ၁၇ ရက်နေ့၌
21 UNION EAGLES & SANCHAUNG NEW GENERATION တို့ပူးပေါင်းပြီး အာဇာနည်နေ့ အထိမ်းအမှတ်အနေဖြင့်
“ ငြိမ်နေပြီး အသေမခံကြဘဲ
တော်လှန်ပြီး ရှင်သန်ကြမယ်
ပြည်သူတို့ ရန်ကုန်မှာ ငါတို့ရှိတယ် “ ဘန်နာစာသားကိုင်စွဲပြီး စစ်အာဏာရှင်စနစ်ဆန့်ကျင်ရေး လှုပ်ရှားမှုတရပ် ပြုလုပ်ခဲ့ပါသည်။

#စမ်းချောင်းပင်မသပိတ်စစ်ကြောင်း

အာဇာနည်နေ့တွင် စမ်းချောင်းပင်မသပိတ်စစ်ကြောင်းမှ စစ်အာဏာရှင်ဆန့်ကျင်ရေးလှုပ်ရှားမှုပြုလုပ်

ယနေ့ အာဇာနည်နေ့ (၁၉.၇.၂၀၂၄) ၌ ရန်ကုန်တွင် လုံခြုံရေးအင်မတန်တင်းကြပ်ထားသည့်ကြားမှ “ဦးအောင်ဆန်းရေ အာဏာရှင်တစုကြောင့် လူထုမျက်ရည်ကျနေရပြီ” ဟူသော စာတန်းချိတ်ဆွဲခြင်းအား ကျွန်ုပ်တို့စမ်းချောင်းပင်မသပိတ်စစ်ကြောင်း(SC Strike)မှ ပြုလုပ်ခဲ့သည်။

ယခုမျက်မှောက်ကာလတွင် မင်းအောင်လှိုင်ဦးဆောင်သောလူတစ်စုမှ အကြ*မ်းဖက်စစ်အာဏာသိမ်းထားမှုကြောင့် တိုင်းပြည်နိုင်ငံမှာ အဖက်ဖက်မှ ပြိုကျပျ*က်စီးနေပြီး ပြည်သူလူထုတစ်ရပ်လုံးမှာ အခက်အခဲ၊အကြပ်အတည်း မျိုးစုံ ကြုံတွေ့ခံစားရလျှက်ရှိပါသည်။ဤကဲ့သို့သော အခြေအနေတွင် “တိုင်းပြည်နှင့်ပြည်သူလူထုကိုသာရှေ့တန်းတင်ပြီး ဆောင်ရွက်တတ်သော တပ်မတော်၏တည်ထောင်သူ ဦးအောင်ဆန်းလိုဗိုလ်ချုပ်မျိုးကို လွမ်းဆွတ်တမ်းတသောရည်ရွယ်ချက်ဖြင့်” ယခုလှုပ်ရှားမှုအား ကျွန်ုပ်တို့ စမ်းချောင်းပင်မသပိတ်စစ်ကြောင်း(SC Strike) မှပြုလုပ်ခဲ့ခြင်းဖြစ်ပါသည်။

#စမ်းချောင်းပင်မသပိတ်စစ်ကြောင်း

အဆုံးသတ်တိုက်ပွဲကို အာဇာနည်သွေးနဲ့ ရေးထိုးကြ

၁၉၊ဇူလိုင်၊၂၀၂၄

ပြည်သူတွေရဲ့ခံစားချက်တွေ တော်လှန်ရေးညီအစ်ကိုမောင်နှမတွေရဲ့ စိတ်ဓါတ်တွေပြင်းထန်နေတုန်း ခိုင်မာနေတုန်းဆိုတာကိုပြသတဲ့အနေနဲ့ မုန်တိုင်းကြားကသက်တံများအဖွဲ့နှင့်စမ်းချောင်းပင်မသပိတ်စစ်ကြောင်း တို့ပူးပေါင်းကာ အာဇာနည်ခေါင်းဆောင်ကြီးများနှင့်တကွနွေဦးတော်လှန်ရေးအတွင်းမြင့်မြတ်စွာကျဆုံးသွားသောတော်လှန်ရေးရဲဘော်များအားလုံးကို လွမ်းဆွတ်သတိရပြီးအလေးပြုပါတယ်။

စမ်း​ချောင်းပင်မသပိတ်စစ်​ကြောင်း(SC Strike)နှင့်မုန်တိုင်းကြားကသက်တံများ ကမ်ပိန်းပုံရိပ်များ

#စမ်းချောင်းပင်မသပိတ်စစ်ကြောင်း
#sc_strike
#အဆုံးသတ်အောင်ပွဲဆီ_လူထုလှိုင်းတွေနဲ့တက်စုံဖွင့်ရွှက်ကုန်လွှင့်ချီ