❝ Our Ambassador - Our Voice ❞

“ ငါတို့ သံအမတ် - ငါတို့ အသံ ”

═══════════

အခု စက်တင်ဘာလမှာ ကမ္ဘာ့ကုလသမဂ္ဂအဖွဲ့ကြီးရဲ့ နှစ်စဉ်အထွေထွေညီလာခံ စတင် ကျင်းပပါပြီ။ ဒီနှစ်မှာလည်း ကုလသမဂ္ဂအဖွဲ့ကြီးအနေနဲ့ ပြည်သူ့အစိုးရ NUG နဲ့ ပြည်သူ့ သံအမတ်ကြီး ဦးကျော်မိုးထွန်းတို့ကို လက်ခံအသိအမှတ်ပြုပေးဖို့ ပြည်သူများက မဖြစ်မနေ တောင်းဆိုတိုက်ပွဲဝင်သွားကြမှာ ဖြစ်ပါတယ်။ ဒီ တရားဝင်မှုအရေးတိုက်ပွဲ (Credential Campaign) ကို ပြည်သူအားလုံးက ဝိုင်းဝန်းကြိုးပမ်း‌၊ ဆင်နွှဲကြသွားကြမှာ ဖြစ်ပါတယ်။ တချိန်တည်းမှာပဲ ကမ္ဘာ့ကုလသမဂ္ဂ စင်မြင့်ထက်မှာ ဖက်ဆစ်အကြမ်းဖက် စစ်အုပ်စုကို လုံးဝ လက်မခံဖို့၊ အသိအမှတ် မပြုဖို့ တောင်းဆိုကြရမှာ ဖြစ်ပါတယ်။


ကမ္ဘာ့ကုလသမဂ္ဂလို အဖွဲ့အစည်းကြီးမှာ မြန်မာ ပြည်သူလူထုကို ကိုယ်စားပြုတဲ့ သံအမတ်ကြီး ဦးကျော်မိုးထွန်း ရှိနေခြင်းသည် ဒီပြည်သူ့နွေဦးတော်လှန်ရေးကြီးရဲ့ အင်မတန်မှ ထူးခြားကောင်းမွန်လှတဲ့ အားသာချက်ကြီးတရပ် ဖြစ်ပါတယ်။ မြန်မာနိုင်ငံမှာ ရှေးယခင် ဘယ်တော်လှန်ရေးအချိန်အခါမှာမှ မရှိဖူး၊ မရဖူးတဲ့ အခွင့်အရေးလည်း ဖြစ်ပါတယ်။ သံအမတ်ကြီး ဦးကျော်မိုးထွန်းဟာ ကမ္ဘာကြီးနဲ့ နိုင်ငံတကာ အသိုင်းအဝိုင်းက သိရှိနားလည်ဖို့အတွက် မြန်မာလူထုရဲ့အသံကို ကုလသမဂ္ဂစင်မြင့်ထက်မှာ တရားဝင် ထုတ်ဖော်ပြောဆိုနိုင်သူ ဖြစ်ပါတယ်။ အဲဒီလိုအခွင့်အရေးမျိုးက သံအမတ်ကြီးတဦးတည်းမှာသာ ရှိပါတယ်။ ဒါ့ကြောင့် မြန်မာလူထုရဲ့ အသံကို သံအမတ်ကြီးက နိုင်ငံတကာ အသိုင်းအဝိုင်းမှာ ဆက်လက် လက်ကမ်း တင်ပြ၊ ဆက််သွယ်၊ ထုတ်ဖော်ပေးနိုင်ဖို့ဆို လက်ရှိနေရာကို ဆက်လက် ရရှိနေဖို့ အထူးလိုအပ်ပါတယ်။


ကမ္ဘာ့ကုလသမဂ္ဂအဖွဲ့ကြီးရဲ့ အဓိက တာဝန်တွေက ကမ္ဘာ့ငြိမ်းချမ်းရေး၊ လုံခြုံရေးနဲ့ တရားမျှတမှုတို့ကို ဆောင်ကြဉ်းပေးနိုင်ဖို့ ဖြစ်တယ်လို့ နားလည်ပါတယ်။ ဖက်ဆစ်အကြမ်းဖက်စစ်အုပ်စုဟာ ပြည်သူ့အသက် အိုးအိမ်စည်းစိမ်ကို အချိန်နဲ့အမျှ အကြမ်းဖက်နေတယ်၊ သတ်ဖြတ်နေတယ်၊ ဖျက်ဆီးနေပါတယ်။ ဒီဖက်ဆစ်အုပ်စုဟာ ရာဇဝတ်မှုမျိုးစုံကို ကျူးလွန်နေတဲ့ စစ်ရာဇဝတ်ကောင်တွေ ဖြစ်ကြတယ်။ မြန်မာပြည်သူတရပ်လုံးက အကြမ်းဖက်စစ်အုပ်စုကို လုံးဝ လက်မခံကြဘူးဆိုတာကို ဖိနှိပ်မှုမျိုးစုံကြားကနေ အချိန် (၂) နှစ်ခွဲ ကြာမြင့်သည်အထိ ပုံစံမျိုးစုံနဲ့ ဖော်ထုတ်ပြသကြလျက်ပါ။


ကြားကာလ အမျိုးသားညီညွတ်ရေးအစိုးရ (NUG) ဟာ တော်လှန်ရေးရဲ့ လိုအပ်ချက်ကြောင့် ပေါ်ပေါက်လာပြီး ပြည်သူတရပ်လုံးက ထောက်ခံကြတဲ့ ပြည်သူ့တရားဝင် အစိုးရ ဖြစ်တယ်ဆိုတာက ထင်ရှားပေါ်လွင်ပြီး ဖြစ်ပါတယ်။ NUG နဲ့အတူ အမျိုးသားညီညွတ်ရေး အတိုင်ပင်ခံကောင်စီ (NUCC)၊ ပြည်ထောင်စုလွှတ်တော်ကိုယ်စားပြုကော်မတီ (CRPH) တို့ဟာ ပြည်သူ့ကိုယ်စားပြု၊ တော်လှန်ရေးတပ်ဦး အဖွဲ့အစည်းတွေအဖြစ် ပြည်သူလူထုတရပ်လုံးက တလေးတနက် သတ်မှတ်လက်ခံထားကြပြီးဖြစ်ပါတယ်။


ဒါ့ကြောင့် ကမ္ဘာ့ကုလသမဂ္ဂအဖွဲ့ကြီးအနေနဲ့‌သာမက ကမ္ဘာ့နိုင်ငံတနိုင်ငံချင်းစီကလည်း ပြည်သူ့ အစိုးရဖြစ်တဲ့ NUG အစိုးရကိုသာ မြန်မာ့တရားဝင် အစိုးရအဖြစ် လက်ခံဖို့၊ ပြည်သူ့သဘောဆန္ဒနဲ့အညီ ရပ်တည်ပြီး NUG ရဲ့ ဦးဆောင်မှုနဲ့ချီတက်နေတဲ့ ဦးကျော်မိုးထွန်းကိုသာ ကုလသမဂ္ဂဆိုင်ရာ မြန်မာသံအမတ်ကြီးအဖြစ် ဆက်လက် အသိအမှတ်ပြုဖို့ မြန်မာပြည်သူတရပ်လုံးက အလေးအနက် တောင်းဆိုအပ်ပါတယ်။


ဒါ့အပြင်၊ စစ်ရာဇဝတ်ကောင်တွေဖြစ်ကြတဲ့ အကြမ်းဖက် အာဏာသိမ်းစစ်အုပ်စုကို ကမ္ဘာကြီးက လက်ပိုက်ကြည့်မနေဘဲ ထိုက်သင့်သလို ပြစ်ဒဏ်စီရင်၊ တုန့်ပြန်ကြဖို့လည်း တောင်းဆိုအပ်ပါတယ်။ ဒါမှသာလျှင် အမှန်တရား၊ တရားမျှတမှုနဲ့ ကမ္ဘာ့ငြိမ်းချမ်းရေးတို့ကို အမှန်တကယ် လိုလား၊ ထိန်းသိမ်း၊ ကာကွယ်လိုပါတယ်ဆိုတဲ့ ကမ္ဘာ့ကုလသမဂ္ဂအဖွဲ့ကြီး တည်ရှိစုဖွဲ့ရခြင်းဟာ အဓိပ္ပာယ်ရှိတဲ့ တည်ရှိခြင်း၊ အကျိုးရှိတဲ့ တည်ရှိခြင်း ဖြစ်ပါလိမ့်မယ်။


ပြည်သူ‌အပေါင်းတို့ခင်ဗျား-


ပြည်သူ့အစိုးရ NUG အတွက်၊ ကုလ သံအမတ်ကြီး ဦးကျော်မိုးထွန်းအတွက် တရားဝင်မှုအရေးတိုက်ပွဲ (Credential Campaign) ကို ပြည်သူအားလုံးက ဝိုင်းဝန်းကြိုးပမ်း‌၊ ဆင်နွှဲကြဖို့ အချိန်ကျရောက်လာပါပြီ။ ဒီအတွက် မြေပြင်ကော၊ အွန်လိုင်းမှာပါ (Online, On-ground) လူထုတိုက်ပွဲ၊ လူထု လှုပ်ရှားမှုတွေ အများကြီးဆင်နွှဲကြဖို့ လိုအပ်မှာဖြစ်ပါတယ်။


ပြည်သူ့အားကို အများကြီး လိုအပ်ပါတယ်ခင်ဗျား။ အားလုံးအတူတကွ ဝိုင်းကြ၊ ဝန်းကြ တိုက်ပွဲဝင်ကြပါစို့။


ဖက်ဆစ်စစ်တပ် အမြစ်ဖြတ်။


အာဏာရှင်စနစ်ဟူသမျှ မုချ ကျဆုံးရမည်။


ဖက်ဒရယ်ဒီမိုကရေစီပြည်ထောင်စု မုချ တည်ဆောက်နိုင်ရမည်။


အရေးတော်ပုံ အောင်ရမည်။


#OurAmbassadorOurVoice


#ငါတို့သံအမတ်ငါတို့အသံ


#UKYAWMOETUN4MYANMAR


#MYANMAR4UKYAWMOETUN


#AcceptNUGRejectMilitary


#CredentialCampaign

တိုက်ပွဲ အောင်ပန်းဝင်

မုံရွာအကျဉ်းထောင်မှာရှိတဲ့ နိုင်ငံရေးအကျဉ်းသားတွေရဲ့ အစာငတ်ခံ တိုက်ပွဲဝင်မှုဟာ နောက်ဆုံးအခြေအနေမှာ အနိုင်ရရှိခဲ့ပါတယ်။

နိုင်ငံရေးအကျဉ်းသားတွေရဲ့ တောင်းဆိုချက် (၄) ချက်ကို ထောင်အာဏာပိုင်တွေဖက်က လိုက်လျောသဘောတူခဲ့ကြရတာ ဖြစ်ပါတယ်။

ဒီလိုအခြေအနေကို ပြန်လည်ရရှိလာတာ ထောင်တွင်း နိုင်ငံရေးအကျဉ်းသားတွေရဲ့ ခိုင်မာတဲ့ စိတ်ဓာတ်နဲ့ ဖိနှိပ်ညှင်းပန်းမှုကို ခုခံတွန်းလှန်နိုင်ခဲ့တာကြောင့် ဖြစ်ပါတယ်။

အနိုင်မခံ အရှုံးမပေးတဲ့ နိုင်ငံရေးအကျဉ်းသားတွေရဲ့ တော်လှန်သော စိတ်ဓာတ်ကို ကျွန်ုပ်တို့ မုံရွာလူထုသပိတ် တိုက်ပွဲ ဦးဆောင်ကော်မတီက လေးစားစွာ မှတ်တမ်းတင် ဂုဏ်ပြုပါတယ်။

#မုံရွာအကျဉ်းထောင်
#နိုင်ငံရေးအကျဉ်းသား
#အစာငတ်ခံဆန္ဒပြ
#hungerstrike
#မုံရွာလူထုသပိတ်တိုက်ပွဲဦးဆောင်ကော်မတီ
#စမ်းချောင်းပင်မသပိတ်စစ်ကြောင်း
#ScStrike

“အကြ-မ်းဖက်စစ်ကောင်စီမှ လိမ်လည်မည့် အတုအယောင်ရွေးကောက်ပွဲအား အလိုမရှိကြောင်း ဆန္ဒဖော်ထုတ်”
၂၀၂၃ ခုနှစ် စက်တင်ဘာလ ၁၂ ရက်နေ့တွင် စမ်းချောင်းပင်မသပိတ်စစ်ကြောင်းမှ ရန်ကုန်မြို့ရှိပြည်လူထု ထူထပ်သောနေရာများတွင် အတုအယောင် ရွေးကောက်ပွဲ အလိုမရှိကြောင်းကို စတစ်ကာများကပ်ပြီး ဆန္ဒဖော်ထုတ်ခဲ့ကြသည်။
ပြည်သူ့အစိုးရ (NLD) လက်ထက် သန့်ရှင်းတဲ့ရွေးကောက်ပွဲရလဒ်ကို လက်နက်အားကိုးနဲ့ ချေဖျက်ခဲ့သည့် စစ်ကောင်စီက ၎င်းတို့အာဏာတည်မြဲရေးအတွက် ပြည်သူ့သွေးများကို လမ်းခင်းပြီး ပြုလုပ်မည့် အဓိပ္ပါယ်မရှိသော အတုအယောင်ရွေးကောက်ပွဲဟာ အကြမ်းဖက်စစ်အာဏာရှင်များသက်ဆိုးရှည်ရေးနှင့် ၎င်းတို့၏ စည်းစိမ်၊ဥစ္စာ၊အာဏာ ထာဝရ တည်မြဲရေးအတွက် တိုင်းပြည်ဖျက်မည့် အကြံအစည်ပင်ဖြစ်သည်။ နိုင်ငံအာဏာကို လက်နက်ကိုင်ပြီး အကြမ်းဖက်လုယူပြီး နိုင်ငံတော်ပုန်ကန်မှုကျူးလွန်ခဲ့​သော အကြမ်းဖက်စစ်အုပ်စုသည် တစ်နေ့တစ်ချိန်တွင် ဧကန်မုချ ပြည်သူ့တရားစီရင်ခြင်းခံရမည်ဖြစ်သည် ။ မိမိတို့ အနေနဲ့ အကြမ်းဖက်စစ်အုပ်စုကပြုလုပ်ရန်ကြိုးစားနေသည့် အတုအယောင်ရွေးကောက်ပွဲကို ပြည်သူလူထုသဘောဆန္ဒနှင့် အညီ ဆန့်ကျင် ကန့်ကွက်ပြီး လုံးဝ” လက်မခံကြောင်း အတိအလင်း ကြေညာအပ်ပါသည်။

https://sanchaungstrike.org/အကြမ်းဖက်စစ်ကောင်စီ-လိမ/

#PeoplePowerNetwork
#ScStrike
#စမ်းချောင်းပင်မသပိတ်စစ်ကြောင်း
#အရေးတော်ပုံအောင်ရမည်

အပြင်းအထန် Boycott လုပ်မဲ့ အာဏာသိမ်းစစ်ခေါင်းဆောင်သမီးပိုင်ဆိုင်တဲ့ 7Sense ရဲ့ ❝ အချိန်လွန်မိုး ❞ရုပ်ရှင်ကား

ပရိသတ်စိတ်ဝင်စားမှုရအောင် ပရိုမိုးရှင်းတွေဆက်တိုက်ပြုလုပ်နေတဲ့ အကြမ်းဖက်စစ်ခေါင်းဆောင်သမီး ခင်သီရိသက်မွန် ပိုင်ဆိုင်သည့် 7 Sense ထုတ်လုပ်ရေးအနေဖြင့် ရိုက်ကူးထားသည့် ❝ အချိန်လွန်မိုး ❞ ဇာတ်ကားကို စက်တင်ဘာ ၂၂ ရက်တွင် SM Winner ထုတ်လုပ်ရေးအမည်ဖြင့် ရုံတင်ရန်စီစဉ်နေပြီး ပြည်သူလူထုအနေနဲ့ သွားရောက်ကြည့်ရှူခြင်းမပြုကြပဲ Boycott လုပ်ကြရန် တိုက်တွန်းနိုးဆော်အပ်ပါ။

ထို့ပြင် ❝ အချိန်လွန်မိုး ❞ ဇာတ်ကား၏ အထူးပွဲကို စက်တင်ဘာ ၁၉ ရက် ညနေတွင် သမ္မတ ရုပ်ရှင်ရုံ၌ ပြုလုပ်မည်ဖြစ်
သည်။

(အာဏာသိမ်း​ခေါင်​ဆောင်၏ သမီး ခင်သီရိသက်မွန်နှင့် ၎င်း၏မိတ်​ဆွေများ ပိုင်ဆိုင်​သော 7 Sense ရုပ်ရှင်ထုတ်လုပ်​ရေးက ❝ စတုတ္ထမြောက်သွေးကြောမျှင် ❞ ရုပ်ရှင်ကို ဆုံမှတ်ထုတ်လုပ်​ရေးဟု အမည်​ပြောင်းခဲ့ပြီး ၊ ❝ အချိန်လွန်မိုး ❞ ကို SM Winner ထုတ်လုပ်​ရေးအမည်ဖြင့် အမည်​ပြောင်းထုတ်လုပ်လာခြင်းဖြစ်သည် )

#စမ်းချောင်းပင်မသပိတ်စစ်ကြောင်း
#ScStrike

❝ ရန်ကုန်မြို့လယ် စျေးတစ်ခုတွင် အာဏာရှင်ဆန့်ကျင်ရေးလှုပ်ရှားမှုပြုလုပ် စျေးသွားစျေးလာပြည်သူများပူးပေါင်း ❞

၂၀၂၃ ခုနှစ်၊ စက်တင်ဘာ ၂၀ ရက်။

ရန်ကုန်မြို့လယ်ရှိ စျေးတစ်ခုတွင် စစ်အာဏာရှင်စနစ်ကို ဆန့်ကျင်တော်လှန်ပြီး လုံးဝ(လုံးဝ)အုပ်ချုပ်ခွင့်မရစေရေး တော်လှန်လှုပ်ရှားမှုတစ်ရပ်ကို

"စမ်းချောင်းပင်မသပိတ်စစ်ကြောင်း (Sc Strike)"

မှ လူစည်းကားရာနေရာတစ်ခု၌ ပြည်သူအများကြားတွင်အာဏာရှင်စနစ်ဆန့်ကျင်ရေးလှုပ်ရှားမှုနှင့် ပြည်သူများအားလှုံ့ဆော်မှု ပြုလုပ်ခဲ့သည်။

အဆိုပါလှုပ်ရှားမှုတွင် စစ်အာဏာရှင်စနစ်ဆန့်ကျင်သောသီချင်းများအား Bluetooth speaker ဖြင့်ဖွင့်ခဲ့ပြီး ပြည်သူလူထုမှပူးပေါင်းပါဝင်ခြင်းနှင့် အားပေးထောက်ခံမှုများကို အားတက်ဖွယ် တွေ့မြင်ခဲ့ရပါသည်။
ပြည်သူ့အရေးတော်ပုံ မုချ အောင်ရမည်။


#စမ်းချောင်းပင်မသပိတ်စစ်ကြောင်း
#peoplepower2023
#ScStrike
#အကြမ်းဖက်စကစ_လုံးဝအုပ်ချုပ်ခွင့်မရစေရ