تشتاقلي وتختنگ
لو قررت تنسى؟
اصدمني اريد انصدم
عشرتنا چانت صدگ
لو تعتبر ونسى؟
هذا الاحساس الچنت
اتمنّى ماحسه

حين رايت محبوبي مرتاح
ويعيش حياته باستقرار
ف راودني
سوال
من اجيت وبيك الم كل السنين
صدري ضمك هيه جانت وينهه

اذا غيري لكيت
وغايتك ترتاح
روح يحرسك الله
وبالخير داعيلك
واذا وي غيري تلكه المالگيته وياي
يحقلك لو رحت شتريد اسويلك ..

تباوع ع السمه وتكلي
يمته تطير؟
وتفكة صيد شفتك
ب الظهر شايل..

بس وحگك
باچر يعوفوك كلهُم
وحدك ترجعلي ذابل !
باچر أثار الغرُب هوسه اعلى خصرك
اكثر من أثار بابل .

شليّ بأخبار الحبيبة الماتَحب
وشليّ بعيون الوسيعة ..
الما تشوف بعيني نضرات المحب ..

-

تدرون ضيمي منين بادي؟
من البصرة لأطراف الرمادي
وهذا الحچي بيا ديرة سادي
زعلان اگله يگلي عادي

رهِينة بمَعركة وأخِر سهّم ضَال
وَإنتَ تخيّل شَگد رَكزت بيّك.

يم دَاركم
مو صدفة وداني الدرب
انه المشِيت بحسرتي
مخنوگ والريه بچت
رَادت تشم اترَابكم .

عليّ فَضلت وادم تنعرض بالسوك
لا من طينتي ولا تنحَط بصفي
أنا برى القَصر بـس قالق السُلطان
و هُمة وية العَبيد الواگفة تهفي
عِلة صوتي عليك أعذرني ما مَقصود
بس بلا صياح العتب ما يشفي

ضعفي هذا المستحل ؟
گلشي بحياتي !
بالبداية چان ضعفك ..

چنت ما ضامن وجودي
والقلق تارس عيونك !
لان خايف لا أعوفك ..
ومن ضكت لذة وجودي
وصرت نقطة ضعف عندي
راح خوفك ..

تلاگينه والمُشكلة واحد مركز بقى
والثاني متغاضي
ملگه عَجوز وطفل شفت انه مُستقبلي بس
شافني الماضي ! ...