تسُولفلي على النده وتحرك بساتينِي
وعن الحسِين درس تريد تنطينِيي

يالمعَوضتني
گُل تعَبني شجازي
عيونچ الحلوه
شجازي
الگَبل لا أعثر
تگلي اندارلك
فِدوة .

يرحُون مدري شلون يرحُون
مشيه حرَامي بليل يمشُون

و مطعون أنا مِن كل صوب
تين و عِد بلابُل روحِي مشمورة
أطلع صورتك من گلبي؟ گلي شلون
يـ شَعرة بعين وَاحد ايدة مبتورة

خسَارتنا چبيرة و غشمه عالسُوگ
بعنه عقولنا بسوگ المجَانين

رحت محتار مِثل الماشي للموت
تايه والجدام تريد ادلها
رِحت وشايل گلب من ينبض يخاف
وخطواتي التردد يستحلها

لاتجيني
ماتت أللهفه القديمه
وشيعت بيدك حنيني
وجهي وردّ من تركتك
وساعة السوده العرفتك
ما اريدك لا تجيني

وأيدي بأيِدچ
وأعترفلِج
الشَوارع والمُدن
كُلها تخَوف
وانتِ وعَيونچ أمان .

النذرتلهم سنينك
عيشوك بلايه واهس
واللي صرتلهم بحر
ما صارو بجرفك نوارس .

يونس زين عمي بحوت مبلوع
انه بحلگ الشماته الما يرحمون

من ماتلگه ناس لحزنك تلوگ
تصير سنينك بگد المواليد.

وهاذ الفجر طر وانه واعي
وليل خلصته بنواعي
ياكلبي تعبك ماله داعي
ياكلبي بسك تعب كافي
سهران لجله وهوه غافي
نايم الجنت اطلعله حافي
بس المهم نوم العوافي

يخوفني انتظارك
وأشرد مِن الخوف
وأحس حتى خيالك
يمي تهديد
انا بالگوه ناسي
شجابك اليوم
كِل عقلك تردني
وبالهوى نعيد
انا باچي لحضرتك
دجلة مرتين
ولابسلك سواد
بليلة العيد
إذا كملت حچيك
تندل الباب
لأن هذا كلامك كل
شي ميفيد
شتريد انسى وأردلك
و فعلك وياي ؟
وانا تنازلت حَد
بوسة الأيد
يمكن چنت اريدك
تبقى وياي
وطابت روحي منك
كل شي متريد…

راجع المن ؟؟
ماكو شي يجمعني بيك
امس كتلك الدنيا توكف
اليوم ماتوكف عليك
خسرت كلشي وكلشي ضاع
شنهو ابيعن واشتريك؟؟
اني شاب وصرت شايب بين اديك
حته كلبي هم أدوسه
ورجلي اكسرها اذا رادت تجيك
ابقه وحدك مالي اي موضوع بيك
ع الصار وطلع منك عمي خلفله عليك.