خايف تروحين واذبل
والعطش يترس مكاني
وخايف اشرب روحتج
واخذلي ليل وما اتاني
هاي صار سنين بارد
محد بملگاه جواني
شلون ماطگت عشب
بية الثواني
ويخلص الليل
ويخضر ليل ثاني
بية واهس كافر وربج هداني

يعني هيج برأيك انتَ ؟
تبدي قصة حب جديدة
واني ما تنطيني فرصة !!
ليلي من يبدي وبدونك
انتَ كلي شلون اخلصة
انتَ يرضيك
انثر كبالي صورنا
وغصة تشمرني اعلة غصة

لا تستغل حبي الك
وتكول باچر ترد
ما تعرف اعنادي
كالولي وادي النجف بليل يرهب زلم
هزيت اديه وبتت يومين بالوادي
ومنا ورايح بعد مثل أصدقاء الصغر
بالصدفه تلكاني
خاب انا مثل الشرف
حط بمكاني الشمس
ما تترس مچاني
وما دام ما غزرت
كلمن يحط عشرته وساعاته وجروحه
وصورتنه تنشك بعد
وعن لا تسولف علي
وتكول شك صورتي
نحطهن بدينه سوه
وكلمن يشك روحه