ردي عليا مش قادر اتسحر💔

تشير التوقعات الى
أنني سأتسحر بعد قليل، ربما سلته

يا انا ياهم في ذية البيت🫤💔

حديث رمضان الديني
_
أتباعي الأعزاء
لاستقبال اطصالاطكم وهمومكم والدعاء لكم وعليكم
_استشارات فطوريه وسحوريه هضميه
_استشارات نفسيه
_استشارات إماطة الأذى
_استشارات الضراط والفسو
_استشارات ميراث وتوريث
_استشارات في جميع انواع الحاجات
_الخ،،، الخ،،،، الخ،،، الخ

شيخكم الموزمبيقي يحييكم من صومعته الربيعيه ويقرأكم السلام

#الشيخ_الموزمبيف

شيخكم الموزمبيقي عاد اليكم بسم الله

وفي آناء الليل وأطراف النهار هناك قمر يغسول 🌚💔
#مشي_حالك

مخزن جنب واحد جت له بنية. وسماها "نتاليا "
واقسم لكم ان راسه يشبه الزعقة ...

يعني ايش من نتاليا
هذا مستحيل يخلف نتاليا..

هذا يخلف بنية المفروض يسميها"نتوء " ولا "نتعة "...ايش ما كان ..

بطلو هنجمة يا اصحابنا .... وعلى قدر فراشك مدد

ضربه قويه جداا ي الله استر

هذه القوارح توحي بأن الخبرة طعفروا سفينة كبيره او طعفرهم...!

#ساع_سفينة_نوح

لاجادين فقط

محتاج هدية لبنت فى حدود 2000 ريال 💙
و محتاج بنت!

و محتاج 2500 سلف للضرورة

مستثمر يمني ع باب الله

#من_سدق

ياخواتنا يا نسواننا...قلنا لكن من رمضان الاول لاتسحرينناش سلته احنا عنصوم بعد الفجر ماعنخزنش

بس شكلكم ما عتبطلوش تيه الطبيعه الا لما ترجعو تنكزو سبع الصبح واحنا مخزنين في المجلس وفاتحين علي الانسي انستنا يا عيد

الليل قصير كرهن بنبعد القات واحنا بنبكي من قوة الطعم تزيد تجي تسحريني سلته ليش هذا قدهو تذارب عيني عينك

#وكيف

قبل شوية وانا راجع من صلاه الفجر تكعبلت ارجلي وسط الشارع وسقطت أرضا من مسافة ارتفاع الرصيف و الحمدلله جات سليمة شوية دحوش و اختفاء بعض ملامح الوسامة لكن الأخلاق باقية و تتمدد...

سلم الله ولله الحمد لكن الشاهد

أن الرجل الذي يحب النساء ملاطف
يعني يحفظه الله وكلما حبيت نسوان أكثر كلما زادت دعواتهن لك فلا تدري أي واحدة منهن تستجاب..
لو كان سقط السقطة احد غيري لا يحب النساء كان راح فيها ولله...

بالمناسبة استقبل "حمدلله على السلامه مع بوكبة ورد في الكنترول
من السيدات فقط..

اما الشباب لا تتعب حالك ياقلبي سلامك وصل وزيادة

المصدر : من الرصيف زات نفسة

قد به نسوان بيفعلين سمبوسه بالتونه.. مابلا ضروري نبسر لهن حل قبل مايفعلين لنا سمبوسه بالحلبه سمبوسه بالقشمي سمبوسه بالتمر

سبمبوسه بالبفك سمبوسه بالمشبك

لاتكنيش تلفين السمبوسه من العشي وانتين مخزنات يا منعاه ماناقص الا تكن تحرف العسيب لورا وهي بتصلح سمبوسه ساع المليس
وتفعل لنا سمبوسه بالكري

عزيزي الرجل اسف ع هذة المعلومة الصادمة

اولكن آغلب النسوان الواتي يتسوق في المعارض في شهر رمضان
لا يستخدمن مزيل العرق او شب الفؤاد مطلقاً
اربط الشال عرض نخرك وانطلق.


مدير مكتب المياه والصرف الصحي

‏اليوم .. لن أطلب شيئًا كعادتي، اليوم أنا أشكرك على كل مرة لطفت بي وأنا لم أكن أهلاً للطف، وعلى كل مرة أنقذتَني في الوقت الذي ظننت فيه أنني لن أنجو مجددًا.

اليوم وكل يوم أتذكر "ولقد مننا عليك مرة أخرى " وأنا أحبك وأشكرك من كل قلبي .. يا رب :))

وانا خاطي العمل

سرت الفرزة ولقيت باص فاضي مافية الا سواق شيبة ويداته قصار طلعت و جلست جمبه. مابلا انا وهو
واحنا بالطريق جزعنا خط مافيه باصات كثير.. وكانت واقفة بنت تأشر لنا..
طلعت معانا وكان واضح إعجابها بي وضوح الشمس..
لدرجة انها من اول ما طلعت ما لفتت لي نص لفتة
حتى يمكن مش دارية ان في كرسي اصلا يجي جنب السواق
وصلنا للمكان اللي اشتي انزل فيه ومانزلتش.. طولت معاهم..
مش عشان شي.. لا بس اشتي كنت اشوف عقله لفين..
المهم قليل و قالت على جنب بنزل.. نزلت من الباص فكت شنطتها وخرجت الزلط وقالت: لو سمحت اعطي له. وراحت.

اللي ثار انتباهي
ليش ماختارتش تطلع الا بالباص اللي انا فية ؟؟
ليش ما لفتت لي خالص من ع ما طلعت ولا كأننا موجود اصلا؟؟؟ مش عشان تخفي اعجابها وماتشتيش تبين لي تقوم تدعمم؟؟؟؟
وليش مااختارتني الا انا امد للسواق الزلط؟؟!
هل ياترى تحبنا ولا مش هل ياترى !!

اذا اديتي لحبيبش تحليه من حق رمضان واعجبته وقلش يا حبيبي اوعديني انش تكوني تسبري لي صحن تحليه كل رمضان واطرحيه في البقاله الي تحت بيتكم

نصيحه قرحي ارجلش هذا مش حق زواجه هذا عايش على المساعدات الغذائية الرمضانيه والسلات الغذائيه وافطار الصائم 🌚

#الله يقدرنا ع فعل الخير
#يسدو_ماليش_دخل

الحمدلله الذي بنعمته تتم الصالحات
اشتريت كلسون وشربه فرده واحده بس

عقبالكم 😐💔

بسرت منشور لبنت
قالت : كل سنه من رمضان اصلي قيام وادعي
يارب ارزقني ابن الحلال وصادق معي ويحبني
والباري ولا بيستجيب ليش؟؟

طبيعي ما يستجب لش
لان مابش فينا صادق وكلنا زقوات
وبلاش نكزب ع بعزينا

جربي تيه السنه ادعي يارب زوجني بالحاصل
وانا اضمن لش مايجي عاشر العيد الا وانتي حريوه

الله يقدرنا على فعل الخير

#امين_شرعي_ع_باب_الله

هيا قولو اليوم سرت سوق حجر

وحين قد وقع شوننه مطر المقاوتة هنجمو فوقي خلاص فجعوني وعدمووو القات قلي مابش قات محد قدر يبعد قات من المطر

طيب يا ابن #الشكلمبيكه عاد المطر اطرح وقت الظهر
وذيك المقوت مصلب مارضيش يختشر
المهم المقوت يشتي في العلاقيه 8
وانا أديت اربعة الف .
والذي كان شقي ادا ستة .
تمت البيعه لصديق الي كان شقي .
زعلت وشليت نفسي وخرجت من المحل حقة

وانا خاطي من عنده اشتد المطر شويه وهو يشتي يفتح المظلة نكعت ع المقوت علاقيه نفس العلاقية حق ابو 8 الف .
مسكت المقوت في كتفه وقلت له ياعم نكعت عليك حاجه ؟
قلي ماهي !
قلت له الالفين هذه . 😔😓

شلها وهو مبتسم وقال حرام انك رجال هات خمسه الف وشل القات وانا قلت خلاص كسرت نفسي و شليت نفسي ومشيت .

والغلطان مننا يتأدب يا جماعه ..🙂

هو من قوة الخدارة اعترفت لكم ولا محد يخرج فضايح هكذا امام الرأي العام ويسير يجابره

انا مارضيت اصور لكم القات لان الرجال الان قد بلغ برقم العلاقية ووزع صورها ع جميع الاقسام والنقاط الأمنية 🤣💔

افتوني هو يستاهل او ماشي 😓💔

⁣💌 وصلتك رسالة جديدة
⏱ وقت الرسالة: 2024/03/26 - 12:53:58 AM
----
انت قلت تستقبل اي اسشارات

الي خايف من بكره ايش يسوي 😿
----

يرقد ويقوم بعد غدوه 😎💔