صحيح ما تاقف الدنيا على غالي
‏وأحيان تاقف وحنا اللي نمشّيها .

لابد من عقب السهر لذّة رقاد
‏ولابد من عقب الكدر جو صافي

" يالله بحظٍ على الدنيا يساعدني
يدركني الغيم واحلامي يحققها .

‏مع السلامه ونتواجه على خير
‏يوم مع الايام مدري متى هو

‏- فيصل الدبالين

‏ " يارب وأحلامي تبي منك
‏تدبير / خلقتها مثلي .. وجت مثلي كبار ".

‏بديت أشوف التفاصيل ، بشكل سلبي
‏إلى متى / وأغلب أوجاعي من أطباعي

‏محتاج أراجع حساباتي ، مع قلبي :
‏أشياء واجد بقلبي / مالها داعي

‏رح في طريقك ولا ترجع على دربي
‏حتى لو دروب هجرك ضاقت وشاكت

‏والله يا لولا غلاك اللي بوسط قلبي
‏ماكان اخليك تجرحني وانا ساكت

‏اليا بتعدنا عن محطات الانظار
‏لا يفرح الشمات ويقول غبنا

‏لنا على روس المهمات محضار
‏وما يوم عن نطح الصعيبات غبنا

‏كيف أتوبك يا أجمل ذنوبي وأوقف عند حدّي
‏ وأنت ذنبٍ لا غفره الله ولا لي عنه توبه

‏اكابر وأقول غيبته ما تهمني
‏وأنا لا جيت أنام مايطري على بال غيره

‏قبالك ينسيني ضحاح الليال السود
‏عساني فدا جادلك والمبسم الناهي

‏ولا تشتكين من الزمن دام "انا موجود"
‏تذري وراي ، وسولفي ، واشربي شاهي

‏ألا ياغزالٍ في عيونك سهوم الموت
‏وفي مبسمك جنة وفي شوفتك راحه

‏ياحلو المعنّق والسوالف وحلو الصوت
‏لو إن السوالف .. بالتغناج ذبّاحه

‏تغار البني من طلّتك والقمر و التوت
‏يا ميّاسة الحسن الطبيعي ومصباحه

‏" فداك العمر وايام الشباب ولمّة الاقراب
‏وسنينٍ تجي وتروح قبلك ماهيب محسوبه "

‏خضار العروق اللي تحت جلدك الشفاف
‏عناقيد ربلٍ ما سفى فوقها .. السافي

‏سمح المحيّا لا ضحك ينجلي الهم
‏جامع تواصيف الرضى في حلاياه

‏لا تختصر وأنت صوتك منوّة السّامع
‏ سولف لو السّالفه مال أُمها داعي ..

لاطوّل السالفه سجّيت عمْد وسهيت
‏كله عشان السوالف ودي يعيدها