‏لك منزلٍ كثروا عليه الحاسدين
لك مسكنٍ غيرك بوسطه ماسكن.

‏ترانا على خبرك ولو دارت الأيام
تغيّر تواريخ السنه .. ماتغيّرنا..

‏يا اهل المناصب والمكاتب والرتب
تجملوا ترا المناصب زايله
ٰ
اللي تردا يلحقه لوم وعتب
واللي تجمّل تنفعه جمايله

‌‎البارحه نصف الوطن كان سهران
الموج الأزرق ذاق طعم الخساره
-
هذاك مستانس وهذاك زعلان
وهذاك متفرّج يحب الإثاره
-
كذا الهلال يصدّر أفراح وأحزان
تِرضي العرب خسارته وانتصاره
💙

‏حنيّـت له والقلب بالبعد مجبور..
وش حيلتي لا اشتقت له مالقيته؟

‏وش حيلة اللي خذاه الجرح واقفابه
شحت فجوج الوساع ولالقى طبّه
.
يشرب من الضيم دمع وتنطق اهدابه
ما العن من الجرح غير اللي تسبّب به

‏تاخذني الطيبه واجيھم من اقصاي
وبعض الاوادم فيھم الطيب ضايـع !

‏أمواتنا راحو تحت ذيك القبور
ماعاد ندري بعدها عن حالهم
ㅤ
يارب زدهم في ظلام القبر نور
وأفسح منازلهم ، وطيّب فالهم.

‏تعلمنا من الدنيا اذا ضاقت نكون كبار
تعلمنا الصبر والهم مازلزل لنا ساحه

من طلب سلم منا يعتبر سالم
ومن طلب شر يبشر قوم حرابه

‏أشرب من سلوم الرجاجيل فنجال
وآعيف من بعض السفاهات دله
ٰ
واذخر لصكات المقادير رجال
واهجر من اشباه الرجاجيل شله .

‏الطيب مثل الصيد نادر ومفقود
والمرجله سيف الرجال وقناها
ٰ
والعز والناموس والفخر والجود
اربع ترا يتعب لها من بغاها ..

‏صار ينسى وصار يتعمد يغيّب
اثر الحكايه كلها كانت كلام .

‏تدور السنين ولا نسينا وجع فرقاه
وعزي لمن مثلي فقد واحدٍ غالي !!

‏لاصرت متعافي وطيب ومستور
غيرك تمنى العافيه والستيره

العافيه تسوى ملايين وقصور
يعرف ثمنها من يلازم سريره .

‏أنا الوطن لا غرّبوك المقفّين
وأنا الوفاء لا خان من هو أمنته ..

‏طق يا مطر وانزل على الأرض رحمه
واشرح صدور اللي عن الذنب تابوا !
ٰ
ويارب .. مع كل دعوه .. وكل كلمه ، !
تسقي ( قبور ) اللي عن العين غابوا

‏ادفن همومك و احذر السر ينباح
ومن ينشدك قله بخير وسلامه .

‏تفداك نفس ساقها الشوق صوبك
ويفداك قلب ما لقى مثلك ، احد
،
وتفـداك عين ماتبي غير ،،، شوفك
ويفداك عمر ما فدى قبلك ، احد ❤️
،،

‏حنا مقادم قوم ونشوف قدام...
واللي يسولف من ورانا ورانـا !