‏من غاب عني لاتجيبون طاريه
خايف احن من الوفا والتفت له

‏السهر مقسوم يالعين الشقيه
لو تبين النوم قلبي ما يطيع ،،

‏لا تنصدم في صدةٍ مالها اسباب
بعض البشر ماله مع الناس مبدى

‏⠀

عفى الله عن قلب ليا قلت وضعه زان
خذا له شوي وعود الوضع مثل اول ..

‏بشويش ياللي ترفع الصوت بشويش
الهـرج واجــــد والفعـل مانعــــــده

قولٍ بليا فعــــل مــــــا يكلك عيـش
ان كان ماعندك على الطيب شـده

ولو المراجل تنشرا بالبخـــــاشيش
شفت الرخـوم تنافس أهل الأشده
لكنها ماحـازها ألا المــــــــــداغيش
اللي على كسب النعم مستعــــده

‏تذهب كنوز الحياة وزيفها الفاني
ولا يثبت الا كنوز الحق والسنّة

إصنع من أيام عمرك عمرك الثاني
عساك إذا متّ بكرة تدخل الجنّة

‏ماوصلت ابوي في طيبه و قوة باسه
بس انا من قوّ باس ابوي يقوى باسي

ودي اني حايشٍ الطيب "وارفع راسه
بس حاش الطيب كله قبل يخلق راسي

لا تلتفت في حسايف وقتك الماضي
غامر على العز ، والتوفيق عند الله .

‏في خاطري شيٍ والأيام قدام
اما خذاني الوقت ولا خذيته !

‏مانلتفت للي تشوم النفس عنه
وإن طمعنا ما طمعنا إلا بالثمين

‏قصّر على صوت الحياة وغنّ لي
انت صوتك ، شي دافع للحياة ..

‏خلوه يرقد والليالي تصحيه
ويقوم من نومه بليا منادي .

‏من لايحس بقيمتك وانت موجود
ما هو بناشد عنك لا صرت غايب .

‏" اترك الي جدها سوى وسوى .. "
وانحر اللي جدها انتاجه ، حريقه

‏اللي يبيك يجيك لو دونك.. قيود
يكسر ع شانك خشوم الصعايب

‏لاتخدعـك دمعـه ولايخدعك بوح
بعض الغلا أحيان ماله معانـي

كم واحد كنت احسبه حسبة الروح
صدت به سنين الحياة ونساني 💔