‏من غبت .. والدنيا علينا قوايل
ما من ذرا يا ابوي عقبك ، ولا ظل

‏يارب عطني من عطاياك ثنتين
صبراً على الدنيا وحسن الخاتمه

‏التجارب علمتنا الخطا قبل القدا
وعلمتنا كيف نعطي الرجال حقوقها

‏تجارب الوقت . . مامرّت مرور الكرام
خلّت عقول الرجال اكبر من اعمارها

‏ياللي خطفت بكل ما فيك الاضواء ؟
قربك وطن .. عمري وغيبتك .. غربه

‏من لاحسب قبل النسب معدن الخال
" لا ينشد المولود ،، من وين عيبه "

‏الله ولا بعض ( الكـلام ) اللي يحطك في حرج
الكلمة اللي ( ما تجـمّل ) خلـها في فالـها ..!
.
ودك يقولون العرب( وش فيه ساكت ماهرج )
ولا يقولون العرب ( ليتـه سـكـت ما قـالهـا )

‏لك حشمة الغالي ولك هيبة ملك ،
وغلاك عندي شي ما يلحق مداه .

‏أنا يوم أدير الذاكره في زمانٍ راح
ألا يا سنينٍ ماضيه ، زين ماضيها

‏للمرجله والعز والصيت وقفات ..
تحسب لمن عزم وقام ووقفها ..

‏علي حقوق أهل الوفا ماتعديت
ولا الردايا امرهم واتعدا
ٰ
ياكثر ماغمضت عيني وصديت
مااحب اشوف الطيّب اليا تردا

‏اثر الشدايد تكشف الناس للناس
و يبين فيها اهل الحكي و الصمايل
ٰ
كم واحدٍ وقت الرخا تحسبه راس
ولا هبّته هوج العواصف تمايل ..

‏عز الله إن الشدايد مختبر للرجال
تكشف بها معدن الاصحاب بعد وقبل

تعرف رفيقك ليا حدّتك شهب الليال
أما لقيته خلا .. وألا لقيته جبل !!

‏من غاب عني لاتجيبون طاريه
خايف احن من الوفا والتفت له

‏السهر مقسوم يالعين الشقيه
لو تبين النوم قلبي ما يطيع ،،

‏لا تنصدم في صدةٍ مالها اسباب
بعض البشر ماله مع الناس مبدى

‏⠀

عفى الله عن قلب ليا قلت وضعه زان
خذا له شوي وعود الوضع مثل اول ..

‏بشويش ياللي ترفع الصوت بشويش
الهـرج واجــــد والفعـل مانعــــــده

قولٍ بليا فعــــل مــــــا يكلك عيـش
ان كان ماعندك على الطيب شـده

ولو المراجل تنشرا بالبخـــــاشيش
شفت الرخـوم تنافس أهل الأشده
لكنها ماحـازها ألا المــــــــــداغيش
اللي على كسب النعم مستعــــده